Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Олег ХАНОВ: “Театрға яҡыныраҡ булайыҡ”
Олег ХАНОВ: “Театрға яҡыныраҡ булайыҡ” Мәжит Ғафури исемендәге Башҡорт дәүләт академия драма театры ижад миҙгелен тамамланы. Ошо уңайҙан уның художество етәксеһе, Рәсәйҙең атҡаҙанған, Башҡортостандың халыҡ артисы Олег Ханов менән әңгәмә тәҡдим итәбеҙ.

– Олег Закир улы, ижад миҙгеле тамамланды. Кәйеф нисек?
– Шөкөр. Был миҙгел беҙҙең өсөн бик ырамлы булды. Байтаҡ эш башҡарылды. Шуға ла беренсе класты тамамлап, каникулға сыҡҡан уҡыусы кеүек хис итәм үҙемде. Күңелдә ниндәйҙер еңеллек тә, шатлыҡ та, ҡәнәғәтлек тә бар. Хәҙер инде ял итһәк тә була.
– Осор театр өсөн нимәһе менән әһәмиәтле булды?
– Беҙҙең бай тарихлы театрыбыҙ үҙенең 95 йыллыҡ юбилейын байрам итте. Был ваҡиға ижади коллектив өсөн генә түгел, тотош республика мәҙәниәте өсөн бик әһәмиәтле. Шуға ла уны лайыҡлы бил­дә­ләүгә барлыҡ көсөбөҙҙө һалдыҡ. Бер миҙгелдә ете премьера булыуы ла күп нәмә хаҡында һөйләй. Мәҫәлән, Ж.-Б. Мольер­ҙың “Һаран” комедияһы, Баязит Бикбайҙың “Ҡаһым түрә” драмаһы, Мәжит Ғафуриҙың “Ҡара йөҙҙәр” әҫәрҙәрен сәхнәләштереү репертуарыбыҙҙы байытты. Юбилей уңа­йы­нан хеҙмәткәрҙәребеҙҙең юғары дәүләт наградаларын алыуы ла һөйөнөслө. Теат­рыбыҙҙың тарихын сағылдырған өс томлыҡ китаптың донъя күреүе хаҡында ла әйтмәй булдыра алмайым. Ә инде Мәскәүҙәге бер аҙналыҡ гастролебеҙ үҙе ҙур ҡаҙаныш булып тора.
– Ысынлап та, театр коллективы сит тарафтарҙа йыш сығыш яһай. Ошо хаҡта ентекләберәк һөйләп китһәгеҙ...
– Октябрь айында Мәскәүҙең “Сатирикон” театрында беҙҙең гастролебеҙ үтте. Үҙегеҙ аңлап тораһығыҙ: хәҙерге заманда илдең баш ҡалаһында сығыш яһау ҙур сығым талап итә. Ә беҙ унда 92 кеше бар­ҙыҡ. Үҙем заманында шул театрҙа эшләп киткәйнем, шуға яҡшы бәйләнештәбеҙ. “Сатирикон”дың етәксеһе Константин Райкин бер аҙнаға сәхнәне беҙҙең ҡарамаҡҡа тапшырҙы. Улай ғына ла түгел, беҙгә барлыҡ мөмкинлектәр тыуҙырҙы.
Баш ҡала тамашасыһы, унда йәшәгән яҡташтарыбыҙ һәр сығышыбыҙҙы бик йылы ҡабул итте, сағыу спектаклдәрҙе, театрлаш­тырылған ҙур концерт программаһын ҡарап кинәнде. “Сатирикон” театры ҡыҫҡа ғына ваҡытҡа яҡташтар, туғандар һәм дуҫтарҙың осрашыу майҙанына әйләнде тиергә мөмкин.
Был ижади сәфәр беҙҙең өсөн имтихан ине тиһәм, хата булмаҫ. Быуатҡа яҡын ваҡыт эсендә ниндәй үргә күтәрелгәнбеҙ, ниндәй ҡаҙаныштарыбыҙ бар икәнен күр­һәтә алдыҡ. Мәскәүҙәге театр тәнҡитселәре эшмәкәрлегебеҙгә юғары баһа бирҙе, гастролдән артистарыбыҙ ҡанатланып ҡайтты.
Ҡазандағы сығыштарыбыҙ ҙа бик иҫтә­лекле булды. Тамашаларҙан һуң Татар­стандың театр әһелдәре беҙҙең йәш артистарҙың өлгөрөп етеүен, ролдәрҙе еренә еткереп башҡарыуын билдәләп үтте. Атап әйткәндә, Гөлнара Ҡаҙаҡбаева, Артур Ҡунаҡбаев, Урал Әминев, Руслан Хайсаров, Артур Кәбиров, Юнир Ҡоланба­евтарҙың хеҙмәте йылы баһаланды.
– Ижади коллектив Ырымбурҙа театрҙар фестивалендә лә ҡатнашҡайны бит әле...
– Эйе. Унда беҙ I Волга буйы театрҙары фестивалендә сығыш яһаныҡ. Был сараға Башҡортостан, Татарстан, Мари Иле республикалары, Һамар, Һарытау, Ульяновск, Новгород, Пенза өлкәләре, Пермь крайы, шулай уҡ Мәскәү театрҙары саҡырылғайны. Беҙ иһә тамашасыларға “Маҡтымһылыу, Әбләй һәм Ҡара юрға” мюзиклын тәҡдим иттек.
Был фестивалдә ниндәйҙер урындар биреү ҡаралмаған, театрҙарҙың бер-бере­һенең ижад емештәре менән танышып, фекер алышыуын ғына маҡсат итеп ҡуй­ғандар. Ә шулай ҙа тамашасылар сығышы­быҙҙы йылы ҡабул итте. Һөҙөмтәлә, күпселек халыҡтың фекерен иҫәпкә алып, коллективыбыҙ “Тамашасылар һөйөүе” номинацияһында тәбрикләнде. Был берҙән-бер һәм төп бүләк ине.
– Йәйге осорҙа театр бөтөнләй эшләмәйме?
– Күпселек артистар хәҙер ялда. Әммә ижади миҙгел тамамланһа ла, театр бикле тормай. Июндә артистарыбыҙ республика буйлап гастролгә сыға. Ҡазанға “Науруз” фестиваленә лә саҡырылдыҡ. Бынан тыш, Өфөлә уҙғарыласаҡ ШОС һәм БРИКС илдәренең саммитында ла ҡатнашабыҙ. Сит ил ҡунаҡтарына милли рух менән һуғарылған М. Буранғоловтың “Шәүрәкәй”, Б. Бикбайҙың “Ҡаһым түрә”, А. Абушах­мановтың “РУДИ – NEVER OFF…” һәм Т. Ға­рипованың “Маҡтымһылыу, Әбләй һәм Ҡара юрға” әҫәрҙәрен күрһәтәсәкбеҙ. Ошо тамашалар аша халҡыбыҙҙың тарихы менән таныштырырға ниәтләйбеҙ.
– Киләһе йылға ниндәй ижади пландар ҡораһығыҙ?
– Быйыл бер проектыбыҙ Башҡортостан Башлығы Рөстәм Хәмитовтың грантына лайыҡ булды. Шул иҫәпкә Ҡол Ғәлиҙең “Йософ ҡиссаһы” әҫәре буйынса мюзикл әҙерләйбеҙ. Шулай уҡ режиссерҙар Айрат Абушахманов, Илсур Ҡаҙаҡбаев яңы миҙгелдә ҡыҙыҡлы тамашалар менән ҡыуандырыр тип уйлайым.
– Гәзит уҡыусыларына ниндәй әйтер һүҙегеҙ бар?
– Кешеләр театрға яҡыныраҡ булһын ине. Юғиһә һуңғы осорҙа тамашасыларҙың сәнғәткә ҡыҙыҡһыныуы ҡәнәғәтләндермәй. Халыҡта матурлыҡҡа, сихри донъяға ынтылыу зауығы булырға тейеш. “Мин – башҡорт” тип күкрәк ҡағыу кешенең патриот икәнлеген аңлатмай. Милләтеңә һөйөү матбуғатҡа, сәнғәткә мөнәсәбәттә сағыла. Битарафлыҡ булмаһын ине.

Айгиз БАЙМӨХӘМӘТОВ
әңгәмәләште.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 44

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 93

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 104

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 140

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 124

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 326

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 160

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 112

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 67

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 123

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 155

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 177