Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ике быуат арауығын ғына йәшәү кәрәк икән кәмендә
Ике быуат арауығын ғына йәшәү кәрәк икән кәмендә ДИУАНА

Мин – ҡатын-ҡыҙ. Иң ҙур бәхет ошо
Һомай ҡошо булған донъяла.
“Әсәй!” – тигән тауыш мәғәнәһен
Һәр иртәлә тойоп уянам.
Ҡосағыма алам бәпесемде,
Йөрәк һулышымды ул тоя.
Әүрәткән дә, яратҡан да йәрҙең
Йән йылыһын йомшаҡ ҡул тоя.
Йәшәүемдең ике тотҡаһы һеҙ:
Һөйгән йәрем, уртаҡ балабыҙ.
Тормош ғәме менән өсәүләшеп
Донъялыҡта урын алабыҙ.
Йондоҙло күк фатихаһын биргән
Мөхәббәткә һалып тамғалар,
Беҙҙең хистәр һөйөү диңгеҙенә
Яҙғы тулҡын булып ҡағалар.
Шул тулҡындың бер тамсыһы булып,
Ҡыҙыбыҙ бит йөҙә уртала.
Уның яҡты яҙмыштары өсөн
Ҡурсала һин беҙҙе, ҡурсала?!
Һин тормошто биҙәр төҫлөһөң дә
Ҡырын ятып ҡына диванда...
Мин – хыялый, һаман өмөт итәм,
Диуанамын инде, диуана!

АСЛЫҠ

Мин гонаһлы. Валсығына тиклем
Икмәк ҡәҙерләгән булманы.
Һыныҡ-мыныҡтарҙы ашатырға
Эргәмдә лә юҡ бит ҡул малы.
Ҡатырам да сүп-сар өйөмөнә
Ырғытамын, аслыҡ күрмәгәс.
Шул икмәкте табып кимереүсе
Асарбаҡтар мине тиргәмәҫ.
Ас ҡәҙерен туҡтар белмәгәне
Ысынбарлыҡтарҙа сағыла.
Ҡояш – уртаҡ, ләкин фәҡирҙәргә
Ас бет мөһөрҙәре тағыла.
Илдә сәпсек үлмәй, тиеүҙәре
Аңға һеңдерелгән тыумыштан.
Домофонлы йортҡа инә алмай
Туңып үлә тышта бомждар.

ҠЫШ

Күңелемдә аҡ өмөттәр бәпләп,
Һәлмәк кенә ҡарҙар яуа Ергә.
Быйма кейеп алған ҡыҙым атлай,
Ҡарһылыуҙай, минең менән бергә.
Иң ғәзизе эргәһендә булғас,
Ышаныслы ваҡ-ваҡ аҙымдары.
Әсәй барҙа бала етем түгел,
Дауам итә тормош ағымдары,
Йәшел көрәк менән ҡарҙы көрәй.
Ер йөҙөндә ҡалыр дауамым шул.
Ҡыҙым менән мин дә сабый булам,
Уның менән мин дә баламын шул.
Донъя яулай ҡыҙым йән-фарманға,
Еүешләнеп бөттө бар кейеме.
Бәхет өсөн күп кәрәкмәй икән,
Хасил булды тауҙай ҡар өйөмө.
Сана һөйрәп тауға менеп бара,
Яҙмыш бүләге һин, эй, ҡурсағым!
Һинең бәхет өсөн доға ҡылып,
Һүрелтмәйсә торам өй усағын.

БӘХЕТ ТӨҪӨ

Бәхет төҫөн аңлар йәшкә еттем,
Шул иҫәптән тормош сәмен дә,
Ике быуат арауыҡты ғына
Йәшәү кәрәк икән кәмендә.
Ябай хәҡиҡәтте белер өсөн
Юғалтыуҙар кәрәк булғанмы?
Ата-әсә, бала хаҡы күпме,
Туған белмәй үҫә туғанды!
Беҙ йәшәгән донъя ошо бит ул,
Вәхшилектән ҡай саҡ ҡот оса.
Ер шары ла таҙаланыр ине,
Әшәкелектәрҙән ҡотолһа.
Ҡайҙа ла бер ҡояш, нуры төрлө,
Кеше аңдарына үтмәгәс.
Беҙ йәшәйбеҙ, тормош дауам итә,
Ахыр замандары етмәгәс.
Бәхет төҫөн аңлар йәшкә еттем,
Татыным мин тормош тәмен дә,
Ике быуат арауығын ғына
Йәшәү кәрәк икән кәмендә.

ЙӘШЕРӘ АЛМАНЫМ

Алмағастар сәскә ҡоя майҙа
Түҙалмайса рашҡы ямғырға...
Миңә генә яҙҙы микән әллә
Яҙҙар килгән һайын янырға?
Иренемдә татлы һуты ҡалған
Бүлеп ҡапҡан йәшел алманың.
Яратҡанды, һине яратҡанды
Ғүмер буйы йәшер(ә)алманым.
Серлелегем ҡалманы ла инде...
Мин әле лә яңғыҙ даръяла.
Өҙөлөп тә һөйөр кешең булһын
Мөхәббәттән торған донъяла.
Алдан белһәк әсе яҙмыштарҙы,
Бүлеп ҡапмаҫ инек алманы.
Үҙгәртеп тә булмаҫ донъяларҙа
Йәшәр саралар ҙа ҡалманы.

ДУҪЛЫҠ

Тын ҡыҫыла, һауа етмәй,
Тәмәке тартмаһам да,
Йәшәй-йәшәй аҡыл керә,
Дуҫтарым артмаһа ла.
Булған ҡәҙәре лә етер
Был болғауыр донъяла.
Класташтар, курсташтар
Онотһалар – оялам.
Донъя баҫҡандыр уларҙы
Урындан ҡуҙғалмаҫлыҡ.
Йәшәһен йөрәктә дуҫлыҡ
Ҡартайып туҙа(а)лмаҫлыҡ.
Дуҫлыҡ үлсәмдәрен булмай
Үлсәп, бизмәнгә һалып,
Яҡын дуҫтар араһынан
Дошманды ҡара танып.
Көнсөллөк ғәләмәтеме?
Дуҫтар артҡараҡ боҫа.
Минең уңышҡа шатланып
Дошман ҡулымды ҡыҫа.
Күңел күҙе күргәндә лә,
Күҙ өҫтөнә ҡаш етмәй.
Кемдең кем икәнлеген дә
Айырырға баш етмәй.

МИҺЫРБАНЛЫҠ

Балаҫты ла ҡаҡмағанмын –
Ҡарҙары бөтөп бара.
Ҡыштар үтте, үтмәне тик
Йөрәктә ҡалған яра.
Шул яраны төҙәлтер бит
Яҙҙағы миһырбанлыҡ.
Мине ҡотҡарһа ҡотҡарыр
Эргәмдә һинең барлыҡ.
Күңел тарлығың күпмегә?
Белһәм, иретер инем,
Ғүмерҙе ҡайтарып булһа,
Һине ир итер инем.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 41

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 58

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 66

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 93

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 55

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 197

Беҙ – бер “Тулҡын”да!

Беҙ – бер “Тулҡын”да! 20.03.2019 // Әҙәбиәт

Әҙәбиәт, сәнғәт һәм, ғөмүмән, ижад юлында төрлө ауырлыҡтар була. Ә ижадтың башында торған, һәләтле...

Тотош уҡырға 56

Зәки ӘЛИБАЕВ: “Яҙыусы – рухиәт донъяһының илсеһе”
Ағайым мәҙәктәре

Ағайым мәҙәктәре 19.03.2019 // Әҙәбиәт

...Йомортҡа ла ашаманы...

Тотош уҡырға 121

"Әйлеләрҙең оранынан яралдым"

"Әйлеләрҙең оранынан яралдым" 17.03.2019 // Әҙәбиәт

Ошо көндәрҙә Башҡортостандың халыҡ шағиры Тимер Йосопов шиғырҙарын яттан һөйләүселәр араһында...

Тотош уҡырға 83

Гонаһ шомлоғо (Юмореска)

Гонаһ шомлоғо (Юмореска) 15.03.2019 // Әҙәбиәт

Кисә генә күршеләренә инеп: – Уй, минең иремдең ҡулы алтын, ана, мунсаны нисек ҡойоп ҡуйҙы. Тәтәй...

Тотош уҡырға 346

Әхмәт Сөләймәновты иҫкә алабыҙ

Әхмәт Сөләймәновты иҫкә алабыҙ 15.03.2019 // Әҙәбиәт

Бөгөн халҡыбыҙҙың арҙаҡлы улы, башҡорт әҙәбиәте ғилеме белгесе, фольклорсы, юғары мәктәп...

Тотош уҡырға 86