Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡариҙел итенә етәме!
Ҡариҙел итенә етәме! Караматовтарҙың ит магазинын районда белмәгән кеше юҡтыр. Мин дә был сауҙа нөктәһе хаҡында уның хужаһы менән танышмаҫ элек үк ишеткәйнем. Сығышы менән ошо райондан булған таныштарым тыуған яғына ҡайтҡан һайын тап уларҙың аҙыҡтарын алып килергә тырыша.

– Өфө тулы колбаса, ҡаҙылыҡ. Әллә ҡайҙан тейәп йөрөмәһәң ни була? – тип һораным бер мәл.
– Уныһы шулай, әммә Караматов­тыҡына еткәне юҡтыр. Уларҙың бөтә аҙыҡтары тәмле була, – тине.
Шул мәл ҡариҙелдәрҙән көнләшеп ҡуйғайным, сөнки бөгөн еңел табыш артынан ҡыуған заман эшҡыуарҙары, ҡеүәтле предприятиелар иткә соя йәки башҡа шундай арзан ҡушылмалар, тәмләткестәр өҫтәүе сер түгел. Ҡариҙелгә юл төшкәс, беҙгә уларҙы күрмәй үтмәҫкә кәңәш иттеләр.
– Тап шундай уңған, намыҫлы, йомарт кешеләр хаҡында башҡалар ҙа белергә тейеш. Магазиндың хужаһы Өлфәт Караматов районда үткәрелгән барлыҡ сараларҙа ихлас ҡатнаша, бағыусы булараҡ сығыш яһай, – тинеләр район хакимиәтендә.
Беҙ килгәндә, әллә ни ҙур булмаған магазинда халыҡ шаҡтай күп ине. Берәүҙәр ауылдан яңы ғына һуйылған тана ите алып килгән, икенселәре һарыҡ итен күпменән ҡабул итеүҙәре менән ҡыҙыҡһына, өсөнсөләре шашлыҡ үлсәтә. Уңарсы булмай еңдәрен һыҙғанып алған етәксе үҙе лә күренде. Күрше ауылдан килтергән итте тикшереп, үлсәп ҡабул итеп йөрөй ине.
Өлфәт ошо райондың Яңы Аҡбүләк ауылында буй еткерә. Мәктәптән һуң Дыуан ауыл хужалығында агроном һөнәренә эйә була. Һалдат бурысын үтәгәс, юғары белем ала. Колхозда агроном, ауыл Советы рәйесе вазифаһын да башҡара. Ә бынан дүрт йыл элек ит аҙыҡтары һатыу эшенә тотона. Район үҙәгендә 50 квадрат метр ҙурлығындағы бина төҙөй, подвалын, ҡыйығын да хәстәрләй.
Ҡариҙел итенә етәме! – Тәүҙә Резеда Минһажева, Флүзә Шәймөхәмәтова ҡулдан билмән эшләне. Уларҙың аҙыҡтарын халыҡ яратып алғас, дәртләнеп киттем, күңел күтәрелде. Тимәк, эшебеҙ халыҡҡа кәрәк. Артабан хеҙмәтте киңәйттек, – тип хәтирәләргә бирелде эшҡыуар.
Сауҙа нөктәһе мал аҫраған халыҡ, һатып алыусылар өсөн дә ҡулайлы. Экологик йәһәттән таҙа төбәктә һутлы үлән уртлап үҫкән мал-тыуарҙың итенең сифаты, әлбиттә, яҡшы була. Шулай ҙа эшҡыуар уларҙы тикшереп ала. Ә инде ҡулланыусылар өсөн һәр саҡ бында яңы ғына һуйылған һыйыр, сусҡа, һарыҡ һәм башҡа төрлө ит әҙер. Уларҙы һыуытҡыста туңдырмайҙар. Ошонда уҡ айырым бүлмәлә кескәй генә ит эшкәртеү цехы йыһазландырылған. Ит тураусы Урал Ғайсин үҙ эшен шундай таһыллыҡ менән башҡара. Ә Рәйхан Фәүзетдинов – тәжрибәле, ышаныслы водитель.
Бөгөн бында иттән ҡырҡ төрлө аҙыҡ әҙерләнә: манты, билмән, сейбөйөрөк, төрлө кәтлиттәр, тушенкалар, тоҙланған һәм ыҫланған сало... Халҡыбыҙҙың милли ашамлығы ҡаҙылыҡты дөрөҫ итеп әҙерләүгә етди ҡарайҙар. Бының өсөн махсус рәүештә ҡыйыҡ эшләнгән.
– Ҡаҙылыҡты етештереү өсөн тәбиғи шарттар кәрәк. Уның үҙ ваҡыты бар, – тип һөйләй был хаҡта эшҡыуар.
Баҙар шарттарында йәшәйбеҙ, конкурентлыҡ ҙур. Етештергән аҙығыңда саҡ ҡына хилафлыҡ табылһа ла, һатып алыусыларҙың ҡарашы ҡырҡа үҙгәрәсәген көт тә тор. Бигерәк тә ауыл ерендә. Был хәҡиҡәтте намыҫлы егет яҡшы аңлай. Етештергән аҙыҡтарына, ярым фабрикаттарға тоҙ, боростан башҡа бүтән әйберҙәр ҡушмай. Шашлыҡты үҙе белгән рецепт буйынса ғына әҙерләй. Тап шуға ла магазиндан көнө буйы кеше өҙөлмәй. Бындағы аҙыҡтың сифаты хаҡында ишеткән бүтәндәр ҙә юл төшкәндә кәрәк-ярағын алырға тырыша.
Ҡатыны Зилиә – һатыусы, кәрәк булһа, Өлфәт үҙе лә уны йыш ҡына алмаштырып тора. Киләсәктә аҙыҡ төрлөлөгөн тағы ла арттырыу хәстәре менән йәшәй улар.



Беҙҙе Яндекс Дзен лентаһында уҡығыҙ
Комментарий өҫтәргә






Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 146

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 108

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 71

“Ун туғыҙ йәштә –миллионер”

“Ун туғыҙ йәштә –миллионер” 05.12.2018 // Эшҡыуар

Уңышҡа алты аҙым Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион...

Тотош уҡырға 119

Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 172

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 147

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 150

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 174

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 155

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 169

Боронғо шөғөл тергеҙелә

Боронғо шөғөл тергеҙелә 24.08.2018 // Эшҡыуар

Кейеҙ – башҡорттарҙың көнкүрешендә киң ҡулланылған ғәҙәти материал. Уның төп тәғәйенләнеше – тирмә...

Тотош уҡырға 171

Ысын оҫталар булғанда...

Ысын оҫталар булғанда... 22.08.2018 // Эшҡыуар

Ишембай нефть техникумын тамамлап, 1979 йылда көнкүреш хеҙмәте күрһәтеү идаралығына ҡыйыуһыҙ ғына...

Тотош уҡырға 196