Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Төйәкте уңғандар биҙәй
Ауырғазыла өлгөлө ғаиләләр тәбрикләнде

Талбазы тарихи-тыуған яҡты өйрәнеү музейы экспонаттарға бай, унда районыбыҙҙың абруйлы шәхестәренең тормошо, халыҡтың үткәне сағылдырылған. Эшсән, мәҙәниәтле, яңы идеялар менән янған коллектив тупланған бында. Етәксе Саимә Ғариф ҡыҙы Әминеваның тырышлығы, булдыҡлылығы арҡаһында былтыр 900 мең һумлыҡ Президент грантын алыуға өлгәште улар.

Музейҙа күптән түгел “Ғаилә фестивале” тип аталған сараға тормош һынауҙарын лайыҡлы үткән, тәрбиәле балалар үҫтергән өлгөлө парҙар саҡырылғайны.

Үтәймулла районда иң ҙур башҡорт ауылдарынан һанала. Ошонда тыуып үҫкән, бер партала белем алған, һуңынан мөхәббәтле ғаилә ҡороп, 67 йыл бергә йәшәгән Зөлфиә менән Нәжип Әсәҙуллиндар сараның иң хөрмәтле ҡунаҡтары булды. Улар ете балаға ғүмер биргән, әлеге көндә 20 ейән-бүләһе ҡыуанысын күреп, улы менән килене иғтибарында матур ғүмер итәләр.

– Дуҫлығыбыҙҙы ауыр тормош нығытты, – тип хәтирәләргә бирелде Зөлфиә инәй. – Аслыҡ осоронда аҫрау ҡыҙ булып хәлле кешеләрҙә йәшәнем. Мәктәптә уҡығанда, йәшереп кенә Нәжипкә икмәк киҫәге алып килә инем.

– Әрме сафына киткәндә Зөл­фиәм бүләк иткән ҡулъяулыҡты әле лә һаҡлайым. Һуғыштан һуңғы йылдарҙа хеҙмәт итеү икеләтә ауыр булды. Төнгө һаҡта торғанда, һөйгәнемде уйлап, яҡты хыялдарға юрай торғайным. Аллаға шөкөр, теләктәрем ҡабул булды, – тип иҫкә алды йәшлек йылдарын Нәжип олатай.

Ата-әсәһен ҡотларға шағирә Әлфиә Әсәҙуллина ла килгәйне. Ул ҡәҙерлеләре алдында баш эйеп, сәскә гөлләмәһе бүләк итте, шиғырҙарын уҡыны.

Солтанморат – төҙөк, матур ауыл. Унда тырыш, уңған ғаи­ләләр йәшәй. Шуларҙың береһе – Римма менән Ғайса Рәхмә­туллиндар. Улар – бик итәғәтле, ярҙамсыл, дүрт бала ҡарап үҫтергән ғаилә. Ул-ҡыҙҙарының һәммәһе лә хәҙер үҙаллы донъя ҡорған.

– Тәртипле, хөрмәтле был ғаи­лә бөтә ауылға, айырыуса йәш­тәргә өлгө. Шундайҙар күберәк булған һайын төйәк тә йәшәрә, матурлана. Рәхмәт һеҙгә! – тине оҙаҡ йылдар мәктәп директоры, әле хакимиәт башлығы булып эшләгән Лена Мөхәмәтйәрова.

Финә менән Ринат Зөбәйеров­тарҙың күркәм ғаилә ҡороуына – 45 йыл. Ғүмер буйы район киләсәген ҡайғыртып йәшәгән, арыу-талыуҙы белмәй хеҙмәт иткән өлгөлө пар өс бала тәрбиәләп үҫтергән. Ринаттың атаһы Ғәлинур олатай Бөйөк Ватан һуғышының башынан аҙа­ғынаса данлы юл үтеп, ике тапҡыр Ҡыҙыл Йондоҙ орденына лайыҡ була, Мәскәүҙә 1945 йылда Еңеү парадында ҡатнаша. Музейҙа уға арналған стенд эшләнгән.

Усман ауылынан саҡырылған тағы ла бер ғаилә – Бикәнәсовтар. Ғаилә башлығы Урал Шәрифйән улы ауыл хужалығы тармағында 40 йылға яҡын инженер-механик булып эшләй. Ҡатыны Минира Венер ҡыҙы оҙаҡ йылдар бала­ларға химия, биология серҙәрен өйрәтә. Өлкән улдары Айгиз контракт буйынса хәрби хеҙмәттә, өс бала атаһы. Уңыштары өсөн “Хәрби хеҙмәт отличнигы” миҙа­лы, Үҙәк хәрби округының маҡтау ҡағыҙҙары менән бүләкләнгән. Ҡыҙҙары Айгүзәл – Мәскәү нескә химик технология университеты магистры, кесе улдары Булат – мәктәп уҡыусыһы.

Ауырғазы – күп милләтле ра­йон. Халыҡтар дуҫлығы, бер-береңдең теленә хөрмәт менән ҡарау мөхите булдырылған бында. Атмасовтар ғаиләһе лә шундайҙарҙан. Талбазы башҡорт гимназияһы уҡытыусыһы Светлана Николаевна башҡорт телен яҡшы белә. Улай ғына ла түгел, милләтебеҙҙән сыҡҡан данлыҡлы шәхестәрҙең тормош юлын өйрә­неп, уҡыу йортонда, районда тәр­биәүи саралар уҙғара. Тыуған ауы­лы Төрөмбәтте донъяға танытҡан Рәшит Назаровтың иҫтәлегенә арнап үткәрелгән төбәк “Назаров уҡыуҙары”н ойоштороусы ла ул булды.

– Атайым да, әсәйем дә башҡортса таҙа һөйләште, беҙҙе лә өйрәттеләр. Шуға туған те­лемдә лә, урыҫса, башҡортса ла яҡшы аралашам, – ти ул. Ҡыҙ­ҙарын ҡул эштәренә өйрәтеп, йәнле күргәҙмә ойошторған Атмасовтар. Ғаиләһен етеш йәшә­теү өсөн көсөн йәлләмәй уңған ғаилә башлығы Сергей Демьянович.

Район хакимиәтенең мәҙәниәт бүлеге етәксеһе Риф Вәлиев, ҡунаҡтарҙы ҡотлап:
– Бер кемдең дә ғаилә тормошо шыма, еңел генә бармай. Ауырлыҡ донъя көткәндә генә түгел, күңел, хис-тойғо торошонда ла осрай. Шул мәлдәрҙе бергә еңел үткәрә белеү кәрәк, – тине.

Эйе, бәхет гел генә йылмаймай шул. Туғыҙ балаһын яңғыҙ тәрбиәләгән Альбина Мәжитова, мәҫәлән, яңыраҡ ҡына ирен юғалтҡан. Йәш әсә ауырлыҡтарҙы еңеп йәшәй. Уға береһенән-береһе бәләкәй балаларҙы үҫтереү еңелдән булмаҫ, миһыр­банлы кешеләр үҙен ярҙамһыҙ ҡалдырмаҫ тип ышанғы килә.

Сараны ойоштороп, әҙерләп алып барған Әлфирә менән Самат Рәхмәтуллиндар ике бала үҫтергән. Ҡыҙҙары Эльмира – полиция капитаны, улдары Азат нефть университетын тамамлап, Нефтеюганск ҡалаһында мастер булып эшләй.

Район, музей етәкселеге, ауыл биләмәләре башлыҡтары һәр ғаиләгә маҡтау ҡағыҙҙары, ҡиммәтле бүләктәр тапшырҙы, мәҙәниәт йорто хеҙмәткәрҙәре матур концерт бүләк итте.

Ауылдар тап шундай уңған, өлгөлө ғаиләләр менән матур.



Беҙҙе Яндекс Дзен лентаһында уҡығыҙ
Комментарий өҫтәргә






Ҡанатланып, осто “Рух ҡошо!” Ҡайҙа, тип уйлайһығыҙмы? Баймаҡта!

Ҡанатланып, осто “Рух ҡошо!” Ҡайҙа, тип уйлайһығыҙмы? Баймаҡта! 18.12.2018 // Мәҙәниәт һәм әҙәбиәт

Йыл башынан Баймаҡ телевидениеһы тарафынан иғлан ителгән “Рух ҡошо” проекты шиғриәтте яратҡан,...

Тотош уҡырға 125

Ғалим күтәрелгән бейеклек

Ғалим күтәрелгән бейеклек 18.12.2018 // Мәҙәниәт һәм әҙәбиәт

Республика Фәндәр академияһының мөхбир ағзаһы, филология фәндәре докторы, профессор, Рәсәйҙең,...

Тотош уҡырға 41

Мостай эҙҙәренән...  Өс таған

Мостай эҙҙәренән... Өс таған 18.12.2018 // Мәҙәниәт һәм әҙәбиәт

Был мәҡәләне яҙып, бөйөк әҙип Мостай Кәримдең беҙҙең Учалы яҡтарында ҡалдырған эҙҙәрен асыҡларға...

Тотош уҡырға 39

Харис Шәрипов хәҙер ҡайҙа йырлай?

Харис Шәрипов хәҙер ҡайҙа йырлай? 17.12.2018 // Мәҙәниәт һәм әҙәбиәт

"Харис Шәрипов Мәскәүгә киткәнме әллә? Баш ҡала сәхнәләрендә уның йырлағанын йыш күрергә тура...

Тотош уҡырға 137

Данирҙы яратып ҡалғандар

Данирҙы яратып ҡалғандар 17.12.2018 // Мәҙәниәт һәм әҙәбиәт

З. Исмәғилев исемендәге Өфө дәүләт сәнғәт институтының Традицион музыка башҡарыу факультеты...

Тотош уҡырға 154

Яңы йылға шәп бүләк

Яңы йылға шәп бүләк 17.12.2018 // Мәҙәниәт һәм әҙәбиәт

Бүләктең дә бит ниндәйе! Яңы йыл тамашаһын хәтәр шәп үткәрә торғаны – күп функциялы клуб....

Тотош уҡырға 65

Айгиз Татарстанға китерме?

Айгиз Татарстанға китерме? 15.12.2018 // Мәҙәниәт һәм әҙәбиәт

"Ҡалдырма, әсәй!" тигән повесы менән республика ғына түгел, бөтә Рәсәй халҡын зар илатҡан Айгиз...

Тотош уҡырға 432

Әйтеп бөтөлмәгән фекерҙәр күп әле

Әйтеп бөтөлмәгән фекерҙәр күп әле 14.12.2018 // Мәҙәниәт һәм әҙәбиәт

“Дим моңдары” күңелегеҙгә ял бирер. Республика юбилейы алдынан донъя күргән был китап шиғриәт...

Тотош уҡырға 66

“Урал батыр”ҙы белгән балала өмөт бар

“Урал батыр”ҙы белгән балала өмөт бар 14.12.2018 // Мәҙәниәт һәм әҙәбиәт

Улар булғанда илдең киләсәге ҙур. Һеҙҙең бер урында шундай күп талантлы, белемле, аҡыллы балалар...

Тотош уҡырға 89

Урал менән Шүлгән йәнә осрашты

Урал менән Шүлгән йәнә осрашты 14.12.2018 // Мәҙәниәт һәм әҙәбиәт

Ошо көндәрҙә ил буйынса Театр йылын асыу тантаналары үтте. Президент В.В. Путиндың Указына ярашлы,...

Тотош уҡырға 69

Ҙур хеҙмәт донъя күрҙе

Ҙур хеҙмәт донъя күрҙе 13.12.2018 // Мәҙәниәт һәм әҙәбиәт

Башҡортостан ғалимдары ун томлыҡ “Башҡорт теленең академик һүҙлеге” тигән ҙур лингвистик проектты...

Тотош уҡырға 73

Гөлназ Асаева сәхнәнән киткән...

Гөлназ Асаева сәхнәнән киткән... 13.12.2018 // Мәҙәниәт һәм әҙәбиәт

Үҙенең моңло йыры, сибәрлеге менән меңәрләгән тамашасыларҙың күңелен әсир иткән Гөлназ Асаева...

Тотош уҡырға 1 115