Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Шатлыҡ бүлешкәндән арта ғына
Күсейҙәр күренекле шәхестәрен тәбрикләне

Шатлыҡ бүлешкәндән арта ғынаКүптән йыйына ине ул тыуған яҡтарын күреп, ауылдаштары менән күрешеп, һағыштарын тыуған тупрағына һеңдереп ҡайтырға. Һәм бына осрашыу минуттары үҙенән-үҙе килеп тә сыҡты. Башҡортостандың халыҡ яҙыусыһы тигән юғары исемгә лайыҡ булғас та, тәүгеләрҙән булып шатлығын ауылдаштары менән уртаҡлашырға ашҡынды ул. Салауат Юлаев премияһы лауреаты Таңсулпан Ғарипова ошо көндәрҙә үҙенең тыуған ауылы Күсейҙә булып, ҡорбан салдырып, аят уҡытты, туғандарына зыярат ҡылды, шатлыҡ-ҡыуанысын ауыл халҡы менән уртаҡлашты.


Ә күсейҙәр күренекле шәхес­тә­рен ҡәҙерләй һәм ҡаршылай белә. Шулай булмайса, ошо бәрә­кәтле тупраҡта күпме күренекле шәхесте тәрбиәләп үҫтергән был изге төбәк, күптәргә ҡанат биргән, яңы ижади үрҙәргә илһамлан­дырған. Күсей ауылында Советтар Союзы Геройы Тәфтизан Миңлеғолов, Баш­ҡортостандың халыҡ шағиры Абдулхаҡ Игебаев, Башҡор­тостандың халыҡ артист­каһы Зифа Баязитова, Башҡор­тос­тандың атҡаҙанған сәнғәт эшмәкәре, талантлы балетмейстер Йәүҙәт Бикбирҙин, арҙаҡлы ҡурайсылар һәм башҡалар тыуып үҫкән, ошо ерҙең һыуын һыу­лаған, шуға күрә күсейҙәр өсөн ҡунаҡ ҡаршылау, уны оҙатыу – ғәҙәти күренеш. Был юлы ла улар үҙенең арҙаҡлы ҡыҙы, таң йондоҙо — Таңсулпан Ғарипо­ваны, уның туғандарын һәм дуҫтарын киң күңел, йыр-моң, икмәк-тоҙ менән ҡаршы алды. Ауыл мәҙәниәт йортонда уның шатлығын уртаҡлашырға килеү­селәр өсөн әҙерләнгән сара оло байрамға әүерелде. Таңсулпан Хизбулла ҡыҙын Күсей ауыл биләмәһе башлығы Сәриә Йыһаншина, мәктәп директоры Ҡунаҡбай Уйылданов, уның класташтары, дуҫтары һәм ауыл халҡы ҡотланы. Был юлы яҙыусы менән бергә ауылға уның балалары, ейән-ейәнсәрҙәре, туған­дары һәм ҡоҙа-ҡоҙағыйҙары ла килде. Күсейҙә талантлы халыҡ йәшәй, шунлыҡтан кисә йыр-моң, дәртле бейеүҙәр менән үрелеп барҙы. Ололарға алмашҡа йәш­тәр килеүе бигерәк тә һөйөн­дөрҙө, ҡасандыр сәхнәлә олатай-өләсәйҙәре сығыш яһаһа, бөгөн уларҙы лайыҡлы рәүештә ейән-ейәнсәрҙәре алмаштыра. Яҙыусының йәшлек дуҫтары — Йәнифә Байназарованың моңло йыры, Мәрхәбә Мусинаның бейе­үе, күршеләре Зәкиә Баймырҙина һәм Нәзифә Хөснөтдиновалар­ҙың хәтирәләре, Күсей килене, сәсәниә Хәмиҙә Әбдрәхимованың үҙе сығарған шиғырҙарын һөйләүе — байрамға матур биҙәк, күңелдәрҙә онотолмаҫлыҡ яҡты тәьҫораттар ҡалдырҙы. Ә инде Таңсулпан Ғарипованың атаһы яратып башҡарыр булған халыҡ йыры “Түрәкәй”ҙе ауылдаштарына бүләк итеүе барыһын да хайран итте.
— Һәр инештең башы ағып сыҡҡан еренән башланған кеүек, һәр кешенең яҙмышы ла үҙенең тыуған еренә, ауылына тығыҙ бәйле, шуға күрә үҙемдең оло шатлығымды һеҙҙең менән уртаҡлашмайынса, һеҙгә еткермәйенсә булдыра алманым, сөнки һеҙ ижадыма йән һәм йәм биреүсе лә, илһамландырыусы ла, тәүге уҡыусыларым да, тәнҡитсе лә. Ошо ерҙең ҡөҙрәте минән яҙыусы яһаны, ҡулыма ҡәләм тотторҙо, илһам бирҙе, әҫәрҙәремә геройҙар бүләк итте, телемә ҡеүәт өҫтәне. Һәр әҫәремдә тиерлек ауылымда йәшәгән кешеләрҙең образын алдым, уларҙың холоҡ-фиғелен бирергә тырыштым, бай, һутлы, халыҡсан телдә яҙҙым. Бөгөн мин Башҡортостандың халыҡ яҙыусыһы тигән юғары исемгә лайыҡ булғанмын икән, бында һеҙҙең дә өлөшөгөҙ бар, хөрмәтле ауылдаштарым, — тине халыҡ яҙыусыһы Таңсулпан Ғарипова.
Эйе, күсейҙәр үҙ яҙыусыһын хөрмәтләй, баһалай белә. Үҙҙәре әйтмешләй, халыҡ яҙыусыһы ауыл данын күтәрә, ә тыуған ер йылыһы яҙыусыға яңы илһам өҫтәй. Артабан ул барыһын да мәктәп ашханаһына Ҡорбан ашына саҡырҙы.

Баймаҡ районы,
Күсей ауылы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 36

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 86

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 97

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 136

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 115

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 319

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 157

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 109

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 65

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 120

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 152

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 166