Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йәшә әле, Ғәмбәриә әбей!
Йәшә әле, Ғәмбәриә әбей! — Таң атҡан һайын көн тыуып тора. Шулай туҡһанға ла еткәнме-е-ен, — ти Балтас районының Нөркә ауылында ғүмер кисергән хеҙмәт ветераны Ғәмбәриә Риянова.

Татарстандың Аҙнаҡай районындағы Малбағыш ауылында 1925 йылда донъяға килгән ул. Ун биш йәшенәсә ете класс белем алырға өлгөрә, артабан күп тиңдәштәре кеүек Мәскәү ҡалаһы янына торф сығарыу эшенә ебәрелә. Күп тә үтмәй, Бөйөк Ватан һуғышы башлана. Ир-егетте лә алыштырып, икеләтә ауыр йөктө иңдәренә алырға тура килә ул быуын ҡатын-ҡыҙына. Һынатмайҙар. Ун йыл ошо эштә көс һала Ғәмбәриә. Нөркә ауылы егете Нәүширбан хеҙмәт армияһында имгә­неүе сәбәпле (бер күҙен юғалта) фронтҡа алынмай, торф сығарыу эшенә ебәрелгән була. Шунда яҙмыш осраштыра уларҙы.
— Заманы ла, үҙебеҙ ҙә бик ярлы инек. Күп уйлап торманыҡ, 1951 йылда ҡауыштыҡ та Нөркәгә ҡайтып төпләндек, — ти әбей.
Биш бала — өс ҡыҙ, ике малай — тәрбиә­ләп үҫтерә Рияновтар. Колхозда эшләп, ауылда йорт һалып сығалар. Ғәмбәриә оҙаҡ йылдар Ленин исемендәге колхозда һыйыр һауа. 50 йәшендә хаҡлы ялға сыҡҡас, тағы ла ете йыл эшләй. Нәүширбаны ғына 64 йәшендә донъя ҡуя...
— Колхоз көслө ине. Ун биш баш һыйырҙы көнөнә өс тапҡыр һауабыҙ. Йәйге айҙарҙа ауылдан өс километр алыҫлыҡта урынлашҡан йәйләүгә йәйәүләп йөрөйбөҙ. Эштән ҡайтып, ғаиләне, йортто ла ҡарарға кәрәк бит әле... — Әбей сәмләнеп эшләгән йылдарын хәтерендә яңыртты. — Көнөнә 100 литрҙан ашыу һөт һауып алған саҡтарым күп булды. Күҙәтеү ҙә көслө ине. Һауым ярты литрға кәмеһә лә, район үҙәгенән килеп етәләр. Эй, балам, эшләнек, бер ҙә хур булманыҡ.
Әңгәмәгә Ғәмбәриә әбейҙең ауылда йәшәгән ҡыҙы Рәмзиә апай Хисамова ла ихлас ҡушылды:
— Әсәйҙең рәсеме, исеме район гәзите биттәренән төшмәне. Гел маҡтаулы булды, уңғанлығы менән алдырҙы. Уҡырға яратты, гәзит-журналдан айырылманы.
Ғүмер буйы мал, ҡош-ҡорт аҫрап йәшәгән әбей әле лә тынғы белмәй. Өйөн йыйыштыра, ашарға әҙерләй. Бөгөн төпсөк улы Мәүлитйән тәрбиәһендә йәшәгән Ғәмбәриә әбей биш балаһының да иҫән-һаулығына, хәҙер ейәндәре үҫеп етеп, күҙле-башлы булыуына, уларҙың сабыйҙарын һөйә алыуына сикһеҙ шат.
— Ҡартайһам да, телевизор ҡарайым. Кон­церттарҙы көтөп алам. Ә яратҡан тапшырыу­ҙа­рым — “Мөғжизәләр яланы” менән “Баш­ватҡыс”. Башты эшләтер өсөн уйла­нырға, хәтерҙе яңыртып торорға ҡушалар бит. Мин дә ошо тапшырыуҙар барған минуттарҙа уйынсыларға эйәреп һүҙҙәр эҙләйем. Ҡайһы ваҡыт яуапты бик тиҙ табам, ә бәғзе бер шарттар бигерәк ауыр була, — тип йылмая инәй.
Йәштәргә матур теләктәрен дә еткерҙе йөҙйәшәр әбей:
— Сәләмәт булһындар! Һау, күңелле саф кеше эштән дә ҡурҡмай, дәртле була.



Беҙҙе Яндекс Дзен лентаһында уҡығыҙ
Комментарий өҫтәргә






Кем республика Башлығы стипендиаты булыр?

Кем республика Башлығы стипендиаты булыр? 13.12.2018 // Йәмғиәт

Башҡортостан Хөкүмәте ҡарарына ярашлы, юғары һәм һөнәри белем биреү ойошмалары студенттарына һәм...

Тотош уҡырға 26

Изгелек эшләргә ашыҡ!

Изгелек эшләргә ашыҡ! 13.12.2018 // Йәмғиәт

Дүртөйлө ҡалаһындағы балалар һәм үҫмерҙәр өсөн социаль приют бүлексәһенә артистар һәм...

Тотош уҡырға 28

Мәсеткә ... эскесе эйәләшкән

Мәсеткә ... эскесе эйәләшкән 13.12.2018 // Йәмғиәт

Мәсеттән иретеп йәбештереү, шымартыу аппаратын сәлдергәндәр. Бөтәһе ете мең һумлыҡ зыян килгән....

Тотош уҡырға 73

Ғаилә клубтары саҡыра

Ғаилә клубтары саҡыра 13.12.2018 // Йәмғиәт

Республикала “Осрашыу урыны” тип аталған ғаилә клубтары эшләй башланы....

Тотош уҡырға 29

Ҡабан йылына ҡабалана-ҡабалана...

Ҡабан йылына ҡабалана-ҡабалана... 13.12.2018 // Йәмғиәт

Үрге Йәркәйҙең үҙәк майҙанында эш ҡайнай. Быйыл Ҡабан йылын ҡыҙыҡлы, мауыҡтырғыс саралар менән...

Тотош уҡырға 26

Әйҙә сығайыҡ, саңғы шыуайыҡ!

Әйҙә сығайыҡ, саңғы шыуайыҡ! 13.12.2018 // Йәмғиәт

Әлшәй районында ҡышҡы саңғы миҙгеле асылды. Яңыраҡ көслө спортсыларҙы асыҡлау, сәләмәт тормошто...

Тотош уҡырға 26

Архангел балы тәмле

Архангел балы тәмле 13.12.2018 // Йәмғиәт

Архангел районының “Архангел ҡайнатмалары” (“Архангельские варенья”) йәмғиәте етештергән ризыҡтар...

Тотош уҡырға 32

“Тәгәрмәсле” магазин...

“Тәгәрмәсле” магазин... 13.12.2018 // Йәмғиәт

Әлшәй районында махсус маршрут буйынса хәрәкәт итеүсе күсмә автомагазин эшләй башланы....

Тотош уҡырға 39

Земфира Байбулдина ... ит һата башлаған

Земфира Байбулдина ... ит һата башлаған 12.12.2018 // Йәмғиәт

Башҡортостандың атҡаҙанған артисы Земфира Байбулдинаның баҙарҙа ит һатып торғанын күргән кешеләр...

Тотош уҡырға 570

Йәшәһен Сәйетбаба “такси”һы!

Йәшәһен Сәйетбаба “такси”һы! 12.12.2018 // Йәмғиәт

Сәйетбаба — республикалағы иң ҙур башҡорт ауылы. Уның бер осонан икенсеһенә етер өсөн ярайһы ғына...

Тотош уҡырға 149

Электрон тәртиптә йыш теркәләләр

Электрон тәртиптә йыш теркәләләр 12.12.2018 // Йәмғиәт

Башҡортостан хоҡуҡтарҙы дәүләт теркәүенә электрон тәртиптә бирелгән ғаризалар һаны буйынса Рәсәй...

Тотош уҡырға 38

Хәрби ант көнө кәрәкме?

Хәрби ант көнө кәрәкме? 12.12.2018 // Йәмғиәт

Рәсәйҙә яңы иҫтәлекле дата булдырыу тураһында закон проекты әҙерләнеүе тураһында “Известия” гәзите...

Тотош уҡырға 36