Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Таймаҫтағы парнас гөрләне

Шағирәне тыуған яғында тәбрикләнеләр.

Юҡҡа ғына Таймаҫ ауылының исеме “парнас” һүҙе менән ауаздаш түгелдер. Көйөргәҙе районының үркәс-үркәс тауҙар төбәге – башҡорт әҙәбиәтенә һиҙелерлек өлөш индергән күп әҙиптәрҙең тыуған ере. Баязит Бикбай, Рәшит Солтангәрәев, Тимер Ниәтшин, Зөһрә Ҡотлогилдина, Миңлегөл Хисамоваларҙы телгә алыу ҙа етә.

Башҡортостандың әҙәбиәт һөйөү­се­ләре яҙыусыларҙы яҡындан күреп, аралашып алырға ярата. Күп­тән түгел Таймаҫ ауылының мә­ҙәниәт йортона тирә-яҡтағы ауыл­дар­ҙан, район үҙәгенән осрашыу кисә­һенә йыйылдылар. Кисәнең ху­жабикәһе был юлы үҙенең 70 йәшен тултырған шағирә Миңлегөл Хисамова ине.
Шығырым тулы залда шиғыр яңғырай:
...Сит-ят ерҙе урап ҡайтам,
Һағынып үҙ яғымды,
Йырҙарымдың иң моңлоһо
Тыуған ерҙә табылды.
Үҙ төйәгем кешеләре
Мәрхәмәтле, яғымлы.
Илһамымдың аҡ ҡанаты
Ошо ерҙә ҡағынды...

Көйөргәҙе районының Ялсыҡай ауылында тыуған Миңлегөл Сәлим­йән ҡыҙы Хисамова – Рәсәй Феде­ра­ция­һының маҡтаулы дөйөм белем биреү хеҙмәткәре, мәғариф ветераны, Башҡортостан Яҙыусылар союзы ағзаһы, тиҫтәнән ашыу шиғри йыйынтыҡ авторы. Ул ғүмерен уҡытыусы, тәрбиәсе булыуға арна­ған. Шуға ла шиғырҙарында, һәр остаз кеүек, барыбыҙҙы ла намыҫ­лы, итәғәтле, сабыр булырға өндәй.

Үҙенсәлекле моңға эйә шағирәне ғүмер байрамы менән ҡотларға яҡташтары, ауылдаштары, Көйөр­гәҙе районы хакимиәтенән, мәҙәниәт бүлегенән яуаплы хеҙмәткәрҙәр һәм Өфөнән ижадташтары килде. Баш­ҡортостандың халыҡ яҙыусыһы, прозаик, драматург Таңсулпан Ғарипова ҡотлау һүҙҙәренә, баш­ҡорт халыҡ йырын ҡушып, кисәне йәмләне. Шулай уҡ яҙыусылар – Миңлегөл Хисамованың бер туған апаһы шағирә, публицист Зөһрә Ҡотлогилдина, балалар яҙыусыһы Фәрзәнә Ғөбәйҙуллина, шағирә, драматург Лилиә Һаҡмар, журналист, шағир Нияз Мәһәҙиев әҙибәнең моңло ижадына баһа бирҙе, Башҡортостандың бар яҙыусылары исеменән тәбрикләне.

Көйөргәҙе районы хакимиәте башлығы Азат Ҡотләхмәтов, Таймаҫ ауыл биләмәһе башлығы Ильяс Юлдыбаев, Рәшит Солтангәрәевтең туғаны, Башҡортостандың атҡа­ҙанған уҡытыусыһы Хәҙисә Кинйә­баева юбилярға изге теләктәрен еткерҙе. Ә райондың мәҙәниәт бүлегенән йырсылар Азамат Туйгилдин, Башҡортостандың атҡаҙан­ған мәҙәниәт хеҙмәткәре Венера Усманова, Айҙар Хөснөтдинов, Йәмилә Рамаҙанова, Мәүсилә Исмәғилева, Рәсимә Сафиуллина, район мәҙәниәт йортоноң “Етегән” халыҡ йыр ансамбле (етәксеһе В. Усманова), бейеүселәр Татьяна Исҡужина, Аделина Үтәгәновалар йырлы-моңло күстәнәс өләште.

Сығыш яһаусыларға Таймаҫ урта мәктәбе директоры, мәктәп уҡыу­сы­лары, ябай ауыл эшсәндәре – хеҙмәт ветерандары, ауыл старос­таһы, туғандары ла ҡушылды. Яҡташтары Байрамғәли Абдрахманов, Нәжидә Хафизова, Рәҡит Ҡотлогидин, Фәнүзә Сарбаева, Рәшит Солтангәрәев исемендәге гимназия директоры Гүзәл Усманова һәм уҡыусылар шағирәнең балалыҡ йылдарын иҫкә алды, шиғырҙарын һөйләне. Ауылдаштары, класташтары – Хәлимә Аҡсу­рина, Зәлифә Исмәғилева яҙыусыға тыуған ҡырҙарында үҫкән бойҙайҙан бешерелгән ҡалас та бүләк итте. Барыһы ла Миңлегөл Хисамованың кешелекле, йомарт, ихлас булыуын һәм тормош һынауҙары алдында саф күңел, рух ныҡлығы менән ижадына тоғро ҡалыуын билдәләне, уға сәлә­мәтлек, яңы үрҙәр теләне. “Бәхетле әсә, өләсәй, оло йөрәкле, кеселекле, сабыр холоҡло, ябай һәм изге йәнле шағирәбеҙҙең шиғырҙарында мө­хәббәт, кешелек, намыҫ төп урын алған. Һеҙҙе Ялсыҡай ауылы халҡы бик тә ихтирам итә. Беҙҙе ижадығыҙ менән ҡыуандырып, балаларығыҙға, ейән­дәрегеҙгә, туғандарығыҙға терәк-таяныс булып оҙаҡ йәшәүегеҙҙе теләйбеҙ! Беҙ – яҙыусыны, яҙыусы беҙҙе данлай. Әҙәбиәт әһелдәре бәләкәй генә ауылыбыҙҙың данын бар донъяға тарата бит!” – тине көйөргәҙеләр.

Өфөнән килгән ҡунаҡтар Таймаҫ мәктәбендә Рәшит Солтангәрәев исемендәге музейҙы ҡараны. Ниндәй генә экспонаттар йыйыл­маған бында! Хатта ҡәләм, ручкалар, саҡырыу ҡағыҙҙары ла юғал­маған. Әҫәрҙәргә ҡарата яҙылған сикһеҙ һоҡланыу һүҙҙәре уларҙың яҡташ яҙыусыларҙы нисек ҡәҙер­ләү­ҙәрен раҫлай.

Шик юҡ, әгәр ҙә тыуған ерендә ижадсыны данға күмәләр, әленән-әле юбилейҙарын үткәреп торалар икән, был халыҡ араһынан килә­сәктә лә бик күп һәләтлеләр тыуа­саҡ, улар тыуған яғын данлаясаҡ, тимәк, ауыл да йәшәйәсәк.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 73

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 82

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 116

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 103

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 300

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 150

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 105

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 62

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 115

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 149

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 157

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 122