Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һағыш бәхеттең артынан йөрөйҙөр ғүмер баҡый
Һағыш бәхеттең артынан йөрөйҙөр ғүмер баҡыйЗөфәр Вәлит

Һәләт булһа...

Бәхет менән тулһа ҡан тамыры,
Бәхетһеҙлек шашып аҡһа ла,
Хоҙай биргән һәләт әгәр булһа,
Шиғыр тыуа, йылан саҡһа ла...

Көсәнеүҙән тыумай шиғри юлдар,
Буш күңел ул һәр саҡ шығырҙай.
Йән әрнеүе менән ышаныстан
Тыуалыр ул тере шиғырҙар.

Ҡышҡы төндә

Йылы елдәр иҫкән саҡтарҙа
Ҡышҡы төндә, һалҡын ғинуарҙа
Мин ишетәм яҙҙар тауышын,
Ғүмеремдең көҙгә ауышын.

Заманымдың ҡырыҫ тауышы
Ишетелә ҡышҡы моңдарҙа.
Азатлыҡтың ҡырағайлығы
Күңелемдә зыңлай ҡылдарҙа.

Шундай саҡта шиғыр яңғырай,
Ә Азатлыҡ йән һәм ҡан һорай.
Һағыштарға унда урын юҡ,
Онотолоп йырлар йырым юҡ.

Халәтемде күреп, был төндөң
Елдәре лә тына бер мәлгә.
Кимерелгән күңел ҡанһырай,
Аптырайым үҙем был хәлгә.

Һигеҙенсе ҡаттан, тәҙ(е)рәнән
Ҡарайым да урам ташына,
“Икар кеүек әллә осорғамы?”
Тигән уйҙар килә башыма...

Һеҙҙең менән...

Сәләм һеҙгә,
ҡышҡы айлы кистәр,
Сәләм һеҙгә, ап-аҡ иртәләр!
Юлдарыбыҙ яҙға ҡаршы бара,
Юлдар бит ул ҡуймай кәртәләр.

Кәртә ҡуя бары ҡара көстәр,
Икеләнеү, яман хыялдар.
Алға әйҙәй бүре өйөрҙәре,
Арттан килә ҡурҡаҡ ҡуяндар...

Сәләм һеҙгә, күңеле матур ҡыҙҙар,
Сәләм һеҙгә, ҡыйыу егеттәр!
Һеҙҙең менән беҙҙең уй-хыядар,
Һеҙҙең менән яҡты өмөттәр.

Туған телем тигән йортобоҙҙа
Һеҙҙең менән йәшәү — бер бәхет,
Һеҙҙең менән көрәш майҙанында
Яулап алған һәр бер үр — тәхет!

Ташҡындары, дауылдары менән
Йөрәк ярып йылдар үтәләр.
Һеҙҙең менән балҡып килһә ине
Яңы йылдар, яңы иртәләр...

Ирек юлы


...Ирек һөйгән бүре юлы
Һәр саҡ ҡамаулы...
А. Ахматова

Ирек юлы эттәр менән
Һәр саҡ ҡамаулы.
Һәр боролош, һәр бер үре
Уның янаулы.

Бүре бүре булмаҫ ине,
Эттән ҡурҡһа.
Ул иректе яулап ала,
Алмай бурысҡа.

Уның көсө берҙәмлектә,
Яңғыҙ ҙа ҡыйыу.
Мөмкин түгел уның рухи
Бурысын тыйыу.

Ҡамалырын белһә лә, ул
Ынтыла алға.
Үҙ маҡсатына өлгәшмәй
Туҡтамаҫ ялға!

Ни булһа ла, бүре рухы
Булмаҫ ҡамаулы...
Рух үлемһеҙ! Ғүмер генә
Бары һанаулы.

Һағыш

Һағыш Бәхеттең артынан
Йөрөйҙөр ғүмер баҡый, —
Кисә ишек шаҡығайны,
Бөгөн тәҙ(е)рә шаҡый.

Мин дә аптырап тормайым,
Индерәм уны өйгә.
Йыр һуҙабыҙ икәүләшеп
Халыҡ сығарған көйгә...

Шуға ла, мин яңғыҙмын, тип
Уфтанмайым бер ҡасан.
Абынып йығылғанда ла,
Йылмайып тороп баҫам.

Бәхетем иҫерткәндә лә,
Һағышым иҫертмәне.
Ул, ахыры, бәхетемдең
Айнытҡыс кесерткәне.

***
Ауылда ла, Мәскәүҙә лә
Дөрөҫлөк табалманым.
Шуғалыр ҙа ул ерҙәрҙә
Йәшәргә ҡалалманым...

Күҙ күрмәгән, ишетмәгән
Хәйләләр ҡора-ҡора,
Ватаныбыҙ, ҡолас йәйеп,
Ел сәсеп, дауыл ура.

Быйылғы яҙ

Быйылғы яҙ
йоҡоларҙан яҙҙым.
Г. Ғиззәтуллина.

Быйылғы яҙ йоҡоларҙан яҙҙым,
Уйҙарымдан китәм уйылып,
Төн ҡараһын ярып, күңелемдең
Күҙ йәштәре балҡый ҡойолоп.

Яҙҙың хуш еҫтәре,
ҡоштар йыры
Өҙә инде, өҙә үҙәкте...
Кешеләрҙең туйып һикереүе
Донъябыҙҙы кинәт үҙгәртте:

Йырағайҙы кеше аралары,
Бикләнделәр йорттар йоҙаҡҡа.
Ҡайҙа байлыҡ, шунда
хәйерселек,
Әйләнделәр күптәр буйҙаҡҡа.

Был заманды илтеп
ҡушыр инем
Һуғыштан һуң тыуған заманға.
Уның тын алышы күптәр өсөн
Тура килер ине таманға...

Сирткән саҡта күңел
ҡылдарымды
Замананың ҡара көстәре,
Моңло йырҙар ағылыуын күреп,
Күптәренең китә иҫтәре.

Сөнки мине үҫтереүсе заман
Йәшәүемә булып терәк тә,
Атай-олатайҙар рухы менән
Йәшәй әле һаман йөрәктә!

Был — минең...

Һине ҡосағыма алһам,
Мин ул — мин түгел,
Ҡиблаға балҡып оса бит
Ыласын-күңел.
Был халәтте аңлаталмай
Тыпырсый йәнем.
Был — минең иң бәхетле һәм
Бәхетһеҙ мәлем!..



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ҡыҙыл буйы шағирә ҡыҙын ҙурланы

Ҡыҙыл буйы шағирә ҡыҙын ҙурланы 22.02.2019 // Әҙәбиәт

Бурандарҙа сыныҡҡан... Әбйәлил районының Ишҡол ауылына, Шәйехзада Бабич исемендәге республика...

Тотош уҡырға 88

Ветеран (Хикәйә)

Ветеран (Хикәйә) 22.02.2019 // Әҙәбиәт

Иртә менән оператив кәңәшмәгә баш мөхәррир бүлмәһенә йыйылып, түрҙәге йомшаҡ креслоһына сумып...

Тотош уҡырға 125

“Крыловҡа ғашиҡтар көнө”

“Крыловҡа ғашиҡтар көнө” 19.02.2019 // Әҙәбиәт

Илеш районының үҙәк һәм балалар китапханаһының ҡыҙыҡлы, фәһемле саралар үткәреү маһирлығына халыҡ...

Тотош уҡырға 53

Төхвәт Йәнәбиҙән ниндәй серҙәр ҡалған?

Төхвәт Йәнәбиҙән ниндәй серҙәр ҡалған? 16.02.2019 // Әҙәбиәт

Яҙыусы, билдәле йәмәғәт эшмәкәре Төхвәт Йәнәбиҙең тыуыуына 125 йыл тулыу уңайынан уның һеңлеһенең...

Тотош уҡырға 107

Иҫән саҡта иғтибарлы булайыҡ

Иҫән саҡта иғтибарлы булайыҡ 15.02.2019 // Әҙәбиәт

Теҙеп һанай башлаһаң, беҙҙең быйылғы юбилярҙар күп кенә икән. “Ағиҙел” журналының тәүге һанында...

Тотош уҡырға 114

“Йәнем аҡ нур минең,  Ә нурҙарға ғашиҡ булмағандар һарандар...”

“Йәнем аҡ нур минең, Ә нурҙарға ғашиҡ булмағандар һарандар...” 15.02.2019 // Әҙәбиәт

Мөхәббәттән, беләм, тыуғанмын мин, Саф хистәрҙән генә яралған. Йәнем аҡ нур минең, Ә нурҙарға Ғашиҡ...

Тотош уҡырға 155

Күңеле тулы  һөйөү ине...

Күңеле тулы һөйөү ине... 15.02.2019 // Әҙәбиәт

Ул “мөхәббәт шағиры” булды....

Тотош уҡырға 137

Әсәйемде ҡосаҡлап иланым

Әсәйемде ҡосаҡлап иланым 14.02.2019 // Әҙәбиәт

Танылған йәш яҙыусы Айгиз Баймөхәмәтовты китап уҡыусылар республикала ғына түгел, сит илдәргә лә...

Тотош уҡырға 342

Яҡшығолов уҡыуҙарында ҡатнаш!

Яҡшығолов уҡыуҙарында ҡатнаш! 13.02.2019 // Әҙәбиәт

Мең ырыуы вәкилдәре күпләп йәшәгән райондарҙа Башҡорт автономияһы башында торған шәхес, шағир...

Тотош уҡырға 173

Грант күләме тос, кем алыр?

Грант күләме тос, кем алыр? 13.02.2019 // Әҙәбиәт

Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә...

Тотош уҡырға 122

Бөркөт өсөн офоҡ ята йәйрәп, Ҡунһа осоп ҡая башына

Бөркөт өсөн офоҡ ята йәйрәп, Ҡунһа осоп ҡая башына 13.02.2019 // Әҙәбиәт

Сатирик-шағир Камил Фазлый (Камил Нәжми улы Фазлетдинов) Бәләбәй районының Туҙлыҡыуыш ауылында...

Тотош уҡырға 76

Әҙәби премияға кемдәр лайыҡ?

Әҙәби премияға кемдәр лайыҡ? 12.02.2019 // Әҙәбиәт

Күгәрсен районында Зәйнәб Биишева исемендәге әҙәби премияның 2018 йылғы лауреаттарын бүләкләү...

Тотош уҡырға 135