“Таң нурынан сихри илһам алып, Шиғри сәйләнемде теҙәмен”Мин, Резеда Флүр ҡыҙы Шакирова, Саҡмағош районының Иҫке Ҡалмаш ауылында өс игеҙәк ҡыҙҙарҙың икенсеһе булып донъяға килгәнмен.
Бала сағымда атайымдың халҡыбыҙҙың моңло йырҙарын тальянында уйнауы, әсәйемдең уға ҡушылып йырлауы кескәй күңелемде һәм аңымды оҙаҡ йылдар дауамында һуғарып килде.
Башҡорт дәүләт университетының филология факультетында, татар теле һәм әҙәбиәте бүлегендә, уҡыу осоронда әҙәбиәт теорияһы һәм әҙәби процесс тураһында белем даирәһе киңәйҙе һәм тәрәнәйҙе. Уҡыған осорҙа ижадҡа тартылдым. “Аҡсарлаҡ” әҙәби-ижад түңәрәгенә йөрөнөм. Беренсе ижад тәжрибәһен ижадташтарым менән уртаҡлаштым.
Оҙаҡ йылдар Өфө дәүләт авиация техник университеты китапханаһында эшләнем. Әле баш ҡалабыҙҙағы Сит телдәрҙе өйрәнеү үҙәгендә татар теле дәрестәрен алып барам.
Күңел өсөн генә тип яҙылған шиғырҙар, хикәйәләр, очерк һәм нәҫерҙәр байтаҡ йыйылып китте. Шуларҙың уңышлы тип һаналғандары республика матбуғатында донъя күрҙе.
Ком: 0 // Уҡынылар: 184 тапҡыр // Тотош уҡырға
Ҡайтманың…Ҡайтманың. Ә бит мин һине шундай яҡты өмөттәр, матур хыялдар менән көткәйнем. Ни өсөндөр һин миңә тик яҙ айҙарында ғына ҡайтып керер төҫлө инең. Һинең атлап килеүеңде мин алыҫтан, бик алыҫтан тойор инем… Бына һин Дәүләкән стансаһында төшөп ҡалаһың да, юл тоҡсайын ипләштереп арҡаңа йөкмәп, ашығыс аҙымдар менән кирбес заводы юлына төшәһең. Ҡаланы сыҡҡас, туп-тура юл һайлап, Сиргәпүл, Ҡаранбаш, Уртатау аша Ахун быуаһы янына килеп сығаһың. Күпер аҫтынан ағып ятҡан йылға буйына килеп, юл туҙандарынан арынып, ҡул-битеңде йыуып алғас, сәфәр тоҡсайыңдағы ризыҡтарыңды йәм-йәшел үлән өҫтөнә ҡуйып, шат ҡарашың менән тирә-йүнде күҙәтә-күҙәтә тамаҡ ялғап алаһың да ауыл юлына төшәһең.
Ком: 0 // Уҡынылар: 256 тапҡыр // Тотош уҡырға
Айыуҙың нисек ҡотто алғаны Ул йылда еләк бик уңды. Ҡатынымды, ике дуҫымды һәм уларҙың һеңлекәштәрен эйәртеп, ауылдан биш-алты саҡрым алыҫлыҡтағы урманға киттек. Һауыттарыбыҙҙы тиҙ генә тултырып, туйғансы еләк менән һыйланып, тағы ла ике-өс көндән ошо уҡ кешеләр бергәләшеп килергә һүҙ ҡуйышып ҡайттыҡ.
Ком: 0 // Уҡынылар: 231 тапҡыр // Тотош уҡырға
Дауаханала даимилыҡ аҙ. Инәләр, шәбәйәләр, сығалар — тарих тәгәрмәсе яй, күҙгә бик күренгеһеҙ, әммә туҡтамай әйләнә лә әйләнә. Гәзитте ашъяулыҡҡа тиңләп рәнйеткән иптәш тә, һиҙелерлек арыуланып, районына ҡайтып китте.
Урынына килгән ағай тегенең шыр киреһе булып сыҡты — ғәләмәт уҡымышлы, хәтерле әҙәм. Ҡиәфәтенә күрә түгел, әй… Нимә әйтһә лә, тигәндәй, берәй классикка таяна.
Ком: 0 // Уҡынылар: 180 тапҡыр // Тотош уҡырға
— Ҡарале, ней, гәзиттәр килтерерһең әле. Күберәк итеп. — Палаталаш шулай тип ныҡ ҡына аптыратты булыр, сөнки уның ҡасандыр нимәлер уҡып ултырғанын, валлаһи, күргәнем юҡ. Бушлай алып тормалы совет осоро китаптары кәштәһе янына ла барып та урамай. Гел ауырыуын һөйләй. Арттырғылай ҙа һымаҡ, табипты сығармай оҙаҡ йонсота.
Ком: 0 // Уҡынылар: 190 тапҡыр // Тотош уҡырға
Таҙалыҡ ҡөҙрәтеБорон-борон заманда ауылдың бер ситендә бер матур күл йәйрәп ятҡан, ти. Һыуы шундай саф, үтә күренмәле булғанлыҡтан, төбөндәге төрлө төҫтәге таштар ҡояш нурҙарында йылтырап, күлгә йәм биргән, ти. Ана шуға күрә лә халыҡ уға Ташлыкүл тип исем биргән. Күлдең бер яғын ерек ағастары, тал ҡыуаҡтары уратып алған, икенсе яғынан аллы-гөллө сәскәле болон һуҙыла. Күл өҫтөндә һап-һары томбойоҡтар сәскә ата, аҡсарлаҡтар ҡыйылып оса, талғын ғына аҡҡоштар йөҙә. Яр буйын тирә-яҡтан килгән кешеләр үҙ итә: эҫе ҡояш ҡыҙыуынан талсыҡҡан тәндәре менән һыуға сумып, ял итә, кинәнеп балығын ҡармаҡлай, кистәрен ғашиҡ йәштәр үҙҙәренең мөхәббәт серҙәрен бер-береһенә сисә.
Ком: 0 // Уҡынылар: 351 тапҡыр // Тотош уҡырға
Этбатыр аралыТар ғына юлда өсәү осрашты. Ҡапма-ҡаршы ла түгел, юлдар саты ла... Өсөһө бер яҡҡа – Инйәргә китеп барыуҙары. Инйәрҙә нисәмә юл осрашалыр, әйтеүе ҡыйын, ҙур ауыл ул. Мин белгәндә бер генә юл ине, уныһы ла – бер генә яҡҡа. Бер яҡлыһы булмай ҙа инде, тип дәғүәләшергә маташыр кемдер. Һай, яңылыша, белмәй Инйәр юлдарын. Юлдарҙың да исеме булғылай ул, “Дон”, мәҫәлән. Ярай, ул турала – артабаныраҡ, ситкәрәк кителде түгелме, өсәүҙең осрашыуы тураһында һүҙ башлағайным.
Ком: 0 // Уҡынылар: 242 тапҡыр // Тотош уҡырға
l Гүзәл заттар көнөнә уртаса 20 мең һүҙ әйтә, ә ир-аттар иһә – сағыштырып ҡарағыҙ – 7 мең тирәһе генә.
l Ҡатын-ҡыҙҙар ниндәй ҙә булһа серҙе уртаса 47 сәғәт 15 минут самаһы һаҡларға әҙер, аҙаҡ кем менәндер уртаҡлашҡыһы килә башлай.
l Ғалимдарға ышанһаҡ, яңы тыуған сабый еҫе ҡатындарға иҫ киткес ләззәт бүләк итә, быны наркомандың эйфорияһы менән сағыштырырға мөмкин.
l АҠШ-та балаларҙың 40 проценты никахта тормаған ҡатындарҙан тыуа.
Ком: 0 // Уҡынылар: 258 тапҡыр // Тотош уҡырға
Выждан ғазабыБыл донъяла дөрөҫ, яңылышмай ғына йәшәгән әҙәм бармы икән? Юҡтыр, моғайын. Уйламайыраҡ эшләгән хаталар өсөн ҡайһы ваҡыт ғүмер буйы үкенеп йәшәргә тура килә. Ауырып, инде нисәмә ай түшәктә ятҡан Мо­та­һарҙы ла, сиренән бигерәк, элек ҡылған әшәкелектәре ғазаплай. Интектереп, иркәләп бер йылы һүҙ ҡушмаған Нажиә ҡыҙы ҡулына ҡалырмын тип уйлап ҡарағаны ла булманы бит уның...
Ком: 1 // Уҡынылар: 474 тапҡыр // Тотош уҡырға
Йәшәй белергә кәрәк Бикйән эшкә килеп, ҡулына ҡәләмен алырға өлгөрмәне, әсе итеп телефон сырылданы. Егет йәһәт кенә трубкаға үрелде.
– Сәләм, Бикйән!
– Сәләм! Әллә, Сәйфетдин, һин инде! О-о-о-о, хәлдәр нисек?
Ком: 0 // Уҡынылар: 331 тапҡыр // Тотош уҡырға
Артҡа 1 2 3 4 5 6 7 8 9 10 ... 62 Алға
Бит башына