Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Еңеллек йәшәргә өйрәтәме?
Тормош ауыр, тип зарланыуҙар хәҙер ғәҙәтигә әүерелде кеүек. Ә ҡатмарлыҡтар булмаһа, әҙәм балаһы нисек йәшәр ине? Еңеллек менән алға барыу мөмкинме?

...Бер мәл ҡорт йомғағында бәләкәй генә тишек барлыҡҡа килә. Эргәнән уҙып барған кеше туҡтап, унан күбәләктең нисек сығырға тырышҡанын ҡарап, оҙаҡ күҙәтеп тора. Бер нисә сәғәт үтә. Күбәләктең хәле бөткәндәй тойола, ә тишек элекке һымаҡ уҡ бәләкәй булып ҡала.
Кеше йән эйәһен сикһеҙ йәлләй. Ярҙам итеү ниәтендә бәләкәй бысағын ала ла ҡорт йомғағын ҡырҡа. Күбәләк килеп сыға. Шул ҡәҙәр көсһөҙ, ти, саҡ-саҡ хәрәкәт итә, ҡанаттары үтә күренеп тора икән. “Хәҙер осоп китәсәк!” – тип уйҙа юлын дауам итә кеше. Күрһәткән ярҙамынан сикһеҙ ҙур ҡәнәғәтлек кисерә ул.
Ләкин бер ни ҙә үҙгәрмәй. Күбәләк ҡалған ғүмерен шулай хәлһеҙлектә үткәрә. Тәненә көс өҫтәлмәй, ҡанаттары нығынмай. Күпме генә тырышмаһын, осоп китә алмай. Ни өсөн тигәндә, кеше, ярҙам итәм тип, киреһенсә, зыян килтерә. Ул күбәләк өсөн ҡорт йомғағынан сығыуҙың ни тиклем мөһим икәнен аңламай: ауырлыҡҡа ҡаршы көрәшкән йән эйәһенең ҡанаттары нығынып, осоу һәләте арта, йәшәүгә ынтылыш барлыҡҡа килә.
Әҙәм балаһына ла тормошта тап шундай көс кәрәк. Әгәр ҡаршылыҡтар осрамай икән, йәшәү ҡеүәте, алға ынтылыш һүнә. Донъя – һы­нау йорто. ­Раббыбыҙ биргән һәр көн – имти­хан. Әҙәм балаһы гелән ике юл алдында тора: Аллаһ ҡушыуы буйынса ғәмәл ҡылыу йәки был ҡағиҙәләрҙән ситкә ки­теү. Шуға ҡарап әжерен дә алаһың.
“Ҡөрьән Кәрим”дең “Әл-Бәҡара” сүрәһендә: “Һеҙҙе ниндәй ҙә булһа ҡурҡыныс, аслыҡ, йәндәрҙең, малдың, емеш-еләктең кәмеүе менән һынайбыҙ”, – тиелгән. Тимәк, тормош имтихандарынан берәү ҙә ситтә ҡалмай: кемдеңдер ғаи­ләһенә ҡыйынлыҡ килә, икенселәрҙең мал-тыуары, емеш-елә­ге, донъяһы зыян күрә, өсөнсөләр үҙҙәре ауыр хәлдә ҡала һ.б. Ошондай ауырлыҡтар кисермәһә, кеше тормош хәҡиҡәтен аңламаҫ, йәшәргә өйрәнмәҫ ине. Юлдар ҙа бормалы-бормалы бит. Әгәр ҙә ки улар туп-тура булһа, рулдә барған кеше йоҡлап китер, иғтибары тарҡалыр ине. Шул уҡ ваҡытта хеҙмәт баҫҡыстарын миҫал итеп килтерәйек. Яңы эш башлаған белгескә бөтөн юлдар асыҡ, буштан-буш маҡтау һүҙҙәре яуып тора икән, ул артабан үҫешә алырмы? Юҡ. Барыһы ла еңел тип уйлап, тәкәббергә әйләнәсәк, алға ынтылышы булмаясаҡ. Ошо һәм башҡа яңылышлыҡтарҙан иҫкәртеү сараһы ул тормош һынауҙары. Аллаһ Тәғәләнең хикмәте менән бар нәмә үлсәүгә һалынған.
Дини китаптарҙа әйтелеүенсә, әҙәм балаһы һынауҙарҙы сабыр үткәрергә, хаҡ юлдан ситкә тайпылмаҫҡа тейеш. Әлбиттә, бындай осраҡтарҙа бер ни эшләмәй, ҡул ҡаушырып ултырыу дөрөҫ түгел. Ҡаршылыҡтарҙы еңеү юлдарын эҙләү зарур. Мәҫәлән, ҡара урманда аҙашҡанда унан сығыу өсөн һис ниндәй тырышлыҡ күрһәтмәһәң, ни булыр? Шуның шикелле ҡыйын­лыҡтарҙы еңеүгә бөтөн көстө һалыу зарур. Һынауҙы лайыҡлы үтеү мөһим. Дин белгестәре был йәһәттән тәбиғәт күренештәренән өлгө алырға саҡыра. Мәҫәлән, күсер ҡоштар, ауырлыҡтарға ҡарамайынса, тормошто дауам иттереү, бала сығарыу өсөн күпме юл үтә! Тамыры өҫтөнә асфальт йәйеп үтһәләр ҙә, уны тишеп килеп сыҡҡан үлән-сәскәләр, ҡаялар араһында ҡыҫылып булһа ла үҫеүен дауам иткән ағастарға ҡарайыҡ. Эйе, йәшәү көсө күңелдә булырға тейеш.
Йылдың дүрт миҙгелен алайыҡ. Һәр береһенең үҙ йәме, бәрәкәте бар. Ауырлыҡтары ла күп. Шуларҙы ваҡытында лайыҡлы күтәрә белһәң, алда еңеллек көтөр. Мәҫәлән, эҫе йәйҙә сыҙамлыҡ, тырышлыҡ менән мал аҙығы әҙерләһәң, ҡышты тыныс үткәрерһең. Шуның шикелле, тормошта осраған ауырлыҡтар алдында баҙап ҡалмайынса, уларҙы еңеү алымдарын ваҡытында табып, ҡыйын саҡтарҙа бер-береһенә ярҙам итеп, шатлыҡ-ҡайғыны уртаҡлашып йәшәгәндәр бәрәкәттә ғүмер кисерер, хаҡ юлдан тайпылмаҫ.



Беҙҙе Яндекс Дзен лентаһында уҡығыҙ
Комментарий өҫтәргә






Ир баһаһы – хеҙмәттә

Ир баһаһы – хеҙмәттә 21.09.2018 // Иман

Ихтирам-хөрмәттең нигеҙе ниҙә? “Ауылда эш булмағанлыҡтан, ирем өйҙә ултырырға мәжбүр”. Ошондай...

Тотош уҡырға 44

Тик изгелек көт

Тик изгелек көт 14.09.2018 // Иман

“Кешеләрҙе аҡсағыҙ менән ҡәнәғәтләндерә алмаҫһығыҙ. Уларға ҡарата мөнәсәбәтегеҙ яҡшы, йөҙөгөҙ яҡты...

Тотош уҡырға 67

Иртәнге намаҙ бәрәкәте

Иртәнге намаҙ бәрәкәте 07.09.2018 // Иман

Күптәр иртәнге намаҙҙы иң ауыры тип һанай. Ә йоҡонан ваҡытында уяныу физик һәм рухи ныҡлыҡ талап...

Тотош уҡырға 66

Үҙ һүҙеңде әйт

Үҙ һүҙеңде әйт 07.09.2018 // Иман

Дәүләт Йыйылышы – Ҡоролтай – Башҡортостан дәүләт власының юғары һәм берҙән-бер закондар сығарыу...

Тотош уҡырға 55

Ҡөрьәндә зекер ителгәс...

Ҡөрьәндә зекер ителгәс... 07.09.2018 // Иман

“Инжир һәм зәйтүн ағастары, мөбәрәк Тур һәм Сина тауҙары, именлек ҡалаһы булған Мәккә менән ант...

Тотош уҡырға 64

Һыу ҡөҙрәте

Һыу ҡөҙрәте 07.09.2018 // Иман

Һыу – Аллаһ Тәғәләнән бирелгән оло ниғмәт. Уның тәбиғәткә лә, кеше һаулығы өсөн дә әһәмиәте баһалап...

Тотош уҡырға 72

Яңы йылға – “Фатиха” менән

Яңы йылға – “Фатиха” менән 07.09.2018 // Иман

Һәргәй ауылы мәсете халыҡты нығыраҡ яҡынайтты 1440 һижри йыл алдынан Һәргәй ауылында күптән...

Тотош уҡырға 59

Берҙәмлектә – бәрәкәт

Берҙәмлектә – бәрәкәт 31.08.2018 // Иман

Түбәнге Әрмет халҡының татыулыҡ нигеҙе ниҙә? ...Һуңғы ҡалайҙы беркетергә генә ҡалған. Ришат...

Тотош уҡырға 126

Боронғо мәсеткә – яңы һулыш

Боронғо мәсеткә – яңы һулыш 24.08.2018 // Иман

Изге Ҡорбан ғәйете Түбәнге Яйыҡбай ауылы халҡына икеләтә шатлыҡ килтерҙе: унда республикалағы иң...

Тотош уҡырға 82

Изге уйҙа йәшәү емеше

Изге уйҙа йәшәү емеше 24.08.2018 // Иман

Изге Ҡорбан ғәйетендә өммәтебеҙҙең ҡеүәт йыя, милләттәр араһындағы татыулыҡтың нығына барғанына...

Тотош уҡырға 73

Изгелектең емеше мул

Изгелектең емеше мул 21.08.2018 // Иман

Етемдәр, мохтаждар хаҡында хәстәрлек күреү – Исламда төп ғәмәлдәрҙең береһе. “Аллаһ юлында ярҙам...

Тотош уҡырға 102

Ғәйет Ҡорбан

Ғәйет Ҡорбан 21.08.2018 // Иман

Һөйөнөгөҙ, дуҫҡайҙарым! Байрам бөгөн, Ҡорбан бөгөн; Һәр мосолман ҡәлбенә байрам ҡошо ҡунған бөгөн....

Тотош уҡырға 111