Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Шағир музейы саҡыра
Шағир музейы саҡыра Яҡты донъянан киткән шәхестәрҙең ҡайһы берҙәре онотолоуға дусар була, ә ҡайһылары үҙенең икенсе ғүмерен башлай — хәтирәләрҙә, иҫтәлектәрҙә, китаптарҙа, музейҙарҙа йәшәүен дауам итә.

Күренекле шағир, Башҡорт­ос­тан­дың атҡа­ҙанған сәнғәт эшмә­кәре, Ганс Хрис­тиан Андерсен исемендәге халыҡ-ара почетлы диплом эйәһе, Ғәлимов Сәләм, Рәми Ғарипов, Һәҙиә Дәү­ләт­шина исе­мендәге пре­миялар лауреаты, Салауат Юлаев ордены кавалеры Сафуан Әли­баев та ара­быҙҙан китеүгә йыл да үтмәне, тыуған ауы­лы Тир­мәндә яҡ­таш­тары тарафынан исемен мәң­ге­ләш­тереү йәһә­тенән бай­таҡ эш башҡарылды. Шу­ларҙың икәүһенә ошо көн­дәрҙә беҙгә лә шаһит булырға тура килде. Яңы уҡыу йылы баш­ланған көндә туған мәк­тәбенә Сафуан Әли­баев исеме бирелде, һәм белем усағында шағир музейы асылды.
Изге сәфәргә Өфөнән Сафуан Әфтәх улының тормош иптәше Фәрҙиә апай менән бергә республика Милли әҙәбиәт музейы фондының баш һаҡлаусыһы Әл­ми­рә Шәрипова, “Йәншишмә” гә­зи­­тенең баш мөхәррире Мир­сәйет Юнысов һәм мин юлға сыҡтыҡ.
Беҙҙе мәктәп директоры Лариса Мөхәмәтова, район Советы рәйесе Ринат Әбдрәшитов, Тир­мән ауыл Советы хаки­миәте баш­лығы Наил Хажиморатов һәм йөҙҙән ашыу бала, район хакимиәтенең мәғариф бүлеге методистары, уҡытыу­сылар, ата-әсә ҡаршы алды.
Тирмәндән ике талантлы ша­ғир сыҡ­ҡан: киң билдәлелек яу­лаған Сафуан Әлибаев менән ҡәләмдәше Ғәби­ҙулла Зарипов. Мәктәптә Сафуан ағай үҙе иҫән саҡта уҡ уның музейы булдырыла. Ғәбиҙуллаға ла бер мө­йөштә урын табыла. Ә яңы му­зей иркен класс бүлмә­һендә урынлашҡан.
— “Янғантау” шифаханаһы ди­ректоры, Дәүләт Йыйылышы — Ҡоролтай депутаты Энгельс Ҡолмөхәмәтовҡа, район Советы рәйесе Ринат Әбдрәшитовҡа, рес­публиканың Милли әҙәбиәт музейынан Әлмирә Шәриповаға ярҙамдары өсөн айырыуса рәхмәтлемен, — тине Фәрҙиә апай.
Юл ыңғай шуны ла әйтке ки­лә: Энгельс Вәрис улы ваҡы­тында Ғәбиҙуллаға ла яр­ҙам итте. Ҡаты сирләп ятҡан ша­ғир­ға портатив машинка һорап, үтенес менән уға барғайным. Депутат булараҡ, яҡташына ярҙам күр­һәтеүҙән баш тартманы. Һөҙөм­тәлә сираттағы шиғыр китабын Ғәбиҙулла ошо бүләк машинкала үҙе баҫып, йы­йын­тығын әҙерләп китеүгә өлгәште.
Сафуан Әлибаевтың музейы ла тәүге тамашасыларын зауыҡ менән биҙәлгән, бай экспонаттары менән ҡаршы алды. Иң беренсе шағирҙың үҙе уҡыуындағы ши­ғыры яңғыраны. Барыһы ла гел йылмайып, йырлап йөрөгән шағирҙың үҙен күргәндәй булды. Әйтерһең дә, ул арабыҙҙан кит­мә­гән, ә тыуған ауылына мәңге­леккә ҡайтып: “Килдегеҙме? Әйҙә, рәхим итегеҙ!” — тигән кеүек ҡаршы алып тора.
Музей асыу сараһына Сафуан ағайҙың иҫән ҡалған бер­ҙән-бер туғаны, ошо ауылда йәшәгән Йәүһәрә апай ҙа кил­гәйне. Унға яҡын бүлектән тор­ған стендтарҙа ша­ғирҙың бөтә тормош һәм ижад юлы сағы­лыш тапҡан. Бында ки­леүселәр иң беренсе Әлибаевтарҙың шәжә­рәһе менән таныша: Аҡбаш, Төй­лөгән, Кинйәбай, Аҙна­бай, Әли­бай, Әфтәх һәм Сафуан. Ете быуын шәжәрә ағасын шағирҙың улы Салауат дауам итә. “Ҡә­ләм­дәштәренең иҫтәлекле бүләк­тәре”, “Бала сағы һәм мәктәп йылда­ры”, “Студент йылдары”, “Әҙәбиәт һәм жур­на­лис­тика майҙанында”, “Юлдарым, юл­да­рым”, “Йырлап тора күңелем”, “Ижад бейеклек­тәре” кеүек бүлектәргә бүленгән стендтар, исемдәренән күренеүенсә, Сафуан Әли­баевтың тормош һәм ижад юлын сағыл­дыра. Ошонда уҡ әҙәбиәт һөйөү­се­ләр шағирҙың эш өҫтәлендәге яҙыу ма­шин­каһын, сумкаһын, яҙыу-һыҙыу ҡорал­да­рын, кейемдәрен, сәхнә­лә сығыш яһа­ғанда кейә торған бүләк еләнен, төрлө танытма, дипломдарының күсермәләрен ҡарай ала.
Яңы уҡыу йылын арҙаҡлы ауыл­даштары исемендәге мәк­тәп­тә башлаған бәләкәс тирмән­дәр был көндө яҡташ шағир ағайҙары Сафуан Әлибаевтың бик күп шиғырын яттан һөйләне, йырҙарын башҡарҙы.
— Әҙәбиәт йылы уңайынан райондың 32 башҡорт теле уҡы­тыусыһы һәм 45 уҡыусыһы ме­нән бергә Сафуан Әли­баевҡа арналған ҙур сара уҙғарҙыҡ, — тине район хакимиәтенең мәға­риф бүлеге методисы Сажиҙә Миһ­ранова. — Тирмән һәм Мөр­сәлим мәктәптәре уҡытыу­сы­ла­ры асыҡ дәрес күрһәтте. Улар егерме минутлыҡ фильм тө­шө­рөп килтергәйне. Уҡыусылар ша­ғир ижады буйынса ғи­л­ми-тик­шеренеү эштәрен яҡ­ла­ны. Шиғыр­ҙарын һөйләү буйын­са ярыштылар, викторина һорау­ҙа­рында белемдәрен һы­нанылар. Киләһе йыл 21 фев­ралдә шағирҙың тыуыуына 75 йыл тулыу уңайынан да ошондай саралар үткәрергә ниәтләй­беҙ.
Салауаттар күренекле яҡташ­тарының исемендәге премияны ла булдырмаҡсы. “Афарин”дан башҡа ни әйтәһең! Сафуан Әли­баевтың ижадында милли батырыбыҙ Салауат образы ҙур урын алып тора. Батыр рухлы яҡташтары бөгөн шағирҙың үҙен дә күтәрә. Әҙәбиәт йылында ошон­дай күркәм сараларҙың үте­үе айырыуса мөһим әһә­миәткә эйә. Әҙәби мираҫыбыҙҙы һаҡ­лап, килер быуындарға етке­реү — уҡыусы менән әҙип араһындағы бәйләнеште, рухи байлығыбыҙҙы йәшәтеү ул.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 73

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 82

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 116

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 103

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 300

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 150

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 105

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 62

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 115

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 149

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 157

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 122