Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » БАШҠОРТ САТИРИГЫНЫҢ ҘУР УҢЫШЫ
БАШҠОРТ САТИРИГЫНЫҢ ҘУР УҢЫШЫ“Көлөү ҡояшҡа тиң”, – тигән Виктор Гюго. Көлөү-шаярыуҙың файҙаһы, тормошобоҙҙо ни тиклем биҙәүе хаҡында уйланмайбыҙ ҙа шикелле. Ә бит ҡыуана белеүҙең ғүмер оҙонлоғона туранан-тура тәьҫире бар. Борон замандарҙа уҡ табиптар донъяға йылмайып баҡҡандарҙың тәнендәге яралар тиҙерәк төҙәлгәненә иғтибар иткән. Бөгөнгө дауалаусылар ҙа бының менән килешә.


Күренекле сатирик Марсель Сәлимов (Мар. Сәлим) оҙаҡ йылдар Башҡортостан, Рәсәй халҡын ғына түгел, донъяның башҡа илдәрендә йәшәүселәрҙе лә үҙенең үткер ҡәләме, йор һүҙе менән дауалай. Әле бер, әле икенсе ерҙә уның тылсымлы шифаһын алғандар бихисап хәҙер.
Йыл аҙағында Швецияның баш ҡалаһы Стокгольмда үткән VI Халыҡ-ара китап форумы һәм әҙәби фестиваленән яҡташыбыҙ, Сергей Михалков, Николай Гоголь исемдәрендәге халыҡ-ара премиялар лауреаты, “Рәсәйҙең алтын ҡаурыйы” исемен йөрөткән сатирик яҙыусы көлкө һөйөүселәрҙе йәнә ҡыуандырып, имләп ҡайтты.
БАШҠОРТ САТИРИГЫНЫҢ ҘУР УҢЫШЫӘҙәбиәт һәм китап байрамында донъяның 20 иленән 300-гә яҡын яҙыусы, шағир, журналист, рәссам, артист ҡатнашҡан. Мар. Сәлимдең “Бығаса бер кем дә яҙмаған китаб”ы Лондонда Евразия ижад гильдияһының китап серияһында инглиз телендә донъя күрҙе. Әйткәндәй, был уның юбилей, йәғни 40-сы китабы. Швециялағы халыҡ-ара сара ҡыҫаларында ошо баҫманың исем туйы булды.
Былтыр был серияла билдәле Евразия яҙыусыларының 18 китабы сыҡҡан. Улар, күргәҙмә-йәрминкәләрҙән тыш, Интернет киңлектәренә – “Амазон”ға һәм Австралия, Яңы Зеландия, Канада, Швеция, Нидерланд, Дания, Бөйөк Британия, АҠШ илдәренең онлайн-магазиндарына ла ҡуйылған. Уларҙы шулай уҡ донъялағы икенсе китап һаҡлағысҡа – Британия китапханаһына тапшырыу ҡаралған.
Сарала Солтан Раев, Айгөл Рыҫҡолбәкова (Ҡырғыҙстан), Гөлсифат Шәһиди (Тажикстан), Марал Хадырова (Төркмәнстан), Диләрә Линдсей, Нурым Тайбек (Бөйөк Британия), Сауле Досжен, Нәзикен Алпамыс, Марина Михайловская, Даурен Кастаев (Ҡаҙағстан), Настасья Кузьмичева (Беларусь), Огдо (Саха-Яҡут Республикаһы), Линар Шәйех (Татарстан) һәм башҡа яҙыусылар, шағирҙар үҙҙәренең китаптары менән таныштырҙы.
Фестивалдә яҡташыбыҙҙың хеҙмәте юғары баһалана – Марсель Шәйнур улына “Йыл ҡаҙанышы” тигән махсус премия тапшырыла. Лондондағы “Hertfordshire Press” нәшриәт йорто етәксеһе Марат Әхмәтйәнов уның уңышын: “Күренекле башҡорт яҙыусыһы үҙенсәлекле сатираһы һәм юморы менән ошондай ҙур ҡаҙанышҡа өлгәште”, – тип баһалай. Әйткәндәй, Мар. Сәлимдең инглиз телендәге китабына баш һүҙҙе Борай районында тыуып үҫкән һәм бөгөнгө көндә Нью-Йоркта йәшәгән философия фәндәре докторы, Колумбия университеты профессоры Рәфис Абазов яҙған.
Швецияла Башҡортостандың көлкө оҫтаһын төрлө осрашыуҙарға саҡыралар. Халыҡ-ара китапханала, шулай уҡ Стокгольм ҡалаһының Йәмәғәт китапхана­һында үткән йәнле аралашыуҙа Марсель Сәлимов китап һөйөүселәргә башҡорт, татар, урыҫ, инглиз телдәрендәге йыйынтыҡтарын бүләк иткән.



Беҙҙе Яндекс Дзен лентаһында уҡығыҙ
Комментарий өҫтәргә






Зәйнәб Биишева исемендәге Башҡортостан «Китап» нәшриәте Силәбелә Ғаилә йылына арналған китап күргәҙмә-сауҙаһын ойоштора
Еңеүсе – Испания ҡыҙы

Еңеүсе – Испания ҡыҙы 21.09.2018 // Мәҙәниәт һәм әҙәбиәт

Өфөлә Владимир Спиваковтың II Халыҡ-ара скрипкасылар конкурсында еңеүсене иғлан иттеләр. Баһалама...

Тотош уҡырға 33

Милли баҫмаларҙың көсө ниҙә?

Милли баҫмаларҙың көсө ниҙә? 21.09.2018 // Мәҙәниәт һәм әҙәбиәт

Тормошобоҙҙа белем туплау юлдары бихисап. Шуларҙың береһе – гәзит һәм журналдар. Мәғлүм ки, әле...

Тотош уҡырға 43

Үлмәҫбайҙар йәшәй арала

Үлмәҫбайҙар йәшәй арала 21.09.2018 // Мәҙәниәт һәм әҙәбиәт

Үлмәҫбай, Василий Теркин... Бөйөк Ватан һуғышы осороноң ҡабатланмаҫ ике геройы. Мостай Кәрим менән...

Тотош уҡырға 31

Бар тормошо – халҡына хеҙмәт итеү

Бар тормошо – халҡына хеҙмәт итеү 21.09.2018 // Мәҙәниәт һәм әҙәбиәт

Танылған журналист Нияз Сәлимов тураһында шулай тип әйтһәм, һис тә хата булмаҫ. Исеме бөтә...

Тотош уҡырға 46

Уң ҡулында булыр ҡурайы

Уң ҡулында булыр ҡурайы 21.09.2018 // Мәҙәниәт һәм әҙәбиәт

Милли музыка ҡоралының данын арттырыр ир-азаматтарыбыҙ бар. Рәсәйҙең атҡаҙанған, Башҡортостандың...

Тотош уҡырға 32

ДУҪЛЫҠ телендә аралашырға кәрәк

ДУҪЛЫҠ телендә аралашырға кәрәк 21.09.2018 // Мәҙәниәт һәм әҙәбиәт

Бөтә донъя фольклориадаһына әҙерлек ҡыҙыу бара Конгресс-холда фольклор фестивалдәре һәм традицион...

Тотош уҡырға 44

Бейей-бейей... юбилейға!

Бейей-бейей... юбилейға! 19.09.2018 // Мәҙәниәт һәм әҙәбиәт

Башҡортостандың 100 йыллығына ниндәй генә ярыштар ойошторолмай беҙҙә! Шуларҙың иң ҡыҙыҡлыһы һәм...

Тотош уҡырға 59

Көнсығыш моңдары яңғыраны

Көнсығыш моңдары яңғыраны 19.09.2018 // Мәҙәниәт һәм әҙәбиәт

Өфөлә Азия халыҡтарының милли мәҙәниәте фестивале уҙҙы. Алтын көҙҙө алтын нурҙарына ҡойондорған...

Тотош уҡырға 56

Йәшәйеш именлеге һаҡсыһы

Йәшәйеш именлеге һаҡсыһы 19.09.2018 // Мәҙәниәт һәм әҙәбиәт

Тәбиғәт ҡосағында тыуып үҫеп, шул мөхиттең барлыҡ булмышын, йәшәйеш үҙенсәлектәрен белеп-күреп...

Тотош уҡырға 47

Матурлыҡҡа мәҙхиә

Матурлыҡҡа мәҙхиә 19.09.2018 // Мәҙәниәт һәм әҙәбиәт

Башҡорт мәҙәниәте һәм сәнғәте тарихында яҡты йондоҙ булып балҡыған шәхестәр бихисап. Улар араһында...

Тотош уҡырға 52

Ил һәм тел хәстәрендә

Ил һәм тел хәстәрендә 19.09.2018 // Мәҙәниәт һәм әҙәбиәт

Кешемен тигән кеше иң элек ил һәм тел хәстәрендә йәшәй. Был иһә тормоштоң һәр тармағында төрлө...

Тотош уҡырға 54