Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауылдаштарын – эшле, төйәген гөл итмәксе
Ауылдаштарын – эшле, төйәген гөл итмәксе— Чапаев исемендәге колхоз заманында көслө, алдынғыларҙан һаналып, унда малсылыҡ, үҫемлекселек ныҡлы үҫешкәйне. Ауыл эшсәндәре лә тырыш, намыҫлы хеҙмәт өлгөһө күрһәтеп, хужалыҡ данын төбәктә генә түгел, республикала ла киң яңғыратты, — тип хәтергә алды ул осорҙо Иҫке Артауылдан крәҫтиән (фермер) хужалығы етәксеһе Әлфир Әмирйән улы Ғәлимйәнов. — Донъялар үҙгәреп, колхоз-совхоздар тарҡалғас, илдә фермерлыҡ йүнәлеше киң ҡолас ала башлағас, күп уйлап тормай, яҙмышымды ер менән бәйләргә ҡарар ҡылып, малсылыҡты ла бер юлы алып барырға йөрьәт иттем.

Әлфир Әмирйән улына был тармаҡ ят түгел, сөнки бала саҡтан мал араһында үҫкәс, мәктәптә уҡыған осорҙа уҡ йәйге каникул мәлендә колхоз эшендә йөрөгәс, ныҡлап фермерлыҡҡа тотона. Егет Дыуан ауыл хужалығы техникумын, армияла йөрөп ҡайтҡас, Башҡорт дәүләт аграр университетын тамамлап, тыуған ауылында зоотехник булып тәүге хеҙмәт сынығыуы үтә. Комсорг та була ул, колхоз йәштәрен йәмәғәт эштәренә ылыҡтырыу, уларҙы берләштереүҙе юлға һала, төрлө мәҙәни сараларҙа әүҙем ҡатнаша. “Йәш ваҡыттарҙы хәҙер һағынып иҫләргә генә ҡалды инде. Шөкөр, артҡа әйләнеп ҡараһам, үкенерлек түгел икән үткәндәр”, — ти Әлфир Ғәлимйәнов.
Эшҡыуарҙың 2005 йылда ойошторған хужалығы бөгөн төбәктә уңышлы эшмәкәрлек алып бара, уның менән иҫәпләшәләр, күптәр кәңәш һорап та мөрәжәғәт итә. Фермер, нигеҙҙә, үҫемлекселек, малсылыҡ менән ныҡлап шөғөлләнә. Тәүге осорҙа ул ауыл халҡының пай ерҙәрен ҡуртымға алып, уны эшкәртеү өсөн күрше хужалыҡтарҙан, фермерҙарҙан техника арендалап, туғандары менән башкөллө эшкә тотона. МТС, урындағы училище етәкселеге лә фермерға һәр яҡлап ярҙам ҡулы һуҙа, эш тәжрибәһе менән уртаҡлаша. Әлфирҙең тәүҙә 20 баш һыйыр малы ла була, аҙаҡ уларҙың һанын арттырып, көтөүҙе ишәйтә.
Бөгөн уңған, бөтмөр фермер 800 гектарға яҡын майҙанда эшмәкәрлек алып бара, Рәсәйҙә етештерелгән заманса һәм ҡеүәтле ауыл хужалығы техникаһына, ҡоролмаларға эйә. Техника паркын яңыртыуға бында аҡса йәлләмәйҙәр, баҫыуҙарҙы ла минераль ашламалар менән туйындырғас, мул уңыш алалар. Әйткәндәй, пайсыларға ике центнер ашлыҡ, бесән-һаламы бирелә, кәрәк булһа, техника менән дә ярҙам итәләр.
— Быйыл тәбиғәт беҙҙең алда төрлө һынау ҡуйҙы, әммә бирешмәнек. Шөкөр, ямғыры ла ваҡытында яуҙы, йылы көндәре менән дә ҡыуандырҙы, — ти етәксе. — Тәбиғәт нисек кенә көйһөҙләнмәһен, беҙгә барыбер эшләргә инде, бары тырыштарҙы ғына ер үҙ итә, мул уңышы менән һөйөндөрә.
Малсылыҡта ла яҡшы һөҙөмтәләргә өлгәшә фермер. Әле уның хужалығында 167 баш һыйыр малы аҫралып, 70-кә яҡынын һауып, аҡты Ҡалтасы һөт заводына оҙаталар. Завод әҙер продукцияны үҙҙәре килеп ала, юлға сығымдар китмәй икән.
Ҡасандыр гөрләп торған Чапаев исемендәге колхоздың юҡҡа сығыуын ауыр кисергән Әлфир Әмирйән улы бөгөн тыуған ауылын һәр яҡлап гөл итмәксе. Алты ауылдашына эш урыны булдырып, һәр кеме менән яҡшы мөнәсәбәттә. Уның ярҙамы менән урамдар тәртиптә тотола, һыу башняһын да үҙе хеҙмәтләндерә, уның торошон тикшереп, ауыл халҡын эсәр һыу менән тәьмин итә.
Бөгөн фермер 32 тонна бесән, сенаж хәстәрләгән, мал аҙығы әҙерләү көҙгө уңышты йыйып алғанға тиклем дауам итә.
— Эшсе ҡулдарҙың ҡайһы саҡ етешмәүе бәкәлгә һуға, ололарға алмашҡа йәштәр юҡ. Ә оҙон аҡса юллап, ситкә китеүселәр беҙҙең ауылдан бихисап, ниңәлер тыуған төбәгендә ҡалмайҙар, — ти фермер. — Беҙҙә бит уңайлы эш шарттары булдырылған, хеҙмәт хаҡы ла ярайһы ғына. Һөтсөлөк фермалары бына тигән, техника ватылмай эшләй, һәр кемгә йылы һүҙҙән башҡа бер нимә лә әйтә алмайбыҙ, ярҙамыбыҙҙан өҙмәйбеҙ.
Ҡатыны Гөлназ, улы Әлмир — бөгөн Әлфирҙең төп ярҙамсылары. Улы, мәҫәлән, бала саҡтан атаһы янында, тимер ене ҡағылған, тиерһең, техниканы биш бармағы кеүек белә. Ул әле Нефтекама нефть колледжында уҡып йөрөй. “Хәрби хеҙмәткә барып ҡайтам да ҡалаға бармайым, ауылда ҡаласаҡмын. Миңә бында бик оҡшай”, — ти Әлмир.
— Артабан да үҫемлекселек, малсылыҡ тармағын үҫтерергә иҫәп тотабыҙ, мал һанын арттырыуҙы күҙаллайбыҙ. Себер тарафтарына йә булмаһа ҡалаға киткәндәрҙе үҙебеҙҙә көтөп ҡалабыҙ, — ти Әлфир Ғәлимйәнов.



Беҙҙе Яндекс Дзен лентаһында уҡығыҙ
Комментарий өҫтәргә






Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 146

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 108

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 71

“Ун туғыҙ йәштә –миллионер”

“Ун туғыҙ йәштә –миллионер” 05.12.2018 // Эшҡыуар

Уңышҡа алты аҙым Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион...

Тотош уҡырға 119

Ҡулдарының ҡото бар

Ҡулдарының ҡото бар 11.09.2018 // Эшҡыуар

Мәсетле районының Ләмәҙтамаҡ ауылында йәшәгән Илгизә Лоҡманованың туҙҙан яһалған әйберҙәрен ысын...

Тотош уҡырға 172

Кейем тегә ҡыҙҙар...

Кейем тегә ҡыҙҙар... 11.09.2018 // Эшҡыуар

Туймазы ҡалаһында йәш эшҡыуар Динә Ҡәрипова, “Яңы эш башлаусы эшҡыуарға ярҙам” федераль...

Тотош уҡырға 147

“Бирешергә иҫәп юҡ”

“Бирешергә иҫәп юҡ” 04.09.2018 // Эшҡыуар

III группа инвалиды Анатолийҙың яҙмышы еңелдән булмаған. Тыу­мыштан һул ҡулы...

Тотош уҡырға 150

Быуаны ҡуртымға алыу тәртибе

Быуаны ҡуртымға алыу тәртибе 31.08.2018 // Эшҡыуар

Закон буйынса беҙҙең илдә тәбиғәт ресурстары дәүләткә ҡарай. Рәсәйҙә ер һәм һыу сығанаҡтары хужалыҡ...

Тотош уҡырға 174

Хужаһы бар, балығы булыр

Хужаһы бар, балығы булыр 31.08.2018 // Эшҡыуар

Йүнсел ташландыҡ урынды тәртипкә килтереп ала Эйе, тәрбиә, ҡарау булған ерҙә эш тә уң була. Был...

Тотош уҡырға 155

Яратҡан шөғөлөң булыу – үҙе бер кинәнес

Яратҡан шөғөлөң булыу – үҙе бер кинәнес 24.08.2018 // Эшҡыуар

Кейеҙ баҫыуға бәйле яңы заманса һүҙ килеп сыҡты. Социаль селтәрҙәрҙә “фелтинг” тигән төшөнсәне йыш...

Тотош уҡырға 169

Боронғо шөғөл тергеҙелә

Боронғо шөғөл тергеҙелә 24.08.2018 // Эшҡыуар

Кейеҙ – башҡорттарҙың көнкүрешендә киң ҡулланылған ғәҙәти материал. Уның төп тәғәйенләнеше – тирмә...

Тотош уҡырға 171

Ысын оҫталар булғанда...

Ысын оҫталар булғанда... 22.08.2018 // Эшҡыуар

Ишембай нефть техникумын тамамлап, 1979 йылда көнкүреш хеҙмәте күрһәтеү идаралығына ҡыйыуһыҙ ғына...

Тотош уҡырға 196