Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Аманатым – балалар
Аманатым – балаларИлһөйәрлек ғаиләнән башлана, тиҙәр. Эйе, туғандарыңды, яҡындарыңды яратыуҙан һәм ҡәҙерләүҙән яралалыр күңелдә Ватанға ҡарата йылы тойғолар. Тыуып үҫкән йортоң, ауылың йә ҡалаң ни өсөн йөрәгеңә яҡын? Сөнки унда һинең өсөн ҡәҙерле кешеләр йәшәгән, йәшәй. Был туғайға олатайға эйәреп ат тышарға төшә инек, ә анау урманда ҡустылар менән һуйыр атып йөрөнөк, йылғаның теге ярында тороп ҡармаҡлағанда балыҡ һәйбәт эләгә торғайны… Ошондай хәтирәләр һағындыра тыуған яҡты. Әгәр кешеләр менән бәйле булмаһа, бер нәмәнең дә ҡәҙере беленмәҫ ине, тип уйлап ҡуям.
Балалар үҫтереүҙе лә ата-бабаһы, яҡын туғандары алдындағы аманаты, оло бурысы тип һанаусылар хаҡлылыр – шәжәрә өҙөлмәҫкә, тағы ла тармаҡланып, дауам итергә тейеш. Һәр кемебеҙҙең бурысы – үҙ артыңдан кешелек өсөн лайыҡлы быуын ҡалдырыу. Ғөмүмән, бала табып тәрбиәләүҙе ватансылыҡтың, Раббыбыҙҙың ризалығына өлгәшергә тырышыуҙың, кешелеккә матур киләсәк теләүҙең бер өлөшө тип иҫәпләйем.
Бәләкәй саҡта кис һайын йоҡларға ятыр алдынан өйҙәгеләрҙе барлап сыға ла, һигеҙгә тулһаҡ, Аллаһ Тәғәләгә шөкөр итеп, тыныс күңел менән әүен баҙарына китә торғайным. Кемебеҙҙер ситтә булһа йәки ауырыһа, эстән генә уға иҫәнлек-һаулыҡ теләй инем. Яҡындарым менән ҡасан да берәй мәл мәңгегә хушлашырға тура киләсәген аңлап, юрған аҫтында шым ғына илап алғаным да булды. Әҙәм балаһына йәшәгән һайын ауырыраҡ һынауҙар бирелә бара икән: бик күп юғалтыу, хәсрәт кисерергә тура килә. Әгәр балалар булмаһа… Күп осраҡта ошо бәләкәстәрҙә күңелгә йыуаныс табам бит! Эйе, уларға ҡарайым да олатай-өләсәйҙәремде, баҡыйлыҡҡа киткән башҡа туғандарымды иҫкә төшөрәм. Йөҙҙәр оҡшашлығы булмаған хәлдә лә ҡан берлеге барыбер һиҙелә. Бер кем дә был донъяға мәңгелеккә килмәй, әммә үҙ артынан нәҫел ҡалдырғандар бәхетлерәк – уларҙың тәне һәм йәненең бер өлөшө йәшәй.
Малайҙарыма минең етешһеҙлектәр күсә күрмәһен, тип гел хафаланам. Бәхеткә күрә, әлегә ҡыуандыралар ғына: Вилдан уҡыу-яҙыу менән ныҡ ҡыҙыҡһына, хәтере шәп, әүҙем; Иҙел йырларға ярата, көйҙәрҙе бик тиҙ отоп ала, ныҡышмал. Маҡтанмайым, сөнки уларҙың һәләте – минең ҡаҙаныш түгел, ә Хоҙай тарафынан бирелгән, быуындан быуынға күсеп килгән сифаттар. Улдарым һәйбәт кешеләр булып үҫеп, атай-әсәйҙәренең, олатай-өләсәйҙәренең, туғандарының йөҙөнә ҡыҙыллыҡ килтермәй, киреһенсә, барыһын һөйөндөрөп, ғорурландырып йәшәһен, беҙ башҡара алмаған эштәрҙе бойомға ашырһын, затыбыҙҙың, тыуған еребеҙҙең бәҫен күтәрһен, үҙҙәренә алмашҡа яҡшы ул-ҡыҙҙар тәрбиәләһен ине, тип теләйем.



Беҙҙе Яндекс Дзен лентаһында уҡығыҙ
Комментарий өҫтәргә






Саф шишмә кеүек

Саф шишмә кеүек 25.09.2018 // Йәмғиәт

Шундай кешеләр осрай: ҡарашы ла, һүҙе лә тынысландырып ебәргәндәй була. Һәр кемгә ихлас күңелдән...

Тотош уҡырға 38

Динебеҙҙә – сәс хаҡында

Динебеҙҙә – сәс хаҡында 25.09.2018 // Йәмғиәт

Һаулыҡта матурлыҡтың сағылышы бар, тиҙәр. Ысынлап та, тән сәләмәтлеге, күңел бөтөнлөгө һәм таҙалыҡ...

Тотош уҡырға 37

Ауылдаштарымдың ҡаһарманлығы

Ауылдаштарымдың ҡаһарманлығы 25.09.2018 // Йәмғиәт

Илебеҙҙе һаҡлаған, кешелек донъяһын фашизмдан ҡотҡарған кешеләргә рәхмәтебеҙ сикһеҙ булырға тейеш....

Тотош уҡырға 27

Булдыҡлының эше уң

Булдыҡлының эше уң 25.09.2018 // Йәмғиәт

Байым ауылында өлгөлө ғаиләләр күп. Улар тырышып донъя көтә, балалар үҫтерә. Ауыл ерендә эш юҡ тип,...

Тотош уҡырға 31

Артабан да бергә ҡалайыҡ

Артабан да бергә ҡалайыҡ 25.09.2018 // Йәмғиәт

Һәр ваҡыттағыса, редакцияға хөрмәтле гәзит уҡыусыларыбыҙҙан хаттар ағымы туҡтамай. Уларҙың һәр юлы...

Тотош уҡырға 32

Таш хәтерен яңыртыусы

Таш хәтерен яңыртыусы 25.09.2018 // Йәмғиәт

Геолог тормошона арналған саралар үтте. Күренекле геолог һәм дәүләт эшмәкәре, СССР Дәүләт премияһы...

Тотош уҡырға 46

Юл түләүле буласаҡ

Юл түләүле буласаҡ 25.09.2018 // Йәмғиәт

М-5 һәм М-7 федераль трассаларын тоташтырасаҡ Өфө ҡалаһынан Көнсығыш сығыу юлы автомобиль...

Тотош уҡырға 39

Әбейҙәр сыуағы хушлаша

Әбейҙәр сыуағы хушлаша 25.09.2018 // Йәмғиәт

Башҡортостан биләмәһендә һауа торошо үҙгәрә: сыуаҡ көндәргә алмашҡа көҙгө ямғырҙар башланыуы һәм...

Тотош уҡырға 39

Ҡомартҡылар тарих һөйләй

Ҡомартҡылар тарих һөйләй 25.09.2018 // Йәмғиәт

Көслө зат яҙмышы иленекенән айырылғыһыҙ. Музей. Тынлыҡ. Яй ғына баҫып, бер ҡомартҡынан икенсеһенә...

Тотош уҡырға 33

Сик буйында тора һаҡсы...

Сик буйында тора һаҡсы... 25.09.2018 // Йәмғиәт

Ошондай һәйкәлдәр һәр төбәктә бармы? Төбәгебеҙҙең рухи мәккәһе булған Сибайҙа тарихыбыҙға, йәштәр...

Тотош уҡырға 42

Элвин Грей ауырыған

Элвин Грей ауырыған 25.09.2018 // Йәмғиәт

Кисә йырсы Радик Юлъяҡшиндың (Элвин Грей) социаль селтәрҙәге сәхифәһендә уның сирләп китеүе...

Тотош уҡырға 44

“Үҙгәрештәрҙән ҡурҡмаҫҡа”

“Үҙгәрештәрҙән ҡурҡмаҫҡа” 25.09.2018 // Йәмғиәт

Риэлтор эшмәкәрлеге ниҙән ғибәрәт? Яңы фатир алам тип бөтөнләй мөйөшһөҙ ҡалғандар хаҡында...

Тотош уҡырға 41