Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ябай хеҙмәт кешеләрен хөрмәт итәм”
“Ябай хеҙмәт кешеләрен хөрмәт итәм”Ҡәләмгә тотонған һәр кем яҙыусы йә шағир булып китә алмай. Моңға мөкиббән ғашиҡ күңеллеләрҙең дә күбеһенә сәхнәгә үк үрләрлек көс бирелмәй. Бәләкәйҙән бөйөк рәссам булырға теләп, ҡылҡәләмдән айырылмағандарҙың хыял осҡондары ла бер мәл һүнеүе ихтимал. Тормошта үҙ урыныңды табыу, көсөңдө иҫбатлау өсөн теләк, хатта тырышлыҡ ҡына етмәй шул — Хоҙайҙан бирелгән һәләттең булыуы мөһим.

Был йәһәттән “Башҡортостан” гәзитенең фотохәбәрсеһе Айрат Нурмөхәмәтов, һис шикһеҙ, бәхетле. Барлыҡ күркәм һыҙаттар хас уға: ифрат тырыш, егәрле, тынғыһыҙ булыуы өҫтөнә ҡабатланмаҫ, үҙенсәлекле оҫталыҡҡа эйә хеҙмәттәшебеҙ. Уның фотоһүрәттәрен башҡа берәүҙеке менән бутау мөмкин түгел: тәбиғәттең матурлығын, тойғо-кисереште Айрат Билал улы кеүек тәрән төшөнгәндәр бик һирәктер.
— Ауыл балаһы бит мин: гүзәллектең, ихласлыҡтың уртаһында йөрөп үҫтем, — ти ул. — Тыуған төйәгем — Нуриман районының Иҫке Күл ауылы. Атай-әсәйем Билал Әйүп улы менән Әҙибә Варис ҡыҙы ергә ереккән, һәр көнөн эшкә, балаларына бағышлаған тырыш хеҙмәт кешеләре булды. Ғаиләлә дүрт малай үҫтек, мин — кинйәләре. Атай тәрбиәһендә көн дә эштә, ир-атҡа кәрәкле барлыҡ һөнәрҙе белеп буй еткерҙек. Үҙебеҙгә бесән, колхозға сенаж, силос әҙерләү иң күңелле, матур ваҡыттар булып иҫтә ҡалған. Эштән саҡ ҡына бушаған арала фотоаппаратымды ҡулға алам — ағайым “Чайка-2” маркалыны бүләк иткәйне. Тымыҡ күлдәр уратып алған тыуған төйәгемдең матурлығын, хеҙмәт кешеләренең тойғоларын, күңел кисерештәрен “эләктереп алырға” ашығам...
Ошо шөғөлө Айрат ағайҙы Өфөләге 1-се полиграфия училищеһына (хәҙер — лицей) алып килә. Ул саҡта уҡыу йортонда фотохәбәрселәр әҙерләү бүлеге эшләгән, унда бөтөн Советтар Союзынан килеп белем алғандар. Шуға ла училищены уңышлы тамамлаған Айрат Нурмөхәмәтовҡа тәүге хеҙмәт тәжрибәһен Кострома өлкәһенең “Коммунизм” гәзитендә үтергә тура килгән. Унан, Мәскәүҙә хәрби бурысын үтәп ҡайтҡас, республикабыҙҙың төп милли баҫмаһына килә Айрат Билал улы: 1985 йылдан бирле “Башҡортостан”дың алыштырғыһыҙ фотохәбәрсеһе ул.
— Тәүге командировкам Саҡмағош районының “Ҡыҙыл Октябрь” колхозына булды, — тип хәтерләй хеҙмәттәшебеҙ. — Шул саҡта уҡ һөнәремде ысын күңелдән яратҡаныма, уны дөрөҫ һайлағаныма ныҡлы инандым. Беҙ, республика баҫмаһында эшләүселәр, мәҡәләләрҙә, фотоһүрәттәрҙә ябай хеҙмәт кешеләренең тойғолары аша тотош төбәктең һулышын, тормош кимәлен сағылдырырға тейеш. Ә эске донъяны, хистәрҙе, кисерештәрҙе “тотоп алыуы” һис тә еңел түгел: уларҙы иң тәүҙә күңелең менән тойорға кәрәк. Ошоно аңларға өйрәткән уҡытыусыларыма — фотожурналистика өлкәһендә легендаға әйләнгән А.М. Виноградов менән В.Ю. Фоминға — айырыуса ҙур рәхмәтлемен.
Остаздарының тәжрибәһен лайыҡлы дауам итә Айрат Билал улы: үҙ бурысына ифрат яуаплы ҡараған хеҙмәттәшебеҙ бер ваҡытта ла эшен ашыҡ-бошоҡ, илке-һалҡы башҡармай, ә күңелен биреп, еренә еткереп үтәй. Шуға күрә лә уның фотоһүрәттәре араһынан гәзиткә бирерлеген оҙаҡ һайлап ултырырға кәрәкмәй — һәр береһе мәҡәләне алмаштырырлыҡ, яҙмала сағыласаҡ фекерҙәрҙе һүҙһеҙ әйтеп бирерлек килеп сыға. Тәжрибәле хеҙмәттәшебеҙҙең ошондай үҙенсәлекле һәләте, оҫталығы — милли баҫмабыҙҙы юғарыла тотҡан терәк-таяныстың береһе.
Шуға өҫтәп, ғәжәп кешелекле, ышаныслы, иғтибарлы, ярҙамсыл ул Айрат Билал улы. Утыҙ йылға яҡын “Башҡортостан” гәзитендә эшләгәндә республиканың барлыҡ райондарын әйләнеп сыҡҡан, халыҡ әйтмешләй, “һәр соҡор-саҡырҙы күҙен йомоп үтерлек” кимәлгә еткән, гәзитебеҙҙең йөҙөнә әйләнгән, ихлас күңелле, аралашыусан фотохәбәрсене бөтөн ерҙә танып-белеп торалар, уны ябай игенсенән, малсынан башлап район хакимиәте башлығына, ойошма, ведомство етәкселәренә ҡәҙәр яҡын күрә, ихтирам итә.
Айрат Билал улының ижад эштәрен бергә туплаһаң, билдәле бер осорҙоң тарихи йылъяҙмаһы хасил була — бындай хис-тойғо, ысын кисерештәр менән һуғарылған, һәр мәлде ысынбарлығында сағылдырған тырыш хеҙмәт емештәренең ҡиммәте гәзит кенә түгел, тотош төбәгебеҙ өсөн баһалап бөткөһөҙ. “Башҡортостандың атҡаҙанған матбуғат һәм киң мәғлүмәт хеҙмәткәре” тигән маҡтаулы исемде йөрөткән, республика Ауыл хужалығы министрлығының Почет грамотаһы менән наградланған, бер нисә тапҡыр гәзиттең лауреаты тип билдәләнгән, ижадта, матбуғатта үҙенсәлекле фекере, ҡарашы, йәш быуынға өлгө күрһәтерлек тәжрибәһе булған, һоҡланғыс һәләткә эйә абруйлы фотохәбәрсебеҙ Айрат Нурмөхәмәтов Шәһит Хоҙайбирҙин исемендәге премияға һис шикһеҙ лайыҡ.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 78

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 60

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 70

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 96

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 58

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 214

Беҙ – бер “Тулҡын”да!

Беҙ – бер “Тулҡын”да! 20.03.2019 // Әҙәбиәт

Әҙәбиәт, сәнғәт һәм, ғөмүмән, ижад юлында төрлө ауырлыҡтар була. Ә ижадтың башында торған, һәләтле...

Тотош уҡырға 57

Зәки ӘЛИБАЕВ: “Яҙыусы – рухиәт донъяһының илсеһе”
Ағайым мәҙәктәре

Ағайым мәҙәктәре 19.03.2019 // Әҙәбиәт

...Йомортҡа ла ашаманы...

Тотош уҡырға 128

"Әйлеләрҙең оранынан яралдым"

"Әйлеләрҙең оранынан яралдым" 17.03.2019 // Әҙәбиәт

Ошо көндәрҙә Башҡортостандың халыҡ шағиры Тимер Йосопов шиғырҙарын яттан һөйләүселәр араһында...

Тотош уҡырға 84

Гонаһ шомлоғо (Юмореска)

Гонаһ шомлоғо (Юмореска) 15.03.2019 // Әҙәбиәт

Кисә генә күршеләренә инеп: – Уй, минең иремдең ҡулы алтын, ана, мунсаны нисек ҡойоп ҡуйҙы. Тәтәй...

Тотош уҡырға 348

Әхмәт Сөләймәновты иҫкә алабыҙ

Әхмәт Сөләймәновты иҫкә алабыҙ 15.03.2019 // Әҙәбиәт

Бөгөн халҡыбыҙҙың арҙаҡлы улы, башҡорт әҙәбиәте ғилеме белгесе, фольклорсы, юғары мәктәп...

Тотош уҡырға 93