Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡырыҫ түгел миңә был яҡтар...

“Мәктәп — минең өсөн яҡтылыҡ, изгелек иле”, — ти алдынғы уҡытыусы.

Уҡытыусы — ул талапсан һәм ҡәтғи, әммә йомшаҡ күңелле, кешелекле, һәр ваҡыт ярҙам итергә әҙер торған күркәм шәхес һәм изге йән. Ул белем биреүсе генә түгел, ә тормошто һәм кешеләрҙе яратырға өйрәтеүсе, балаларҙың күңеленә изгелек орлоғо сәсеүсе лә. Ысын уҡытыусы ғына баланың һәләтен артабан үҫтерә белә, тормошта үҙ урынын табырға өйрәтә ала. Элек-электән был һөнәр мәрхәмәтлеләрҙән һанала, тик балаларҙы яратҡандар ғына уны үҙ итәлер, моғайын.

Оло Ыҡтамаҡ башҡорт гимназия­һының юғары категориялы башҡорт теле һәм әҙәбиәте уҡытыусыһы Зилиә Фәтҡуллина — ана шундайҙарҙың береһе. 30 йылға яҡын башҡорт теле һәм әҙәбиәтенән белем биреү менән бер рәттән балаларҙа милли үҙаң, фекерләү ҡеүәһен үҫтереү, рухи-әхлаҡи, патриотик һәм, иң мөһиме, һәр яҡтан тулы үҫешкән шәхес тәрбиәләү бурысы менән йәшәй һәм янып эшләй.

Зилиә Закирйән ҡыҙы – Йылайыр районының Үрге Сәлим ауылынан. Ауыл мәктәбендә белем эстәгәндән һуң артабан уҡыуын Сибай мәктәп-интернатында дауам итә. Уҡыу осоронда тырыш ҡыҙ мәктәп тормошонда әүҙем ҡатнаша, төрлө сара-байрам­дарҙың уртаһында ҡайнап, класташтары араһында абруй ҡаҙана. Мәктәп етәкселеге лә, уны һәр яҡтан маҡтап телгә алып, “киләсәктә һинән бынан тигән уҡытыусы сығасаҡ, яҙмышыңды балаларға белем биреүгә арнаһаң, үҙ юлыңды табасаҡһың” тигән теләк­тәрен белдерә. Яҡшы билдәләргә генә өлгәшкән ҡыҙ ҡулына өлгөргәнлек аттестаты алғас, һис ике­ләнеүһеҙ документтарын Стәрлета­маҡ дәүләт педагогия академияһына тапшыра.

— Бала саҡтан уҡытыусы булырға хыялландым, тиһәм дә, хата түгел, сөнки бәләкәй туғандарымды иҙәнгә теҙеп ултыртып, уларға үҙем белгән хәрефтәрҙе танытып, төрлө мәсьә­лә­ләр сисергә өйрәтә инем, — ти алдын­ғы уҡытыусы. — Миңә тәүге һа­баҡ биргән уҡытыусыларым да быға сәбәпсе булғандыр, әле лә улар менән осрашып торам, кәңәштәренә мохтажмын.

Юғары белем алғас, яҙмыш уны Мәсетле тарафтарына алып килә. Ошонда тормош иптәше Айҙар Мансур улы Фәтҡуллинды осрата. Бер йылдан һуң йәштәр ғаилә ҡороп, район үҙәгендә төпләнә. Әйткәндәй, ире ошо уҡ гимназияла физкультура уҡытыусыһы булып эшләй, еңел атлетика, волейбол буйынса түңәрәктәр алып бара. Айҙар Мансур улы ла — мәктәптең ғорурлығы, 2009, 2010 йылдарҙа район физкультура уҡытыусыларының “Йыл уҡытыусыһы” конкурсында еңеүсе булған.

Зилиә Фәтҡуллина әсә телен бар күңелен биреп уҡытып ҡына ҡалмай, ә башҡа милләт балаларында ла башҡорт теленә ҡарата һөйөү тәрбиәләй. Алдынғы ҡарашлы, талапсан уҡытыусы матбуғат яңылыҡ­тары, заманса уҡытыу технологиялары менән даими танышып бара, район, хатта республика кимәлендә асыҡ дәрестәр күрһәтеп, бай эш тәжрибәһе менән дә уртаҡлашырға ваҡытын йәлләмәй. Уның етәксе­легендә белем алған уҡыусылар йыл һайын башҡорт теле һәм әҙәбиәте буйынса район, республика олимпиадаларында яҡшы һөҙөмтәләргә өлгә­шә. Телем, илем тип янып эшләгән Зилиә Закирйән ҡыҙы Рәсәй, Баш­ҡортостан Мәғариф министрлыҡ­тарының Маҡтау ҡағыҙҙарына лайыҡ булған. 2006 йылда “Йыл уҡытыу­сыһы” республика конкурсында “Сәсән уҡытыусы” номинацияһында еңеү яулай, 2007 йылда “Мәғариф” өҫтөнлөклө милли проекты сиктәрендә иғлан ителгән конкурста ҡатнашып, грант алыуға өлгәшә.

Фәтҡуллиндарҙың өлкән улдары Айрат яҡшы билдәләргә генә уҡый, спорт, музыка менән мауыға. Кесе улдары Данир иһә һүрәт төшөрөүгә әүәҫ, моңға ғашиҡ. Был изге йөрәкле ғаилә, Айҙарҙың бер туған апаһы вафат булғас, уның улы Русланды ла үҙ ҡосағына һыйындыра. Руслан да мәктәптә ойошторолған төрлө байрам сараларының уртаһында ҡайнап, башҡа туғандары кеүек, яҡшы билдәләргә генә өлгәшә.

— Тәүҙә Мәсетле районы ят тойолдо, тәбиғәте лә, халҡы ла ҡырыҫ күренде, бөгөн иһә был яҡтар миңә бик яҡын, ҡәҙерле, — ти Зилиә Закир­йән ҡыҙы. — Яратҡан эшем, мине ярты һүҙҙән аңлаған ғаиләм, хеҙмәт­тәштәрем бар, үҙемде бәхетле тоям.

Автор: Самат ҒӘЛИН
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 52

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 54

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 41

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 92

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 162

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 73

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 72

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 93

Күмәкләшеп ҡурсаҡ уйнаныҡ

Күмәкләшеп ҡурсаҡ уйнаныҡ 12.02.2019 // Белем һәм тәрбиә

Ҡурсаҡ иң боронғо уйынсыҡтарҙан һанала. Өлкәндәр был тәтәйгә ҙур иғтибар биргән, сөнки ул –...

Тотош уҡырға 89

“Ура, карантин!”

“Ура, карантин!” 12.02.2019 // Белем һәм тәрбиә

Киҙеү һәм киҫкен респиратор вирусы инфекцияһы сирҙәре таралыу кимәле юғары булыу сәбәпле, Өфөлә 12...

Тотош уҡырға 92

Упҡын ситендә торғанда...

Упҡын ситендә торғанда... 12.02.2019 // Белем һәм тәрбиә

Сит илдәрҙең күбеһендә һәр өлкән кешенең шәхси психологы булыуын беләһегеҙме? Төшөнкөлөккә...

Тотош уҡырға 69

Бүләктең дә ниндәйе!

Бүләктең дә ниндәйе! 12.02.2019 // Белем һәм тәрбиә

50 йыллыҡ бай тарихы булған Мөсәлиә Хәйруллина исемендәге Кәшкәләү урта мәктәбен Борай районында...

Тотош уҡырға 128