Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мин һеҙгә ғашиҡ булдым!”
Күңелгә һағыш оялаған да аҡ ҡағыҙға шиғыр юлдары булып теҙелә. Ә шиғырҙар үҙенә уҡыусылар, тың­лау­сы­лар һорай... Мин үҙем “Көҙ­гө нағыш... Әллә һа­ғыш?” әҙәби кисәһе тип янам.

Инде дүртенсе йыл рәттән йәш шағирҙар тарафынан ойошторола был сара. Ул минең һағышымдың да, шиғырҙарымдың да һыуһынын ҡандыра, күңелде тынысландыра. Әллә быға сараның шиғырҙарға шәм яҡтыһы, йылы сәй, гитара моңо ҡушылыуы булышлыҡ итәме? Әллә үҙем кеүек үк шиғриәт тип янып йөрөгән кешеләр менән осрашыуым, аралашыуым шулай тәьҫир яһаймы?

“Көҙгө нағыш... Әллә һағыш?” шиғриәт кисәһе аудиторияһының йылдан-йыл киңәйеүе ҡыуандыра. Тимәк, халыҡҡа оҡшай, һәм беҙ дөрөҫ юлдан барабыҙ. Быға тама­шасыларҙың кисәнән һуң рәхмәт һүҙҙәрен йәлләмәүе — тағы бер дәлил. Һуңынан бер нисә көн буйы телдән төшөрмәй һөйләйҙәр. Хатта йыл буйы киләһе “Көҙгө нағыш... Әллә һағыш?” сараһын махсус көтөүселәр ҙә бар. Арттырмайым, шундайҙар менән арала­шырға насип булды.

Уларҙың араһында байрамы­быҙға мәртәбә өҫтәп, уның кимәлен яңы баҫҡысҡа күтәргән халыҡ ша­ғир­ҙары Рауил Бикбаев, Ҡәҙим Арал­бай, Яҙыусылар союзы идара­һы рәйесе Зәки Әлибаев, йәш ҡәләм тибрәтеүселәрҙең күптән яҡын дуҫына әйләнгән, уларҙың һәр башланғысын хуплаған шағирә Лариса Абдуллина, М. Аҡмулла исемендәге БДПУ-ның башҡорт филологияһы факультеты деканы Луиза Сәмситова һәм башҡа ҡунаҡтар кисәгә йәм, ғәм өҫтәне.

Рауил Бикбаев үҙ сығышында йәштәрҙең ошолай шиғыр уҡырға йыйылыуын, шиғри кисәләр ойоштороуын хупланы, хәҙерге заманда ижад итеү өсөн уңайлы шарттар булыуын билдәләне. Ҡәҙим Аралбай ошондай сараның Аҡмулла исемен йөрөткән уҡыу йортонда уҙғарылыуының осраҡлы түгел икәнен билдәләне, сөнки Аҡмулла мәғрифәтсе генә түгел, мәшһүр шағир ҙа булған.

“Ҡош юлы” башҡорт бард фес­тивале йәштәр араһында бик популяр. Унда ҡатнашыусылар иһә бөтә республикабыҙға билдәле йондоҙҙарға әүерелде. Шул йондоҙ­ҙар бөгөн “Көҙгө нағыш... Әллә һағыш?” сараһының сәхнәһендә лә балҡыны. Тимур Йосопов, Миңзәлә Яхина, Ренат Абдулов барыһын да йырлы күстәнәстәре менән һыйла­ны. Шул уҡ “Ҡош юлы” бард фес­тивале сиктәрендә уҙғарылған, яңы исемдәр асҡан шиғриәт бәйгеһендә еңеүселәр Ғәзиз Әбделмәнов, Нәркәс Ҡәйепҡолова, Лилиә Ҡаһар­манова, Руфина Лоҡманова йөрәк һүҙҙәре менән уртаҡлашты.

БДПУ-ның “Тулҡын” һәм БДУ-ның “Шоңҡар” әҙәби берекмәләре араһында күптән дуҫлыҡ күпере һа­лынған. Ике берекмәнән дә ҡыҙ­ҙар-егеттәр шиғырҙарын уҡыны, өмөтлө, тырыш йәш шағир Артур Ғабдуллин барыһын да үҙенең ижад кисәһенә саҡырҙы.

Быйылғы “Көҙгө нағыш... Әллә һағыш?” уҙған быуаттың 30-сы йылдарындағы романтикаһы менән юҡҡа ғына һуғарылмаған. Есенин, Маяковскийҙы ярата йәштәр, күп кенә шиғырҙарын яттан белә. Лилиә Хәлилова Маяковскийҙың “Лиличке” шиғырын үҙе тәржемә итеп уҡыны, һәләтле ҡыҙ ябай ғына телдә шиғырҙың мәғәнәһен асып һалыуы менән арбаны.

Был саралағы мөхиттән күңел майшәм менән бергә ирей... Иремәһә, Рауил Бикбаев кисә аҙағында: “Мин һеҙгә ғашиҡ булдым!” — тип әйтер инеме?

Кисәлә оло шағирҙарҙың булыуы юҡҡа түгел. Йәш ижадсылар менән өлкән быуын һүҙ оҫталары араһын­дағы күперҙе нығытыу мөһим, сөнки уларға йәштәрҙең, иғтибары, ә беҙгә кәңәштәр кәрәк. Был йәш ижад­сы­ларға әҙәбиәт донъяһында үҙҙә­рен ҡыйыуыраҡ тоторға ярҙам итер ине.
“Көҙгө нағыш... Әллә һағыш?” шиғри-акустик кисәһендә мөһим күренештәрҙең береһе — “Ҡыл” йәш шағирҙар хәрәкәте төҙөлөүе хаҡында хәбәр иттек. “Ҡыл” – шағирҙың һәр донъяуи күренештән моң сығарыусы күңел ҡылы ғына түгел, әҙәбиәтебеҙҙе яңы кимәлгә күтәрерлек эштәр ҡылыу ҙа ул. “Көҙгө нағыш... Әллә һағыш?” шиғриәт кисәһе һәр йылдағыса ҡанатландырҙы, илһамландырҙы ғына түгел, быйыл яңы кимәлгә күтәрелеүе менән ҡыуандырҙы, уны ойошторған йәштәрҙең ҡыйыу аҙымдары менән хайран ҡалдырҙы.



Беҙҙе Яндекс Дзен лентаһында уҡығыҙ
Комментарий өҫтәргә






“Ер һүҙе”нең тәүге аҙымы

“Ер һүҙе”нең тәүге аҙымы 21.01.2019 // Мәҙәниәт һәм әҙәбиәт

Республикала “Ер һүҙе” I Халыҡ-ара кинофорумына заявкалар ҡабул итеү башланды. Уның төп саралары 12...

Тотош уҡырға 25

Батша фотографы Яхъя башҡорттарын төшөргән

Батша фотографы Яхъя башҡорттарын төшөргән 21.01.2019 // Мәҙәниәт һәм әҙәбиәт

Башҡортостандың Милли музейында “Янғантау” геопаркы: кисә, бөгөн, иртәгә” фотокүргәҙмәһе асылды....

Тотош уҡырға 51

Театр йылын етемһерәп ҡаршыланы был йорт...

Театр йылын етемһерәп ҡаршыланы был йорт... 20.01.2019 // Мәҙәниәт һәм әҙәбиәт

Бай тарихы, үҙ йөҙө, тамашасыһы булған Арыҫлан Мөбәрәков исемендәге Сибай дәүләт башҡорт драма...

Тотош уҡырға 214

Оло Шаҙы балаларын да көтәбеҙ

Оло Шаҙы балаларын да көтәбеҙ 19.01.2019 // Мәҙәниәт һәм әҙәбиәт / Белем һәм тәрбиә

Баш ҡалабыҙҙың Дим биҫтәһендә урынлашҡан данлыҡлы 112-се Башҡорт кавалерия дивизияһы музейында...

Тотош уҡырға 77

“Ҡурҡыу юҡ, ә тулҡынланыу бар”

“Ҡурҡыу юҡ, ә тулҡынланыу бар” 18.01.2019 // Мәҙәниәт һәм әҙәбиәт

Башҡортостандың атҡаҙанған артисы, билдәле йырсы Әнүәр Нурғәлиевкә 45 йәш тула....

Тотош уҡырға 222

УРАЛДЫҢ ҺӘР ҠАЯҺЫНА БӨРКӨТТӘЙ ҠУНАСАҠБЫҘ

УРАЛДЫҢ ҺӘР ҠАЯҺЫНА БӨРКӨТТӘЙ ҠУНАСАҠБЫҘ 18.01.2019 // Мәҙәниәт һәм әҙәбиәт

БЕҘҘӘР Беҙ булһаҡ шундай булабыҙ: Була алмайбыҙ башҡа. Күккә ҡарап рәхмәт әйттек, Алғыштар яҙҙыҡ...

Тотош уҡырға 126

Театр йылы “Ҡәнифә юлы”нан башланды
Лайыҡлы яуап

Лайыҡлы яуап 18.01.2019 // Мәҙәниәт һәм әҙәбиәт

Һуңғы йылдарҙа күренекле яҙыусы Ғәлим Хисамов үҙенең ижады менән әҙәбиәт һөйөүселәрҙе даими...

Тотош уҡырға 70

Китапты ҡулда тотоп уҡыуға  ихтыяж бар әле

Китапты ҡулда тотоп уҡыуға ихтыяж бар әле 18.01.2019 // Мәҙәниәт һәм әҙәбиәт

Интернет заманында ла рухи ҡиммәттәр юғалмай....

Тотош уҡырға 68

Таныша торайыҡ: “Зәрҡүм”!

Таныша торайыҡ: “Зәрҡүм”! 16.01.2019 // Мәҙәниәт һәм әҙәбиәт

Башҡорт эпостары геройҙарына балаларҙы нисек нығыраҡ яҡынайтырға? Бының бер алымын Стәрлетамаҡ...

Тотош уҡырға 107

“Башҡортостандың һөйөклө рәссамдары”

“Башҡортостандың һөйөклө рәссамдары” 16.01.2019 // Мәҙәниәт һәм әҙәбиәт

Проекттың маҡсаты – башҡорт ҡылҡәләм оҫталары менән киңерәк таныштырырға....

Тотош уҡырға 107

“Кинйә” хаҡында уйланыуҙар (Көндәлектәр)

“Кинйә” хаҡында уйланыуҙар (Көндәлектәр) 16.01.2019 // Мәҙәниәт һәм әҙәбиәт

1967 йыл, 7 ғинуар. Һуңғы ваҡытта Кинйә Арыҫланов хаҡында бик ныҡ уйландыра башланы. Ә. Усмановтың...

Тотош уҡырға 65