Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Талапсан талант
Юғары премияға талантлы шағир Салауат Әбүзәрҙең тәҡдим ителеүе айырыуса һөйөнөслө. Уның һүҙ сәнғәтендәге ҡаҙаныштары, бигерәк тә “Ғәмәл дәфтәре” тигән китабына тупланған әҫәрҙәре авторҙы шиғриәтебеҙҙең күренекле ижадсылары рәтенә ҡуя.

Был тәңгәлдә үҙ ваҡытында остазыбыҙ Мостай Кәрим мат­буғатта үҙ һүҙен әйт­кәйне инде. Баш­ҡортостан яҙыусы­ларының съездарында, башҡа йыйы­лыш­тарҙа ла уңыштарҙы барлағанда шағирҙың өлгө булырлыҡ шиғри юлдары һәр саҡ ҡыуанып телгә алынды.

Салауат Әбүзәрҙең шиғырҙа­ры, поэмалары йәмәғәтселектә әленән-әле күтәрмәләнә килде. Әҙәбиәт белгестәре, һүҙ оҫта­лары, шулай уҡ киң ҡатлам уҡыу­сылар тарафынан байтаҡ ҡына мәҡәләләр яҙылды, уй-фекерҙәр еткерелде. Барыһы ла уны талапсан талант тип баһаланы.
Рухыбыҙ йәдкәрҙәре булырлыҡ хази­наларҙы биргән Рәми Ғари­повтар, Рәшит Назаровтар юлын оҫталыҡ һәм заманға ауаздашлыҡ менән дауам иткән бөгөнгөләр сафында күрәбеҙ шағирҙы.

Үҙебеҙҙә генә түгел, күрше өлкәләрҙә, бигерәк тә Татарстанда шағирҙы бөгөнгө башҡорт шиғриәтенең таяныстарының береһе тип беләләр. Мәҫәлән, ижадының үҙенсә­лекле, тос йөкмәткеле асылы хаҡында, традицияларҙы новаторҙарса дауам итеүе тураһында халыҡ шағиры Роберт Миңнуллин үҙ мәҡәләһендә төплө, дәлилле итеп яҙып сыҡты. Уның бына тигән драматург икәнен дә Башҡортостан, Ырымбур өлкәһе һәм Татарстандың меңәрләгән тамашасыһы яҡшы белә.

Проза өлкәһендә лә ҡәләменең үткерлеген, мәҫәлән, “Ҡиәмәт” тигән йән тетрәткес бер хикәйәһе өлгөһөндә генә лә иҫбатлап була.
Ихлас йәмәғәтсе лә ул. Уны дәүләт премияһына тәҡдим иткән Яҙыусылар союзы (был — бик мөһим) тормошонда — төрлө сараларҙа, ижади сәфәрҙәрҙә шағирҙы йыш күрәбеҙ.

Ә инде тиҫтәләгән йылдар буйы “Башҡортостан” гәзите, “Ағиҙел” журналы редакцияларында эшләп, ҡәләмдәштәренең әҫәрҙәрен донъяға сығарышып, әҙәбиәтебеҙ үҫешенә ҙур көс һала килеүе лә иғтибарға, ихтирамға лайыҡ.

Үрҙә әйтелгәндәрҙең барыһы бергә Салауат Әбүзәрҙе шағир һәм шәхес итеп бер бөтөнлөктә күтәрә. Әлдә бар әле шундай уҙамандар, әлдә һүрелмәй донъябыҙҙа бындай фиҙакәр­лектәр тип шатланырлыҡ та шул. Бар бит шундай заттар — үҙ бурысын бер ниндәй дәғүәһеҙ, тыйнаҡ рәүештә һәм мәртәбәле итеп атҡара улар тигәндә иң элек Салауат Әбүзәр иҫкә төшә. Әҙәбиәттең бәҫен тап бына шундайҙар бейеклектә тота.
Быларға өҫтәп, фекерҙе тағы бер юҫыҡта нығытып, халыҡ шағиры Рауил Бикбаевтың Салауат Әбүзәргә арналған мәҡәләһендәге ошо һүҙҙәрҙе килтереп үтеү ҙә урынлы булыр, моғайын: “Ижадтың баһаһын һис кенә лә китаптар һаны, әҫәрҙәрҙең күләме билдәләмәй. Һан сифатҡа әйләнә тигән диалектика ҡануны ижад донъяһы өсөн һис кенә лә ҡәтғи закон түгел. Берәүҙәр аҙ әйтеп тә халыҡ хәтерендә ҡала, икенселәрҙең күп яҙғандары ла тиҙ онотола”.

Ысынлап та, быны Шәйехзада Бабичтың йәки беҙҙең осорҙан Рәйес Түләктең берәр йы­йын­тыҡты тәшкил иткән мираҫтары ла бик фәһемле төҫтә дәлилләй. Аҡмулланы әйтеп тә тормайым, улайға китһә, башҡа халыҡтар әҙәбиәттәренән дә әллә ҡайҙарға барып етергә мөмкин.
Ә Салауат Әбүзәрҙең аҡбуҙаты яңынан-яңы үрҙәрҙе яулар. Халҡыбыҙ, дәүләтебеҙ фатихаһы дәрт-дарман өҫтәһен уға.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 79

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 91

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 121

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 108

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 304

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 150

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 105

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 63

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 117

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 150

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 159

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 122