Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Алға илткән көс
Алға илткән көс“Бәләкәй тәгәрмәс алдан тәгәрәй” тигән әйтем бар халҡыбыҙҙа. Бөгөн уны ауылдарға ҡарата ҡулланыу хаҡлыҡҡа нығыраҡ ярашлы кеүек. Заман мәсьәләләренең күбеһе, халыҡтың, милләттең өҫтөнлөклө бурыстары тәү сиратта уларға барып төбәлә, һәм күпселек осраҡта ауылдарҙың ҙурҙары түгел, ә бәләкәйҙәре, төпкөлдәрәк ятҡандары дөйөм маҡсатҡа табан тәүге аҙымды яһай.

Мәҫәлән, урында эш юҡ тип зар­ланмай, үҙ кәсебен йәйелдер­гән­дәрҙең күбеһе ҡайҙан? Ҙур булмаған ауылдарҙан. Тамырҙарға тоғролоҡ, туғанлыҡ хисе, зат-нәҫелде ишәйтеүгә ынтылыш ҡайҙа көслөрәк? Бәләкәй ауылдарҙа. Милли баҫмаларҙы ҡайҙа ихласлыҡ менән алдыралар? Рухи хазиналарыбыҙҙың ҡиммәтен ҡайҙа нығыраҡ аңлайҙар? Күберәк бәләкәй ауылдарҙа. Бының нигеҙе ҡаҡшамаҫ рух һәм ихтыяр көсөндәлер. Ҙур булмаған ауылдар халҡын борон-борондан шул һыҙат өҫтөнлөклө иткән. “Әҙергә – хәҙер” тигән төшөнсә ят уларға. Фәҡәт үҙ көсөнә таянып, хеҙ­мәттә сынығып, шул бәрәкәттә тамыр­ҙарын, затын ишәйтеп, ерен һаҡлап, рухын нығытып, һөҙөмтәлә дөйөм милләттең, өммәттең, Ватандың ҡеүәтен, ҡотон арттырып йәшәүен дауам итә бәләкәй ауылдар халҡы.
Мәғлүм булыуынса, бөгөн мәсет төҙөүгә лә ҙур иғтибар бирә улар. Дөрөҫ йәшәү нигеҙенең иманда икәне ҡандарына һеңгәнгәлер. Динле урында ер ҙә, тел дә, башҡа ҡиммәттәр ҙә һаҡлана. Ә был эш-ғәмәлдәрҙең башында, һис һүҙһеҙ, ир-егет торорға тейеш. Ошо ерҙең ҡәҙерен белгән, халҡын яратҡан, киләсәге өсөн янып-көйгән уҙаман. Тимәк, тап ошонда тыуып үҫкән кеше. Динебеҙ Ислам нәҡ шулай өйрәтә: ир үҙ ерендә ғүмер итергә тейеш. Ватанды яратыу – имандың бер өлөшө. Тап ошо сифат йәшәтә бөгөнгө ауылдарҙы.
Ә бындай ир-уҙамандар, әл-хәмдү лил-ләһ, күп төбәгебеҙҙә. Мәҫәлән, Иглин районының Һарт-Лабау ауы­лындағы “Шәйхулла” мәсетенең (һүрәттә) имам-хатибы Илдар хәҙрәт Нуриев – тап шундайҙарҙан. Изге төйәгендә төпләнеп, дүрт ул үҫтерә ул. Диндарлыҡ ғәмәле менән бер рәттән Үткәй ауылы Советы депутаты бурысын да намыҫлы атҡара, урын­дағы башҡорт ҡоролтайы ағзаһы ла.
– Бөгөн дәүләт һәм йәмәғәт эштәрен бергә алып бармайынса булмай, – ти Илдар Рәшит улы. – Бурыс­тар ҙа, маҡсаттар ҙа бер бит. Беҙҙең Үткәй ауыл Советына биш ауыл ҡарай: Үткәй, Меңйетәр, Келәш, Иҫке Ҡарашиҙе, Һарт-Лабау. Халҡыбыҙ имен, матур тормошҡа, татыулыҡҡа ынтылып ғүмер итә. Меңйетәрҙәр, мәҫәлән, бер нисә йыл инде сәләмәт йәшәү рәүеше алып бара. Унда һаулыҡҡа зарар килтерер тауарҙар һатылмай, байрамдарҙа ла милли ризыҡ төрҙәре генә ҡуйыла. Ауылға ингән ерҙә “Сәләмәт тормош биләмәһе” тигән ҙур яҙма эленгән. Эскелеккә ҡаршы көрәш урындағы депутаттарҙың ныҡышмалы хеҙмәте арҡаһында башланып, дөрөҫ йәшәүгә ныҡлы нигеҙ һалды.
Яңыраҡ тағы бер һөйөнөслө ваҡиға булды: урындағы депутат Данил Ғималетдиновтың башланғысы менән уның тыуған ауылы Келәштә һәм күрше Иҫке Ҡарашиҙелә дини һабантуй ойошторолдо. Шул ҡәҙәр матур үтте ул, халыҡ күңел кинәнесе алды. Һабантуй Ҡөрьән аяттары менән башланды, аҙағында йәмәғәт намаҙы уҡылды. Етәкселек Келәштә тиҙҙән ҡалҡып сығасаҡ иман йортоноң төҙөлөш барышы менән дә танышып, ҡәнәғәт ҡалды.
Имам-хатип булараҡ, Илдар хәҙрәт Нуриев эшмәкәрлеген төрлө яҡлап алып барырға тырыша. Дини ғәмәл-ғибәҙәттәрҙе үтәү, халыҡты хаҡ юлға әйҙәү менән бер рәттән тән һәм рух сәләмәтлеген нығытыуға йүнәлтелгән башҡа сараларға ла иғтибар бүлә. Мәҫәлән, быйыл ҡыш саңғы ярышы уҙғарылып, еңеүселәргә “Шәйхулла” мәсетенең иҫтәлекле бүләктәре, миҙалдары, грамоталары тапшы­рылған.
– Урындағы ҡоролтайҙа дини бүлек булдырҙыҡ, – ти ҡыуаныс менән тынғыһыҙ уҙаман. – Был да, иншаллаһ, эшмәкәрлегебеҙгә яңы һулыш өҫтәр тигән ышаныстабыҙ.

Иглин районы.



Беҙҙе Яндекс Дзен лентаһында уҡығыҙ
Комментарий өҫтәргә






Истәктәр хәл итер!

Истәктәр хәл итер! 14.12.2018 // Иман

“Йәмил” мәсете – Истәк ауылының йәме. Алты йыл элек төҙөлгән күркәм ғибәҙәтхананың манараһы әллә...

Тотош уҡырға 65

Малаяҙҙа ниңә аяҙ?

Малаяҙҙа ниңә аяҙ? 14.12.2018 // Иман

Салауат районы имам-мөхтәсибе Мөҙәрис хәҙрәт Фәрхиев ҡыуаныслы хәбәр еткерҙе: Малаяҙ мәсете 20...

Тотош уҡырға 53

Доғалы ерҙән ырыҫ китмәй

Доғалы ерҙән ырыҫ китмәй 14.12.2018 // Иман

Мәғлүм ки, Балтаста киң билдәле иман йорто – Иҫке Яҡшый мәсете бар. Эшмәкәрлегенә быйыл 270 йыл...

Тотош уҡырға 40

“Бер-береһе менән танышһын тип...”

“Бер-береһе менән танышһын тип...” 14.12.2018 // Иман

Бөгөн – Башҡорт теле көнө. Ошо уңайҙан динебеҙҙә халыҡтарҙың рухи ҡиммәтенә ҡарата ниҙәр әйтелгәнен...

Тотош уҡырға 47

Йортоң ниндәй –  илең шундай

Йортоң ниндәй – илең шундай 14.12.2018 // Иман

Подъездан башланған тәрбиә нимәгә илтә? Киләһе йылдың ғинуарынан республикала подъездарҙы ремонтлау...

Тотош уҡырға 48

Хаҡ мосолман булайыҡ

Хаҡ мосолман булайыҡ 07.12.2018 // Иман

Мосолман – ул намаҙ уҡыған кеше. Дин тураһында һүҙ сыҡһа, беребеҙҙән икенсебеҙ арттырып һөйләргә...

Тотош уҡырға 115

Яулыҡ ҡатын-ҡыҙҙы биҙәй

Яулыҡ ҡатын-ҡыҙҙы биҙәй 07.12.2018 // Иман

Юлдарым гел уңып тора. Ҡасан ғына әле яулыҡ ябынып йөрөү уйымда ла юҡ ине, хәҙер үҙемде яулыҡһыҙ...

Тотош уҡырға 163

Дин юлына баҫығыҙ

Дин юлына баҫығыҙ 07.12.2018 // Иман

Ете фәнде белеү фарыз. Ислам дине тураһында дөрөҫ аңлайыш булһын өсөн, мосолмандар дини белем...

Тотош уҡырға 127

Ғәйепләргә ашыҡма

Ғәйепләргә ашыҡма 30.11.2018 // Иман

Ислам киң күңелле булырға өндәй. “Ярлылар менән миһырбанлы бул, – тип өйрәткән ололар, – бай...

Тотош уҡырға 127

Ҡөрьән менән дауалай

Ҡөрьән менән дауалай 30.11.2018 // Иман

Зәйнулла ишан – Волга буйы, Урал, Көнбайыш Себер һәм Ҡырым биләмәһендәге Нәҡшбәндиә тәриҡәтенең...

Тотош уҡырға 291

Кем иң яҡшы мөнәсәбәткә лайыҡ?

Кем иң яҡшы мөнәсәбәткә лайыҡ? 23.11.2018 // Иман

Кемдер Мөхәммәт ғәләйһиссәләмдән: “Әй рәсүлуллаһ, әҙәмдәрҙән кем иң яҡшы мөнәсәбәтемә лайыҡ?” – тип...

Тотош уҡырға 143

Ғүмер буйы бурыслыбыҙ

Ғүмер буйы бурыслыбыҙ 23.11.2018 // Иман

Бер егет өлкән йәшкә еткән әсәһен хажға йөкмәп алып килгән. Хәле бөткән, аяҡтары ҡаты, сәнскеле...

Тотош уҡырға 212