Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Моң эйәһе Заһит
Моң эйәһе ЗаһитХәлил ауылында йәшәгән Сәүҙә менән Наил Ғәбитовтарҙың йырлы-моңло ғаиләһендә тыуған Заһит бала саҡтан сәнғәткә ғашиҡ булып үҫә. Әсәһе – мандолинала, атаһы гармунда һыҙҙырып уйнай, икәүләп моңло итеп йырлайҙар. Ошо тәрбиәлә үҫкән малай ҙа иртә сәхнәгә сыға.

Мәктәп йылдарында ла йырлауын ташламай ул. Киреһенсә, һәләтен нығыраҡ асыу маҡсатында музыка менән етди шөғөлләнә. Уҡыуын тамамлағас, егеттең алдында артабан ҡайҙа барырға тигән һорау тормай: Стәрлетамаҡ мәҙәниәт-мәғрифәт техникумының хор-дирижер бүлегенә инә. Студент йылдарында йыр бәйгеләрендә ихлас ҡатнаша, үҙен бар яҡлап һынай, төрлө яҡлап үҫешә.
2007 йылда диплом алғас, егетте тыуған яғына эшкә саҡыралар. Йәш белгес район үҙәгенең мәҙәниәт йортонда ең һыҙғанып хеҙмәт юлын башлай. Хәрби бурысын үтәп ҡайтырға, ситтән тороп Силәбе дәүләт мәҙәниәт институтын тамамларға ла өлгөрә.
– Эшемде ныҡ яратам, йырһыҙ йәшәй алмайым, – ти уҙаман. – Кешеләргә моң өләшеп, уларҙы ҡыуандырып йәшәү – үҙе ҙур бәхет ул.
Ысынлап та, бөгөн Әбйәлил районында бер генә мәҙәни сара ла Заһит Ғәбитовһыҙ үтмәй. Алыштырғыһыҙ алып барыусы, йырсы, ансамблдәр етәксеһе... Барыһына ла өлгөрә Заһит Наил улы. Бигерәк тә уның етәкселегендәге “Башҡорт халыҡ хоры” сығыштарын һәр ерҙә көтөп алалар. Коллектив республикала ғына түгел, Рәсәй буйынса үткән конкурстарҙа ла тәүге урындарҙы яулай. Төркөмдө туплауға, уға ярашлы репертуар һайлауға ҙур иғтибар бирә, һәр кемдең һәләтен нығыраҡ асыу өсөн ихлас тырыша етәксе. Мәғлүм булыуынса, ҡыҫҡа ғына сығыш нигеҙендә лә көн-төн буйы түгелгән көсөргәнешле хеҙмәт ята. Әммә эшен мөкиббән яратҡан Заһит Ғәбитов маҡсатына өлгәшмәй ҡалмай. “Сәхнә бер урында тапанғанды яратмай, гелән эҙләнеү, үҫеш, яңылыҡ талап итә”, – ти ул.
Заһит Наил улының тағы ла бер шөғөлө бар. Халыҡҡа элегерәк ят күренгән, хәҙер иһә ҙур ихтыяж менән файҙаланған эште башҡара – ул тамада. Туй булһынмы, тыуған көнмө, башҡа тантана-кисәләрме – оҫтаға мөрәжәғәт итәләр. Сараларҙы ике телдә алып барған тамада һәр кемдең байрамын йыр-моңға күмә, ғүмерҙә лә онотолмаҫлыҡ итеп үткәрә.
– Был эш менән 2007 йылдан алып шөғөлләнәм. Хәҙер ул “бизнес” киң таралды, алып барыусылар күп, шуға күрә үҙеңде һәр саҡ юғары кимәлдә тотоу, яңынан-яңы ҡыҙыҡлы программалар уйлап табыу мөһим. Күптәр был кәсепте тик аҡса эшләү ысулы тип ҡабул итә, бының менән килешмәйем. Тамада – күп көс талап иткән һөнәр. Даими эҙләнеү, ижади ҡараш, кешеләрҙең күңелен аңлау, ваҡытында тейешле һүҙ табыу, ҙур ойоштороу һәләте генә уңышҡа илтә.
Йөҙөнән йылмайыу китмәгән, моңло тауышлы, ихлас күңелле Заһит Наил улына “Айыҡ туй”, иҫерткес эсемлекһеҙ үткәрелгән байрамдарҙы ойоштороу йәһәтенән айырыуса йыш мөрәжәғәт итәләр. Сәләмәт тормош яҡлы уҙаман бындай тәҡдимдәргә бигерәк тә шат.
Ғаиләһендә лә бәхетле Заһит Наил улы: Атауҙы ҡыҙы, райондың данлы “Йәшлек” халыҡ бейеү ансамбле солисы Гөлназ Вәли ҡыҙы менән Эльвина исемле ҡыҙ үҫтерәләр. Күмәкләп төрлө сараларҙа әүҙем ҡатнашып, уңышҡа өлгәшәләр. Мәҫәлән, 2015 йылда “Йәш ғаилә” район конкурсында Ғәбитовтар төп бүләккә лайыҡ булған.
– Йырлап-бейеп йәшәгәс, буш ваҡытыбыҙ һирәк була, – ти ғаилә башлығы. – Шулай ҙа, әмәлен табып, тәбиғәткә сығырға яратабыҙ. Ҡыш Ирәмәлгә, Белореттағы Ирәкташ, Айғыр, Яланғас ҡаяларына мендек. Ялан яғында тыуып үҫһәм дә, бейеккә үрмәләп, алыҫ-алыҫҡа ҡарап торорға яратам. Тауҙар күңелемә көс, рух өҫтәй.
Ниәт-маҡсаттары күп Заһит Наил улының: яңынан-яңы программалар эшләү, коллективтың репертуарын яңыртыу, конкурстарҙа ҡатнашыу... Ныҡышмал, тынғыһыҙ уҙамандың теләктәре, һис шикһеҙ, тормошҡа ашыр.

Әбйәлил районы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 96

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 70

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 75

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 102

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 61

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 224

Беҙ – бер “Тулҡын”да!

Беҙ – бер “Тулҡын”да! 20.03.2019 // Әҙәбиәт

Әҙәбиәт, сәнғәт һәм, ғөмүмән, ижад юлында төрлө ауырлыҡтар була. Ә ижадтың башында торған, һәләтле...

Тотош уҡырға 60

Зәки ӘЛИБАЕВ: “Яҙыусы – рухиәт донъяһының илсеһе”
Ағайым мәҙәктәре

Ағайым мәҙәктәре 19.03.2019 // Әҙәбиәт

...Йомортҡа ла ашаманы...

Тотош уҡырға 129

"Әйлеләрҙең оранынан яралдым"

"Әйлеләрҙең оранынан яралдым" 17.03.2019 // Әҙәбиәт

Ошо көндәрҙә Башҡортостандың халыҡ шағиры Тимер Йосопов шиғырҙарын яттан һөйләүселәр араһында...

Тотош уҡырға 85

Гонаһ шомлоғо (Юмореска)

Гонаһ шомлоғо (Юмореска) 15.03.2019 // Әҙәбиәт

Кисә генә күршеләренә инеп: – Уй, минең иремдең ҡулы алтын, ана, мунсаны нисек ҡойоп ҡуйҙы. Тәтәй...

Тотош уҡырға 351

Әхмәт Сөләймәновты иҫкә алабыҙ

Әхмәт Сөләймәновты иҫкә алабыҙ 15.03.2019 // Әҙәбиәт

Бөгөн халҡыбыҙҙың арҙаҡлы улы, башҡорт әҙәбиәте ғилеме белгесе, фольклорсы, юғары мәктәп...

Тотош уҡырға 94