Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ырғыҙ буйында – “Йыйын”
Ырғыҙ буйында – “Йыйын”
Йәмле йәй көндәрен Һамар башҡорттары “Йыйын” менән ҡаршы алды. Байрам 13 июндә Оло Чернигов районының Ырғыҙ буйында урынлашҡан Ҡыпсаҡ ауылы эргәһендәге матур яланда ун беренсе тапҡыр уҙғарылды. Ни өсөн һабантуй түгел, ә йыйын? Элек башҡорт ырыуҙары вәкилдәре, аҡһаҡалдары халыҡ менән бергә төрлө мәсьәләләрҙе хәл итер өсөн нәҡ ошондай сара уҙғарған. Йыйын – башҡорт халҡының иң боронғо байрамдарының береһе. Йыйын ваҡытында хатта һуғыш һәм солох, икенсе ырыуҙан килен алыу кеүек мәсьәләләр ҙә хәл ителгән.


“Һамар ҡалаһы башҡорттары ҡо­рол­тайы” ижтимағи ойошмаһы, өлкәнең Мә­ҙәниәт министрлығы, ҡаланың Халыҡ­тар дуҫлығы йорто, Оло Чернигов районы хакимиәте ойошторған йыйынға килгән рәсми ҡунаҡтар араһында Башҡорт­остан­дың ауыл хужалығы министры урын­ба­ҫары Азат Йыһаншин, Бөтә донъя баш­ҡорттары ҡоролтайының Башҡарма комитеты ағзаһы Данир Ғәйнуллин, Һамар өлкәһе Хөкүмәте ағзаһы Сергей Овчинников, Һамар ҡалаһының Халыҡ­тар дуҫлығы йорто директоры Дмитрий Мюльбах, өлкәләге Мәҙәниәт министр­лығының төп консультанты Мария Пошехонова, башҡа милли ойошмаларҙың етәкселәре лә бар ине.
Ҡунаҡтарҙы Оло Чернигов ауылында ҡаршы алдылар, билдәле яҡташтарға ҡуйылған мемориаль таҡтаташ алдында тантаналы митинг булды, унда сәскә һалынды. Артабан ҡунаҡтар райондың мәҙәниәт йортонда Бөрйән ауылында йәшәгән үҙешмәкәр рәссам Сәлимгәрәй Һаҙыевтың күргәҙмәһен һоҡланып ҡа­раны. Шунан һуң рәсми делегация Ҡыпсаҡ­ҡа, йыйынға, йүнәлде.
Ҡунаҡтарҙы “төп ҡапҡа” алдында Таллы ауылы артистары – “Туған моң­дар” үҙешмәкәр халыҡ ансамбле йыр һәм балалар бейеүе менән ҡаршы алды. Был коллективтың етәксеһе Фатима Ша­ғаева беҙҙең өлкәлә генә түгел, Баш­ҡорт­останда, башҡа төбәктәрҙә лә билдәле. Артабан ҡунаҡтарҙы профессиональ рәссам Рим Йыһангировтың күргәҙмәһе көтә ине. “Һәҙиә Дәүләтшинаның “Ырғыҙ” романы буйынса картиналар циклы” тип аталды ул. 40-45 йыл элек яһалған һүрәт­тәр ҡунаҡтарҙы, яҡташтарҙы ныҡ ҡыҙыҡ­һындырҙы.
Яландың икенсе яғында тирмәләр ҡу­йылған, артистар концерт әҙерләгән ине. Быйыл һәр ауыл үҙ тирмәһен ҡорған, алдарында – самауыр, тәмле бәлеш, ҡы­йыҡса, бауырһаҡ... Бына Бөрйән ауылы, унан – Таллы, Ташбулат, Ырғыҙ ауыл­да­рының тирмәләре. Һәр ҡайһыһы башҡорт йолаларын күрһәтте. Иң ҙуры Һамар ҡалаһы башҡорттарының тирмәһе бул­ды.
“Ләйсән” ансамбленең бәләкәй артис­тары ҡунаҡтарҙы түңәрәк эсенә бейергә төшөрҙө. Ансамблдең етәксеһе Рәүҙә Шәймәрҙәнова Һамар башҡорттары ҡо­рол­тайы рәйесе Камила Шәй­хелис­ламова менән ҡунаҡтарҙы тирмә алдын­да ҡаршы алды. Рәҡиә Хәзирова бында үҙ ҡулдары менән сиккән, бәйләгән әй­берҙәренән күргәҙмә ойошторған.
Йыйындың йәш алып барыусылары тантананы асыҡ тип иғлан итте. Сәхнәгә иң беренсе булып Д.В. Мюльбах күтә­рел­де һәм Һамар өлкәһе губернаторы Н.И. Меркушкин исеменән байрам айҡанлы ҡотлау хатын уҡыны, шунан Украинка ауылының башҡорт теле һәм әҙәбиәте уҡытыусыһы Зөбәйҙә Хәмиҙул­линаға ижтимағи эштә ҡаҙанған уңыштары өсөн губернатор исеменән Рәхмәт хаты һәм ҡиммәтле бүләк тапшырҙы. Артабан Һамар ҡалаһы ҡоролтайының әүҙем ағза­лары грамоталар менән бүләкләнде. Баш­ҡортостандан килгән делегация етәксеһе Азат Йыһаншин һәм башҡа ҡунаҡтар ҙа йылы һүҙҙәр әйтте, һамар­ҙарҙы байрам менән ҡотланы.
Стәрлетамаҡ ҡалаһының Илһам Рәхимов етәкселегендәге артистар коллективы иһә йырҙары, бейеүҙәре, ҡурай моңо менән тамашасыны әсир итте. Артабан сәхнәлә үҙешмәкәр коллективтар сығыш яһаны. Ҡурай моңо, башҡорт йыр­ҙары, бейеүҙәре ырғыҙлылар күңе­лендә тыуған ергә мөхәббәт тойғоларын кө­сәйтте генә.
Шуны билдәләге килә: Ырғыҙ буйында йәшәгән башҡорттар, һаны яғынан аҙ булһа ла, үҙҙәренең рухы менән көслө һәм халыҡ булыу өсөн көстәрен йәл­ләмәй.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 79

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 91

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 121

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 108

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 304

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 150

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 105

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 63

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 117

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 150

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 159

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 122