Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йырлы төбәк ул Күгәрсен!
Йырлы төбәк ул Күгәрсен!
Һуңғы йылдарҙа Күгәрсен районында халыҡты рухи яҡтан байытыу өсөн төрлө мәҙәни саралар үткәреүгә етди иғтибар бирелә. Мәҙәни усаҡтар – кеше күңелен моң шифаһы менән дауалаусы изге урын. Бөгөн 64 мәҙәниәт усағы эшләй, 24 үҙешмәкәр коллектив «өлгөлө» һәм «халыҡ» исемен йөрөтә. Йыл һайын улар, маҡтаулы исемгә лайыҡ икәндәрен дәлилләп, тамашасыларҙы һөйөндөрөп килә. Республикала ғына түгел, сит өлкәләрҙә лә уңышлы сығыш яһайҙар.

Силәбе өлкәһендә уҙғарылған «Уралым» төбәк фестивалендә район мәҙәниәт йортоноң ижади төркөмө ике йыл рәттән гран-при яуланы. Күрше өлкәлә йәшәгән ҡәрҙәштәребеҙ Башҡортостандың атҡаҙанған мәҙәниәт хеҙмәткәрҙәре Ришат Бәҙретдиновтың дәртле баян моңдарын, Мәҙинә Рәхмәтуллина, йәш йырсыбыҙ Зөлфиә Илмөхәмәтова башҡарған башҡорт халыҡ йырҙарын, Илүзә менән Илгиз Ниғәмәтуллиндарҙың, Нәркәс Хөснуллинаның дәртле бейеүҙәрен, «Бәйембәт» этнотөркөмөнөң (етәксеһе – Линар Сәйфетдинов) сығыштарын гелән алҡыштарға күмә.
Күгәрсен район хакимиәтенең мәҙәниәт бүлеге сайты көн талабынан артта ҡалмаҫҡа тырыша: «Заман менән бергә!» республика конкурсында ҡатнашып, Интернет сайттар араһында өсөнсөгә беренсе урынды алды. «Беҙ – Интернетта» тип аталған Бөтә Рәсәй конкурсында өсөнсө урынға лайыҡ булды. Әйткәндәй, Мәҙәниәт министрлығы иң яҡшы мәҙәниәт хеҙмәткәренә иғлан ителгән конкурста иң яҡшы ауыл мәҙәниәт учреждениеһы эшсәне тип үҙәк район китапханаһы хеҙмәткәре Рәфис Мәүлетҡолов менән тарихты өйрәнеү музейы мөдире Ғәфүрә Әбделмәнованы билдәләне.
«Еңеү салюты» тип исемләнгән Бөтә Рәсәй халыҡ ижады фестиваленә ярашлы район мәҙәниәт бүлеге ойошторған Бөйөк Еңеүҙең 70 йыллығына бағышланған «Үткән йылдар геройҙары» район бәйгеһенең әһәмиәте баһалап бөткөһөҙ. Ауыл биләмәләре араһында сараға арналған алмаш концерттар уҙғарылды. Унда барлығы 20 ауыл биләмәһе ҡатнашты. Йыр-моң аша ил батырҙарына рәхмәт һүҙе яңғыраны. Район ойошмалары араһында үткән «Бер кем дә, бер нәмә лә онотолмай!» йыр бәйгеһе лә илебеҙ тарихына битараф булмаған, йөрәктәрендә ил батырҙарына сикһеҙ ихтирам йөрөткән яҡташтарыбыҙ тураһында һөйләй.
Ысын таланттар – халыҡ араһында. Районда ҡолас алған «Театр яҙы-2014» фестивалендә ауыл мәҙәниәт йорттарында эшләп килгән театр коллективтары ла сағыу тамашалары менән һөйөндөрҙө. Төрлө һөнәр эйәләре булыуға ҡарамаҫтан, күңелен һалып уйнаған үҙешмәкәр артистар бар оҫталығын күрһәтте. Район мәҙәниәт йортоноң «Наҙлыйылға» башҡорт халыҡ театры режиссеры, жюри рәйесе Рәмил Ҡотлоғужин быйылғы Мәҙәниәт йылында биш балалар театры барлыҡҡа килеүен билдәләне. Был бәйге яңы таланттар асыуға, профессиональ кимәлде үҫтереүгә булышлыҡ итә. Ошо уңайҙан Йомағужа, Күгәрсен, Бикбулат халыҡ театрҙарын, Дөмбәй, Мәҡсүт, Хоҙайбирҙе, Ялсы, Исем, Тәүәкән ауыл мәҙәниәт йорттарының театр коллективтарын билдәләп үтке килә. Фестивалдә бөтәһе биш балалар, ун ололар үҙешмәкәр театры ҡатнашты.
Район хакимиәте етәксеһе Фәрит Мырҙагилде улы Мусиндың һәр йәһәттән ярҙам ҡулы һуҙырға әҙер тороуы маҡтауға лайыҡ. Һуңғы йылдарҙа һиҙелерлек алға китеш булды, мәҙәниәт йорттарының техник базаһы нығытылды, уҙған йылда биш ауыл төҙөкләндерелһә, быйыл капиталь ремонттан һуң Моҡас менән Яңауыл ауылдарында ла яңыртылған клубтар үҙ ишектәрен асты. Йыл һайын йыр һәм бейеү коллективтарына сәхнә кейемдәре тектерелә, йыһаздар алына.
Мәҙәниәт бүлеге ҡарамағындағы «Күгәрсен» телевидение студияһы район тормошо, яңылыҡтар менән бер рәттән, мәҙәни сараларҙы ла яҡтыртып бара. Тимәк, һәр тамашаны яҡташтарыбыҙ күҙаллап, тапшырыуҙарҙы ҡыҙыҡһынып ҡарай тигән һүҙ.
Күгәрсен – моңло һәм йырлы төбәк. Киләсәктә лә мәҙәниәткә булған иғтибар кәмемәҫ, халҡыбыҙҙың күңеленә дәрт, илһам биреп, рухи яҡтан байытып, клуб, китапхана, музейҙар һәр кемде көтөп торор.
Альбина ГРИГОРЬЕВА,
район мәҙәниәт йортоноң бүлек мөдире.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 34

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 85

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 95

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 134

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 112

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 318

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 157

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 109

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 65

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 120

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 152

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 165