Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Зөлфиә ХАННАНОВА
Зөлфиә ХАННАНОВАБалаҡайым

Ошо һүҙҙе өҙөлөп юҡһыныуым:
Әйләнәм дә йәнә ҡабатлайым,
Әсәкәйем, бары тик һин генә
Өндәшкәнһең икән: “Балаҡайым!”

Ошо һүҙҙе өҙөлөп һағынғанда,
Нарыҡлайҙар мине төрлөсә:
Апайҙарым миңә: “Туғаным!” – ти,
Ҡәйнәм: “Килен!”, Ирем: “Эй, бисә!”

Һинһеҙ генә, әсәй, көҙгә индем,
Баландарҙы тирҙем: эй әсе!
Яңылыштан ғына кемдер берәү
“Балаҡайым!” – тиеп әйтһәсе...

...Мин ул һүҙҙе хәҙер төштә күрәм,
Ә өнөмдә өҙөлөп ҡабатлайым,
Тап һинеңсә мин улыма әйтәм,
Ҡыҙҙарыма әйтәм: “Балаҡайым!”

Килен булып әйткәнем

Абынһам да, һөрөнһәм дә,
Килермен ипкә.
Мин үҙ балаң булмаһам да,
Тибәрмә ситкә.

Ризалыҡтарыңдан яҙһам,
Һүнер өйҙә йәм.
Ғәйептәрем булһа, кисер,
Рәнйемә, ҡәйнәм!

Күңелемдең тулған сағы:
Мин шундай илаҡ!
Ярат әле берҙе генә
Әсәйем һымаҡ!
Әсәйем һымаҡ...

Ил өҫтөндә иң яманы…

Ил өҫтөндә иң яманы:
Эскән бисә,
Ирҙән-иргә, ҡулдан-ҡулға
Күскән бисә.
Ил өҫтөндә иң яманы:
Эскән ирҙәр,
Ҡатын-ҡыҙҙың фиғеленә
Күскән ирҙәр.
Ил өҫтөндә иң яманы:
Эскән бала,
Беләгенә ағыу ҡаҙап
Үҫкән бала.
Эсһә бисә, эсһә ирҙәр,
Эсһә бала,
Был донъяла ҡыуанырлыҡ
Ниҙәр ҡала?!

Ә шулай ҙа... 

Аһ, тәнемде тикшерәләр: 
“Тәне ни ҡара инде!” 
Бөтәһенә аҡ тимәгән, 
Ҡара ла бара инде! 

Ҡай берәүҙәр: “Йыуан!” – тиҙәр, 
Йыуан булһа, ни булған?! 
Мине бал-майҙа йөҙҙөргән 
Хәләлем, тимәк, уңған! 

Аһ, йөҙөмдө тикшерәләр: 
“Юҡ унда ҡуйы керпек!” 
Керпеге ҡуйы түгел тип, 
Ҡасмайҙар әле өркөп! 

Күҙҙәрем бәләкәй, тиҙәр, 
Хурлайҙар, бөлдөрәләр. 
Күҙҙәр бәләкәй булһа ла, 
Кәрәккәнен күрәләр... 

Ҡаштар ҙа йолҡонмаған шул, 
Ептәй нәҙек ҡалдырып, 
Сәстәрҙе лә бөтмәгәнмен 
Көйҙөрөп тә яндырып. 

Тырнаҡтар ҙа оҙон түгел, 
Шүрәлеләр көнләшкән! 
Ә шулай ҙа бар ул миңә: 
“Матурым!” – тип өндәшкән... 

Һеҙгә ямаҡ күренһәм дә, 
Ултырам әле эре: 
Мин кемдеңдер ҡараҡайы, 
Мин кемдеңдер йомшаҡҡайы, 
Кемдеңдер – берҙән-бере!



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 55

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 48

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 65

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 277

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 144

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 96

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 56

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 107

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 140

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 135

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 115

Сайҡалды февраль күге...

Сайҡалды февраль күге... 08.02.2019 // Әҙәбиәт

[quote]Мин белә-белгәндән ул – шағирә. Донъяны сәнғәт аша таныу, ғөмүмән, был тормошҡа сәнғәтсә...

Тотош уҡырға 306