Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Байрам табынына рәхим итегеҙ!
Байрам табынына рәхим итегеҙ!Резеда ӘМИНЕВА,
Башҡортостандың атҡаҙанған артисы:


– Аждаһа йылында тыуғанмын. Яңы йыл табынында нимә булырға тейеш икәнен алдан белеп, шуға ярашлы әҙерләрбеҙ тип уйлайым. Нисек кенә булмаһын, балаларым яратҡан тәмле ризыҡтарға өҫтөнлөк бирәсәкмен. Шуларҙың береһе – мейестә бешерелгән көмрө балыҡ. Уның тулыһынса туңдырылғанын алырға кәрәк. Балыҡ ирегәс, эсен таҙартабыҙ. Һаҡ ҡына тиреһен айырып алабыҙ. Итен һөйәктәрҙән таҙартҡас, ит турағыс аша үткәрәбеҙ. Фаршҡа кишер, һуған, майонез ҡушырға ла балыҡты тултырырға кәрәк. Ул талғын ғына утта мейестә бешә. Быйыл өҫтәлдә ауыҙҙы яндырырҙай аҙыҡ та булырға тейеш. Шуға корейса кишер салатын да эшләп ҡуйырмын. Байрам өсөн әҙерләнгән аш-һыуығыҙ тәмле булһын, өҫтәлегеҙ ризыҡтан һығылып торһон, һау-сәләмәт булығыҙ, гәзит уҡыусылар!

Байрам табынына рәхим итегеҙ!Салауат ӘБҮЗӘР,
шағир:


– Ҡыҙҙарым тәм-том ярата. Ҡатыным гел тәмле-тәмле аш-һыу әҙерләй. Әйткәндәй, ул да аждаһа йылында тыуған. Уларҙы ҡыуандырыр өсөн байрамға баллы торт бешерәсәкмен. Ул тәмле лә, ҡунаҡтарҙы һыйларға ла етәсәк. Ҡамыр өсөн 60 грамм аҡ май, бер стакан шәкәр, ике аш ҡалағы бал, өс йомортҡа, ике бал ҡалағы сода, өс стакан он кәрәк буласаҡ. Аҡ май, шәкәр һәм балды иретергә кәрәк. Шәкәр ирегәс, сода өҫтәргә. Масса күпереп китер, ул өс тапҡырға күбәйгәндән һуң, уттан алырға кәрәк. Йомортҡа эҫе иретмәлә бешмәһен өсөн, уны тиҙ генә берәрләп ҡушып болғатығыҙ. Һуңынан он ҡушып ҡамыр баҫығыҙ. Ҡамыр ҡулға йәбешмәһен, шул уҡ ваҡытта ҡаты ла булмаһын. Уны ете тигеҙ өлөшкә бүлеп, йәймә йәйергә кәрәк. 200 градусҡа тиклем йылытылған мейестә йәймәләрҙе бешерәбеҙ, һәр береһен таҫтамал менән ябып барығыҙ.
Крем өсөн бер йомортҡа, бер стакан шәкәр, бер аш ҡалағы он, бер стакан һөт, 250 грамм аҡ май, ванилин, ярты стакан ҡаймаҡ кәрәк буласаҡ. Шәкәргә йомортҡа өҫтәп, һәйбәт итеп туғырға. Һуңынан был массаға бер аш ҡалағы он, ванилин өҫтәп тағы болғатырға. Массаны талғын утҡа ҡуйып, яйлап ҡына һөт өҫтәргә һәм ҡайнатырға. Килеп сыҡҡан крем йылымса булғас, аҡ май өҫтәп миксерҙа болғатырға. Һуңынан ҡаймаҡ өҫтәргә. Әҙер крем менән йәймәләрҙе майларға. Торттың ситтәрен ҡырҡып, онтаҡлап һындырабыҙ. Өҫтөн ваҡланған әстрхан сәтләүеге, шоколад валсығы менән биҙәргә була. Беҙ иһә өҫтөнә иретелгән шәкәр шәрбәте һалынғанын яратабыҙ. Ул былай әҙерләнә: дүрт аш ҡалағы шәкәр, какао, ҡаймаҡ һәм майҙы талғын утта ҡайнатабыҙ. Ул бер аҙ һыуынғас, торттың өҫтөнә ҡоябыҙ. Торт бер көн һыуытҡыста торһа, айырыуса тәмләнә.

Байрам табынына рәхим итегеҙ!Тәнзилә ҮҘӘНБАЕВА,
Рәсәйҙең атҡаҙанған, Башҡортостандың
халыҡ артисы:


– Аждаһа йылының остоғона саҡ эләгеп ҡалғанмын. Шуға быйылғы байрам табыны ғаиләм өсөн айырыуса тантаналы буласаҡ. Өҫтәл түрендә яратып әҙерләгән ашым – ҡыҙҙырылған ҡаҙ булыр. Уны кистән майонезға ҡырғыс аша үткәрелгән һарымһаҡ, ҡыҙыл борос, тоҙ менән ыуып ҡуям. Бешерер алдынан эсенә лимон һутына буталған 4 - 5 әскелтем алма, 100 грамм тирәһе кипкән өрөк, шул сама ҡара емеш һалам. Ҡаҙҙың эсен теккәс, 200 градусҡа тиклем йылытылған мейескә ҡуйырға кәрәк. Ҡаҙ ике сәғәт бешә. Бешеп етергә бер сәғәт самаһы ваҡыт ҡалғас, эргәһенә картуф һалына. Табынға ҡаҙҙы матур һауытҡа һалып, өҫтөн йәшелсә менән биҙәгәндә, ул тағы ла хуш еҫлерәк буласаҡ. Әлбиттә, табынға һурпа бирәсәкмен. Әгәр уны дүрт-биш төр иттән бешерһәң, ул тәмлерәк була. Бешкән ит эргәһенә өлөш һалып, ҡоротло һурпа менән ҡунаҡтарымды һыйлаясаҡмын. Яңы йыл табынына дуҫтарым, яҡындарым йыйыласаҡ. Өҫтәлдәге матур ризыҡ кәйефте күтәрер, уның биҙәлеше байрамға тантана өҫтәр тип ышанам.



Беҙҙе Яндекс Дзен лентаһында уҡығыҙ
Комментарий өҫтәргә






Күпме көтөргә?

Күпме көтөргә? 12.11.2018 // Йәмғиәт

...Хәҙер күптәр ҡалала эшләп, ауылда йәшәй. Таныштар араһында, мәҫәлән, Ишембай районының Ишәй...

Тотош уҡырға 55

“Өләсәйҙе тоташтыр!”

“Өләсәйҙе тоташтыр!” 12.11.2018 // Йәмғиәт

Билдәле булыуынса, ҡала һәм район телевидениелары киләһе йылдан һанлы форматҡа күсә. Күптәр был...

Тотош уҡырға 30

Бөрйәндәрҙең үтенесен иҫәптә тотоп…

Бөрйәндәрҙең үтенесен иҫәптә тотоп… 12.11.2018 // Йәмғиәт

Бөрйән районының Яңы Монасип ауылында Ағиҙел йылғаһы аша йәйәүлеләр күпере урынына автомобиль...

Тотош уҡырға 55

Мораҡайҙар ҙа күперле!

Мораҡайҙар ҙа күперле! 12.11.2018 // Йәмғиәт

Әбйәлилдә Кесе һәм Ҙур Ҡыҙыл йылғалары аша һалынған күперҙәр арта....

Тотош уҡырға 61

Белоретта – ысын ҡыш

Белоретта – ысын ҡыш 11.11.2018 // Йәмғиәт

Бөгөн Белорет районында көндөҙ урыны менән 20 градуска тиклем һыуыҡ булды....

Тотош уҡырға 82

Изгелектәре сауап булып ҡайтһын

Изгелектәре сауап булып ҡайтһын 11.11.2018 // Йәмғиәт

Баймаҡ районының Икенсе Төркмән халҡы урындағы боронғо зыяратты яңынан кәртәләне. Моҡас ауыл...

Тотош уҡырға 82

Уйын аша – коррупцияға ҡаршы

Уйын аша – коррупцияға ҡаршы 11.11.2018 // Йәмғиәт

Өфөлә “Йәштәр коррупцияға ҡаршы” тип аталған төбәк форумы үтте. Сараның төп ойоштороусылары –...

Тотош уҡырға 111

Лағырҙағы осрашыу

Лағырҙағы осрашыу 11.11.2018 // Йәмғиәт

Республика Башлығы вазифаһын ваҡытлыса башҡарыусы Радий Хәбиров Салауат районының Лағыр ауылындағы...

Тотош уҡырға 65

“Мин райондарға табип килтерә алмайым”

“Мин райондарға табип килтерә алмайым” 11.11.2018 // Йәмғиәт

Малаяҙ үҙәк дауаханаһы “Һаҡсыл поликлиника” форматы буйынса эшләй башлаған. Электрон теркәү,...

Тотош уҡырға 106

Мәләкәс күперенең хәүефе бәләкәс түгел...

Мәләкәс күперенең хәүефе бәләкәс түгел... 11.11.2018 // Йәмғиәт

Дыуанда авария хәлендәге күпер ҙә бар: Салғыя ауылы эргәһенән аҡҡан Мәләкәс йылғаһы аша һалынғанға...

Тотош уҡырға 50

Салауат эшҡыуарҙарын ниҙәр борсой?

Салауат эшҡыуарҙарын ниҙәр борсой? 11.11.2018 // Йәмғиәт

Салауат районында Радий Хәбиров урындағы эшҡыуарҙар менән дә аралашты. Улар республика етәксеһенән...

Тотош уҡырға 80

Мәсәғүттәргә спорт комплексы кәрәк

Мәсәғүттәргә спорт комплексы кәрәк 11.11.2018 // Йәмғиәт

Дыуан районының Мәсәғүт ауылындағы балалар-үҫмерҙәр спорт мәктәбе тәрбиәләнеүселәре араһында...

Тотош уҡырға 49