Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һабантуйҙан кәм түгел...
Һабантуйҙан кәм түгел...Редькин ауылына етәрәк аҡ башлы түмәләстәр күҙгә ташлана. Әйтерһең дә, бәләкәй генә тауҙар, йәй уртаһы булыуға ҡарамаҫтан, уларҙың өҫтөндә һаман да ҡар ята. Әлбиттә, был ҡар түгел, ә теплицалар. Ауыл янында теплицалар (бөтәһе һигеҙ) ҡалҡытҡан тырыш егет Элхан Гасанов булыр. Бынан бер нисә йыл элек ул “Һабантуй” яуаплылығы сикләнгән йәмғиәтен ойошторған.

– Беҙҙә һауа торошо төрлөсә булып ала, ҡырыҫлығына өйрә­неп бөттөк, – тип һөйләй пред­приятиеның бригадиры Әлфиҙә Мәҡсүтова. – Шулай булыуға ҡарамаҫтан, ҡаты һыуыҡтарҙа ла бында етештерелгән аҙыҡты халыҡ ашап кинәнә.
Ысынлап та, йыл әйләнә­һе­нә, хатта ҡыш миҙгелендә лә магазин кәштәләрендә ҡыяр кү­реү – ғәҙәти күренеш. Унһыҙ хә­ҙер бер ниндәй табын әҙер­лән­мәй, тиерлек. “Һабантуй” йәмғиәтенең теплица хужалы­ғында етештерелгән йәшелсәгә урында ла ихтыяж ҙур.
Тауарҙы етештереүҙе таяҡтың бер осо тип ҡараһаҡ, уны һатыу – икенсе мәсьәлә. Был хаҡта ни әйтерҙәр?
Баҡтиһәң, предприятие әҙер продукцияны район үҙәгенең күп кенә магазиндарына, шулай уҡ ауылдарға ла һатыуға сығара. Дүртөйлө ҡалаһы һәм районында, Нефтекама, Ағиҙел һәм Яңауыл ҡалаларында ғүмер итеүселәр ҙә “Һабан­туй”ҙың йәшелсә­һенән ауыҙ итергә өлгөргән.
Әлфиҙә Дарвин ҡыҙы белде­реүенсә, заманға яраҡлаш­тырылған теплицала ҡыярҙың иртә уңыш биргән “геракл” сортын үҫтерәләр. Элиталы ор­лоҡтарҙы Голлан­дияның Мәскәүҙәге вәкиллегенән алалар. Хеҙмәткәрҙәре йыл дауамында тырышып эшләй, сөнки йәш балаға ниндәй тәрбиә кәрәкһә, йәшелсә лә шундай уҡ хәстәрлек талап итә.
Бер майҙансыҡта күҙҙең яуын алып үҫеп ултырған сәскәләргә күҙ төштө. Ҡыярҙан тыш, төрлө сәскә үҫентеләрен дә сығаралар республика баҙарына. Күмәртәләп алыусылар менән килешеү төҙөлгән, шуға ла продукция түтәлдән ҡулланыусыларға тиҙ арала барып етә.
– Бына нисәнсе йыл инде халыҡты сифатлы һәм арзан продукция менән ҡыуанды­рабыҙ. Етеш­тергәнебеҙ баш­ҡалар­ҙыҡынан һис кәм түгел, хатта беҙҙекен нығыраҡ маҡтайҙар һымаҡ, – ти бригадир. – Теплица хеҙмәткәрҙә­ренең эшкә дәрте ташып тора, сөнки хеҙмәт хаҡы ваҡытында түләнә, төрлө социаль яҡлау саралары ла ҡаралған.
Йәшелсәне көн аша йыйыу ойошторолған. Улар унар килограмлап ҡатырға йәшниктәргә тултырыла, унан инде заказ биреүселәр килеп тә ала. Шуныһы иғтибарға лайыҡ: ул көндә предприятие майҙансығы һабантуй шикелле гөрләп тора.
Бында уңғандар гектарынан 40 килограмм продукция ала. Ике тәүлек арауығында өс тонна ҡыяр йыйып алалар, ғөмүмән, йыл башынан 120 тонна продукция тапшырғандар.
Элхан Мөхәббәт оғлы Ҡуян һәм Редькин ауылдарынан бөтәһе 15 кешегә хеҙмәт урыны булдырған. Эш өсөн уңайлы шарттар тыуҙырылған: һигеҙ мең квадрат метрлыҡ теплица газ менән йылытыла, бөтә нәмә тиерлек автоматлаштырылған, һәр ерҙә заманса ҡорамалдар файҙаланыла, ҡул көсө бик һирәк осраҡта талап ителә. Үҙҙәренә айырым һыу сква­жинаһы ҡаҙығандар, йылы һыу менән тәьмин ителеш тә һәйбәт ойошторолған.
Лилиә Тимерғазина, Ульяна Байгилдина, Филүс Шәйҙуллин, Виталий Карлышев, Айказ Адилян һәм башҡалар эш булғанға һөйөнөп бөтә алмай.
Бөгөн бигерәк тә ауыл халҡы өсөн лайыҡлы хеҙмәт хаҡын ваҡытында алыу иң яҡшыһы­лыр. Хеҙмәткәрҙәр дәртлән­дереү саралары тураһында ла телгә алды. Бүтәндәр һымаҡ редькиндар һәм ҡуяндар ҙа ихата иҫәбенә йәшәй. Мал аҫ­рай­ҙар, ә инде ҡош-ҡорт тураһында телгә алыу артыҡ, йәшелсә, еләк-емеш сәсәләр. Файҙаһын күргәндәре өсөн төрлө тар­маҡты бергә алып баралар.



Беҙҙе Яндекс Дзен лентаһында уҡығыҙ
Комментарий өҫтәргә






“Мин бирешә торғандарҙан түгел”

“Мин бирешә торғандарҙан түгел” 14.12.2018 // Эшҡыуар

Йәш эшҡыуар Айнур Ғәзизов ошондай девиз менән йәшәй. Була бит шундай кешеләр: бер ҡараш ташлау...

Тотош уҡырға 181

Хуш еҫле ҡалас тәме

Хуш еҫле ҡалас тәме 14.12.2018 // Эшҡыуар

Хәйбулла районында ун беренсе икмәкхана асылды....

Тотош уҡырға 57

Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 154

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 117

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 78

“Ун туғыҙ йәштә –миллионер”

“Ун туғыҙ йәштә –миллионер” 05.12.2018 // Эшҡыуар

Уңышҡа алты аҙым Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион...

Тотош уҡырға 139

Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 172

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 151

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 152

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 178

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 159

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 170