Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йондоҙ атылғандай булды ғүмере...
Йондоҙ атылғандай булды ғүмере...Кем ул шәхес? Тыуған иленә, халҡына тоғро хеҙмәт итеп, шул уҡ ваҡытта иленә көслө рухлы балалар тәрбиәләгән кеше, тиер инем. Ул ғына ла түгел, үҙенең йәшәү рәүеше менән үрнәк булып нур сәсеүсе, коллективында оло абруй яулаусы. Бына шундай яҡташыбыҙ тураһында күңел түренән сыҡҡан йылы һүҙҙәремде ҡабул итеп алығыҙ, гәзит уҡыусылар.

Ғимаҙи Әхмәҙи улы Хәсәнов – бар ғүмерен Баймаҡ районы халҡына тоғро хеҙмәт итеүгә, уның һаулығын һаҡлауға бағышлаған шәхес. Ауылдан, крәҫтиән ғаиләһенән сыҡҡан беренсе табипҡа быйыл 75 йәш тулған булыр ине.
Үткән быуаттың 60-сы йылдары. Белгестәргә ҡытлыҡ кисергән, уларҙың күсмә тормошонан биҙгән заман. Башҡортостандың КПСС Өлкә комитеты һәм Министрҙар Советы ҡарары райондарға үҙ белгестәрен әҙерләүгә киң мөмкинлек аса: урта мәктәпте уңышлы тамамлаған йәштәргә юғары уҡыу йорттарына райком аша юлламалар бирелә. Шундай оло бәхет Ғимаҙи өлөшөнә лә тейә.
Ҡалала йәшәү еңел булмай. Кисен Ғимаҙи егеттәр менән вокзалда вагон, пристандә йөк бушата. Шул уҡ ваҡытта уҡыуға бик тырыш, ныҡышмал була. Алты йылдан һуң ул, дипломлы белгес булараҡ, Баймаҡҡа әйләнеп ҡайта. Табиптар етешмәгән ауыр осор, шуға күрә төрлө һөнәр үҙләштерергә тура килә: хирург, гинеколог, уролог, онколог, травматолог… Көн аша төнгө дежурлыҡ, кистәрен шәфҡәт туташтарын әҙерләү курсында уҡытыу, күнекмәләр. Ә күпме йәмәғәт эшен башҡарырға тура килә уға.
Шул йылдарҙа баш табип булып Михаил Аполлонович Антонов эшләне. Ул тәрән белемле, талапсан, йәш кадрҙарға иғтибарлы, уларҙың эшен күреп, баһалай белгән кеше ине. Ғимаҙи Әхмәҙи улы оҙаҡ йылдар баш табиптың алмаштырғыһыҙ урынбаҫары булды. Иҫке дауахана авария хәлендә булғанлыҡтан, тирә-яғын кирбестән терәтеп сыҡтылар. Яңыһын төҙөү башланғас, Ғимаҙи Хәсәновҡа бик күп мәшәҡәттәрҙе үҙ өҫтөнә алырға тура килә.
Ул йылдарҙа Баймаҡ табиптары, район буйынса медицина пункттарын, амбулаторияларҙы тикшереп, халыҡты ҡабул итеүҙе даими ойоштороп, ауырыуҙарға үҙәк дауаханаға юлламалар биреп китер ине. Төрлө мәсьәләләр буйынса ғәмәли конференциялар, тәжрибә уртаҡлашыуҙар үтеп торҙо. Йыллыҡ отчетты төҙөп, Һаулыҡ һаҡлау министрлығына тапшырыу ҙа бик ҡатмарлы эш ине ул осорҙа.
Ғимаҙи Әхмәҙи улы ауырыуҙарға үтә лә иғтибарлы, ябай ауыл халҡына терәк-таяныс булырға ынтылды, йәш медицина хеҙмәткәрҙәрен эшкә ихлас өйрәтте. Ҡайҙа ғына “ҡоҙаламанылар” уны! Өфөгә — аспирантураға, институтҡа, Сибайға баш табиптың беренсе урынбаҫары, Әбйәлилгә баш табип итеп тә... Тик ул тыуған еренә, тыуған төйәгенә һәр саҡ тоғролоҡ һаҡланы.
Яратҡан эшен дауам итерҙәй, уңған, тырыш балалар үҫтереп аяҡҡа баҫтырҙы: оло ҡыҙы Гүзәл — район педиатры, үҙәк ҡала дауаханаһының баш табибы урынбаҫары, Илдар — баш табиптың дауалау эштәре буйынса урынбаҫары, алтын ҡуллы хирург, уролог. Ә Әлфиә – уҡытыусы. Ейән-ейәнсәрҙәре ҡартатаһының юлын һайлап, табиплыҡ һөнәрен үҙләштерә.
Ғүмер буйы әсәһенә, туғандарына терәк-таяныс булып, ярҙам итергә тырышты, ҡурсалай белде. Яҡшы атай ҙа, ышаныслы тормош юлдашы ла ине ул. Кешеләргә йәнен бирергә әҙер шәхес үҙен генә аяманы, һаулығын ҡайғыртырға ваҡыт тапманы.
Ғимаҙи Әхмәҙи улы халҡына 34 йыл хеҙмәт итеп, бик күп маҡтау ҡағыҙҙарына, ярыштарҙа еңеүсе, “СССР-ҙың һаулыҡ һаҡлау алдынғыһы” исеменә, “Хеҙмәт батырлығы”, “Хеҙмәт ветераны” миҙалдарына лайыҡ булды.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Мөғжизәгә ышанығыҙ!

Мөғжизәгә ышанығыҙ! 24.03.2019 // Йәмғиәт

Гәзитебеҙҙең “Бәйләнештә”ге төркөмөндә “Яҡтыкүл” шифаханаһына уйнатылған путевканы Өфө ҡалаһынан...

Тотош уҡырға 63

Икенсе ҡатынды осраттым...

Икенсе ҡатынды осраттым... 24.03.2019 // Йәмғиәт

Күптән ғаиләлемен, балаларыбыҙ буй еткерә, ләкин көтмәгәндә тормошом ҡырҡа үҙгәрҙе: башҡа ҡатынды...

Тотош уҡырға 224

Нисек теләйем – шулай йәшәйем!

Нисек теләйем – шулай йәшәйем! 24.03.2019 // Йәмғиәт

Күршем балаларымды Ислам ҡанундары буйынса тәрбиәләргә тырышыуымды хупламай. “Ни өсөн уларға бөтә...

Тотош уҡырға 126

Бәлки һеҙ танырһығыҙ?

Бәлки һеҙ танырһығыҙ? 24.03.2019 // Йәмғиәт

Туймазыла 15 йәшлек Полина Плахотинаны эҙләйҙәр. Ул 22 мартта өйҙән сығып киткән, шунан бирле юҡ....

Тотош уҡырға 110

Март илай...

Март илай... 24.03.2019 // Йәмғиәт

Бөгөн кистән һауа торошоноң үҙгәреүе – елдең секундына 15-20 метр тиҙлектә иҫеүе көтөлә, тип хәбәр...

Тотош уҡырға 87

Фотоға төшөр ҙә ебәр!

Фотоға төшөр ҙә ебәр! 24.03.2019 // Йәмғиәт

Ошо көндәрҙә “Сибайҙың интерактив картаһы” тип аталған онлайн-сервис булдырылды....

Тотош уҡырға 89

Ҡайһы бүре көслөрәк?

Ҡайһы бүре көслөрәк? 24.03.2019 // Йәмғиәт

Олатай ейәненә һөйләй:...

Тотош уҡырға 53

Даланлыларҙы йыйҙы Төйәләҫ

Даланлыларҙы йыйҙы Төйәләҫ 24.03.2019 // Йәмғиәт

Сибайҙа өс йыл инде Балыҡсылар ярышы үткәрелә. Төйәләҫ боҙонда уҙғарылған сарала быйыл 52 кеше...

Тотош уҡырға 43

Йәнә "Йәшел сауҡалыҡ", "Аҡбуҙат", "Һаҡмар" көтә

Йәнә "Йәшел сауҡалыҡ", "Аҡбуҙат", "Һаҡмар" көтә 24.03.2019 // Йәмғиәт

Сибай ҡалаһындағы экологик хәлгә бәйле, 500 бала Ҡырымдың Евпатория ҡалаһындағы “Хыял”да...

Тотош уҡырға 75

Күңелдәрҙе яҡтыртты Ҡырым ҡояшы

Күңелдәрҙе яҡтыртты Ҡырым ҡояшы 24.03.2019 // Йәмғиәт

Ҡырымда ял иткән 250 бала тыуған ҡалаһы Сибайға имен-һау әйләнеп ҡайтты. Уларҙы ата-әсәләре ҡаршы...

Тотош уҡырға 57

Арабыҙҙа – ныҡлы ышаныс

Арабыҙҙа – ныҡлы ышаныс 24.03.2019 // Йәмғиәт

Башҡортостанда үҙ төйәген яратҡан хеҙмәтсән халыҡ йәшәй, тине Рәсәй Президентының Волга буйы...

Тотош уҡырға 48

Яңы быуатты алтын итерҙәй мөмкинлектәребеҙ бармы?

Яңы быуатты алтын итерҙәй мөмкинлектәребеҙ бармы? 23.03.2019 // Йәмғиәт

Төбәк етәксеһе Радий Хәбиров республиканың 100 йыллығы уңайынан Инстаграмдағы аккаунтында халыҡҡа...

Тотош уҡырға 39