Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Илгә татыулыҡ өлгөһө күрһәттек
Башҡортостанда иғлан ителгән Милләт-ара татыулыҡты нығытыу йылы тамамланып килә. Уға йомғаҡ яһау өсөн ошо мәсьәләләр менән ҡайнап йөрөүсе кешеләргә мөрәжәғәт итеп, уларҙан: “Йыл ҡуйылған маҡсаттарға өлгәштеме?” — тип һораныҡ.
Вельмир АҘНАЕВ, республиканың Халыҡтар дуҫлығы йорто директоры:
— Иң башта шуны билдәләп үткем килә: республикабыҙҙа милләт-ара мәсьәлә буйынса бер ҡасан да ыҙғыш сыҡҡаны юҡ. Минеңсә, был урындағы халыҡтың милләт-ара мәсьәләләрҙә һәр ваҡыт һиҙгер, сабыр булыуына, киң күңеллелегенә бәйле.
Ә йылды иғлан итеүгә һәм уның йомғаҡтарына килгәндә, бик ҡәнәғәтбеҙ. Февралдә республикала йәшәүсе барлыҡ милләт вәкилдәре Дуҫлыҡ меморандумына ҡул ҡуйҙы. Халыҡтар дуҫлығы йортоноң 14 филиалы, 38 милли-мәҙәни үҙәге бар. Уларға быйыл тәү сиратта матди ярҙам күрһәтелде. Төрлө йыһаз, эш өсөн заманса техника алдыҡ. Икенсенән, улар бик күп етди сара үткәрҙе. Милли-мәҙәни үҙәктәребеҙ 400-ләп сара ойошторған. Араларында республика кимәлендәгеләре лә бихисап.

Раил ӘСӘҘУЛЛИН,республика татарҙарының “Ватаным” ойошмаһы рәйесе, БДПУ ректоры:
— Йыл үҙ алдына ҡуйылған бурыстарҙы үтәне. Республикабыҙ быға тиклем дә милләт-ара мәсьәләләрҙе ыңғай һәм ваҡытында хәл итеүсе төбәк ине. Әлеге йыл быны тағы бер тапҡыр дәлилләне, улай ғына ла түгел, яңы мөмкинлектәр асты. Мәҫәлән, быйылғы һайлау һәм унан һуңғы ваҡиғалар беҙҙең халыҡтың берҙәмлеген, үҙ етәксеһе тирәләй тупланғанлығын күрһәтте. Иң мөһиме — күптәнге тәжрибәне юғалтманыҡ, яңыһын да өҫтәнек.
Быйыл рухи яҡтан ғына түгел, матди йәһәттән дә уңыштар тос булды. Мәҫәлән, беҙҙең уҡыу йортонда татар телендә бик күп китап нәшер ителде, әрмәндәр үҙҙәренең әсбаптарын баҫып сығырҙы. Ғаилә проблемаларына арналған фәнни конференция үткәрҙек, унда уҡытыусылар, ата-әсәләр, балалар ҡатнашты.
Быйыл Башҡортостан менән Татарстан президенттарының осрашыуы, артабанғы хеҙмәттәшлек тураһында килешеү төҙөүе лә күпте һөйләй. Республикала милләт-ара татыулыҡ проблемаларының уңышлы хәл ителеүе, был йүнәлештә әүҙем эш барыуы менән ҡәнәғәтмен. Йәмәғәт ойошмалары үҙ-ара һәм власть менән даими бәйләнештә эшләне. Беҙҙе ишеттеләр, тыңланылар һәм ярҙам иттеләр.

Владимир САМОРОДОВ, Башҡортостан урыҫтары соборының башҡарма комитеты рәйесе:
— Республикабыҙ үҙенә һәм башҡаларға тағы ла бер тапҡыр милләт-ара татыулыҡ төбәге булыуын дәлилләне. Йыл үҙ маҡсатына өлгәште, бик күп эш башҡарылды. Мин һүҙҙе мәҙәни саралар тураһында ғына алып бармайым. Әле яңыраҡ ҡына республикала йәшәүсе милләттәрҙең үҫеш концепцияһы ҡабул ителде. Тимәк, эш артабан да дауам итәсәк.
Милли сәйәсәттең дөрөҫ алып барылыуы Дәүләт Думаһына депутаттар һайлау ваҡытында ла асыҡ күренде. Халыҡ үҙенең берҙәмлеген, әүҙемлеген күрһәтте.
Үҙебеҙҙең ойошмаға килгәндә, йыл уңышлы һәм ваҡиғаларға бай булды: үҙебеҙҙең II Соборыбыҙҙы (конгресс) үткәрҙек, эштәргә йомғаҡ яһаныҡ, башҡарма комитетҡа яңы ағзалар һайланыҡ. Республикала урыҫ телен, мәҙәниәтен үҫтереү һәм һаҡлауға бәйле һөйләшеү ифрат файҙалы булды.

Ашот МУРАДЯН, “Севан” әрмән милли-мәҙәни үҙәге рәйесе:
— Йыл башланыр алдынан Президент Рөстәм Хәмитов ниндәй бурыстар ҡуйған булһа, уларҙың барыһы ла үтәлде. Беҙ, ғөмүмән, республикала алып барылған милли сәйәсәт менән ҡәнәғәтбеҙ. Башҡа төбәктәрҙәге әрмәндәр, уларҙың милли үҙәктәре менән аралашам — Башҡортостандағы кеүек үҙ-ара мөнәсәбәт бер ерҙә лә юҡ. Беҙгә күптәр көнләшеп ҡарай һәм был — лайыҡлы баһа.
Быйыл әрмән йәкшәмбе мәктәбенең 10 йыллығын киң билдәләнек, башҡорт яҙыусыһы һәм сәйәсмәне Рафаил Зинуровтың әрмәндәр тарихы тураһында яҙған китабының исем туйы булды. Ул баҫма беҙҙең өсөн бик мөһим һәм ҡәҙерле. Ғөмүмән, урындағы етәкселек тарафынан даими иғтибар тойоп йәшәйбеҙ һәм аңлау, хәстәрлек беҙҙе ҡанатландыра.

Владимир ДОРОШЕНКО, “Кобзарь” украин милли-мәҙәни үҙәге рәйесе:
— Төрлө ваҡиғаларға бик бай булды был йыл. Мөһим сараларҙа йыш ҡатнашырға тура килде, милли-мәҙәни үҙәктәр эсендә лә тормош ҡайнаны ғына.
2011 йылды республикала Милләт-ара татыулыҡты нығытыу йылы тип атау отошло булды. Әммә, минеңсә, был Башҡортостандан бигерәк дөйөм Рәсәйҙең мәнфәғәттәрен күҙ уңында тота. Беҙҙә милләт-ара татыулыҡты һаҡлау йәһәтенән эштәр яҡшы, шуға ла илдең башҡа төбәктәренә өлгө күрһәтергә хаҡлыбыҙ.



Беҙҙе Яндекс Дзен лентаһында уҡығыҙ
Комментарий өҫтәргә






Журналистар музейға юллана

Журналистар музейға юллана 22.09.2018 // Йәмғиәт

Рәсәй Журналистар союзы рәйесе Владимир Соловьев менән Рәсәй Музейҙар союзы президенты Михаил...

Тотош уҡырға 41

Ғорурлығым – Рәсәй!

Ғорурлығым – Рәсәй! 22.09.2018 // Йәмғиәт

“Балалар һәм йәштәр эштәре буйынса төбәк-ара методик үҙәге” коммерцияға ҡарамаған автономиялы...

Тотош уҡырға 33

Ризыҡҡа бирелгән бәрәкәт

Ризыҡҡа бирелгән бәрәкәт 21.09.2018 // Йәмғиәт

Ҡунаҡсыллыҡ – йомартлыҡ, яғымлылыҡ, бер-береңә ихтирам сағылышы. Ул Исламда юғары баһалана....

Тотош уҡырға 42

Урынһыҙға маҡтаһалар...

Урынһыҙға маҡтаһалар... 21.09.2018 // Йәмғиәт

Арабыҙҙа ниндәй генә кеше юҡ: асыҡ күңеллеләр, йомоғораҡтар, түҙемһеҙҙәр, сабырҙар, ярһыуҙар,...

Тотош уҡырға 55

Зөләйханың өс ғүмере

Зөләйханың өс ғүмере 21.09.2018 // Йәмғиәт

Ҡатын-ҡыҙ өсөн бәхет нимә ул? Аҡ йөҙлө, көләс, еңел кәүҙәле, етеҙ был ҡатын менән уның тыуған ауылы...

Тотош уҡырға 50

Хеҙмәт кешеләрен данлаусы

Хеҙмәт кешеләрен данлаусы 21.09.2018 // Йәмғиәт

Энгель Зәйнетдинов – нефть һәм уның әһәмиәте, бигерәк тә үҙебеҙҙең Башҡортостанға ҡағылышлы тарихы...

Тотош уҡырға 40

Мәғрур Кирәлегә терәлеп...

Мәғрур Кирәлегә терәлеп... 21.09.2018 // Йәмғиәт

Ҡоҙғон-Әхмәр халҡы юғарылыҡҡа ынтылып ғүмер итә Белорет районында шундай ауыл бар: халҡы егәрле лә,...

Тотош уҡырға 54

Хеҙмәткә һәм оборонаға әҙерһеңме?

Хеҙмәткә һәм оборонаға әҙерһеңме? 20.09.2018 // Йәмғиәт

Шәмбе көндә Өфөлә “Хеҙмәткә һәм оборонаға әҙер” Бөтә Рәсәй физкультура-спорт комплексы фестивале...

Тотош уҡырға 48

Көҙ йылыһы менән йәмле

Көҙ йылыһы менән йәмле 20.09.2018 // Йәмғиәт

Башҡортостанда ял көндәрендә йылы һәм яуым-төшөмһөҙ буласаҡ. “Башгидромет” синоптиктары хәбәр...

Тотош уҡырға 45

Айыуға юлыҡмағыҙ!

Айыуға юлыҡмағыҙ! 20.09.2018 // Йәмғиәт

“Башҡортостан” милли паркының матбуғат хеҙмәте төбәктә айыуҙарҙың әүҙемләшеүен хәбәр итә һәм...

Тотош уҡырға 46

Тыйырғамы, тыймаҫҡамы?

Тыйырғамы, тыймаҫҡамы? 19.09.2018 // Йәмғиәт

Рәсәй халҡының дүрттән өс өлөшө мәктәптә дәрестәр барғанда смартфон һәм башҡа гаджеттар ҡулланыуҙы...

Тотош уҡырға 60

Бала мәнфәғәтендә

Бала мәнфәғәтендә 19.09.2018 // Йәмғиәт

Рәсәйҙә юғалған балаларҙы эҙләү менән шөғөлләнгән активистарға ярҙам иткән түләүһеҙ смартфон...

Тотош уҡырға 49