Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Изгелек өләшер “Изге ай”
Изгелек өләшер “Изге ай”
Йәйләү ауылында тәүге иман йорто 1912 йылда төҙөлә. Башҡа мәсеттәр кеүек үк, ауыр яҙмышҡа дусар була ул: коллективлаштырыу ваҡытында манараһы ауҙарыла. Һөҙөмтәлә иман йортоноң бинаһы тәүҙә – балаларға белем биреү, аҙаҡ икмәк бешереү өсөн файҙаланыла.


Күптән түгел был урынға мәсет яңы­нан ҡайтты. “Изге ай” исемле күр­кәм иман йортон Ирек Шәрипов менән Сергей Мортазиндың ғаилә­ләре хә­ләл аҡсаһына төҙөттө. “Ике ке­ше ғә­ҙел эш алып барһа, Аллаһ Тә­ғәлә улар­ҙың өсөнсөһө булыр”, – тигән пәй­ғәмбәребеҙ Мөхәммәт ғәләй­һис-сә­ләм үҙенең мөбәрәк хәҙи­сендә. Йәй­ләүҙәр ошондай уңған, иманлы ауылдаштары менән ихлас күңелдән ғорурлана.
Изге йортто асыу тантанаһына ха­лыҡ дәррәү йыйылды. Йәйләүҙәр генә түгел, ситтән килгәндәр ҙә күп ине. Сараны асып, район хакимиәте баш­лығы Илдар Мостафин, Исәмәт ауыл биләмәһе етәксеһе Илшат Басиров халыҡҡа ҡотлау һүҙҙәрен еткерҙе. Тантанаға мәртәбә өҫтәп кил­гән ҡунаҡ – Юғары мөфтөй, Рәсәй мосол­ман­да­рының Үҙәк диниә назараты рәйесе Тәлғәт хәҙрәт Тажетдин – иһә сығы­шында Ислам тарихына байҡау яһа­ны, үтелгән һынауҙарҙы иҫкә тө­шөр­ҙө, бөгөнгө ҡаҙаныштарҙы билдәләне.
Изгелек өләшер “Изге ай”– Әл-хәмдү лил-ләһ, мәсет бик матур ерҙә урынлашҡан. Иң мөһиме – унан кеше өҙөлмәһен, ишектәре һәр саҡ асыҡ булып, халыҡты һәр саҡ әҙәпкә, иманға әйҙәһен, – тип теләне Тәлғәт Сафа улы һәм мәсеткә рәсми байраҡ, Ирек Шәрипов менән Сергей Мортазинға рәхмәт хаттары тап­шыр­ҙы.
Тантанала шулай уҡ Рәсәй Дәүләт Думаһының ЛДПР фракцияһы депутаты Иван Сухарев, Илеш һәм Ба­ҡалы райондарының имам-ахуны Рөс­тәм хәҙрәт Абушахмин, Йәйләү ауылы муллаһы Ансаф хәҙрәт Кашапов, күренекле яҙыусы Лира Яҡшы­баева ҡатнашты. Барыһы ла ха­лыҡты мәсетле булыуы менән тәб­рикләп, изге теләктәрен еткерҙе, бүләктәрен тапшырҙы. Байрамдың рәсми өлө­шө­нән һуң ҡорбан салынды, аш әҙер­ләнде.
Илеш халҡы элек-электән тырыш­лығы, эшһөйәрлеге, берҙәм булыуы менән дан алған. Был күркәм сифаттары менән бөгөн дә күптәргә өлгө күрһәтеп йәшәй улар. Район хаки­миәте башлығы Илдар Мостафин да, ата-баба тәрбиәһенә тоғро ҡалып, халыҡтың көнитмешен яҡшыртыу маҡсаты менән янып эшләй. Илештә әле 30-ҙан ашыу иман йорто бар, уларға ғилемле, тәжрибәле, абруйлы имамдар етәкселек итә. “Изге ай” ҙың да халыҡты изгелеккә, әҙәп-әхлаҡҡа әйҙәр рухи мөйөшкә әйләнеренә ышаныс ҙур.







Беҙҙе Яндекс Дзен лентаһында уҡығыҙ
Комментарий өҫтәргә






Ир баһаһы – хеҙмәттә

Ир баһаһы – хеҙмәттә 21.09.2018 // Иман

Ихтирам-хөрмәттең нигеҙе ниҙә? “Ауылда эш булмағанлыҡтан, ирем өйҙә ултырырға мәжбүр”. Ошондай...

Тотош уҡырға 22

Тик изгелек көт

Тик изгелек көт 14.09.2018 // Иман

“Кешеләрҙе аҡсағыҙ менән ҡәнәғәтләндерә алмаҫһығыҙ. Уларға ҡарата мөнәсәбәтегеҙ яҡшы, йөҙөгөҙ яҡты...

Тотош уҡырға 60

Иртәнге намаҙ бәрәкәте

Иртәнге намаҙ бәрәкәте 07.09.2018 // Иман

Күптәр иртәнге намаҙҙы иң ауыры тип һанай. Ә йоҡонан ваҡытында уяныу физик һәм рухи ныҡлыҡ талап...

Тотош уҡырға 58

Үҙ һүҙеңде әйт

Үҙ һүҙеңде әйт 07.09.2018 // Иман

Дәүләт Йыйылышы – Ҡоролтай – Башҡортостан дәүләт власының юғары һәм берҙән-бер закондар сығарыу...

Тотош уҡырға 51

Ҡөрьәндә зекер ителгәс...

Ҡөрьәндә зекер ителгәс... 07.09.2018 // Иман

“Инжир һәм зәйтүн ағастары, мөбәрәк Тур һәм Сина тауҙары, именлек ҡалаһы булған Мәккә менән ант...

Тотош уҡырға 62

Һыу ҡөҙрәте

Һыу ҡөҙрәте 07.09.2018 // Иман

Һыу – Аллаһ Тәғәләнән бирелгән оло ниғмәт. Уның тәбиғәткә лә, кеше һаулығы өсөн дә әһәмиәте баһалап...

Тотош уҡырға 69

Яңы йылға – “Фатиха” менән

Яңы йылға – “Фатиха” менән 07.09.2018 // Иман

Һәргәй ауылы мәсете халыҡты нығыраҡ яҡынайтты 1440 һижри йыл алдынан Һәргәй ауылында күптән...

Тотош уҡырға 59

Берҙәмлектә – бәрәкәт

Берҙәмлектә – бәрәкәт 31.08.2018 // Иман

Түбәнге Әрмет халҡының татыулыҡ нигеҙе ниҙә? ...Һуңғы ҡалайҙы беркетергә генә ҡалған. Ришат...

Тотош уҡырға 124

Боронғо мәсеткә – яңы һулыш

Боронғо мәсеткә – яңы һулыш 24.08.2018 // Иман

Изге Ҡорбан ғәйете Түбәнге Яйыҡбай ауылы халҡына икеләтә шатлыҡ килтерҙе: унда республикалағы иң...

Тотош уҡырға 82

Изге уйҙа йәшәү емеше

Изге уйҙа йәшәү емеше 24.08.2018 // Иман

Изге Ҡорбан ғәйетендә өммәтебеҙҙең ҡеүәт йыя, милләттәр араһындағы татыулыҡтың нығына барғанына...

Тотош уҡырға 72

Изгелектең емеше мул

Изгелектең емеше мул 21.08.2018 // Иман

Етемдәр, мохтаждар хаҡында хәстәрлек күреү – Исламда төп ғәмәлдәрҙең береһе. “Аллаһ юлында ярҙам...

Тотош уҡырға 102

Ғәйет Ҡорбан

Ғәйет Ҡорбан 21.08.2018 // Иман

Һөйөнөгөҙ, дуҫҡайҙарым! Байрам бөгөн, Ҡорбан бөгөн; Һәр мосолман ҡәлбенә байрам ҡошо ҡунған бөгөн....

Тотош уҡырға 111