Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Оҫталарға бай төбәк

Ейәнсураларҙың күргәҙмәһе шуға инандырҙы.

Республикабыҙҙың 100 йыллығы уңайынан райондар араһындағы “Башҡортостандың тарих биттәре” фестиваль-марафоны дауам итә. Фестивалдең штандартын йәрмәкәйҙәрҙән ҡабул итеп алған Ейәнсура районы вәкилдәре Өфөгә килде.

Туғыҙ мең тирәһе кеше йәшәгән, Өфөнән 334 километр алыҫлыҡта ятҡан Иҫәнғол ауылы – Ейәнсура районының үҙәге. Шулай уҡ төбәктә Абҙан, Иҙелбәк, Таҙлар, Күгәрсен ҙурҙарҙан иҫәпләнә. Әйткәндәй, районда бөтәһе 78 ауыл бар, халыҡ һаны – 25 мең ярым.

Быйыл Ҡужанаҡ ауылында ҙур тантананың үтеүе – унда республи­кабыҙҙың көньяҡ географик нөктәһе барлыҡҡа килеүе – тураһында гәзиткә яҙғайныҡ инде. Иҫтәлекле стела өсөн урын ифрат уңышлы һайланған. Бынан йыраҡ түгел Башҡортостан менән Ырымбур өлкәһе араһында шартлы рәүештә сик билдәләнгән. Етмәһә, стела оло юл буйында тора, ә автомагистраль Ҡыуандыҡ ҡалаһының (Ырымбур өлкәһе) ҙур тимер юл станцияһына илтә – 15 саҡрым ғына ҡала уға.

Бынан тыш, Ейәнсура районы Күгәрсен, Йылайыр һәм Хәйбулла менән сиктәш. Биләмә оҙонлоғо 140 километрға һуҙылған, ә майҙаны 334 мең гектар тәшкил итә, шуның яртыһы тиерлек – таулы һәм таулы-урманлы зона, ә ҡалғаны – ауыл хужалығы ерҙәре. Оло Эйек, Оло Һүрәм, Кесе Һүрәм, Ҡаҫмарт, Әселе, Өҫкәлек, Ҡороюл һәм башҡа йылға-шишмәләр төбәкте һуғара, Шайтантау тауын күрер өсөн алыҫтан киләләр.

Баш ҡалалағы Хөсәйен Әхмәтов исемендәге Башҡорт дәүләт филар­монияһы фойеһында бай йөкмәткеле күргәҙмә эшләне. Иҫәнғол башҡорт гимназияһы, “Ләйсән” балалар баҡсаһы, Солтанов исемендәге мәктәп уҡыу­сыларының сувенир, робот, уйынсыҡ кеүек ҡул эштәре – шуға асыҡ миҫал. Ейәнсура тыуған яҡ тарихын өйрәнеү музейы һәм “Зианчуринские зори” гәзите урынлаштырған өҫтәл янында өлкәндәр айырыуса күп булды, сөнки бында тарих тулыһынса сағылыш тапҡан ине. Ләйлә Хәмитова элек яратып сәйнәгән, әммә хәҙер онотолған ҡайын һағыҙын өләште.

Зөлфиә Ҡолмөхәмәтова иһә кейеҙ алып килгән. Ағасты һырлап биҙәкләүҙә алдынғы­лыҡты бирмәгән Алик Рәхимов оҫталыҡ серҙәре менән уртаҡ­лашты, “Нектар” йәмғиәте рәйесе Фуат Тоҡомбәтов балдан ауыҙ иттерҙе, Илгизәр Бураҡаев әҙерләгән талҡан да бик тәмле ине.
Ейәнсуралар ойошторған ҡай­һы сара шәлһеҙ үтһен? Әлбиттә, күргәҙмәнең ҙур өлөшө дебет шәленә бүленде.


– Баш ҡала халҡына һәм ҡунаҡтарға кәзә дебетенән бәйлән­гән 65 төрлө шәл, ойоҡбаш, бейәләй, шарф алып килдек, – ти район мәҙәниәт йортоноң методика кабинеты мөдире Гөлсирә Шафиҡова. – Күңелең һөйгәнен иркен йөрөп һайлап алырға мөмкин. Айырыуса Ҡарғалы ауылынан Мәғүрә Һөйөндөкова, Шәрифә Ҡорманаева, Зифа Фәйзул­лина, Мәзиттән Фәрзәнә Атнағолова, Юнайҙан Гөлсирә Абдуллина, Үтәғолдан Лира Ниязғолова, Клара Урманбәтова, Иҙелбәктән Фәниә Биктимерова һәм башҡалар ишле итеп кәзә аҫрай, үҙ сиратында йыл әйләнәһенә шәл бәйләү менән мәшғүл.

Район ветерандар советы рәйесе, шәл оҫтаһы Нәзирә Кәримова белдереүенсә, һәр ваҡыт байрамдарҙа ҡатнашалар, хатта Мәскәүгә лә барып еткәндәр. Улай ғына ла түгел, ҙур еңеүҙәр менән ҡайтҡандар. Тиҙҙән Өфөлә буласаҡ шәл байрамына ла әҙерләнәләр.

Кәзәселек тармағы ғына түгел, ә һарыҡсылыҡ та бында ныҡ үҫешкән. Мәҫәлән, “Маяҡ” хужалығында 10 меңгә яҡын баш мал аҫрайҙар. Әйтеүҙәренсә, 2020 йылға тиклем уларҙың һаны 16 меңгә етәсәк.

Төбәктә күп бала тәрбиәләгән ғаиләләр күп, 72 ҡатын-ҡыҙ “Әсәлек даны” миҙалы менән бүләкләнгән, Иҙәш ауылында ғына шундай ғорур исемде йөрөткән 16 гүзәл зат ғүмер кисерә.

Төҙөлөш киң ҡолас йәйгән, ауыл хужалығы икенсе һулышын кисерә, эшҡыуарлыҡ юлын һайлаған кешеләр һаны арта, һаулыҡ һаҡлау, мәғариф, мәҙәниәт, спорт үҫешкән районда төрлө милләт вәкилдәре үҙ-ара дуҫ-татыу йәшәй.

Ҙур концерт “Үҫәргәндәр ере – Ейәнсура” тигән театрлаштырылған хореографик композиция менән асылды. “Ағасым – миләш, ҡошом – торна, тамғам – ҡойош­ҡан, ораным – “Туҡһаба!” Быны бәләкәйҙән үк һәр кем белә. Кисә йыр, бейеү, таҡмаҡ, ҡурай моңо менән аралашып барҙы. Баш­ҡортостандың атҡаҙанған мәҙәниәт хеҙмәткәрҙәре Вафа Мәүлитов, Гөлзиә Татлыбаева, Йәмил Йәнбәков һәм башҡа сәнғәт эшмәкәрҙәре сәхнәне бер итте, ә “Ейәнсура гимны”н күңел ҡылдарын сиртерлек итеп башҡарҙы үҫәргәндәр.

– Бындай саралар­ҙың әһәмиәте баһалап бөткөһөҙ, – тине район хакимиәте башлығы Дәмин Юланов. – Беренсенән, ситтә йәшәгән ейәнсу­раларға, ғөмүмән, халыҡҡа төбәктең үҫешен күрһәтеү, ҡеүәтен еткереү өсөн мөмкинлек был, ә ҡаҙаныштар беҙҙә етерлек. Икенсенән, бер осрашыу – үҙе бер ғүмер, тиҙәр. Яҡташтар менән аралашырға ашҡынып килеп еттек.

Дәмин Юланов тантаналы шарттарҙа эстафетаны Йылайыр районы хакимиәте башлығы Илгиз Фәтҡуллинға тапшырҙы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 34

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 85

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 97

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 135

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 113

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 318

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 157

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 109

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 65

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 120

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 152

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 165