Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте

Ул ҡатнашҡан спектаклдәрҙе йәштәр ярата.

...Абҙан ауылында (Архангел районы) Аҡбаевтар ғаиләһендә көтөп алынған ҡыҙ донъяға килә. Берҙән-бер балаға, ҡәҙерләп, Ҡәҙриә тип исем ҡушалар. Бер генә бөртөк ҡыҙ булһа ла, Әсҡәт менән Ғәлиә уны иркәләп-наҙлап ҡына ултырмай, киреһенсә, балала тырышлыҡ, яуаплылыҡ, үҙаллылыҡ сифаттарын тәрбиәләй. Шуға Ҡәҙриәнең алты йәштән уҡырға төшөүенә, йылды икенсе класс менән тамамлап ҡуйыуына бер ҙә аптырайһы түгел.

Эйе, кескәй генә сағынан ҡыҙ­ҙарына ҙур өмөт бағлай ата-әсә, киләсәктә абруйлы табип булыр тип хыяллана. Тик... үҫмер көтмәгәндә башҡа юлды һайлай. Ул – актриса! Хәйер, ҡыҙҙарының был ҡылығына бер ҙә үкенес тә, үпкә лә белдер­мәйҙәр. Ҡәҙриә ҙур сәхнә тормошон башлап ҡына торһа ла, уңыштары ата-әсәһен дә, үҙе эшләп йөрөгән Стәрлетамаҡ башҡорт драма театры коллективын да һәм, иң мөһиме, тамашасыны ла ҡыуанды­рырлыҡ!

Эйе, күп кенә осраҡта ата-әсә менән баланың хыялы тап килеп етмәй. Нисек кенә булмаһын, уның хыялына ҡаршы төшөргә, ҡанатын һындырырға ярамай. Аҡбаевтар дөрөҫ юлды һайлай. Ауыл мәктә­бенән Р. Ғарипов исемендәге 1-се башҡорт республика гимназия-интернатына, унан Ғ. Әлмөхәмәтов исемендәге музыкаль гимназияға уҡырға бара Ҡәҙриә, фортепиано, аккордеонда профессиональ кимәл­дә шөғөлләнә. Артабан Заһир Исмә­ғилев исемендәге Өфө дәүләт сәнғәт академияһын тамамлай. Шулай итеп, бала саҡ хыялы тормошҡа аша.

Әлбиттә, табипмы һин, актермы йә иһә башҡа төр һөнәр эйәһеме – тырышлыҡ бар өлкәлә лә кәрәк. Шуға Ҡәҙриәгә бала саҡта һалынған орлоҡ, хатта өс йәшендә яҙырға-уҡырға өйрәнеүе лә театр тормошонда мө­һим, сөнки һынландырған геройыңды тамашасы хөкөмөнә сығарыу өсөн күп хеҙмәт һалына. Сәхнәгә ҡарап һоҡланыу бер, ә ролде башҡарыу өсөн байтаҡ сабырлыҡ, фекер йөрөтә белеү кәрәк...

Йәш актриса үҙендә оҫталыҡтың күп кенә серҙәрен туплап өлгөргән дә инде. Хәйер, әле уҡыған сағында уҡ уға ҙур өмөт бағлайҙар, Татар­станға китергә мөмкинлеге була, әммә Ҡәҙриә башҡорт театры сәхнәһен һайлай.

— Сығарылыш спектакленән һуң яҡташым Рауил ағай Ғәлин менән оҙаҡ әңгәмәләштек, ул Стәрлетамаҡ башҡорт драма театры тураһында һөйләне, бер коллективта эшләргә саҡырҙы. Оҙаҡ уйлап торманым, кескәй саҡтан спектаклдәрен яратып ҡараған театрға йүнәлдем, — тип хәтерләй актриса Стәрлетамаҡҡа килеүен. – Килеүемә һис тә үкенмәйем, бында шул тиклем көслө ижади мөхит, һәр артист үҙе бер дәүер, үҙе бер донъя! Рауил ағай ғына түгел, барыһы ла яҡташтарса ҡабул итте, һәммәһе ҡулынан килгәнсә ярҙам итә, кәңәштәрен бирә. Бында актер булараҡ үҫеү өсөн нигеҙ бар, — ошондай рәхмәт һүҙҙәрен дә еткерә Ҡәҙриә.

Тамашасы һөйөүен яулар өсөн өс йыл ваҡыт аҙмы-күпме икәнлеген ҡапыл ғына әйтеүе ауыр. Әммә шуныһы ҡиммәт: Ҡәҙриәнең уйнауын тамашасы алҡыштарға күмә, рәхмәт әйтеп китә. Бында йәш актрисаның абруйлы сәхнә оҫталары янында юғалып ҡалмай, үҙ юлын таба алыуы бигерәк тә иғтибарҙы йәлеп итә. Уның “Һөйәрҙәргә ҡапҡан” спектак­лендә (Илшат Йомағолов) Шәрғиә ролен тамашасы айырыуса ярата. Йәш актриса тормоштағы ҡатын-ҡыҙҙың шатлығын да, ҡайғыһын да, бәхет фәлсәфәһен дә асып бирә алған был образда.

— Үҙемде тормошта лирик героиня тип хис итәм, ә бына сәхнәлә ҡыйыу, сая, күңелендә әллә ниндәй көрәш барған гүзәл заттарҙы уйнау, шулай уҡ комик образдарҙы һын­ландырыу оҡшай. Был спектаклдә иһә тормоштан уңмаған ҡатын, ғаилә ҡиммәттәрен ергә һалып тапарға әҙер торған ир ҡатыны булып уйнайым. Ул ролдә лирик героиня ла, сая гүзәл зат та – барыһы ла сағыла, — ти әлеге спектакль хаҡында актриса.

Ә бит ул үҙе әле кейәүҙә лә түгел, уның ҡарауы ниндәй образ тыуҙырған! Әйткәндәй, Ҡәҙриә ҡат­нашҡан спектаклдәрҙе йәш егеттәр айырыуса яраталыр әле. Тик актриса ғына: “Әле Башҡортостан Башлығы ҡарамағындағы Башҡорт­остан дәүләт хеҙмәте һәм идара итеү академияһын тамамлайһы бар”, — ти. Был йәһәттән уға уңышлы уҡып бөтөп, киләсәктә инде тормошта һөйөлгән һәм һөйгән ҡатын, һөйөклө әсә ролен уңышлы башҡарыуын, ә сәхнәгә булған һөйөүенең һүрелмә­үен теләргә генә ҡала. Лирик героинямы, сая ҡыҙ йә иһә комедия героиняһымы, ниндәй спектаклдә генә уйнама, һинән сағыу-сағыу образдар тыуҙырыуыңды көтәбеҙ, Ҡәҙриә!



Беҙҙе Яндекс Дзен лентаһында уҡығыҙ
Комментарий өҫтәргә






“Этноlike” – иң яҡшыһы!

“Этноlike” – иң яҡшыһы! 21.11.2018 // Мәҙәниәт һәм әҙәбиәт

“Башҡортостан” телерадиокомпанияһының “Тамыр” балалар һәм үҫмерҙәр телеканалы IV “Федерация” Бөтә...

Тотош уҡырға 22

Мәҙәни белемде байытып

Мәҙәни белемде байытып 21.11.2018 // Мәҙәниәт һәм әҙәбиәт

Өфөлә Башҡортостан Республикаһына һәм Башҡортостандың халыҡ шағиры Мостай Кәримдең тыуыуына 100 йыл...

Тотош уҡырға 30

Һаумы-һаумы, яңы быуат, яңы мең йыллыҡ!

Һаумы-һаумы, яңы быуат, яңы мең йыллыҡ! 20.11.2018 // Мәҙәниәт һәм әҙәбиәт

Заманыбыҙҙың олуғ шәхесенең “Йөрәктәге яҙмалар”ы, моғайын, милләттәштәрҙең йөрәгендә лә урын алыр....

Тотош уҡырға 48

Композиторҙың яҡты иҫтәлегенә

Композиторҙың яҡты иҫтәлегенә 20.11.2018 // Мәҙәниәт һәм әҙәбиәт

Ғәзиз Әлмөхәмәтов исемендәге Республика йыр бәйгеһенә йомғаҡ яһалды. Гала-концерт Х. Әхмәтов...

Тотош уҡырға 29

“Иҙел” конкурсы – дуҫлыҡ байрамы

“Иҙел” конкурсы – дуҫлыҡ байрамы 20.11.2018 // Мәҙәниәт һәм әҙәбиәт

Өфөлә “Иҙел” VIII Халыҡ-ара башҡорт һәм татар йыры фестиваль-конкурсы үткәрелде....

Тотош уҡырға 49

“Туҡтатмағыҙ юлдарымдан...”

“Туҡтатмағыҙ юлдарымдан...” 19.11.2018 // Мәҙәниәт һәм әҙәбиәт

Ошолай атала Башҡортостандың халыҡ шағиры, Рәсәй Федерацияһының һәм Башҡортостан Республикаһының...

Тотош уҡырға 55

Башҡортостанды данлаусы шағирҙарға – юғары баһа

Башҡортостанды данлаусы шағирҙарға – юғары баһа 19.11.2018 // Мәҙәниәт һәм әҙәбиәт

Өфөлә “Минең данлы Башҡортостаным” поэмалар конкурсына йомғаҡ яһалды. Республиканың 100 йыллығына...

Тотош уҡырға 70

Сибай музейы донъяға сыға

Сибай музейы донъяға сыға 19.11.2018 // Мәҙәниәт һәм әҙәбиәт

Сибай ҡалаһының тарих һәм тыуған яҡты өйрәнеү музейы һуңғы ваҡытта республикала, Рәсәйҙә генә...

Тотош уҡырға 72

“Тере тупраҡ” – сәхнәлә

“Тере тупраҡ” – сәхнәлә 19.11.2018 // Мәҙәниәт һәм әҙәбиәт

Башҡортостан Республикаһының 100 йыллығына һәм “Берҙәм Рәсәй” партияһының “Бәләкәй ҡалалар...

Тотош уҡырға 64

Йөрәк менән тойорға өйрәнәйек

Йөрәк менән тойорға өйрәнәйек 17.11.2018 // Мәҙәниәт һәм әҙәбиәт

Тәтешле ауыл-ара үҙәк китапханаһында төрлө саралар даими уҙа. Халыҡ-ара һуҡырҙар көнө уңайынан “Иң...

Тотош уҡырға 53

Зәйнетдиновтар – иң әүҙеме

Зәйнетдиновтар – иң әүҙеме 16.11.2018 // Мәҙәниәт һәм әҙәбиәт

Республикала киң билдәле ҡумыҙсы Миңлеғәфүр Зәйнетдиновтың ғаиләһе Башҡортостанда социаль йәһәттән...

Тотош уҡырға 181

“Бабич” өсөн миҙал тапшырылды

“Бабич” өсөн миҙал тапшырылды 16.11.2018 // Мәҙәниәт һәм әҙәбиәт

“Бабич” тарихи нәфис фильмының сценарий авторҙары Таңсулпан Бабичева менән Гөлсәсәк Саламатова “Ал...

Тотош уҡырға 61