Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мәктәптәргә ярҙам итәсәкбеҙ”
“Мәктәптәргә ярҙам итәсәкбеҙ”
Радий Хәбиров педагогтарға бер нисә аныҡ тәҡдим менән мөрәжәғәт итте.

“Торатау” Конгресс-холында “Взлетай” (“Ос”) мәктәп белеменең беренсе форумы ойошторолдо. Унда Башҡортостан Башлығы вазифаһын ваҡытлыса башҡарыусы Радий Хәбировтың ҡатнашыуы сараға мәртәбә өҫтәне. Фойела төрлө белем биреү учреждениелары бай китап күргәҙмәһе ойошторҙо, ә “Балалар һәм диетик туҡланыу” үҙәге үҙҙәренең аш-һыуы менән таныштырҙы.

Радий Хәбиров белдереүенсә, йыйы­лыуҙың үҙенә күрә сәбәптәре лә бар – киләсәктә тыуған республикабыҙ мәктәп­тәрендә белем биреү нисек алып барылырға тейеш? Әлбиттә, алдыбыҙҙа мөһим бурыстар тора. Ил Президенты бихисап милли проекттар тәҡдим итте. Өҫтөнлөклө йүнәлештәрҙең береһе – “Мәғариф” милли проекты. Һөҙөмтәлә 2024 йылда уҡытыу сифаты буйынса тәүге ун ил исемлегенә инергә тейешбеҙ.

Радий Фәрит улы өлгөрөп еткән бер нисә аныҡ тәҡдим менән педа­гогтарға былай тип мөрәжәғәт итте:
– Бәлки, республикабыҙҙа аҙна­һына биш көн уҡытыуға күсергә ваҡыттыр? Әйҙәгеҙ, ошо турала уйлашайыҡ. Бөгөн ғәзизебеҙҙе нисек күҙ алдына килтерәбеҙ? Ул – арыған һәм талсыҡҡан бала, аҙнаһына алты көн буйына уға белем бирергә ынтылабыҙ. Шул уҡ ваҡытта уларҙың мәктәптән һау-сәләмәт, бәхетле сығыуын теләйбеҙ. Бының өсөн нимә тәҡдим итәбеҙ?

Республика етәксеһе бушап ҡалған шәмбе көндәрен файҙалы итеп уҙғарыу кәрәклегенә баҫым яһаны. Әйтәйек, спортҡа, тыуған яҡты өйрәнеүгә һәм бүтән тармаҡҡа ваҡытты бүлеү насар түгел дә инде. Шул уҡ ваҡытта биш көнлөк уҡыуға күсеү уҡытыусыларҙың матди хәлендә сағылыш табырға тейеш түгел, тине ул.

Радий Хәбиров тыуған яғы Ишембай районына эш сәфәре барышында муниципаль район хаки­миәте башлығы менән Бәрҙешле ауылына һуғылыуын телгә алды. Бында башланғыс кластар мәктәбе эшләһә лә, бер ҡасан да балалар баҡсаһы булмаған. Хәҙер иһә, киреһенсә, мәктәпте ябып, уны балалар баҡсаһы итеп үҙгәрткәндәр. Республика етәксеһенең һүҙҙәренә ҡарағанда, ауыл мәктәбен тамамлап, оло донъяға сыҡҡан балаларға өҫтәмә конкурент була алырлыҡ өҫтөнлөктәр тураһында уйланыу зарур. Шуның өсөн дә “Взлетай” проектын мәктәп программаһына индереүҙе тәҡдим итеү отошло. Мәҫәлән, водитель таныҡлығы үҫмергә бик тә кәрәк.

Радий Фәрит улы егет һәм ҡыҙ­ҙарға вальс бейергә өйрәтеү ха­ҡында ла тәҡдимен еткерҙе, юғиһә ысын бейеү урынына, бер урында тапаныуҙан ары китә алмайҙар.

– Тағы ла кешегә нимә кәрәк? – тип дауам итте сығышын республика етәксеһе. – Миңә ҡалһа, инглиз телендә аралашыу. Ысынлап та, балаларҙы инглиз теленә өйрәткәндә күп ваҡытты орфография менән грамматикаға бүләбеҙ. Сит илгә барғанда ул инглиз телендә иркен һөйләшә белергә тейеш. Шулай уҡ шахмат уйнарға өйрәнеү, милли мәҙәниәтте, милли телдәрҙе белеү тураһында ла фекер алышайыҡ.

Төбәк етәксеһе ауыл мәктәбе мәсьәләһенә айырым туҡталды. Радий Фәрит улы әйтеүенсә, “Ауыл уҡытыусыһы” программаһын раҫ­лау тәҡдиме менән сығыш яһаясаҡбыҙ. Мәҫәлән, быйыл уҡ бюджетҡа 60 миллион һум аҡса һалып ҡуйып, киләсәктә ауыл уҡытыусыһына 600 меңәр һумдан 100 грант булдырыу үҙен аҡлаясаҡ.

Ауыл тигәндән, “мәктәп автобусы” төшөнсәһе күптән телмәргә инде. Әле бөтәһе 1200 автобус иҫәпләнә, 1,5 мең бала уларға ышанып тапшырылған. Ҡайһы бер райондарҙа водителдәр автобус салонын байрамса биҙәгән, ә кемдәрҙер балаларҙы мәктәпкә илткәндә йәки өйҙәренә алып ҡайтҡанда хатта йырлап та ала икән. Радий Хәбиров Башҡортостан Транспорт һәм юл хужалығы буйынса дәүләт комитетына күтәрен­ке кәйеф өләшкән водителдәрҙе дәртләндереү сараһын күреү хаҡында уйларға ҡушты.

Республика етәксеһе уҡыусы балалар араһында таралған буллинг, скулшутинг, кибербуллинг кеүек яуыз­лыҡҡа ҡаршы көрәшергә са­ҡыр­ҙы, мәктәптә ирекмән хәрәкәтен үҫтереү кәрәклеген һыҙыҡ өҫтөнә алды.

– Һүҙ ҙә юҡ, барыбыҙ өсөн дә иң мөһиме – сифатлы белем биреү. Әгәр ҙә рейтинг формаһын индер­һәк нисек булыр икән? – тине Радий Фә­рит улы. – Йыл һайын 10 иң яҡ­шы ҡала һәм 10 иң алдынғы ауыл мәк­тәбен билдәләп, гранттар тап­шырһаҡ, ул мәктәп үҫешенә ҙур йоғон­то яһаясаҡ. Йәнә бына нимә тураһында һүҙем, әйҙәгеҙ, һәләтле балаларҙы ҡурсалайыҡ. Улар Мәскәү, Санкт-Петербург вуздарында уҡыһын, уның ҡарауы, туған республикабыҙға эшкә ҡайтһын! Шулай уҡ беҙҙең белем биреү усаҡтары тигеҙ мөмкинлек бирелгән мәктәптәр булып ҡалһын ине.

Пленар ултырыштан һуң эш фекер алышыу майҙансыҡтарында дауам итте. “Заманса донъяның яна­уы һәм беҙҙең яуап”, “Һәр ба­лаға тигеҙ белем алыу мөм­кин­лек­тәре”, “Һәләтле балаларҙы педа­гог­тарҙың ҡурсалауы”, “Сыға­рылыш уҡыусыларының конкурент­лылы­ғын күтәреү”, “Уҡытыусы ауылда – позицияны нығытыу”, “Һанлы быуат мәктәбе”, “Заманса хәүефһеҙ мәктәп”, “Мәктәп ашха­наһы – эҙмә-эҙлекле мөнәсәбәт” һәм башҡа секция эштәре шуға асыҡ миҫал.

Республика етәксеһе яңы эш форматы – “Мәғариф сәғәте”н аҙнаһына ике тапҡыр үткәреүҙе әйтте, ә мәктәп белеме форумы йыл һайын уҙғарыласаҡ, тине.

Зинфир ҒӘЛИНУРОВ, Яңауыл ҡалаһының 4-се мәктәбе директоры:
– Алыҫ тарафтарҙан мәғарифҡа ҡағылышы булған хәбәр ишетергә тип ашҡынып килеп еттек. Әлбиттә, уҡытыуҙың элекке алымдары насар түгел, шул уҡ ваҡытта яңы йүнәлештәр ҙә кәрәк. Шул турала бигерәк тә уйланабыҙ. Мәҫәлән, мәктәптә ирекмәндәр хәрәкәте тураһында һүҙ булды, әлбиттә, уларҙы үҫтерергә кәрәк.

Зөлфидә МУЛЛАҒӘЛИЕВА, Бишбүләк районы Бишбүләк ауылы 2-се мәктәбенең башҡорт теле һәм әҙәбиәте уҡытыусыһы:
– Уҡытыусы – ауылда төп фигура, уҡытыусы барыһын да үҙенең эсенә ала. Ул мәғрифәтсе лә, ирекмән дә, төрлө мәҙәни сарала ҡатнашыусы ла, ҡыҫҡаһы, һәр башланғыстың башында тороусы. Элекке шикелле ауыл уҡытыусыһының абруйы ниндәй кимәлдә? Балаларҙың педагогка ҡарата мөнәсәбәте нисек? Ә бына республика етәксеһенән ауыл мәктәбенә иғтибарҙы ишетеп ныҡ ҡыуандым.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Беренсе"лә белемеңде һынап ҡара!

"Беренсе"лә белемеңде һынап ҡара! 15.02.2019 // Белем һәм тәрбиә

Рәми Ғарипов исемендәге 1-се башҡорт республика гимназия-интернаты Башҡортостан Мәғариф министрлығы...

Тотош уҡырға 75

Апрель нимә вәғәҙә итә?

Апрель нимә вәғәҙә итә? 15.02.2019 // Белем һәм тәрбиә

Башҡорт дәүләт университетында Башҡорт АССР-ы ойошторолоуҙың – 100 һәм Башҡорт дәүләт...

Тотош уҡырға 62

Стәрлетамаҡ өсөнсө йыл алдынғы

Стәрлетамаҡ өсөнсө йыл алдынғы 15.02.2019 // Белем һәм тәрбиә

Ошо көндәрҙә Рәсәйҙең Фән һәм юғары белем министрлығы юғары уҡыу йорттарының һөҙөмтәлелегенә йыллыҡ...

Тотош уҡырға 45

Изгелек һәм  тыныслыҡ йырсыһы

Изгелек һәм тыныслыҡ йырсыһы 15.02.2019 // Белем һәм тәрбиә

“Башҡортостан уҡытыусыһы” журналы былтыр йыл һуҙымында халыҡ шағиры Мостай Кәримдең тормош юлына...

Тотош уҡырға 108

"Дәрес булмай, ҡар көрәгеҙ!"

"Дәрес булмай, ҡар көрәгеҙ!" 13.02.2019 // Белем һәм тәрбиә

Өфөләге 69-сы мәктәптең IX класс уҡыусыларын физкультура дәресе урынына тышҡа ҡар көрәргә...

Тотош уҡырға 167

Финанс белемлелек көн дә кәрәк

Финанс белемлелек көн дә кәрәк 13.02.2019 // Белем һәм тәрбиә

Башҡортостан мәғарифты үҫтереү институтында дөйөм һәм һөнәри белем тармағында финанс белемде...

Тотош уҡырға 92

Сибай менән Ҡостанай араһына – дуҫлыҡ күпере

Сибай менән Ҡостанай араһына – дуҫлыҡ күпере 12.02.2019 // Белем һәм тәрбиә

БДУ-ның Сибай институтына, шул яҡ төбәк йәштәренән тыш, Рәсәйҙең төрлө ҡалаларынан, сит...

Тотош уҡырға 76

“Ҡояшҡай” балаһының теләге

“Ҡояшҡай” балаһының теләге 12.02.2019 // Белем һәм тәрбиә

Борай ауылындағы “Ҡояшҡай” балалар баҡсаһы – районда һәр йәһәттән дә алдынғылар исемлегендә. Белем...

Тотош уҡырға 95

Күмәкләшеп ҡурсаҡ уйнаныҡ

Күмәкләшеп ҡурсаҡ уйнаныҡ 12.02.2019 // Белем һәм тәрбиә

Ҡурсаҡ иң боронғо уйынсыҡтарҙан һанала. Өлкәндәр был тәтәйгә ҙур иғтибар биргән, сөнки ул –...

Тотош уҡырға 91

“Ура, карантин!”

“Ура, карантин!” 12.02.2019 // Белем һәм тәрбиә

Киҙеү һәм киҫкен респиратор вирусы инфекцияһы сирҙәре таралыу кимәле юғары булыу сәбәпле, Өфөлә 12...

Тотош уҡырға 111

Упҡын ситендә торғанда...

Упҡын ситендә торғанда... 12.02.2019 // Белем һәм тәрбиә

Сит илдәрҙең күбеһендә һәр өлкән кешенең шәхси психологы булыуын беләһегеҙме? Төшөнкөлөккә...

Тотош уҡырға 73

Бүләктең дә ниндәйе!

Бүләктең дә ниндәйе! 12.02.2019 // Белем һәм тәрбиә

50 йыллыҡ бай тарихы булған Мөсәлиә Хәйруллина исемендәге Кәшкәләү урта мәктәбен Борай районында...

Тотош уҡырға 147