Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Эш кәрәкме? Улай икән, Миәкәгә килегеҙ
Эш кәрәкме? Улай икән, Миәкәгә килегеҙРеспубликабыҙҙа яҙғы сәсеүгә әҙерлек йылдам һәм ойошҡан бара, хатта ҡайһы бер хужалыҡтар арышты туҡландырыуға төшкән дә инде. Миәкә районы хакимиәте башлығы Ришат Аҡтуғанов белдереүенсә, ваҡытты дөрөҫ бүлә белеү һәр йәһәттән дә отошло. Улар оҙайлы ҡышта техниканы ремонтлаған, яғыулыҡ-майлау материалдарын хәстәрләгән, орлоҡ таҙартҡан. Һәр ҡайҙа ла тырышлыҡ булғанда ғына мул уңышҡа өлгәшергә мөмкин икәнлекте лә өҫтәне Ришат Ғәбдрәшит улы. Райондың ауыл хужалығы идаралығы начальнигы Илдар Сәбәхов оҙатыуында “Мәхейәнов” крәҫтиән (фермер) хужалығына юлландыҡ.


Шундай осор килде, кем әйтмешләй, һәр тин һанаулы, аҡсаны уңлы-һуллы елгәреү күптән онотолдо. Быны “Мәхе­йәнов” крәҫтиән (фермер) хужалығы етәксеһе Рәлис Мәхейәнов күптән аңлаған.
– Айырыуса ауылда эшһеҙлектән йонсоп, урам ҡыҙырған һәм эт һуғарған әҙәм булмаһын ине, – тип башланы һүҙен Рәлис Мөҙәрис улы. – Малсылыҡҡа, баҡсасылыҡҡа тотонорға теләк белдергәндәрҙе хакимиәттә кәңәштән өҙмәйҙәр, йүнәлеш биреүселәр бар, ярҙам итәләр. Кемде генә алмайыҡ, барыһынан да кәрәкле шөғөлгә этәргес һәм ынтылыш бирерлек бихисап йылы һүҙҙәрҙе ишетергә мөмкин. Юғарынан хуплап торғанда эшҡыуарлыҡты нисек яҡшы алып бармаҫҡа мөмкин?
Эш кәрәкме? Улай икән, Миәкәгә килегеҙРәлис Мәхейәнов бер туған ҡустыһы Ирнес менән 2012 йылда фермерлыҡҡа тотонған. Тамъян-Таймаҫ ауылы янында 44 гектар ерҙе эшкәртә башлағандар, хатта үҙ ҡулдары менән трактор әтмәләгәндәр. Сөгөлдөр үҫтереп мул уңыш алғас, тағы ла дәртләнеп теплица ҡороп ултыртҡандар. Өс сутый ерҙә йәшелсә-емеш үҫтереп табыш алған сәмселдәр. Унан инде 60 баш малды һимертеүгә ҡуйғандар.
Рәлис Мәхейәнов бөгөн аяғында ныҡлы баҫып торған фермерҙарҙан иҫәпләнә. Боғҙан, Ҡолтай-Ҡаран, Тамъян-Таймаҫ, Күл-Ҡуңҡаҫ, Комсомол, Софиевка, Өршәк ауылдары фермаларында өс меңдән ашыу һыйыр малы бар.
Бүтәндәрҙә нисектер, әммә күңелендә фермер булыу тойғоһо йәштән бөрөләнеүен уның һөйләгәндәренән асыҡ тойомланыҡ. Күпмелер ваҡыттан һуң ошо татлы хыялы тормошҡа ашҡан. Үҙ шөғөлө, үҙ көйө тигән кеүек, хәҙер бөтә мәсьәләне лә нәҡ үҙе хәстәрләргә һәм хәл итергә тейеш. Ятҡан таш мүкләнә, йөрөгән таш шымара тигән мәҡәлде һәр саҡ иҫтә тотоп эш итә.
Пландары шул тиклем ҙур һәм маҡсаттары аныҡ. Йәш алға тәгәрәгән һәм йылдар үткән һайын бына нимәгә төшөнгән әңгәмәсем: күп осраҡта ниндәйҙер эшкә тотонорға йөрьәт итмәй икән күптәр. Нимәлер ҡамасау итә йәки тотҡарлай. Ысынында иһә бер ниҙән дә ҡурҡырға ярамаған тигән һүҙҙе ишеткәндә, әйтерһең дә, тимер сыңы ишетелгәндәй булды. Был осраҡта, күҙ ҡурҡа, ҡул эшләй, тиҙәрме әле? Бер генә миҫал. Быйыл 40 миллион һумлыҡ суммаға техника алған ул.
Сәсеүлек майҙаны иһә ун мең гектар ерҙе тәшкил итә, шул иҫәптән һигеҙ мең гектар майҙанға иген культуралары сәсәсәктәр. Әйткәндәй, әгәр ҙә баҫыуға хәҙерҙән үк төшөргә мөмкин булһа, сәсеүҙе шунда уҡ башларҙар ине.
Фермер 100 кешене эш урыны менән тәьмин иткән, уларға эш хаҡы ваҡытында түләнә. Тамъян ауылында ярымфабрикаттар етештереү заводы эшләй, унан да ҙурырағын Ҡырғыҙ-Миәкәлә төҙөргә уйлай. Хәйер, барыһы ла әҙер, ошо көндәрҙә ул тантаналы асылыр тип көтөлә. Өфө ҡалаһында һәм район үҙәге Ҡырғыҙ-Миәкә ауылында магазиндары бар.
Етәксе айырыуса Әтхәм Ғәбитов, Нәзир Вәлиев, Рәфис Мәхейәнов, Ләйсән Бәхтейәрова, Фәнил Иҙрисов, Алмас Әхмәтвәлиев, Илнур Ғәлимовтарҙы маҡтап бөтә алманы.
– Айнур Хафизов агроном вазифа­һында эшкә урынлашҡас та тырышлыҡ күрһәтте. Яҡшы белгес, һөҙөмтәләре шатландыра. Эш кешеләренә беҙҙә хөрмәт ҙур – Тамъян ауылынан бынамын тигән йорт һатып алып бирҙем, – тип тамамланы һүҙен Рәлис Мәхейәнов.

Миәкә районы.



Беҙҙе Яндекс Дзен лентаһында уҡығыҙ
Комментарий өҫтәргә






Башҡортостан – Япония бәйләнештәре нығына

Башҡортостан – Япония бәйләнештәре нығына 21.09.2018 // Иҡтисад

Ошо көндәрҙә Мәскәүҙә Башҡортостан Хөкүмәте Премьер-министры Рөстәм Мәрҙәнов етәкселегендәге рәсми...

Тотош уҡырға 1

Сифатҡа баһа бирелә

Сифатҡа баһа бирелә 20.09.2018 // Иҡтисад

Башҡортостан Республикаһы Хөкүмәте ҡарарына ярашлы, сифат өлкәһендәге премияларға конкурста...

Тотош уҡырға 35

Пенсия йәше: уҡытыусылар һәм табиптар өсөн

Пенсия йәше: уҡытыусылар һәм табиптар өсөн 19.09.2018 // Иҡтисад

Белеүегеҙсә, 19 июлдә илдең Дәүләт Думаһы пенсия ҡануниәтенә үҙгәрештәр тураһындағы законды тәүге...

Тотош уҡырға 95

Тырышлығыңа күрә – хаҡы

Тырышлығыңа күрә – хаҡы 19.09.2018 // Иҡтисад

200 урынға иҫәпләнгән цехҡа тегенселәр кәрәк. Һуңғы йылдарҙа республикабыҙҙың көньяҡ-көнсығыш...

Тотош уҡырға 67

Халыҡ башланғыстары хуплана

Халыҡ башланғыстары хуплана 19.09.2018 // Иҡтисад

Башҡортостан Хөкүмәте Премьер-министры Рөстәм Мәрҙәнов рәйеслегендә үткән Хөкүмәт Президиумы...

Тотош уҡырға 57

“Витязь” ҡеүәтен арттыра

“Витязь” ҡеүәтен арттыра 18.09.2018 // Иҡтисад

“Витязь” машиналар эшләү компанияһының тәжрибә цехына Силәбе механика заводынан КС-5772 технологик...

Тотош уҡырға 45

Һандар телендә

Һандар телендә 18.09.2018 // Иҡтисад

Быйылғы йылдың өсөнсө кварталына республиканың ҡала биләмәләрендә, муниципаль округтарҙа һәм...

Тотош уҡырға 28

Яғыулыҡҡа кәрәк ауыҙлыҡ...

Яғыулыҡҡа кәрәк ауыҙлыҡ... 18.09.2018 // Иҡтисад

Күптән түгел Дәүләт Думаһының бер төркөм депутаттары бензинға һәм дизель яғыулығына хаҡтарҙы дәүләт...

Тотош уҡырға 27

Төҙәтмәләр индерелһә

Төҙәтмәләр индерелһә 18.09.2018 // Иҡтисад

Дәүләт Думаһы Өфөнән көнсығыштан сығыу юлын һалыуҙы финанслау тураһындағы закон проектын тикшерә....

Тотош уҡырға 31

Стратегик документ тикшерелде

Стратегик документ тикшерелде 13.09.2018 // Иҡтисад

Республикабыҙ делегацияһы IV Көнсығыш иҡтисад форумында эшен дауам итә. Икенсе көн Башҡортостан...

Тотош уҡырға 53

Беҙҙең һөттө сит илдә лә эсерҙәр

Беҙҙең һөттө сит илдә лә эсерҙәр 13.09.2018 // Иҡтисад

Республикала һөт продукцияһының “Башҡортостандан” брендын булдырыуҙы планлаштыралар....

Тотош уҡырға 42

Кемгә иген кәрәк?

Кемгә иген кәрәк? 13.09.2018 // Иҡтисад

Быйыл һигеҙ айҙа республикала 319,7 тонна яңы иген уңышы һатылған. Был былтырғы ошо осор менән...

Тотош уҡырға 54