Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рәхмәт һиңә барыһы өсөн, ҡояш!
Рәхмәт һиңә  барыһы өсөн, ҡояш! Еңеү көнө

Еңеү көнө – иң ҙур байрам бит ул,
Дүрт күҙ менән зарығып көткән көн –
Күпме ҡайғы, юғалтыуҙар аша
Илгә шатлыҡ алып килгән көн.

Еңеү көнө ергә килгән һайын,
Япраҡ ярған һайын бөрөләр,
Яу ҡырында ҡалған ир-егеттәр
Күңелдәрҙә ҡабат терелә.

Байрамдарҙа гөл-сәскәләр һалына
Изге һәйкәлдәргә илемдә,
Батырҙарҙың данлы исемдәре
Мәңге йәшәр беҙҙең күңелдә!

...Бөгөн байрам, күҙҙән йәштәр
тамһа ла,
Беҙ бәхетле – аяҙ күгебеҙ.
Һаҡлай алһаҡ ошо именлекте,
Яҡты булыр килер көнөбөҙ!

Данлы ғүмер

Герой-шағир Муса Йәлилгә бағышлайым.

Таш зинданға һине бикләгәндәр
Ауыр бығау һалып ҡулдарға,
“Ҡоллоҡ” тигән уҫал мөһөр тағып,
Ирек бирмәҫ өсөн йырҙарға.

Үлем күҙҙәренә тура ҡарап,
Һин үлемһеҙ йырҙар яҙа(а)лдың,
Йәлләд ҡулы быуған саҡта ла бит
Көрәшкә көс, ғәйрәт таба(а)лдың.

Шағир йөрәгенең саялығы
Зиндан тарлығына күнмәне –
Әжәлдәрҙе еңеп, йырың ҡайтты,
Данлы ғүмер, тимәк, һүнмәне!

Рәхмәт һиңә, ҡояш!

Эй, ҡөҙрәтле, мәрхәмәтле ҡояш!
Бар тереклек һиңә тартыла,
Һинең көсөң, сикһеҙ ҡеүәтеңдән
Бөтә ғаләм, донъя яҡтыра.

Һин бит йәшәтәһең, йәшәртәһең
Бар йыһанды, бөтә Ер шарын.
Саф нурҙарың менән таратаһың
Кешеләрҙең һағыш, аһ-зарын.

Һинең яҡтылығың, ҡайнарлығың
Һалҡын күңелдәрҙе йылыта.
Был тормоштоң ауырлығын еңеп,
Йәшәйеште матур йыр итә.

Рәхмәт һиңә барыһы өсөн, ҡояш!
Нурҙарыңа, һирпкән сафлыҡҡа.
Киләсәктә насип булһын, дуҫтар,
Йәшәргә тик бәхет-шатлыҡта!
...Ана, күктә ҡояш яҡтырта!
Яҡты киләсәккә ышанам

Һәр кем ерҙә үҙ нигеҙен ҡора,
Теймәһен тип дауыл, ҡар-буран,
Үҙ илемдә минең өйөм, ғаиләм,
Ватаным һин – нурлы Башҡортостан.

Үҙ еремдә мин килмешәк түгел,
Ғорурланырға ла хаҡым бар,
Тиңдәргә тиң булып йәшәйем илдә –
Тыуған республикам, халҡым бар!

Мин ышанам яҡты киләсәккә,
Халҡым, илем алға барыр ул,
Йылдар аша хаҡ юлдарҙы кисеп,
Бәхет шишмәһен табыр ул!

Нурланы Ер-йыһанды

Халыҡ шағиры Мостай Кәримдең яҡты иҫтәлегенә.

Имәндәрҙәй ныҡлы булды,
Тауҙай олпат, аҡыллы.
Рухы шундай көслө ине,
Ә йөрәге – ялҡынлы!

Алтын тауҙарынан ҡиммәт
Уның ижад емеше,
Шағирҙарҙың да шағиры
Булды ул халҡы өсөн!

“Прометей” булып яҡтыртты,
Нурланы Ер-йыһанды,
Кешеләргә бүләк итте
Алтынға тиң йырҙарын!

Уның ҡайнар йөрәгенән
Йыр-моңо ярһып ташты,
Күпме йәндәрҙе наҙланы,
Иретте хатта ташты!

Мостай – даны, ғорурлығы
Бөйөк Рәсәй иленең,
Шиғриәттә солтан ине,
Аҫыл заты еремдең!

Ундай шағирҙар бик һирәк
Тыуалыр ул донъяға,
Шуға күрә әҫәрҙәре
Мәңгелеккә юл яра!
Мәңгелеккә юл яра!

Шағир

Башҡортостандың халыҡ шағиры Тимер Йосоповҡа бағышлана.

Ғүмер буйы ҡыл өҫтөнән бара
Хәҡиҡәткә, нурға, яҡтыға:
Шағир яҙмыштары ауыр, ҡыйын,
Йәндә гөлдө сәскә аттыра.

Көслө рухы, йөрәк уты менән
Был тормошто биҙәй, нурлай ул,
Донъяларҙың йәмен, матурлығын,
Ғашиҡтарҙай һөй(ө)нөп йырлай ул.

Һыҙланыуҙар, тетрәнеүҙәр аша,
Юлдар ярып бара гел алдан,
Кешеләргә күрһәтә ул һәр саҡ
Ҡайҙа хаҡлыҡ, ҡайҙа ул ялған!

Шағир йәне һис тынғылыҡ белмәй,
Янып, йәшнәп үтә ғүмере,
Илен, халҡын ҡайғырта ул һаман,
Һүнгәндә лә һуңғы күмере!











Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 78

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 91

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 121

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 107

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 304

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 150

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 105

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 62

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 115

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 150

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 158

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 122