Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Бөгөн һәр ерҙә йәшәү йәме, тормош матурлығы. Кеше тәбиғәттең үҙе менән бергә айырылғыһыҙ рәүештә үҙгәрә, хистәр шауҡымына инә.
Изге хыялдар күңел донъяһының киңлегенә һыя алмай, ирекһеҙҙән йыр-моң булып тышҡа урғылып сыға, бар ғаләмгә тарала.

Ҡояшлы иртәләрҙең береһендә, беҙ, ижадташ дуҫтар, йыйылышып, бәрәкәтле һәм гүзәл Ейәнсура яҡтарына юл алдыҡ. Алда беҙҙе ике көнлөк сәфәр, йыр-моң кисәһе, ғүмерлеккә онотолмаҫ яҡты хәтирәләргә бай осрашыуҙар көтә.
Ейәнсура районының Абҙан ауылында ишле ғаиләлә тыуып үҫкән, Әселе һыуҙары­ның тәмен тойоп, уратып алған мәғрур тауҙарҙан үҙенә рухи көс алған сибәр Зинфира Бикмөхәмәтова һәм уны үҙенә ғүмерлек тормош юлдашы итеп һайлап алған йәмле Дим буйы ир-уҙаманы, ваҡытында сәхнәләрҙе дер һелкетеп, Мәжит Ғафури исемендәге Башҡорт академия драма театрында оҙаҡ йылдар актер булып эшләгән, бик күп ролдәрҙе башҡарған Илшат Әбделмәновтың ижад кисәһенә ашҡынып килеп еттек.
Йырҙар йырлап һин ҡайтарҙың,
Йәшлегем таңдарына,
Йәшлегем дәрте өҫтәнең
Ойоған ҡандарыма.
Был матур шиғри юлдар авторы –донъяға үҙ һүҙе, ҡарашы булған, тәрән фекер йөрөткән, бик етди, яғымлы, ихтирамлы Илшат Әбделмәнов. Янындағы пар ҡанаты, таянысы, уң ҡулы Зинфира апай уға илһамланып янып эшләргә ярҙам итә. Ул ҡәҙерле кешеһенең шиғри юлдарына көйҙәр һалып, йырсыларға бүләк итеп, халыҡ күңеленә еткерә.
Яҡты кисәлә бик матур йырҙар яңғыраны, улар Тыуған ил, атай-әсәй, мөхәббәт темаларына арналғайны. Бик күп йырҙар авторы, йыр-моң кисәһенең төп хужабикәһе Зинфира Әбделмәнова үҙе лә яҡташтарын моңо менән ифрат ҡыуандырҙы.
Баланың киләсәге һәм бар булмышы ғаиләһенән килә. Ниндәй нәҫелдән һин, Зинфира? Оҫта итеп өҙҙөрөп баянда, скрипкала һәм мандолинала уйнаған, башҡорт йырҙарын еренә еткереп башҡарған, башҡорт халҡының данын күтәргән, оҙаҡ йылдар Абҙан, Юлдаш ауылдарында директор вазифаһын башҡарған Шәйхислам Мөхәммәт улы Бикмөхәмәтов менән егәрле­ле­ге, һылыулығы, аҡылы менән айырылып торған Рәйсә Әхмәт ҡыҙының биш бала араһынан икенсеһе булып донъяға тыуа Зинфира апай.
Сағыу йондоҙҙар сәхнәлә балҡый. Һәр талантлы йырсының күкрәгенән сихри моң тарала. Әйтерһең дә, тамашасы менән улар араһында мөғжизәле күпер барлыҡҡа килгән. Халыҡ тын да алмай яратып тыңлай, ихлас алҡышлай, һәр сығышты көтөп ала. Шуның өсөн ҙур рәхмәт һеҙгә, Үтәғол һәм Абҙан ауылдары халҡы. Беҙ ҙә ихласлығығыҙҙан илһам, рухи көс алдыҡ.
Ижади кисәлә халыҡ күңеленә хуш килгән Башҡортостандың атҡаҙанған мәҙәниәт хеҙмәткәре, төрлө конкурстар лауреаты Рауил Харрасов, үҙешмәкәр композитор, автор-башҡарыусы Флёра Шәрипова, Балтас районынан оҫта йырсы, композитор, автор-башҡарыусы Илһам Шәймөхәмәтов, Хәйбулла һылыуы, күп яҡлы талант эйәһе Гөлфиә Хәләфетдинова, Баймаҡ сибәре, режиссер, күп концерттар авторы, клиптар төшөрөүсе йырсы ҡыҙыбыҙ Дилә Мөхәмәтйәрова, данлыҡлы Мәләүез еренән “Дарман” телепроекты еңеүсеһе, моңло йырҙарын үҙ халҡына еткергән Гүзәлиә Әмирханова, яңы ҡалҡып килгән сулпан йондоҙо кеүек, ҙур өмөт уятҡан Ейәнсура һылыуы Айгөл Вәхитова матур-матур йырҙары менән тамашасыны ҡыуандырҙы. Йырлы-моңло тамаша Үтәғол һәм Абҙан халҡына илһам бирҙе. Кисәлә Флёра Шәрипованың һәм Илшат Әбделмәновтың шиғырҙар шәлкеме лә һәр кемде ҡанатландырҙы.
Тыуған яғын, ғәзиз халҡын һағынып ҡайтҡан, зәңгәр күлдәге пар аҡҡоштарҙы хәтерләткән матур ижади пар Зинфира менән Илшат Әбделмәновтар һәр кемде һоҡландырҙы, рухландырҙы, ябай ғына көндө лә ҙур байрамға әйләндерҙе.

Мәләүез ҡалаhы.



Беҙҙе Яндекс Дзен лентаһында уҡығыҙ
Комментарий өҫтәргә






Айгиз Татарстанға китерме?

Айгиз Татарстанға китерме? 15.12.2018 // Мәҙәниәт һәм әҙәбиәт

"Ҡалдырма, әсәй!" тигән повесы менән республика ғына түгел, бөтә Рәсәй халҡын зар илатҡан Айгиз...

Тотош уҡырға 378

Әйтеп бөтөлмәгән фекерҙәр күп әле

Әйтеп бөтөлмәгән фекерҙәр күп әле 14.12.2018 // Мәҙәниәт һәм әҙәбиәт

“Дим моңдары” күңелегеҙгә ял бирер. Республика юбилейы алдынан донъя күргән был китап шиғриәт...

Тотош уҡырға 57

“Урал батыр”ҙы белгән балала өмөт бар

“Урал батыр”ҙы белгән балала өмөт бар 14.12.2018 // Мәҙәниәт һәм әҙәбиәт

Улар булғанда илдең киләсәге ҙур. Һеҙҙең бер урында шундай күп талантлы, белемле, аҡыллы балалар...

Тотош уҡырға 80

Урал менән Шүлгән йәнә осрашты

Урал менән Шүлгән йәнә осрашты 14.12.2018 // Мәҙәниәт һәм әҙәбиәт

Ошо көндәрҙә ил буйынса Театр йылын асыу тантаналары үтте. Президент В.В. Путиндың Указына ярашлы,...

Тотош уҡырға 54

Ҙур хеҙмәт донъя күрҙе

Ҙур хеҙмәт донъя күрҙе 13.12.2018 // Мәҙәниәт һәм әҙәбиәт

Башҡортостан ғалимдары ун томлыҡ “Башҡорт теленең академик һүҙлеге” тигән ҙур лингвистик проектты...

Тотош уҡырға 64

Гөлназ Асаева сәхнәнән киткән...

Гөлназ Асаева сәхнәнән киткән... 13.12.2018 // Мәҙәниәт һәм әҙәбиәт

Үҙенең моңло йыры, сибәрлеге менән меңәрләгән тамашасыларҙың күңелен әсир иткән Гөлназ Асаева...

Тотош уҡырға 1 059

Һынлы сәнғәт ҡанат ҡуя

Һынлы сәнғәт ҡанат ҡуя 13.12.2018 // Мәҙәниәт һәм әҙәбиәт

Ошо көндәрҙә Х. Әхмәтов исемендәге Башҡорт дәүләт филармонияһында Наил Мәхмүтовтың “Башҡортостандың...

Тотош уҡырға 56

Баймаҡтар Рауил Бикбайҙың шиғриәтен  ярата

Баймаҡтар Рауил Бикбайҙың шиғриәтен ярата 12.12.2018 // Мәҙәниәт һәм әҙәбиәт

Баймаҡ районының һәр ҡала һәм ауыл китапханаһында Башҡортостандың халыҡ шағиры Рауил Бикбайҙың 80...

Тотош уҡырға 104

Шағир рухын шатландырып...

Шағир рухын шатландырып... 12.12.2018 // Мәҙәниәт һәм әҙәбиәт

Шиғриәтте яратҡан һәр кем Рәшит Назаров ижады менән таныштыр. Уның фәлсәфәүи шиғырҙарын уҡып, берсә...

Тотош уҡырға 153

“Мин һеҙгә ғашиҡ булдым!”

“Мин һеҙгә ғашиҡ булдым!” 12.12.2018 // Мәҙәниәт һәм әҙәбиәт

Күңелгә һағыш оялаған да аҡ ҡағыҙға шиғыр юлдары булып теҙелә. Ә шиғырҙар үҙенә уҡыусылар,...

Тотош уҡырға 88

Ижадында – халыҡ яҙмышы

Ижадында – халыҡ яҙмышы 12.12.2018 // Мәҙәниәт һәм әҙәбиәт

Ринат Камал әҫәрҙәрендә кешенең күңел донъяһын өйрәнә....

Тотош уҡырға 61

Мәңге йәшәр сәсән рухы

Мәңге йәшәр сәсән рухы 11.12.2018 // Мәҙәниәт һәм әҙәбиәт

Биш йыл рәттән районыбыҙҙа үткәрелеп килгән сәсәндәрҙең төбәк фестивале быйыл билдәле фольклорсы,...

Тотош уҡырға 74