Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Өйөр-өйөр юртаҡтары...
Өйөр-өйөр юртаҡтары...Төбәктә, эре ауыл хужалығы предприятиелары менән бер рәттән, аяҡҡа баҫыу осорондағы ауырлыҡтарҙы үтеп, бөгөн 80-дән ашыу крәҫтиән (фермер) хужалығы уңышлы эшмәкәрлек алып бара һәм райондың иҡтисади үҫешенә һәр яҡлап тос өлөш индерә. Улар малсылыҡта ла, үҫемлекселектә лә тырыш хеҙмәт өлгөһө күрһәтә. Игенен дә үҫтерә, һөт продукцияһы етештереп, йәшелсә, емеш-еләген тәрбиәләп, аҡса эшләү юлын таба.

Тәпәреш ауылынан Дамир Иҙиә­тул­лин — тап шундай уңған, тырыштарҙың береһе. Ул — бик бөтмөр, алдынғы ҡарашлы етәксе, иҡтисадты һәйбәт белгән ер кешеһе. Уның хужалығы төбәктә генә түгел, республикала ла киң билдәле.
Дамир Сәғитйән улы 1992 йылда крәҫтиән (фермер) хужалығы ойоштора. Үҙ эшен асҡанға тиклем колхозда төрлө вазифалы урындарҙы биләй, һәр ерҙә үҙен эшһөйәр, тырыш эшсән итеп таныта. Әммә колхоз-совхоздар тар­ҡалып, күптәр ҡыҫҡартылыуға эләк­кән­дә эшһеҙ тороп ҡала. Әлбиттә, ғүмер буйы колхозда тир түккән Дамир Иҙиә­туллинға был осор ауырға тура килә, ғаиләне ашатырға-тәрбиәләргә кәрәк, урта мәктәптә уҡыусы ҡыҙҙарына юғары белем биреүгә лә көс талап ителә. Ҡул ҡаушырып ултырып өйрән­мәгән, бала саҡтан хеҙмәт һөйөп үҫкән егет шул саҡта үҙ эшен булдырырға ҡарар ҡыла. Мал араһында үҫкәс, ауыл тормошон яҡшы белгәс, һис икелә­неүһеҙ ер эшенә тотонорға, мал менән булышырға йөрьәт итә. “Кеҫәлә һуҡыр тин аҡса юҡ, кемдәндер һорап торорға ла мөмкинлек булманы. Аптыраған көндән банкка мөрәжәғәт итергә булдым. Ҙур процентҡа кредит юллап, эшмәкәр­легемде башлап ебәрҙем”, — тип хәтерләй фермер ауыр саҡтарҙы. Уның ул ваҡытта 50 гектар ере, иҫке генә булһа ла тракторы була.
Тәүҙә төбәктең ун фермеры берлә­шеп эш башлай, 200 гектар майҙанда эшмәкәрлек алып бара. Шулай бер аҙ эшләгәс, ниндәйҙер кимәлдә тәжрибә туплап, фермер егеттәр айырылышып, һәр кем үҙ юлынан китә. Дамир Сәғитйән улы, өс бәләкәй хужалыҡты үҙендә ҡалдырып, ныҡлап фермер хужалығын аяҡҡа баҫтырырға тотона.
Шөкөр, Дамир Иҙиәтуллин — бөгөн аяғында ныҡлы баҫып торған фермерҙарҙың береһе. Хужалығы күптән инде төбәктә алдынғылар иҫәбендә, уның менән кәңәшләшәләр, иҫәплә­шә­ләр, тәжрибә уртаҡлашырға ла киләләр. Ул райондың барлыҡ фермерҙары менән яҡшы мөнәсәбәт булдырып, бер ҡаҙанда ҡайнап йәшәй һәм бынамын тигән итеп үҙ эшен алып бара. “Үҙем өсөн тырышмайым, киләсәк быуындарға етһен, ҡалһын тип көс һалам. Тыуған яғым сәскә атһа, ауылдаштарыма эш урындары булһа ине, тигән маҡсатта эшләйем”, — ти уңған фермер.
Йәмғиәт, нигеҙҙә, йылҡысылыҡ менән шөғөлләнә. Етәкселек, 400-гә яҡын башҡорт тоҡомло йылҡы аҫрап, көтөүҙе йыл һайын йәш тай-ҡолондар менән тулыландыра. Башҡорт тоҡомло аттарҙы үрсетеү һәм ат спортын халыҡҡа таратыу буйынса Иҙиәтуллин байтаҡ эш башҡара. Ат спорты мәктәбе ойошторған, уның юртаҡтары Рәсәй, республика, район күләмендә үткәрел­гән ярыштарҙа, хатта халыҡ-ара бәй­геләрҙә ҡатнашып, диплом-грамо­таларға, алты алтын һәм биш көмөш миҙалға лайыҡ булған, Салауат Юлаев исемендәге һәм генерал Шайморатов приздары менән бүләкләнгән.
Йылҡысылыҡтан тыш, фермер хужалығында 200 баш һыйыр малы, ҡош-ҡорт, ҡуяндар ҙа бар. Әйткәндәй, һыйыр малын фәҡәт ит етештереү йүнәлешендә генә тота. Тағы ла шәхси ихатаһында ҡыр хайуандары, ҡыр ҡоштары аҫрала.
Техника паркын яңыртыуға аҡса йәл­ләмәй Дамир Сәғитйән улы. Баҫыу­ҙарҙа, һөтсөлөк фермаларында заманса ауыл хужалығы ҡорамалдары ҡул­ла­ныла. Уларҙы ремонтлау өсөн оҫ­тахана эшләй.
Фермер хужалығында 15 кеше хеҙ­мәт итә, ике мең гектарҙан ашыу май­ҙанда улар баҫыу эштәрен башҡара. Күрше ауылдарҙан килеп эшләгәндәргә дөйөм ятаҡ ҡаралған, ашхана бар.
— Хеҙмәт кешеһенә ихтирам менән ҡарайбыҙ, уларҙың эшен баһалай беләбеҙ, — ти фермер. — Ял йорттарына, шифаханаларға юлламалар менән бүләкләйбеҙ. Эш хаҡын ваҡы­тын­да түләгәс, беҙгә эш һорап мөрәжә­ғәт итеүселәр байтаҡ.
Хужалыҡ Тәпәреш ауыл биләмәһе хакимиәте менән яҡшы мөнәсәбәттә, бар эште бергәләп башҡарырға ғәҙәт­ләнгәндәр. Дамир Иҙиәтуллин ауылда, районда, республикала үткәрелгән мәҙәни-спорт сараларынан ситтә ҡалмай, һәр ваҡыт бағыусылыҡ менән шөғөлләнә.
Ҡатыны Миләүшә Суфийән ҡыҙы — Дамир Сәғитйән улының төп таянысы һәм кәңәшсеһе. Өлкән ҡыҙҙары Вилена – хужалыҡтың мал табибы, Диана ла атаһына һәр яҡлап ярҙам ҡулы һуҙа. “Бергә эшләгәндә генә ниндәйҙер уңышҡа өлгәшергә мөмкин, тик ялҡауланмаҫҡа кәрәк”, — ти фермер Дамир Иҙиәтуллин.



Беҙҙе Яндекс Дзен лентаһында уҡығыҙ
Комментарий өҫтәргә






“Мин бирешә торғандарҙан түгел”

“Мин бирешә торғандарҙан түгел” 14.12.2018 // Эшҡыуар

Йәш эшҡыуар Айнур Ғәзизов ошондай девиз менән йәшәй. Була бит шундай кешеләр: бер ҡараш ташлау...

Тотош уҡырға 190

Хуш еҫле ҡалас тәме

Хуш еҫле ҡалас тәме 14.12.2018 // Эшҡыуар

Хәйбулла районында ун беренсе икмәкхана асылды....

Тотош уҡырға 60

Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 154

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 118

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 78

“Ун туғыҙ йәштә –миллионер”

“Ун туғыҙ йәштә –миллионер” 05.12.2018 // Эшҡыуар

Уңышҡа алты аҙым Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион...

Тотош уҡырға 140

Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 172

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 151

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 152

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 180

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 159

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 170