Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ғүмер арғымаҡтарында елдереп...
Сурай мәсетендә бер юлы өс ғаилә алтын туйын билдәләне.

Ап-аҡ ҡарлы урамдар буйлап “Ағинәй” мәсетенә табан туй кортежы елдерә. Кәләштәр зауыҡлы ап-аҡ күлдәк һәм фата урынына мосолманса кейенгән, ә Мендельсон маршы урынына аҙан тауышы яңғырай. Сәскә гөлләмәләре, тулҡынланыу, изге теләктәр, бүләктәр, байрам табыны – быларҙың барыһы ла ғаилә парҙары тормошондағы мөһим ваҡиғаның – алтын туйҙың – онотолмаҫ миҙгелдәре булып хәтерҙә уйылыр.

Дим йылғаһы буйында урын­лашҡан был башҡорт ауылы, әйтерһең дә, үҙенә генә хас айырым ҡанундар буйынса йәшәй. Сурай бәләкәй булһа ла, унда проблемалар юҡ, тип әйтеү мөм­кин түгел, әммә халыҡ зарланып ултырмай, ауыр мәсьәләләрҙе бергәләп, кәңәшләшеп хәл итеү сараһын күрергә тырыша.

Күрше ауылдарҙағы аҙ комплектлы мәғариф учреждениелары бер-бер артлы ябыла башлағас, Сурай уҡытыусылары, ҡулынан килгәндең бөтәһен дә эшләп, үҙҙәрендәге мәктәпте һаҡлап ҡала. Күптән түгел халыҡ урындағы башланғыстарҙы яҡлау программаһында ҡатнашып, зыяраттарҙы кәртәләүгә өлгәшкән. Бөгөн иһә яңы проект әҙерләү менән мәшғүлдәр.

Ә яҡташтары ярҙамында тө­ҙөл­гән мәсет – ысын мәғәнәһендә ауылдың йөҙөк ҡашы. Сурай халҡы һәр байрамда ошонда йыйыла. Өҫтәүенә ошо биләмәлә Бөйөк Ватан һуғышы яугирҙәренә һәйкәл асылып, иман йорто тирәһе матурлап ҡоймаланған. Мәсеттән һәр көн яңғыраған аҙан тауышы кешеләр күңеленә иман нуры өҫтәй.

Алда әйтелгәнсә, өс ғаилә парының алтын туйын сурайҙар “Ағинәй” мәсетендә уҙғарҙы. Юбилярҙарҙы – Ғәзизә Ғата ҡыҙы һәм Марат Тимерхан улы Мөхә­мәтшиндар, Гөлсәсәк Сәйетгәрәй ҡыҙы һәм Урал Ғәйнулла улы Вәлиуллиндар, Рәшиҙә Хайтур ҡыҙы һәм Уралбай Алсынбай улы Хәсәновтарҙы – матур ғүмер байрамы менән ҡотларға балалары, ейәндәре, туғандары, күршеләре килде. Тантананы ауыл Советы депутаты, староста, ағинәй Зөбәржәт апай Ғәбдел­мәнова ойошторҙо.

– Аллаһ Тәғәлә һеҙҙе ярты бы­уат элек ҡауыштырған. Бөгөн ғаиләгеҙ йылъяҙмаһының алтын битен асаһығыҙ. Бер-берегеҙгә ҡа­рата һөйөү хисен һаҡлап, мө­хәб­бәтегеҙгә тоғро ҡалып, шат­лыҡты ла, ҡайғыны ла бергә уртаҡ­лашып, ауырлыҡтарға би­реш­мәй, оҙон тормош юлы үт­тегеҙ. Һеҙ – ысын мәғәнәһендә бәхетле кешеләр. Күңелегеҙгә оҡшаған һөнәр һайлап, тыуған ерегеҙҙә ал-ял белмәй хеҙмәт иттегеҙ, лайыҡлы балалар үҫтер­ҙегеҙ, хәҙер инде ейәндәрегеҙ, бүләләрегеҙ үҙегеҙҙе уңыштары менән ҡыуандыра. Һеҙҙең тормош юлығыҙ – йәш быуын өсөн баһалап бөткөһөҙ матур өлгө, – тип ихлас күңелдән тәбрикләне Зөбәржәт Садиҡ ҡыҙы.

Ҡармыш ауыл Советы етәксеһе Дауыт Шәкүров алтын туйын билдәләгән өлкәндәргә республика Башлығы вазифаһын ваҡытлыса башҡарыусы Радий Хәбировтан килгән ҡотлау открыткаһын, иҫтәлекле бүләктәр тапшырҙы. Ғаилә парҙарын тәбрикләргә Зәкиә Солтангәрәева етәкселегендә мәктәп уҡытыусы­лары делегацияһы ла килгәйне. Оҙаҡ йылдар урындағы хужалыҡ рәйесе булып эшләгән ветеран Хәмит Ризуанов та юбилярҙарға изге теләктәрен әйтте.

Мәсеттең имам-хатибы Жәүит хәҙрәттең фатихаһын алғас, йола буйынса, кейәүҙәр кәләштәренә бүләк бирҙе. Ҡул эштәренә маһир хәләл ефеттәре лә яуапһыҙ ҡал­маны: ирҙәренә генә түгел, тан­танаға килгән һәр кемгә бүләк­тәрен өләште. Бәхетле парҙар бер-береһенә туй балдаҡтары ла кейҙерҙе.

Ә инде ғаиләнең ырыҫ-бәрәкәт сере менән уртаҡлашыуҙарын һо­рағас, улар: “Илле йыл күп һымаҡ тойолһа ла, ғүмер бер миҙ­гелдәй үтте лә китте, – тип йыл­майып яуапланы. – Яҙмыш­тың күп тапҡыр һынауына ҡара­маҫтан, бәхетле һәм шатлыҡлы мәлдәр генә хәтерҙә ҡалды... Сабыр булыу, бер-береңде һөйөү, ихтирам итеү һәм хәстәрлектән айырмау – ғаилә бәхетенең сере бына шунда инде”.

Әйтелгәндәргә өҫтәп, бәхетле парҙар һәр ауылды биҙәп йә­шәһен, ә сурайҙар бындай тантаналарҙы йышыраҡ үткәрһен тигән теләктәбеҙ.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 142

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 249

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 105

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 109

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 110

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 335

Маяҡтарҙың күңелен уйлап

Маяҡтарҙың күңелен уйлап 01.02.2019 // Иман

Маяҡ ҡасабаһының имам-хатибы Миҙхәт Ҡоҙаҡаев иман йортона ремонт кәрәклеге хаҡында бәйән итте....

Тотош уҡырға 128

Өмөт йылы һүҙҙән ҡабына

Өмөт йылы һүҙҙән ҡабына 01.02.2019 // Иман

“Ғаилә” үҙәгенең Балтас районында бүлексәһе асылыуға күптән түгел йыл тулған....

Тотош уҡырға 268

Хаҡ юлға баҫҡан икән – ҡыуан

Хаҡ юлға баҫҡан икән – ҡыуан 01.02.2019 // Иман

“Быға ҡәҙәр хәйерҙе кемгә бирергә бел­мәй аҙаплана торғайным, – тип яҙа гәзит уҡыусыларыбыҙҙың...

Тотош уҡырға 370

Ағинәйҙәрҙең изге доғалары

Ағинәйҙәрҙең изге доғалары 29.01.2019 // Иман

Тыуған еремә ябалаҡлап ап-аҡ ҡарҙар яуа. Оҙаҡ ҡына яуым-төшөм булмағас, күңелдә ниндәйҙер шик-шөбһә...

Тотош уҡырға 174

“Башҡаларға ҡамасаулама”

“Башҡаларға ҡамасаулама” 25.01.2019 // Иман

Гәзит уҡыусыларыбыҙҙан килгән һорауҙарға дини китаптарға, диндарҙарҙың һүҙенә таянып яуап бирергә...

Тотош уҡырға 397

Нөркәләрҙән изгелек бөркөлә

Нөркәләрҙән изгелек бөркөлә 25.01.2019 // Иман

Мосолман баҡыйлыҡтағыларҙың рухына аят уҡытып, хәйер биреп торорға бурыслы. Шул уҡ ваҡытта урындағы...

Тотош уҡырға 395