Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ике донъя, бер мөрйә...”
“Ике донъя, бер мөрйә...”Рәсәй һәр йәһәттән дә күтәрелеш кисерә, хеҙмәт баҙары айырыуса икенсе һулыш алды. Төрлө предприятиеларҙың асылыуы тураһында хәбәрҙарбыҙ, үҙ сиратында, халыҡ эш урындары менән тәьмин ителә. Улай ғына түгел, был тәңгәлдә шарттарҙың яҡшырыуын, хеҙмәт хаҡының ваҡытында түләнеүен һәм башҡа ыңғай күрһәткестәрҙе телгә алырға була. Халыҡты эш менән тәьмин итеү үҙәге вакансиялар йәрминкәһен даими үткәреп тора. Ҡыҫҡаһы, теләгәндә юҡты бушҡа ауҙарып, аптырап йөрөмәҫһең, егәрлеләргә еңде һыҙғанырға ғына ҡала. Кредиттар солғанышында йәшәүҙе иҫәпкә алғанда, тырышмай сараң юҡ.


Әлбиттә, көнлөксө хәлендә көн итеүселәр ҙә осрай. Ҡыҙғаныс, әлбиттә. “Хилафлыҡ юҡ та инде, берәүҙең дә өлөшөнә инмәй, уғрылыҡ юлына баҫмаған”, — тип яҡлашырға ашыҡ­мағыҙ. Ил етәкселеге халыҡ мәнфәғәтен хәстәрләгәндә (эш табыу йәһәтенән уңайлыҡтарҙы күҙ уңында тотам) ниңә унан баш тартырға?
Шулай әзмәүерҙәй бер ағайҙың ауылдаштарының донъяһын бөтәйтеүе уйға һалды. Заманында зоотехникка уҡыған. Өй беренсә йөрөп тамаҡ хаҡына бесән сабыу, утын ярыу, мал ҡарау, һыу ташыу, ҡар көрәү кеүек мәшәҡәт­тәргә күмелгән ул. “Иртәгәһен ишәк ҡайғыртҡан” принцибына тоғро. Урындағы хакимиәт ҡарауылсы, урам һепереүсе эштәрен тәҡдим итһә лә, ризалашмаған. Үҙенә үҙе юл ярыу уға сит, ә һәр саҡ “шуны алып кил, быны ташы” тип кемдеңдер ҡушыуына ғына өйрәнгән. Йәшелсә, еләк-емеш сәсеп, мал аҫрап файҙаһын күреүҙе һөйләп тораһы ла түгел.
Әйткәндәй, һәр ҡалала тиерлек, бигерәк тә ҙурҙарында “күләгәле” хеҙмәт баҙарында эш биреү киң таралған. Уларҙы йыраҡтан да еңел таныйһың: “тимурсылар” тигән ат башындай яҙыуҙы һуҡыр ҙа күрер, бынан тыш, ғәҙәттә, тәғәйен бер урында ир-ат өйкөлөшөп тороусан. Ҡасан ҡарама, бер үк кешеләр, кәмемәгән дә, артмаған да кеүек.
Көнлөксөләрҙең контингенты төрлөсә, кемдәр генә юҡ, йәш буйынса ла айырылалар. Студенттарҙың ни өсөн был яҡҡа ыңғайлауын аңларға мөмкин, ә бына айыу тотоп йығырлыҡтарға нимә ҡалғандыр? Киләсәкте күҙ уңында тотҡан кешеләр хеҙмәт стажы, социаль яҡтан яҡланыу, тимәк, ҡартлығы хаҡында көн-төн уйланғанда, ҡайҙалыр ваҡытлыса тир түккәндәргә пенсия төшөнсәһе ике ятып бер төшөнә инмәй, ахыры. Былай бит рәхәт, яуаплылыҡ юҡ, башты эшләтеп уй-пландар ҡорорға ла кәрәкмәй. Ҡом йәки ер ташыу, стена боҙоу, түтәл ҡаҙыу, бүрәнә йәки таҡта бушатыу һәм бүтән шуның кеүек ауыр эште үтәне лә шуның менән вәссәләм. “Ике донъя, бер мөрйә” тип ғүмер иткән бәндәләр ҡулына төшкән генә аҡсаһына бер “сикүшкә” алып эсһә, бөгөнгә шул еткән. Һөйләүҙәренсә, ҡайһы бер йомарт хужаларҙың тамаҡ ялғатыуы – ҙур бәхет. Иртәгәһен иһә аяҡтары өйрәнгән тағы шул уҡ урынға алып барасаҡ...
Байҙарҙың арзан эшсе көсөн иркен ҡулланыуы болғансыҡ һыуҙа балыҡ тотоп ҡалырға маташыу менән бер. Тейешле аҡсаһын еткермәй бирһә лә, бының өсөн уға берәү ҙә тәнҡит һүҙе әйтмәйәсәк. Бил бөгөүсенең дә быны таптырыуы икеле, “әҙерәк бит әле” тип өнөн дә сығармаясаҡ.
Кеше көнлө булыуға нимә сәбәпсе? Түбән социаль ҡатлам кешеләрен ошо төркөмгә индерәләр. Улар бер ниндәй ҙә һөнәргә эйә түгел, белеме лә юҡ. Элек шулайыраҡ булған, хәҙер иһә был саҡ ҡына икенсе йүнәлеш ала бара. Баҡтиһәң, башлыса “төшөрөргә” әүәҫ һәм ғаиләһенән сығып киткәндәр бындай йәшәү рәүешен үҙләштергән.
“Көнлөксөләр азат тормошто үҙ иткән” тигән фекерен еткерҙе күршем. Дөрөҫлөк бар был һүҙҙәрҙә, әммә бер бирелгән ғүмерҙе лайыҡлы итеп йәшәүгә ни етә!..

Автор: И. Аҡъюлов.


Беҙҙе Яндекс Дзен лентаһында уҡығыҙ
Комментарий өҫтәргә






Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 61

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 49

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 62

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 94

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 65

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 79

Боронғо шөғөл тергеҙелә

Боронғо шөғөл тергеҙелә 24.08.2018 // Эшҡыуар

Кейеҙ – башҡорттарҙың көнкүрешендә киң ҡулланылған ғәҙәти материал. Уның төп тәғәйенләнеше – тирмә...

Тотош уҡырға 74

Ысын оҫталар булғанда...

Ысын оҫталар булғанда... 22.08.2018 // Эшҡыуар

Ишембай нефть техникумын тамамлап, 1979 йылда көнкүреш хеҙмәте күрһәтеү идаралығына ҡыйыуһыҙ ғына...

Тотош уҡырға 114

Йөк бергәләп тартҡанда ғына еңел

Йөк бергәләп тартҡанда ғына еңел 16.08.2018 // Эшҡыуар

Яңы Яппар ауылында бик егәрле, уңған халыҡ көн итә. Улар, береһенән-береһе уҙҙырып, матур йорттар...

Тотош уҡырға 122

Ергә эйелергә йыбанмаһаң...

Ергә эйелергә йыбанмаһаң... 15.08.2018 // Эшҡыуар / Анонстар

Илле дүрт сутый баҡса. Аҙмы был, күпме? Йөҙәр гектар баҫыуҙарҙа эш иткәндәргә бындай ҙурлыҡтағы...

Тотош уҡырға 210

“Был – беҙҙең ҡала”

“Был – беҙҙең ҡала” 15.08.2018 // Сәйәсәт / Эшҡыуар

Октябрьский ҡалаһындағы “НефтеМодульКомплект” фәнни-етештереү предприятиеһы был төбәктә уңышлы...

Тотош уҡырға 147

“Бал” тигәндән генә ирендәр балланмай…

“Бал” тигәндән генә ирендәр балланмай… 14.08.2018 // Эшҡыуар

Сиҡат тауы яғынан томан күтәрелә. Уны йырып бер кеше килә. Барыһы яҡын, таныш, ҡәҙерле уға: ысыҡтан...

Тотош уҡырға 100