Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күсем ҡымыҙы ни өсөн тәмле?
Баһадирҙар эсемлегенә һатып алыусылар араһында ихтыяж ҙур

Күсем ҡымыҙы ни өсөн тәмле?— Күсемгә барһағыҙ, Зилә менән Флүр Йосоповтарҙың ҡымыҙынан ауыҙ итмәйенсә ҡайтмағыҙ, бигерәк шифалы уларҙың эсемлеге, — тип әйтеп ҡалды Шишмә район хакимиәтенең ауыл хужалығы идаралығы бүлеге белгестәре.


Беҙ, шул тарафҡа юл төшкәс, маҡталған ҡымыҙҙан ауыҙ итергә булдыҡ.
— Тәбиғәтебеҙ ҡымыҙ етештереү өсөн яралғандыр инде. Яландар ҙа, ҡылғанлы тау һырттары ла, урман-тауҙар ҙа бар, шуға күрә беҙҙә яһалған баһадирҙар эсемлеге күптәргә оҡшай, — ти Флүр Вәсиғ улы.
Ҡымыҙ йәйләүе ауылдан бик йыраҡ урынлашмаған. Хозур тәбиғәт ҡосағында йылҡыларға рәхәт, ямғырҙан һуң иркен ялан-ҡырҙар шифалы үләнгә байыған. Эргәлә генә йылға аға, көноҙоно болонда утлаған малға был бик уңайлы.
Хужалыҡта бөгөн башҡорт тоҡомло 80 баш йылҡы аҫрала, 40 бейә көнөнә 250 килограмм һөт бирә.
1999 йылда крәҫтиән (фермер) хужалығы ойошторғанға тиклем, Аксен ауыл хужалығы техникумын тамамлаған Зилә Миңлеғәле ҡыҙы Йосопова тәүҙә сауҙа өлкәһендә эшләгән, аҙаҡ инде үҙ эшен асырға йөрьәт иткән. Элек-электән уның ата-әсәһе лә, ҡәйнә-ҡайныһы ла ат тотоп, бейә һауып, ҡымыҙ етештергән. Шуға ла ирле-ҡатынлы Йосоповтар бер ниндәй икеләнеүһеҙ йылҡысы­лыҡҡа тотона һәм үкенмәй. Элекке Асаев исемен­дәге колхоздың буш торған ат фермаларын һатып алып, ярайһы ғына ремонт үткәреп, тирә-яғын кәртәләп, эшмәкәрлектәрен башлап ебәрәләр. Әлбиттә, кәрәкле йыһаз, ҡорамал һатып алыуға өлгәшәләр. “Тәүҙә ауырға төшһә лә, аҙаҡ яйлап ҡымыҙ етештереү серҙәренә төшөндөк. Атай-әсәйҙәргә лә рәхмәт, кәңәштәренән айырманылар”, — тип ҡыуана Йосоповтар.
Бөгөн хужалыҡта алты кеше эш менән мәшғүл. Бейәләрҙе дүрт тапҡыр һауалар. Баһадирҙар эсемлегенә һатып алыусылар араһында ихтыяж ҙур, уның даны күптән инде тирә-яҡҡа таралған. Күмәртәләп алыусылар ҙа бар, туй мәжлестәренә, юбилейҙарға, башҡа сараларға алдан заказ буйынса әҙерләйҙәр. Ҡымыҙҙан тыш фермерҙар ҡаҙылыҡ та етештерә, был ризыҡты ла йыш һорайҙар икән, уны киләсәктә күпләп етештерергә иҫәп тоталар.
Йылҡы малы 160 гектар майҙанды биләгән көтөүлектә тотола. Мал аҙығын үҙҙәре хәстәрләй, баҫыу эштәрен атҡарыу өсөн техникалары бар. Киләсәктә Йосоповтар табышлы һәм ҡулайлы шөғөлдө тағы ла үҫтереүҙе ниәтләй, йылҡы һанын арттырыуҙы күҙаллай.
— Шөкөр, ауылда ла бөгөн матур итеп йәшәргә мөмкинлектәр етерлек, ә тырыштарға юлдар һәр саҡ асыҡ. Етмәһә, республика, район етәкселеге фермерҙарға һәр яҡлап ярҙам ҡулы һуҙа, — ти Зилә менән Флүр Йосоповтар.

Шишмә районы.



Беҙҙе Яндекс Дзен лентаһында уҡығыҙ
Комментарий өҫтәргә






Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 145

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 105

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 69

“Ун туғыҙ йәштә –миллионер”

“Ун туғыҙ йәштә –миллионер” 05.12.2018 // Эшҡыуар

Уңышҡа алты аҙым Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион...

Тотош уҡырға 118

Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 172

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 147

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 150

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 174

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 155

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 168

Боронғо шөғөл тергеҙелә

Боронғо шөғөл тергеҙелә 24.08.2018 // Эшҡыуар

Кейеҙ – башҡорттарҙың көнкүрешендә киң ҡулланылған ғәҙәти материал. Уның төп тәғәйенләнеше – тирмә...

Тотош уҡырға 171

Ысын оҫталар булғанда...

Ысын оҫталар булғанда... 22.08.2018 // Эшҡыуар

Ишембай нефть техникумын тамамлап, 1979 йылда көнкүреш хеҙмәте күрһәтеү идаралығына ҡыйыуһыҙ ғына...

Тотош уҡырға 196