Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Заманым тип тамаҡ ярмаһам да, заман ярып үтте йөрәкте!..”
Бөгөн, Башҡортостандың халыҡ шағиры Рәми Ғариповтың тыуған көнөндә, шәхестең ижадына, тормош асылына, халҡына хеҙмәтенә оло ихтирам менән ҡараған замандаштарыбыҙ Өфөнөң мосолман зыяратына йыйылды.

Шиғырында әйткәнсә, “Заманым тип тамаҡ ярмаһа ла, заманы йөрәген ярып үткән” шағир февралдә донъяға килә һәм ошо уҡ айҙа баҡыйлыҡҡа күсә. Тап Йәш ижадсыларҙың республика семинары көндө күҙҙәрен мәңгелеккә йома ул һәм һуңғы һүҙҙәре лә “Их, егеттәргә барып етә алманым инде...” була. Хәҙер йыл һайын йәштәр үҙҙәре әҙиптең һуңғы төйәге эргәһенә йыйыла.

Шағирә Тамара Ғәниева, халыҡ шағирын күргән, аралашҡан кеше булараҡ, уның хаҡында яҡты хәтирәләре менән уртаҡлашып килде һәм Рәми ағайҙың тыуған көнөндә “Бәйләнештә” социаль селтәрендә түбәндәгеләрҙе яҙҙы: “Рәми ағайҙы ерләүҙә ҡатнашҡайным. Ғүмеремдә тәүге тапҡыр яҙыусыны һуңғы юлға оҙатыу ине ул. Ябалаҡлап ҡар яуа. Шаңҡығайныҡ, илауҙан һеңгәҙәгәйнек. Мин поста торасаҡ ҡәләмдәштәре өсөн беләккә таға торған бәйләместәрҙе үтекләнем. Матур көйө генә ята ине ағай. Денис Бүләков абзый: “Ағайға кисә тере ваҡытында кейә алмаған өр-яңы костюм һатып алдыҡ”, – тип әсенде. Пушкин урамы буйлап йәйәү күтәреп китте егеттәр... Урам шығырым тулы ине. Зыяратта водокачка тирәһендә генә ята ул. Әле инерлекме икән һуң?”

Әлбиттә, инерлек: ҡәберенә юл ике көн алдан уҡ һалынып ҡуйылды. Йыл да Бөтә донъя башҡорттары ҡоролтайы Башҡарма комитеты, Башҡортостан Яҙыусылар союзы тарафынан ойошторолған сараға халыҡ йыйылып, шағирҙың “Туған тел” шиғырын күмәкләп яттан һөйләй, ҡәберенә сәскәләр һала. Быйыл да был йолаға тоғро ҡалды замандаштар.

Бөтә донъя башҡорттары ҡоролтайының Башҡарма комитеты аппараты етәксеһе Заһир Ишкин: “Беҙ йәштәрҙе тап Рәми Ғарипов рухында, уның ижады өлгөһөндә тәрбиәләргә тейешбеҙ!” – тине. Филология фәндәре докторы, ғалим Тимерғәле Килмөхәмәтов Рәми ағайҙы уҡытыусыһы булараҡ хәтергә алды, рәхмәттәрен әйтте. “Киске Өфө” гәзитенең баш мөхәррире Гөлфиә Янбаева шулай уҡ бергә эшләгән йылдары иҫтәлектәрен еткерҙе, журналист һәм әҙәбиәтсе һөнәрҙәренең үҙенсәлектәрен Рәми ағайҙан өйрәнеүен билдәләне.

Шағирә Лариса Абдуллина үҙ сығышында Рәми Ғариповтың милләттең рухи юлбашсыһы булыуы, бары тик уға ғына үҙе арабыҙҙан киткәндән һуң халыҡ шағиры исеме, Салауат Юлаев исемендәге премия күмәк көс менән бергәләп юллап алып бирелгәне хаҡында әйтте. Рәми Ғарипов ижады – ул халҡыңа тоғролоҡ, милләтеңә хеҙмәт, ысын кешелек өлгөһө!

Автор: Л. СИТДИҠОВА.
Фото: Винарис Абдуллин фотолары.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 46

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 35

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 60

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 269

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 139

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 89

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 52

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 103

Башҡорт халҡына хушлашыу хаты

Башҡорт халҡына хушлашыу хаты 12.02.2019 // Әҙәбиәт

Мәшһүр шәхесебеҙ Әхмәтзәки Вәлиди, эмиграцияға китер алдынан “Башҡорт халҡына хушлашыу хатын” яҙып,...

Тотош уҡырға 137

Беҙ бәхетле милләт булырбыҙ

Беҙ бәхетле милләт булырбыҙ 08.02.2019 // Әҙәбиәт

Рустар олоғая барған һайын “Старость – не радость” тигән һүҙҙәрҙе йышыраҡ ҡабатлай. Үҙебеҙсә...

Тотош уҡырға 113

Сайҡалды февраль күге...

Сайҡалды февраль күге... 08.02.2019 // Әҙәбиәт

[quote]Мин белә-белгәндән ул – шағирә. Донъяны сәнғәт аша таныу, ғөмүмән, был тормошҡа сәнғәтсә...

Тотош уҡырға 304

Уҡытыусы бәхете

Уҡытыусы бәхете 08.02.2019 // Әҙәбиәт

Бөгөн Ғәлиә Әхмәтовнаның көтөп алған, яратҡан байрамы – Белем көнө. Мәктәптә эшләгән йылдарын,...

Тотош уҡырға 126