Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Һөйөү йыры

Мөхәббәт диңгеҙҙән сыҡҡан, тиҙәр,
Шуға ярһыуҙыр һөйөү хистәре.
Диңгеҙ бит ул бик аҙ тынып тора,
Таңда – тыныс, ярһыу – кистәрен.

Шыбыр-шыбыр килеп тулҡындары
Яҙа кеүек һөйөү йырҙарын.
Диңгеҙ ярҙарында йән ял итә,
Шундай рәхәт шауын тыңлауы.

Тыңла әле һин дә… тотош бер йыр,
Һөйөү йыры тыуа, сер булып.
Һөйөү йөрөй диңгеҙ өҫтәрендә
Ап-аҡ күбектәргә күмелеп…

Төш

Тулҡын өҫтәренән йүгерәмен
Күбектәргә күмелеп.
Баш осомда – ҡояш,
Тәнем – ҡауырһын,
Күбәләк – күңелем.
Шундай еңел генә
Үтәм елеп
Тулҡын араһынан.
Ҡарамайым диңгеҙ төпкөлөнә
Ҡурҡыу алыр һымаҡ,
Күрһәм диңгеҙ төбөн.
Унда донъя – серле,
Шомло, ҡурҡыныс та.
Уянып китәм дә
Ҡыуанамын
Фани донъялыҡҡа.

Диңгеҙ

Диңгеҙ керә төшкә,
Нисәнсе көн
Уянам тулҡындар шауына,
Икһеҙ-сикһеҙ
Диңгеҙ уртаһынан
Ялан аяҡ киләм тағы ла.
Йүгереп кенә үтәм
Тулҡындарҙан,
Килгән кеүек ерҙән йүгереп,
Яр күренмәй,
Көмөш тәңкәләрем
Ҡала тулҡындарға һибелеп.
Үҙем ҡауырһындай
Еңел, имеш.
Оса йәнем диңгеҙ өҫтөнән,
Диңгеҙ шаулауына
Уянам да,
Үкенәмен, тағы төш кенә.
Йәй төҫө

Алмағасыма ҡар ятҡан,
Аҡ сәскә атҡанмы ни!
Серле ҡыш селтәрле шәлен
Иңенә япҡанмы ни!

Ем-ем килеп ынйылары
Емелдәй өҫтәрендә.
Ынйы һибелә күктәрҙән
Көнөн дә, кистәрен дә.

Ә хуш еҫле алмаларым
Ҡунаҡсыл өҫтәлемдә
Йәйҙең йәмле хәтирәһен
Төшөрә иҫтәремә.

Беренсе ҡар

Беренсе ҡар яуҙы бөгөн
Тышта шундай паклыҡ, аҡлыҡ.
Бейегәйгән кеүек күктәр,
Һауаларҙа – шундай сафлыҡ.

Тирә-яғым – тотош бер моң,
Шундай серле бөгөн донъя.
Аҡ ҡар йырып китеп барам,
Күңелемә моңдар тула…


Илай тәҙрәләре өйөмдөң

Эй һыланы епшек ҡарын
Шашҡан буран тәҙ(е)рәмә.
Илай-илай аҡты ҡарҙар
Тәҙ(е)рәнән тәҙ(е)рәгә.

Ҡушылып иланым мин дә
Шашҡан буран тауышына.
Үрһәләнде яңғыҙ йәнем
Яңғыҙ шәмем яҡтыһында.

Ирегән балауыҙ ҡалды
Яҡты янған шәмдәремдән.
Йәшме, ямғырмы тамсылай
Һөйрәлеп барған шәлдәремдән…

Дәүләкән районы.



Беҙҙе Яндекс Дзен лентаһында уҡығыҙ
Комментарий өҫтәргә






Бейей-бейей... юбилейға!

Бейей-бейей... юбилейға! 19.09.2018 // Мәҙәниәт һәм әҙәбиәт

Башҡортостандың 100 йыллығына ниндәй генә ярыштар ойошторолмай беҙҙә! Шуларҙың иң ҡыҙыҡлыһы һәм...

Тотош уҡырға 16

Көнсығыш моңдары яңғыраны

Көнсығыш моңдары яңғыраны 19.09.2018 // Мәҙәниәт һәм әҙәбиәт

Өфөлә Азия халыҡтарының милли мәҙәниәте фестивале уҙҙы. Алтын көҙҙө алтын нурҙарына ҡойондорған...

Тотош уҡырға 18

Йәшәйеш именлеге һаҡсыһы

Йәшәйеш именлеге һаҡсыһы 19.09.2018 // Мәҙәниәт һәм әҙәбиәт

Тәбиғәт ҡосағында тыуып үҫеп, шул мөхиттең барлыҡ булмышын, йәшәйеш үҙенсәлектәрен белеп-күреп...

Тотош уҡырға 17

Матурлыҡҡа мәҙхиә

Матурлыҡҡа мәҙхиә 19.09.2018 // Мәҙәниәт һәм әҙәбиәт

Башҡорт мәҙәниәте һәм сәнғәте тарихында яҡты йондоҙ булып балҡыған шәхестәр бихисап. Улар араһында...

Тотош уҡырға 18

Ил һәм тел хәстәрендә

Ил һәм тел хәстәрендә 19.09.2018 // Мәҙәниәт һәм әҙәбиәт

Кешемен тигән кеше иң элек ил һәм тел хәстәрендә йәшәй. Был иһә тормоштоң һәр тармағында төрлө...

Тотош уҡырға 17

Мәшһүр театрҙың олуғ маҡсаттары

Мәшһүр театрҙың олуғ маҡсаттары 19.09.2018 // Мәҙәниәт һәм әҙәбиәт

Бер быуатлыҡ юбилейҙы актерҙар нисек ҡаршылай? М. Ғафури исемендәге Башҡорт дәүләт академия драма...

Тотош уҡырға 21

“Танырһығыҙ мине моңдарымдан”

“Танырһығыҙ мине моңдарымдан” 19.09.2018 // Мәҙәниәт һәм әҙәбиәт

Һүҙ оҫтаһының уҡыусы күңелен арбау хикмәттәре. Мәүлит Ямалетдиновтың 1978 йылда Өфөлә сыҡҡан...

Тотош уҡырға 30

Таланттың балҡышы

Таланттың балҡышы 19.09.2018 // Мәҙәниәт һәм әҙәбиәт

Башҡортостандың халыҡ яҙыусыһы Азат Абдуллин ижадына бер ҡараш....

Тотош уҡырға 29

Фольклориадаға әҙерлек маҡсатында

Фольклориадаға әҙерлек маҡсатында 18.09.2018 // Мәҙәниәт һәм әҙәбиәт

Өфөлә Халыҡ-ара фольклор фестивалдәре һәм традицион сәнғәт ойошмалары советының (СИОФФ) 48-се Бөтә...

Тотош уҡырға 37

Юбилейға килегеҙ!

Юбилейға килегеҙ! 18.09.2018 // Мәҙәниәт һәм әҙәбиәт

Әхмәтзәки Вәлиди исемендәге Милли китапханала “Әҙәбиәт биттәрендә ғаилә ҡиммәттәре” юбилей кисәһе...

Тотош уҡырға 35

Аксаков байрамы нисек үтер?

Аксаков байрамы нисек үтер? 18.09.2018 // Мәҙәниәт һәм әҙәбиәт

Республикала ХХVIII Халыҡ-ара Аксаков байрамына әҙерлек бара. Быйыл ул 28–29 сентябрҙә Өфө...

Тотош уҡырға 27

Уйлы булып ҡара һәр даим!

Уйлы булып ҡара һәр даим! 18.09.2018 // Мәҙәниәт һәм әҙәбиәт

Журналистикала тема дөрөҫлө­гөнән, хәҡиҡәтенән китә алмайһың....

Тотош уҡырға 49