Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Дәртлеләр, сәмлеләр...
Уй-хыялы тормошҡа ашһын йәштәрҙең!

Бөртөкләп йыйыла алтын тигәндәй, ысын талант эйәләре меңдәр араһынан табыла. Халыҡ телендә һәләтле кешеләрҙе юҡҡа ғына “бөртөклө тауар” тип йөрөтмәйҙәр. Сибай сәнғәт колледжында быны яҡшы аңлайҙар һәм үҙҙәрендә белем алған ҡыҙ-егеттәрҙең тәбиғәттән бирелгән һәләтен артабан үҫтереп, камиллаштырыу өҫтөндә эшләйҙәр.

Колледждың үҙ “йондоҙҙары” бар. Думбыра буйынса белем алған IV курс студенты Руфь Юхноның (уҡытыусыһы – Фатима Мөхәмәтйән ҡыҙы Карнилова) тырышлығына хайран ҡалырлыҡ. Руфь – Сибай ҡыҙы. 12 балалы ғаиләлә бишенсе булып донъяға килгән ҡыҙ ете йыл Балалар музыка мәктәбенең думбыра класында шөғөлләнгән. 12-се мәктәптең IХ класын тамамлағас, оҙаҡ уйлап тормай, Сибай сәнғәт колледжына уҡырға инә.

Ул бөтә сараларҙа ла әүҙем ҡатнаша. Тамбов ҡалаһына һәм Себер тарафтарына барып, һәләтен курстарҙа камиллаштырған. Интернет-конкурста, Октябрьскийҙа йәш башҡарыусыларҙың республика конкурсында һәләтен күрһәтеүгә өлгәшкән. Замир Йәнтүрин етәкселегендәге халыҡ ҡоралдары оркестры составында икенсе урынға лайыҡ булған.

Вокал класында һабаҡ алған IV курс студенты Заһир Аҡҡоловты иптәштәре күп яҡлы талант эйәһе тип белә. Ул баянда, гитарала уйнай, брейк-данс бейей, йырлай.

Заһир тәүҙә ике йыл Баймаҡ ауыл хужалығы техникумында уҡый. 2014 йылда Сибайҙа “Студент яҙы” фестивалендә баһалама комиссияһындағы Сибай сәнғәт колледжы уҡытыусылары Заһирҙың сағыу сығышын күреп, үҙҙәренә уҡырға саҡыра. Күңеле гел сәнғәткә тартылып торған егеткә шул етә ҡала, көҙгөһөн үк Динар Ласынов етәкселегендә белем ала башлай. Заһир беренсе курста уҡығанда әрмегә лә барып ҡайта.
Һәләтле егет колледжда һәм ҡалала ойошторолған мәҙәни сараларҙы оҫта итеп алып бара, буш ваҡытында “Тиҫтер” үҫмерҙәр клубында эшләй. Өс йыл рәттән йәйге балалар лагерында йөҙөү буйынса инструктор, тәрбиәсе була. Балалар ижады үҙәгендә брейк-данс түңәрәген алып бара, КВН-да ҡатнаша. Шул уҡ ваҡытта ул – студент советы ағзаһы.

Заһир – ҡала, республика һәм халыҡ-ара конкурстар лауреаты. Яңыраҡ Өфөлә IX халыҡ-ара “Илһам” конкурсында йырлап, икенсе урынды яулаған.

Вокал класының өсөнсө курс студенты Айгиз Ишмырҙин уҡыуҙа ла, студент тормошонда ла алдынғылыҡты бирмәй. Баймаҡ ҡалаһында тыуып үҫкән егет 4-се мәктәптә уҡыған йылдарында сәнғәт донъяһы менән таныша. Ул халыҡ йырҙарын өйрәткән уҡытыусыһы Рәйлә Кейекбирҙинаға рәхмәт әйтә. Айгиздең бер генә буш минуты ла юҡ. Ул бергә уҡыған иптәштәре Заһир Аҡҡолов һәм Ғәзиз Мөхәмәтов менән аҙна һайын ҡаланың “Мир” йәштәр йортонда башҡорт, рус телдәрендә дискотека үткәрә. Рус һәм башҡорт теле уҡытыусыһы С.Ғ. Бураншина ойошторған студент филармонияһы менән Урал аръяғы ауылдарында концерттар ҡуйырға ла өлгөрә. Студенттар үҙҙәре эшләгән аҡсаға костюмдар тектерә. Айгиз колледждың “Арт и Шок” ирекмәндәр хәрәкәтенең иң әүҙем ағзаһы һанала.

Мираҫ Үҙәнбаев – Баймаҡ районының Ғүмәр ауылынан. Бала саҡтан йыр-моңға ғашиҡ егет ҡурай класында белем ала. Ул да өсөнсө курста уҡый. Сәнғәткә һөйөүҙе уға әсәһе – Ғүмәр балалар баҡсаһы тәрбиәсеһе һәм музыка етәксеһе Миңзәлә Мират ҡыҙы һеңдергән. Уртансы кластарҙа Ярат ауылында белем алған Мираҫ бик теләп ҡурай түңәрәгендә шөғөлләнә, матур итеп йырлай. Колледжға уҡырға килгән сәсән телле егетте “Урал батыр” сәсәндәр мәктәбе етәксеһе, Башҡортостандың атҡаҙанған мәҙәниәт хеҙмәткәре Асия Ғәйнуллина шәйләп ҡала һәм уның менән шөғөлләнә башлай. Сәсәниәнең тырышлығы бушҡа китмәй, беренсе курста уҡ Мираҫ, Бөтә Рәсәй сәсәндәр конкурсында ҡатнашып, еңеү яулай. Быйыл октябрь аҙағында Өфөлә үткән Бөтә Рәсәй сәсәндәр фестивалендә ҡатнашып, алтын билдә менән бүләкләнә. Мираҫ та үҙен күп яҡлы талант эйәһе итеп танытҡан: йырлай ҙа, бейей ҙә, ҡурайҙа ла уйнай, оҫта итеп көләмәстәр ҙә һөйләй.

Айгиз, Мираҫ һәм Заһир төрлө йылдарҙа халыҡ йырҙарын башҡарыусыларҙың “Ирәндек моңдары” конкурсында сығыш яһап, призлы урындар яулаған. Сибай сәнғәт колледжының был шәп егеттәре һәм Руфь исемле һылыу ҡыҙы киләсәктә уҡыуҙарын сәнғәт институтында дауам итергә ниәтләй. Матур уй-хыялдарығыҙ тормошҡа ашһын, йәштәр!



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 30

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 84

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 95

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 132

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 110

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 316

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 155

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 109

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 64

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 119

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 152

“Заманым тип тамаҡ ярмаһам да, заман ярып үтте йөрәкте!..”

“Заманым тип тамаҡ ярмаһам да, заман ярып үтте йөрәкте!..” 12.02.2019 // Әҙәбиәт

Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош...

Тотош уҡырға 163