Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баян менән үткән ғүмер юлы
Баян менән үткән ғүмер юлы Редик Фәсхетдиновтың баянынан урғылған милли сыңдарҙы ишетеүең була, берсә шаян, берсә үҙәктәрҙе өҙҙөргөс моң даръяһы күңелдәрҙе мөғжизәле бер тулҡын булып ялмап ала ла, йөрәктәрҙә сихри эҙҙәр ҡалдырып, мәңгелеккә башҡорт көйҙәренә ғашиҡ итә.

Башҡорт моңон бар илаһи­лы­ғы, нескәлектәре, мең төрлө са­ғыу биҙәктәре менән тама­ша­­сыға оҫта еткергән һәләтле му­зыкант­тарҙың береһе, Рәсәйҙең атҡа­ҙанған, Башҡорт­остандың халыҡ артисы Редик Фәс­хет­динов Бай­маҡ районының Темәс ауылын­да донъяға килә. Бала саҡтан ҡу­лы­нан баян төшмәй. Уйнап ебә­реүе була, бар тирә-яҡ дәрт­ле моңға сума.
Баянһыҙ тормошон күҙ алды­на килтермәгән йәш егет, мәк­тәп­те тамамлағас, артабанғы яҙ­мы­шын сәнғәт менән бәйләй. Өфөгә ки­леп, һис икеләнеп тормай, ул ва­ҡыттағы Өфө дәүләт сәнғәт инс­ти­тутына уҡырға инә. Ижад юлын Ф. Ғәскәров исе­мен­дәге бе­йеү ансамблендә башлай. Бәхти Ғайсин, Рамаҙан Йән­бә­ков, Радик Гәрәев, Илфаҡ Сма­ков ке­үек мәшһүр сәнғәт әһел­дәре, Флүрә Килдейәрова, Нә­зифә Ҡа­дирова, Азат Айыт­ҡолов, Миң­леәхмәт Ғәйнет­ди­нов, Рә­ши­ҙә Туйсина, Рәйес Вә­ғизов кеүек башҡорт эстра­да­һы йондоҙҙары менән бер сәх­нәлә оҙаҡ йылдар сығыш яһай Редик Фәсхетдинов, шулай уҡ тәүге “Дуҫ­лыҡ” вокаль-инс­трументаль төркөмөндә лә эшләй.
2004 – 2010 йыл­дарҙа респуб­ли­кабыҙҙың уникаль музыкаль кол­лек­тив­тарының береһе бул­ған Башҡортостан­дың халыҡ му­зы­ка ҡоралдары милли оркестр­ында эшләй. “ЮНЕСКО” йүнәлеше буйынса Рәсәй артистары йыйылма төр­көмө составында Азия, Африка, Европа, Скандинавия илдәрендә һәм Германияла, Ҡытайҙа, Һин­достанда уҙғарылған Рәсәй мәҙәниәте көн­дәрендә сит ил тамашасылары алдында сығыш яһай. Профессор, баянсы Владимир Суханов менән хатта экваторҙы, Радик Гәрәев һәм “Дуҫлыҡ” ансамбле менән төньяҡ полюсты ла киҫеп сыға ул! Тәүге тапҡыр Мәскәү ҡалаһындағы Колонна залында Ф. Ғәскәров исе­мендәге бейеү ансамбле менән сығыш яһай.
Рәсәйҙең атҡаҙанған, Баш­ҡорт­остандың халыҡ артисы Ре­дик Фәсхетдиновтың ижад ки­сә­һе – “Беҙ ҡабыҙған уттар һүнмәһен” концерттар циклынан 6-сы осрашыу. 50 йылдан ашыу ғүмерен сәнғәткә бағышлаған күренекле баянсының сығыш­тарын халыҡ түҙемһеҙлек менән көтөп ала. Ак­компаниаторлыҡ менән бер рәт­тән үҙенең концерттары аша ла тамашасы кү­ңе­лен арбай ул. Донъя ха­лыҡ­тары, классик, эстра­да әҫәрҙә­рен, башҡорт, та­тар халыҡ көйҙәрен бар ма­тур­лығында тамашасыға еткерә.
Мәшһүр виртуоз баянсы Ре­дик Фәсхетдиновтың ижад кисә­һенә рәхим итегеҙ, дуҫ­тар! Уның баш­ҡорт мәҙә­ниәтен, сәнғәтен үҫте­реүгә, онотолоп барған халыҡ көй­ҙәрен тергеҙеүгә һалған көсө баһалап бөткө­һөҙ. Һәләтле импровизатор ҡала-ауылдар буйлап гас­трол­дәрҙә йөрөгәндә бығаса билдәле булмаған халыҡ йыр­ҙарын һәм көйҙәрен отоп ала, улар­ҙы эшкәртеп, тама­ша­сы­лар­ға еткереүгә өлгәшә. Бөгөн дә Редик Фәсхетдинов әүҙем ижад итә. Сит илдә лә халҡы­быҙҙың ижадын, моңон һаман өләшә әле ул!
Байрам концерты бөгөн киске сәғәт етелә Х. Әхмәтов исе­мендәге Башҡорт дәүләт фи­лармонияһында була.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 44

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 93

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 104

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 140

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 124

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 326

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 160

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 112

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 67

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 123

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 155

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 177