Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Уңыш символы ла, зауыҡ билдәһе лә

Яңы йыл алдынан яңы күҙлек һайла.

Бер танышым күптән түгел күҙ табибында булып сыҡҡандан һуң, күҙлек һайлаш әле, тип мине лә үҙе менән оптика салонына саҡырҙы. Үҙем күҙлек кеймәйем, шуға ла дуҫыма ниндәйен тәҡдим итергә икән тип уйлана башланым. Матбуғат йортонан сығып, юл аша ғына яңы асылған “Мастер Зрения” оптика селтәренә инеп сығырға булдым.

Буяу еҫе таралып та өл­гөрмәгән салонда күҙлектәрҙең ниндәйе генә юҡ, күҙ ҡама­шырлыҡ. Хаҡтары ла ҡиммәт түгел, етмәһә, ошонда уҡ үҙеңә кәрәклеһенә заказ да бирергә була, төрлө линзалар ҙа һаталар бында. “Яңы асылһаҡ та, һатып алыусыларҙан күпләп заказ ҡабул итә башланыҡ, хатта баш ҡалаға күрше ятҡан райондарҙан да киләләр”, — ти һатыусы ҡыҙҙар.

“Мастер Зрения” оптика салоны хужаһы Динар Әхтәр улы Шаһиевты эш урынында тап иттек. 24 йәшлек йәш эшҡыуар Әбйәлил районының Ишҡол ауылынан булып сыҡты. Тәүге оптика селтәрен бөтмөр егет тыуған яғында — Асҡар ауылында аса, аҙаҡ Учалы ҡала­һында, Күгәрсен районының Йомағужа ауылында, Сибай ҡалаһында булдыра. Бөгөн оптика салондары Магнитогорск, Баймаҡ төбәктәрендә лә уңыш­лы эшләй.

2019 йылдың ғин­уарында Благовар районының Языков ауылында ла оптика салоны үҙ ишектәрен асасаҡ. Эшҡыуар ҡулланыусыларға контактлы линзалар, әҙер күҙлектәр, ҡояштан һаҡлаған ҡара күҙлектәр, тирәстәр тәҡдим итә. Бынан тыш, бушлай күреү һәләтен тикшерәләр, ҡатмарлы күҙлектәрҙе иһә бер тәүлек эсендә эшләп бирәләр.

“Күҙ — кешенең иң мөһим ағзаларының береһе, шуға ла һәр кем күреү һәләтен тикшереп торорға тейеш, — ти һатыусы ҡыҙҙар. — Ә күҙлектәр иһә кешенең зауығын билдәләй, хатта ниндәйҙер кимәлдә уңыш символы ла”.

— Мәктәп осоронда уҡ был бизнес менән бер аҙ таныш инем, ҡыҙыҡһыныуым да бул­ғандыр инде. Һабантуйҙарҙа, ауылда үткән төрлө байрам­дарҙа ҡояштан һаҡлаған күҙ­лектәр һатырға тура килде. Мәскәүҙә уҡыған саҡта ла оп­тикаларға инеп, хаҡтары менән таныша инем, — ти эшҡыуар. — Тыуған яҡтарға ялға ҡайт­ҡанда туғандарым, дуҫ-иштәрем менән аралашҡанда, сифатлы күҙлек һәм линзалар алырға күрше Магнитогорск ҡалаһына йөрөүҙәрен белеп, атай-әсәйем менән кәңәшләшкәндән һуң, конкурентлыҡ булмаған район үҙәгендә салон асырға ҡарар иттем.
Динар, әлбиттә, тәүҙә ҡур­ҡыңҡырай, эшем килеп сыҡ­маһа, тип тә уйлана. Әммә егеттең борсолоуҙары юҡҡа була, тәүге көндәрҙән үк һатып алыусылар оптика селтәренә “һөжүм” итә.

Бөгөн Динар Әхтәр улы 25 кешегә эш урыны булдырған. Әле эшҡыуар билдәле “Hoya”, “Crizal”, “Alcon”, “Johnson& Johnson”, “RB” фирмалары менән тығыҙ хеҙмәттәшлек итә, уның үҙ һатып алыусылары ла барлыҡҡа килгән.

Тырыш егеттең киләсәккә уй-хыялдары етерлек. Ул 2019 йыл аҙағына тиклем рес­публиканың һәр район үҙәгендә һәм ҡалаһында оптика сел­тәрҙәре асыу маҡсаты менән йәшәй. Бының өсөн ул эш­ҡыуарлыҡтың яңы ысулдарын өйрәнә, заманса алымдарҙы үҙләштерә, уларҙы ғәмәлдә ҡулланырға тырыша. Йыш ҡына тәжрибәле эшҡыуарҙар менән осрашып аралашырға ла ваҡы­тын сарыф итә, һатып алыу­сының ихтыяжын өйрәнә. Бынан тыш, йәш эшҡыуарҙы төрлө семинар, тренингтарға ла саҡы­ралар, ул үҙ үҫеше өсөн аҡсаһын йәлләмәй.

— Киләсәктә халыҡты сифатлы тауар менән тәьмин итеү һәм уларҙың күңелен яулау өсөн барыһын да эшләйә­сәк­мен, шөкөр, бының өсөн дәртем дә, көсөм дә бар, — ти эшҡыуар. — Хеҙмәттәштә­ремдең эшенән ҡәнәғәтмен, уларҙың һәр бере­һе һатып алыусының зауығына яуап бирерлек күҙлектәр һәм башҡа әйберҙәр тәҡдим итеп, бурысын намыҫлы башҡара.

Йәш эшҡыуар ай һайын тиерлек һатып алыусылар ара­һында төрлө конкурстар ҙа ойоштора, мәҫәлән, бер меңлек әйбер һатып алғандар ара­һында ҡиммәтле бүләктәр уйнатыла. Бынан тыш, бүләк-сертификаттар ҙа һатып алыу­сыларҙа ҙур ҡыҙыҡһыныу уята.

Әйткәндәй, Динар Әхтәр улы “Рәсәйҙең йәш эшҡыуары-2018” конкурсында еңде. Ул — күп кенә байрам саралары бағыу­сыһы ла. Эшҡыуар ауыр тормош хәлендә ҡалған ғаиләләр­ҙең, инвалид балаларҙың яҙмышына битараф түгел, йыш ҡына уларға ярҙам ҡулы һуҙа.

Автор: Самат ҒӘЛИН
Район: Өфө ҡалаһы


Беҙҙе Яндекс Дзен лентаһында уҡығыҙ
Комментарий өҫтәргә






Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 191

Донъя беҙ аңлағандан ҡатмарлыраҡ

Донъя беҙ аңлағандан ҡатмарлыраҡ 04.01.2019 // Эшҡыуар

Илдар Ғәбитовтың “Был донъяны ирҙәр төҙөгән” тигән мәҡәләһе (2018 йыл, 7 декабрь) мине уйланырға...

Тотош уҡырға 106

Табын түрендә –  ҡышҡы бәшмәктәр

Табын түрендә – ҡышҡы бәшмәктәр 04.01.2019 // Эшҡыуар

Хәйбулла эшҡыуары аҡ көләпә үҫтерә....

Тотош уҡырға 268

“Арҡайым” йәмле һәм йәнле

“Арҡайым” йәмле һәм йәнле 28.12.2018 // Эшҡыуар

Кейемең — килбәтле, үҙең һиммәтле бул....

Тотош уҡырға 150

Кредитһыҙ ҙа йәшәп була

Кредитһыҙ ҙа йәшәп була 25.12.2018 // Эшҡыуар

Себеш тә табыш килтерә, ҡарай белһәң......

Тотош уҡырға 113

ЙЫЛ ЭШҠЫУАРЫ! Мосолман ҡыҙҙарын кейендереүсе Әминә

ЙЫЛ ЭШҠЫУАРЫ! Мосолман ҡыҙҙарын кейендереүсе Әминә 25.12.2018 // Эшҡыуар

Тәү күргәндә уны эшҡыуар тип уйламаҫһың да: тауышын күтәрмәй талғын ғына һөйләшә, башҡаларҙың...

Тотош уҡырға 310

Йүнселдәр ҙә кәңәшкә мохтаж

Йүнселдәр ҙә кәңәшкә мохтаж 21.12.2018 // Эшҡыуар

Урал аръяғы эшҡыуарҙары тәжрибә уртаҡлашты....

Тотош уҡырға 186

“Мин бирешә торғандарҙан түгел”

“Мин бирешә торғандарҙан түгел” 14.12.2018 // Эшҡыуар

Йәш эшҡыуар Айнур Ғәзизов ошондай девиз менән йәшәй. Була бит шундай кешеләр: бер ҡараш ташлау...

Тотош уҡырға 339

Хуш еҫле ҡалас тәме

Хуш еҫле ҡалас тәме 14.12.2018 // Эшҡыуар

Хәйбулла районында ун беренсе икмәкхана асылды....

Тотош уҡырға 138

Мөһим форум ойошторолдо

Мөһим форум ойошторолдо 07.12.2018 // Эшҡыуар

Кисә Учалы ҡалаһында Эшҡыуарлыҡ көнө уҙғарылды....

Тотош уҡырға 215

Ағас “ене” ҡағылған...

Ағас “ене” ҡағылған... 07.12.2018 // Эшҡыуар

Ҡырмыҫҡалы уңғандары араһында ағас менән эш итеүсе йүнсел менән танышҡас, уны сәнғәт кимәлендә...

Тотош уҡырға 191

Ах, билмәне лә билмәне!

Ах, билмәне лә билмәне! 07.12.2018 // Эшҡыуар

Эшҡыуарлыҡ нисек башлана? Нимәнелер эҙләй башлағас, ул тауарҙың юҡлығы асыҡлана. Уйсан кеше “Ә ниңә...

Тотош уҡырға 157