Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йәшәү мәғәнәһен хеҙмәттә тапҡан
Йәшәү мәғәнәһен хеҙмәттә тапҡан Мәғариф тармағына заман технологиялары, яңыртыу алымдары индерелгән саҡта туған телебеҙ иғтибарға айырыуса ҙур мохтажлыҡ кисерә. Уны ҡулланыу йәһәтенән туҡтауһыҙ эш талап ителә. Был бурысты иңенә алған төп кешеләр – башҡорт теле һәм әҙәбиәте уҡытыусылары. Араларында Сибай медицина колледжының юғары категориялы педагогы Мәүлиҙә Килдебаева ла бар.


Уны башҡорт ҡатын-ҡыҙына хас ба­ҫалҡы холоҡло, итәғәтле, әҙәпле, ярҙам­сыл, эшен намыҫ менән башҡарған төплө белемле уҡытыусы тип беләм. Халҡы­быҙҙың моңло йырҙарының береһе сығарылған ерҙә – Хәйбулла районының Таштуғай ауылында – тыуып үҫкән ул.
– Төйәгебеҙҙән өс саҡрым алыҫлыҡ­тағы Айғыртауҙа Көнһылыу ташы бар. Беҙ, бала-саға, шунда менә лә тирә-яҡты ҡарай торғайныҡ, – тип йылы хәтирә­ләргә бирелә Мәүлиҙә Мөхәмәтғәле ҡыҙы. – Шәмсиһан ҡартәсәйем менән тау сейәһе, муйыл, еләк йыйырға йөрөй торғайныҡ. Ҡәҙерлем ҡарһүҙҙәрҙе, риүә­йәттәрҙе ифрат күп белер, Көнһылыу ташы тураһында ла һөйләр ине. “Таш­туғай” йырын да тәүләп унан ишеттем. Атайым да тарихты яҡшы белде, кистәрен төрлө мауыҡтырғыс хәл-ваҡиғаларҙы бәйән итә торғайны. Үҙем бәләкәйҙән йырларға, шиғыр һөйләргә яраттым.
Атаһы Мөхәмәтғәле Абдуллин 45 йыл колхозда тракторсы булып эшләй, бихисап наградаға лайыҡ була. Әсәһе Әминә апай фермала һыйыр һауа, быҙау ҡарай. Абдуллиндарҙың татыу ғаиләһендә өс ул, ике ҡыҙ хеҙмәт тәрбиәһе алып үҫә. Егеттәрҙең барыһы ла шофер һөнәрен үҙ итә, ҡыҙҙар иһә уҡытыусылыҡты һайлай. Мәүлиҙә Сибай педагогия училищеһын, унан БДУ-ның филология факультетын тамамлай. Ауыл мәктәбендә белем биргәс, 1998 йылда Сибайҙың ”ПолиТЭК” лицейына эшкә урынлаша. Тап ошонда ҡала шарттарында башҡорт телен уҡытыу методикаһын ныҡлап үҙләштерә ул.
– Хәҙер инде өс йыл медицина колледжында башҡорт телен уҡытам, – ти педагог. – “Медицина хеҙмәткәре була­раҡ, төрлө йәштәге кешеләр менән эшләйәсәкһегеҙ. Тимәк, башҡорт телен яҡшы белеү мөһим”, – тим студенттарға. Улар дәрестәремә теләп йөрөй. Телмәр үҫтереүгә айырыуса ҙур иғтибар бирәм. Урыҫ төркөмөндә методик әсбаптар ет­мә­үен күҙ уңында тотоп, I курс өсөн ҡул­ланма сығарҙым. Китапты баҫты­рыу­ҙа колледж директоры Лилиә Ғилмул­лина ҙур ярҙам күрһәтте. II курс өсөн дә шундай уҡ ҡулланма әҙерләргә иҫәбем бар.
Мәүлиҙә Килдебаева сығарған ҡалын әсбап башҡорт телен дәүләт статусында өйрәткән башланғыс һәм урта һөнәри уҡыу йорттары педагогтары өсөн ҙур ярҙам буласаҡ. Ҡулланмала дәрестәр планы, төрлө грамматик күнекмәләр, контроль эштәрҙең варианттары, тестар, өҫтәмә мәғлүмәттәр тупланған, телмәр үҫтереүгә, диалог төҙөүгә өҫтөнлөк бирелгән. Ғөмүмән, методик әсбаптың йөкмәткеһе ифрат бай, уны башҡа кимәлдәге белем усаҡтарында ла ҡулланырға мөмкин.
Республикалағы медицина кол­ледж­да­рының башҡорт теле уҡытыусылары өсөн семинарҙар һуңғы йылдарҙа гел Сибайҙа уҙғарыла. Уларҙа Мәүлиҙә Килдебаева эш тәжрибәһе менән уртаҡлаша, оҫталыҡ дәрестәре күрһәтә. Тынғыһыҙ педагог колледжда кисәләр, осрашыуҙар, байрамдар ойоштороуға ла ваҡыт таба. Уның уҡыусылары республика конкурстарында, олимпиадаларҙа ҡатнаша, еңеү яулай.
Мәүлиҙә Мөхәмәтғәле ҡыҙының тәби­ғәт­тән бирелгән тағы бер үҙенсәлеге бар: ул – нәфис һүҙ оҫтаһы. Төрлө конкурста ҡатнашып, наградаларға лайыҡ булған. Йәнә бер бәйгелә сығыш яһарға әҙерләнә.
– Аллаһ Тәғәлә бүләк иткән ғүмерҙе матур итеп үткәрергә тейешбеҙ, – ти педагог. – Йәшәүҙең мәғәнәһе – яҡшылыҡ, изгелек эшләү, халҡыңа хеҙмәт итеү, илеңде, телеңде һаҡлау.

Рәсимә АЙСЫУАҠОВА,
Сибай башҡорттары
ҡоролтайы ағзаһы.



Беҙҙе Яндекс Дзен лентаһында уҡығыҙ
Комментарий өҫтәргә






36 ғаилә торлаҡһыҙ ҡалды

36 ғаилә торлаҡһыҙ ҡалды 13.12.2018 // Йәмғиәт

Өфө ҡалаһының Сипайлово биҫтәһендә 36 ғаиләгә тиҙ арала фатирҙарын бушатырға ҡушҡандар. Әле улар...

Тотош уҡырға 0

Кем республика Башлығы стипендиаты булыр?

Кем республика Башлығы стипендиаты булыр? 13.12.2018 // Йәмғиәт

Башҡортостан Хөкүмәте ҡарарына ярашлы, юғары һәм һөнәри белем биреү ойошмалары студенттарына һәм...

Тотош уҡырға 26

Изгелек эшләргә ашыҡ!

Изгелек эшләргә ашыҡ! 13.12.2018 // Йәмғиәт

Дүртөйлө ҡалаһындағы балалар һәм үҫмерҙәр өсөн социаль приют бүлексәһенә артистар һәм...

Тотош уҡырға 28

Мәсеткә ... эскесе эйәләшкән

Мәсеткә ... эскесе эйәләшкән 13.12.2018 // Йәмғиәт

Мәсеттән иретеп йәбештереү, шымартыу аппаратын сәлдергәндәр. Бөтәһе ете мең һумлыҡ зыян килгән....

Тотош уҡырға 73

Ғаилә клубтары саҡыра

Ғаилә клубтары саҡыра 13.12.2018 // Йәмғиәт

Республикала “Осрашыу урыны” тип аталған ғаилә клубтары эшләй башланы....

Тотош уҡырға 29

Ҡабан йылына ҡабалана-ҡабалана...

Ҡабан йылына ҡабалана-ҡабалана... 13.12.2018 // Йәмғиәт

Үрге Йәркәйҙең үҙәк майҙанында эш ҡайнай. Быйыл Ҡабан йылын ҡыҙыҡлы, мауыҡтырғыс саралар менән...

Тотош уҡырға 26

Әйҙә сығайыҡ, саңғы шыуайыҡ!

Әйҙә сығайыҡ, саңғы шыуайыҡ! 13.12.2018 // Йәмғиәт

Әлшәй районында ҡышҡы саңғы миҙгеле асылды. Яңыраҡ көслө спортсыларҙы асыҡлау, сәләмәт тормошто...

Тотош уҡырға 26

Архангел балы тәмле

Архангел балы тәмле 13.12.2018 // Йәмғиәт

Архангел районының “Архангел ҡайнатмалары” (“Архангельские варенья”) йәмғиәте етештергән ризыҡтар...

Тотош уҡырға 32

“Тәгәрмәсле” магазин...

“Тәгәрмәсле” магазин... 13.12.2018 // Йәмғиәт

Әлшәй районында махсус маршрут буйынса хәрәкәт итеүсе күсмә автомагазин эшләй башланы....

Тотош уҡырға 39

Земфира Байбулдина ... ит һата башлаған

Земфира Байбулдина ... ит һата башлаған 12.12.2018 // Йәмғиәт

Башҡортостандың атҡаҙанған артисы Земфира Байбулдинаның баҙарҙа ит һатып торғанын күргән кешеләр...

Тотош уҡырға 570

Йәшәһен Сәйетбаба “такси”һы!

Йәшәһен Сәйетбаба “такси”һы! 12.12.2018 // Йәмғиәт

Сәйетбаба — республикалағы иң ҙур башҡорт ауылы. Уның бер осонан икенсеһенә етер өсөн ярайһы ғына...

Тотош уҡырға 149

Электрон тәртиптә йыш теркәләләр

Электрон тәртиптә йыш теркәләләр 12.12.2018 // Йәмғиәт

Башҡортостан хоҡуҡтарҙы дәүләт теркәүенә электрон тәртиптә бирелгән ғаризалар һаны буйынса Рәсәй...

Тотош уҡырға 38