Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Яҡын дуҫ та, кәңәшсе лә
Йәнә бер йыл артта ҡалды. Үҙенсәлекле был осорҙа редакциябыҙ почтаһы ла һәлмәк кенә булды: гәзит уҡыусыларыбыҙҙан бөтәһе ике меңгә яҡын хат алдыҡ, уларҙың күпселеге баҫмабыҙҙа донъя күрҙе, бәғзеләре үҙ сиратын көтә.
“Башҡортостан” – халыҡ гәзите. Уҡыусыларыбыҙҙың теләктәренә, үтенестәренә ҡолаҡ һалып эш итеү матур йолаға әүерелгән. Шуға ла беҙгә килгән һәр хатты ҡыуанып ҡаршы алабыҙ. Йыл дауамында Сибайҙан тыуған яҡты өйрәнеүсе Рамаҙан Үтәғолов халҡыбыҙҙың тарихына ҡағылышлы мәҡәләләре менән сығыш яһаһа, билдәле әҙиптәр, ғалимдар, журналистар Рауил Бикбаев, Зиннур Нурғәлин, Зөһрә Ҡотлогилдина, Фәрзәнә Аҡбулатова, Гөлшат Әхмәтҡужина, Ғиниәт Ҡунафин, Ризван Хажиев, Рамаҙан Ҡотошов, Сәлимйән Ғүмәров, Ишмөхәмәт Шарапов, Лира Яҡшыбаева, Мөнир Иҡсанов, Рафаэль Аҙнағолов, Ләлә Бейешева, Сәнә Сабирйәнова телебеҙ, илебеҙ яҙмышына ҡағылған көнүҙәк публицистик яҙмалары менән гәзитебеҙҙе байытты.
Әбйәлилдән Иҙрис Ноғоманов, Йылайырҙан Фәрит Рәмов, Баймаҡтан Рәшит Үтәев, Гүзәл Иҫәнгилдина, Салауат Мөхәмәтшин, Ғафуриҙан Рәйсә Фәйзуллина, Флүрә Хәлилова, Ишембайҙан Вараҡа Ғәләүетдинова, Фәүзиә Аҡҡолова, Сибайҙан Азамат Тажетдинов, Иглиндән Илтүҙәр Харунов, Малаяҙҙан Зилә Буранғолова, Балтастан Аида Хәйретдинова, Бөрөнән Рияз Мәсәлимов, Белореттан Нурулла Миһранов ябай хеҙмәт кешеләренең эшмәкәрлеге тураһында яҙҙы, халыҡты борсоған мәсьәләләрҙе ҡыйыу яҡтыртты.
Шуныһы ҡыуаныслы: “Башҡортостан” республикабыҙҙа ғына түгел, бөтә ил, донъя буйлап һибелеп көн итеүсе милләттәштәребеҙҙе изге бер ҡорға туплаусы баҫмаға әүерелә бара. Эстониянан “Ағиҙел” башҡорт мәҙәни үҙәге рәйесе Флүзә Хәйруллина, Татарстандың Саба районынан Рәхимә Вәлиуллина, Тверь ҡалаһынан Хәлил Көнәфин, Мәскәүҙән Финан Хөсәйенов, Һамарҙан Сәлимә Игенбәтова был төбәктәрҙә йәшәүсе абруйлы яҡташтарыбыҙ, уларҙың эшмәкәрлеге тураһындағы яҙмалары менән ҡыуандырҙы. Литва Республикаһынан Ғәлим Сиражетдинов: “Башҡортостан” гәзитенең электрон версияһын алдырабыҙ. Уның һәр битен йотлоғоп уҡыйбыҙ”, — тигән. Татарстандан Фәрзәнә Кинйәбаева: «Бокс буйынса донъя чемпионы, Лос-Анджелес ҡалаһында йәшәүсе Силәбе башҡорто Хәбир Сөләймәнов тураһындағы мәҡәләне яратып уҡыным, сит тарафтарҙа ла милләтебеҙҙең мәртәбәһен күрһәтерҙәй шәхестәребеҙ булыуына ғорурландым», — тип яҙа. Башҡа тарафтарҙа йәшәүсе абруйлы милләттәштәребеҙ, уларҙы борсоған проблемалар хаҡында ла гәзиттә мәҡәләләр йыш баҫылды.
Булдыҡлы, тәүәккәл ул-ҡыҙҙарыбыҙҙы күрһәтеү, башҡаларҙы уларҙың матур өлгөһөнә йәлеп итеү маҡсатында иғлан ителгән “Башҡорт эшҡыуарлығы” конкурсында гәзит уҡыусыларыбыҙ ҙа әүҙем ҡатнашыуы менән һөйөндөрҙө.
Яңы йыл халҡыбыҙ өсөн тарихи ваҡиғаларға бай булмаҡсы. 1812 йылғы Ватан һуғышында төрлө халыҡтар менән башҡорттар ҙа ҡатнашып, еңеүгә ҙур өлөш индергән. Халҡыбыҙ күңелендә тәрән эҙ ҡалдырған яуҙа, бәлки, һеҙҙең ата-бабаларығыҙ ҙа ҡатнашып, ҡаһарманлыҡ күрһәткәндер. Тарихығыҙҙы өйрәнеп, шәжәрәгеҙҙе барлап, беҙгә ошо хаҡта яҙа алаһығыҙ.
Ғүмере буйы илем, телем тип янып йәшәгән атаҡлы шағирыбыҙ Рәми Ғариповҡа февралдә 80 йәш тулыр ине. Ошо уңайҙан республикабыҙҙа төрлө саралар уҙғарыласаҡ, шағирҙың яҡты рухы хөрмәтләп иҫкә алынасаҡ. Был изге эштән “Башҡортостан” гәзите лә ситтә ҡалмай, шағирҙың иҫтәлегенә “Урал күкрәгендә йөрәк кеүек Башҡортостан – тыуған илкәйем” тип аталған конкурс иғлан итте. Унда теләгән һәр кем бер генә шиғыр менән ҡатнаша ала, тема сикләнмәй.
“Ҡәләмгир” конкурсы хаҡында ла иҫегеҙгә төшөрәбеҙ. Бөтәбеҙҙе борсоған мәсьәләләрҙе уртаға һалып һөйләшеү, көн ҡаҙағына һуҡҡан проблемаларҙы ҡыйыу яҡтыртыу, кешеләрҙең йәшәйешен ыңғай яҡҡа үҙгәртеү ниәтенән ойошторолдо ул. Конкурс август айына ҡәҙәр дауам итәсәк. Тәрән йөкмәткеле публицистик яҙмалар көтәбеҙ һеҙҙән.
Йәнә бер конкурс хаҡында ла онотоп ҡуймағыҙ: былтыр июндә “Урал” башҡорт халыҡ үҙәге менән берлектә гәзитебеҙ “Районымдың ете мөғжизәһе” конкурсын иғлан иткәйне. Бәйге июнь айына тиклем бара. Уның төп маҡсаты – республикабыҙҙың гүзәл тәбиғәтен һаҡлау, халыҡ ишетеп белгән урындарҙан тыш төбәктәге тәбиғәт мөйөштәрен асыу, ҡомартҡының халҡыбыҙ өсөн ни тиклем ҡиммәтле булыуын аңлатыу, йәнә лә уларҙы һаҡлау йәһәтенән үткәрелгән саралар хаҡында бәйән итеү.
Яңы йылда ла бергә булайыҡ, дуҫтар. Яратҡан гәзитебеҙҙе күмәк көс менән фәһемле, уҡымлы, бай йөкмәткеле итеп сығарайыҡ. Беҙгә хаттар яҙығыҙ!
Хаттар бүлеге.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Йортобоҙ, күгебеҙ тыныслығы кемдең ҡулында?

Йортобоҙ, күгебеҙ тыныслығы кемдең ҡулында? 23.02.2019 // Йәмғиәт

Йортобоҙ, күгебеҙ тыныслығының нигеҙе ниҙә? Үҙенең кешелек бурыстарын белгән, лайыҡлы атҡарған...

Тотош уҡырға 34

Ҡояшлы Ҡара диңгеҙ буйынан ҡайнар сәләм!

Ҡояшлы Ҡара диңгеҙ буйынан ҡайнар сәләм! 23.02.2019 // Йәмғиәт

Алдан хәбәр итеүебеҙсә, Сибай ҡалаһынан 250 бала Ҡара диңгеҙ буйында урынлашҡан билдәле курорт-ҡала...

Тотош уҡырға 70

"Улым Фәритте лә хәрби хеҙмәткә әҙерләйәсәкмен"

"Улым Фәритте лә хәрби хеҙмәткә әҙерләйәсәкмен" 23.02.2019 // Йәмғиәт

Бөгөн республика етәксеһе Радий Хәбиров Алкин-2 ауылында урынлашҡан 12-се айырым гвардия инженер...

Тотош уҡырға 70

Батырҙары данлай төйәкте

Батырҙары данлай төйәкте 23.02.2019 // Йәмғиәт

Күгәрсен районының Волостновка ауылында ошо төйәктән сыҡҡан Советтар Союзы Геройы Николай Ежовҡа...

Тотош уҡырға 31

Аҡ халатлылар ҡайҙа йүгерҙе?

Аҡ халатлылар ҡайҙа йүгерҙе? 23.02.2019 // Йәмғиәт

– Тиҙерәк, тиҙерәк! Башҡаларҙан алдараҡ барып етергә кәрәк! Шулай ҡабаланып йүгерҙе аҡ халатлылар....

Тотош уҡырға 168

Ватан хаҡына ҡаһарманлыҡ – мәңгелек өлгө

Ватан хаҡына ҡаһарманлыҡ – мәңгелек өлгө 23.02.2019 // Йәмғиәт

Бөгөн Башҡортостан Башлығы вазифаһын ваҡытлыса башҡарыусы Радий Хәбиров Ватанды һаҡлаусылар көнөнә...

Тотош уҡырға 43

Ватанды һаҡлаусылар көнө менән!

Ватанды һаҡлаусылар көнө менән! 23.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров республика халҡын Ватанды...

Тотош уҡырға 66

Ауылды бер итеп...

Ауылды бер итеп... 23.02.2019 // Йәмғиәт

Бөрйән районының Яңы Усман ауылында “Зарница” үткәреү “ҡанға һалынған” тиергә мөмкин. Был уйында...

Тотош уҡырға 88

Әсәй бәлеше барыбер тәмлерәк!

Әсәй бәлеше барыбер тәмлерәк! 23.02.2019 // Йәмғиәт

Сибайҙа йәнә бер матур йолаға нигеҙ һалынды: Ватанды һаҡлаусылар көнө уңайынан “Әсәй бәлеше”...

Тотош уҡырға 81

"Изгелек"тең татлы емеше

"Изгелек"тең татлы емеше 22.02.2019 // Йәмғиәт

Башҡорт дәүләт университетының Сибай институтынан Гүзәл Ишмуллина Башҡортостанда “Иң яҡшы 100 топ...

Тотош уҡырға 59

Ветерандарға оло хөрмәт йөҙөнән

Ветерандарға оло хөрмәт йөҙөнән 22.02.2019 // Йәмғиәт

Ватанды һаҡлаусылар көнө уңайынан республика етәксеһе Радий Хәбиров тантаналы ҡабул итеү ойошторҙо:...

Тотош уҡырға 57

Зариф өйөнә ҡайтты!

Зариф өйөнә ҡайтты! 22.02.2019 // Йәмғиәт

Учалылағы ҡот осҡос атыштан һуң иҫән ҡалған Зариф Хилажев биш аҙнаға яҡын дауаханала ятҡандан һуң,...

Тотош уҡырға 973