Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Улар төҙөгән йорттар мәңгелек
Улар төҙөгән йорттар мәңгелекСтәрлетамаҡтағы “УрманСтрой” төҙөлөш компанияһының директоры Әхмәт Аҫылбәковты бөгөн ҡалала ғына түгел, республиканың башҡа төбәктәрендә лә беләләр. Уның компанияһы төҙөгән шәхси йорттар сифатлы, зауыҡлы, күркәм булыуы менән әллә ҡайҙан күҙгә салына. Ә инде был эштең нескәлектәрен биш бармағы кеүек белгән етәксене юллап, унан кәңәш, йорт төҙөп биреүҙәрен һорап, әллә ҡайҙарҙан киләләр.

Әхмәт Ғафури районының Ҡаранйылға ауылында күп балалы ғаиләлә тыуып үҫә. Ата-әсәһе ул-ҡыҙҙарын бәләкәйҙән эш менән тәрбиәләй. Рәсем дәрестәрендә оҫта итеп һүрәт төшөргән үҫмергә уҡытыусылары ла һоҡланыуын йәшермәй, артабан ошо йүнәлештә белем алырға кәңәш итәләр. Һигеҙенсе­нән һуң Әхмәт Стәрлетамаҡта рәссам-биҙәүсе һөнәрен үҙләштерә. Һуңынан ошо уҡ уҡыу йортонда электрикка уҡый.
Йылдар үткән һайын белем тауҙарына ҡыйыу үрмәләй беҙҙең геройыбыҙ. Башта төҙөлөш, шунан иҡтисад буйынса юғары белем алыу менән бергә дәүләт һәм муниципаль идара итеү буйынса ла университет тамамлай.
Әрменән ҡайтҡас, Синтетик кау­чук заводында эшләй башлай ул.
Улар төҙөгән йорттар мәңгелек– Аҙ эш хаҡына көнө буйы бил бөгөп йөрөү ғәрләндерҙе. Шул саҡ эшемде асырҙай көс тойҙом. Бер бригада төҙөнөм. Үҙем заводта йөрөйөм, улар менән телефон аша идара итәм. Оҫта, эш рәте белгән егеттәрҙе һайлап алдым. Кешеләр беҙ һалған йорттарҙы күреп, ҡыҙыҡһына башланы, заказдар күбәйҙе, – ти ул.
Бәләкәйҙән һәр нәмәне еренә еткереп эшләүҙе аңына һеңдереп үҫтергәндәре өсөн бөгөн Әхмәт ата-әсәһенә рәхмәт уҡып бөтә алмай. Баҙар шарттарында тап ошо сифат ҡотҡара уны. Сифат, сифат, тағы бер тапҡыр сифат. Эшселәренән дә шуны талап итә. Шул саҡта ғына һинең менән иҫәпләшәсәктәр, хөрмәт итәсәктәр. Бөгөн уның ҡул аҫтында ун бригада бар. Сер түгел: кешене бушҡа йә осһоҙ хаҡҡа эшләтеүселәр етерлек. Әхмәт Мәүлембирҙе улы үҙенең егеттәре араһында хөрмәт яулаған, хеҙмәт хаҡын да ғәҙел һәм ваҡытында түләй. Быйыл ғына әллә күпме йортто файҙаланыуға тапшырған улар. Бынан тыш, төҙөлгән гараж, мунсаларҙың иҫәбе-һаны юҡ тигәндәй.
Әлбиттә, бөгөн йорттар төҙөү­се төрлө ойошмалар күп. Ә Әхмәт Мәүлембирҙе улы етәкселе­гендәге компания өйҙө бөгөндән сығып йәшәй башларлыҡ итеп төҙөүе, бер юлы нигеҙен, эске һәм тышҡы эштәрен биҙәкләп, ҡыйығын ябыуы, комму­никация­ларҙы үткәреп би­реүе менән ота. Тулыһынса бер ойошма булыш­ҡас, ышаныс­лыраҡ та, мәшәҡәте лә аҙ. Шуныһы менән килешергә кәрәк: быныһы өсөн аҡса кәрәк, тип ваҡыт уҙғарып, кемгәлер инә­лергә түгел. Бөтәһен дә үҙҙәре эшләй ҙә бирә. Гарантиялары ла бар. Дизайнды яҡшы белеүҙәре лә файҙаға ғына. Йорттоң проектын Әхмәт заказ­сының теләге буйынса үҙе һыҙа. Икенсенән, уларҙың хеҙмәте бүтәндәрҙе­кенән 15-20 процентҡа осһоҙораҡ. Шуға ла йыш ҡына хуплау һүҙ­ҙәре ишетәләр. Иң алыҫтағы заказ күрше Татарстан Республи­каһында булған. Ҡазан ҡалаһын­да йорт, гараж, мунса төҙө­гәндәр, башҡорт егеттәренең эшенән бик ҡәнәғәт ҡалғандар хужалар.
— Бөгөн ун бригада йорттар төҙөү менән мәшғүл, – тип һүҙен дауам итә булдыҡлы уҙаман. – Башлыса үҙебеҙҙең Ҡаранйылға, күрше ауыл егеттәре эшләй. Һүҙ юҡ, шәптәр!
Уларға фатир табып, ҡуртым хаҡын да түләй. Ә киләһе йылға ауылдаштарына “Башҡорт­остан” гәзитен дә яҙҙырып бүләк итәсәген белдерҙе.
Инде апаруҡтан Стәрлета­маҡта йәшәһә лә, бала сағы үткән ғәзиз төйәген онотмай Әхмәт. “Һаумыһығыҙ, ауылдаштар!” байрамын үткәрһенме, уңғандарға, күп балалы ғаиләләргә, ветеран­дарға бүләктәр таратһынмы, ауылдың зыяратын ҡоймалап алыуҙы ойошторһонмо. Стәрле­та­маҡтан тимер бағаналар, торбалар, рабицалар алып ҡайтып, һуңғы ҡаҙауҙы ҡаҡҡансы үҙе бергә йөрөп эшләй. Былтыр 22 июлдә 12 райондың вәкилдәрен йыйып данлыҡлы башҡорт атына бағышланған “Һыбайлылар” фестивален уҙғарыуы үҙе ни тора. Бына шундай рухи тәрбиә алған ул ғаиләһендә. Шуға ла балалары Алина, Аделина, Алиханға рухи яҡтан яҡшы тәрбиә биреп, һөйөклө ҡатыны менән татыу ғаилә ҡорған. Ауылдаштары иһә ошондай егет үҫеүенә ҡыуанып бөтә алмай. Ә. Аҫылбәков Ғафури район Советы депутаты булараҡ тыуған төбәгенә бик күп көс һала, уның сәскә атыуына үҙ өлөшөн индерә. Ғафури район хакимиәте уның эшмәкәрлеген “Йыл кешеһе” тигән маҡтаулы исем менән билдәләне.
Әлбиттә, Әхмәттең күңелен борсоған хәлдәр ҙә бар. Гектар-гектар баҫыуҙар буш ята, фермалар хужаһыҙ. Хатта бына тигән биналарҙы төбө-тамыры менән ҡутарып бөтөрөп баралар. Халыҡ эшһеҙлектән йонсой. Был хаҡта һүҙ ҡуҙғатһаң, етәкселәр, ауылда эш юҡ тигән һүҙ булыуы мөмкин түгел тип, ауыҙҙы томаларға әҙер тора. Эйе, шәхси хужалыҡ, ҡорт тотоп, иркен генә йәшәүселәр етерлек. Әммә мал-тыуарға бесән әҙерләү, аҙаҡ уны һатыу өсөн һаулыҡ та, ваҡыты ла кәрәк. Икенсенән, бөтә кешелә лә эшҡыуарлыҡ һәләте юҡ. Шуға ла киләсәктә тыуған ерен, районын матур, төҙөк итеп күргеһе килә уның. “Мин булмаһам, кем башлап йөрөргә тейеш?” – тигән уйҙы маҡсат итеп ҡуйған. Ә бит уның тыуған ауылы тәбиғәттең йәннәт кеүек мөйөшөндә урынлашҡан. Тирә-яҡтан бейек-бейек тауҙар уратып алған, йылғалар, шишмә­ләр күп. Тап шул ниәттән йәш эшҡыуар был төбәктә туристик база асыу хыялы менән янып йәшәй. Ул сағында йәнә бихисап кеше эшле булыр ине. Бының өсөн үҙендә көс тә, мөмкинлек тә тоя Әхмәт Мәүлембирҙе улы. Әле үк тыуған ауылында башҡорт аттарын үрсетеүгә тотондо. 31 баш йылҡы малы ишәйә, хыялдары – киләсәктә ҡымыҙсылыҡ тармағын яйға һалыу.
Ауылдаштарын эшле лә итте ул, йәштәрҙә ошонда тамыр йәйергә, мул тормошта йәшәргә өмөт уятты.

Автор: Г. СӘЛИХОВА.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Черниковка кварталдары яңырырмы?

Черниковка кварталдары яңырырмы? 25.03.2019 // Иҡтисад

Бөгөн Башҡортостан Башлығы вазифаһын ваҡытлыса башҡарыусы Радий Хәбиров етәкселегендә үткән...

Тотош уҡырға 19

Башлыҡтан башҡа бер кем дә түгел...

Башлыҡтан башҡа бер кем дә түгел... 25.03.2019 // Иҡтисад

— 28 марттан республиканың барлыҡ муниципалитеттары ла “Инвестиция сәғәт”тәре үткәрә башлаясаҡ....

Тотош уҡырға 50

Ҡайһы предприятиеларға ышаныс бағлайбыҙ?

Ҡайһы предприятиеларға ышаныс бағлайбыҙ? 23.03.2019 // Иҡтисад

“Айырым компанияларҙы – үҫеш драйверҙарын – һанап үтергә мөмкинме? Бөгөн Башҡортостан башҡа...

Тотош уҡырға 36

100 йыллыҡҡа –  төп ун төҙөлөш

100 йыллыҡҡа – төп ун төҙөлөш 22.03.2019 // Иҡтисад

Оло байрам айҡанлы төбәктә 102 яңы объект төҙөлә. Был проект “Республиканың 100 йыллығына – 100...

Тотош уҡырға 64

Хеҙмәт батырҙары һынатмай

Хеҙмәт батырҙары һынатмай 22.03.2019 // Иҡтисад

Төбәктең “Шаранагрогаз” йәмғиәте — хәҙерге технологиялар нигеҙендә ныҡлы етештереү базаһына эйә...

Тотош уҡырға 32

Cибайҙа етештерелгән ризыҡ тәмле лә, сифатлы ла

Cибайҙа етештерелгән ризыҡ тәмле лә, сифатлы ла 22.03.2019 // Иҡтисад

Өҫтәлде байрам табындарын колбаса һәм колбаса ризыҡтарынан тыш күҙ алдына ла килтереп булмай....

Тотош уҡырға 48

Сыр һәм логистик үҙәк булырмы?

Сыр һәм логистик үҙәк булырмы? 21.03.2019 // Иҡтисад

Бөгөн Иглин районында тәүге “Инвестиция сәғәте” үтте....

Тотош уҡырға 46

Таныш һөт ризыҡтары йәнә магазинға сығасаҡ

Таныш һөт ризыҡтары йәнә магазинға сығасаҡ 21.03.2019 // Иҡтисад

Башҡортостандың Арбитраж суды һалым хеҙмәтенең “Саҡмағош һөт заводы” яуаплылығы сикләнгән...

Тотош уҡырға 43

Уларҙың эш сифаты яҡшырһа...

Уларҙың эш сифаты яҡшырһа... 20.03.2019 // Иҡтисад

“Росреестр”ҙың Башҡортостан буйынса идаралығы Күп функциялы үҙәк хеҙмәткәрҙәре өсөн уҡыуҙар...

Тотош уҡырға 69

Апрелдән компенсация түләнә

Апрелдән компенсация түләнә 20.03.2019 // Иҡтисад

Башҡортостанда коммуналь хеҙмәттәр хаҡының яңы стандарттарын раҫланылар. Документ граждандарҙың...

Тотош уҡырға 117

Ишембай үҫешергә әҙер!

Ишембай үҫешергә әҙер! 20.03.2019 // Иҡтисад

Быйыл Башҡортостанда беренсе махсус иҡтисади биләмә булдырырға әҙерләнәләр. Уның урыны билдәле –...

Тотош уҡырға 51

Һөт фабрика-кухняһы эш башлай

Һөт фабрика-кухняһы эш башлай 20.03.2019 // Иҡтисад

Республиканың Сауҙа буйынса дәүләт комитеты Өфө туҡланыу һәм сервис колледжының Стәрлетамаҡ...

Тотош уҡырға 57