Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡоролтайға көйлө хитап
Ҡоролтайға  көйлө хитап Башҡорттарым, һеҙгә бер һүҙ әйтәм,
Һүҙҙәремә ҡолаҡ һалһағыҙ.
Хур булмаҫһың, әгәр үҙ халҡыңдың
Тарихынан фәһем алһағыҙ.

Беҙҙең Абыҙ, Аҡай, Салауаттар,
Ҡараһаҡал, Айҙар, Күсемдәр –
Барыһы ла туған халҡы өсөн
Йәнен биргән алтын исемдәр.

Ирек өсөн, азат илкәй өсөн
Борондан уҡ килдек ҡырылып.
Уландарҙың ҡылған батырлығы
Милләтенә ҡайтты йыр булып.

Тарихыбыҙ бөйөк, данлы, ҡанлы...
Беләм уның йәнде өткәнен.
Еңел генә һөйләп ултырмайыҡ
Халҡыбыҙҙың ауыр үткәнен.

Бер кем килеп ярҙам ҡулы һуҙмаҫ,
Үҙебеҙҙән эште башлайыҡ.
Айыҡ аҡыл, теүәл зиһен менән
Киләсәккә ҡараш ташлайыҡ.

Заман заңы башҡа талап ҡуя,
Йәштәр белем атын менһендәр.
Беҙҙе моңло тиеп кенә түгел,
Зыялылар итеп белһендәр.

Сауҙагәрлек һис тә ғәрлек түгел,
Пәйғәмбәр ҙә булған сауҙагәр.
Милләт алға китмәҫ, эшҡыуарҙар
Үҫтермәһәк бөгөн беҙ әгәр.

Ил инәһе, ил ағаһы тигән
Бөйөк исем һеҙҙең иңдәрҙә.
Киң күңелле халҡыбыҙҙың данын
Таратайыҡ башҡа илдәргә.

Күсле булһа халҡың – көслө булыр,
Аҡтамырҙай башҡорт үрсеһен.
Сабаталар түргә эленмәһен,
Хөрмәт итһен күрше күршеһен.

Ил ҡеүәте – берҙәмлектә бит ул,
Ҡабатлайым быны мең ҡабат.
Башҡорттарҙың йөрәгенә үтеп,
Һеңеп ҡалһын ине был набат.

Һүҙҙән эшкә күсер ваҡыт күптән,
Тел сарлауҙар етте, туҡтаһын.
Өмөт менән баҡҡан халҡыбыҙға
Һуҙмайыҡ беҙ һүҙҙәр бутҡаһын.

Ә үҙебеҙ нимә эшләнек һуң?
Һүҙ һөйләйбеҙ ауыҙ тултырып.
“Халҡым” тиеп тамаҡ яра-яра,
Йомшаҡ креслола ултырып.

Инде бынау форсат ваҡыт килде,
Беҙ, башҡорттар, йоҡлап ятабыҙ.
Иле өсөн һуғышып шәһит булған
Олатайҙар исемен һатабыҙ.
Улар рухы беҙҙе ғәфү итмәҫ,
Улар беҙгә ләғнәт уҡырҙар.
Халҡыбыҙҙың сафын баҫып бара
Һаңғырауҙар менән һуҡырҙар.

Ишетмәйбеҙ зарын һәм күрмәйбеҙ
Аяныслы хәлле башҡортто.
Күпме ҡыҙың ят милләткә сығып,
Нәҫел ағасыңды ҡоротто.

Ауылдарҙа күпме ир-егеттәр,
Мохтаж булып ҡатын наҙына,
Киләсәккә өмөттәре һүнеп,
Батып бара эске һаҙына.

Күрмәйһеңме Алдар, Салауаттар,
Батыршалар, Ҡаһым түрәләр,
Илен һаҡлар, халҡын яҡлар улдар
Тыумайынса гүргә керәләр?!

Ер талана, беҙ битараф һаман,
Кәмһетелә беҙҙән телебеҙ.
Телһеҙ, ерһеҙ милләт йәшәй алмай,
Юҡҡа сыға – шуны белегеҙ!

Күрмәйһеңме изге Торатауға
Мәскәйҙәр ҡулын һуҙғанын?
Торатауҙы биреү – башҡорт өсөн
Киләсәген һатыу, уҙғанын!

Меңәр йылдар торған тау түгел ул,
Милләттең ул – рухи ҡәғбәһе!
Башҡортостан тигән баһадирҙың
Күкрәгендә типкән ҡәлбеһе*.

Ошоларҙы әгәр онотһағыҙ,
Затың ҡорор, ҡорор иманың.
Балаларың ғүмер итер ерҙә
Үгәйҙәре булып донъяның.

Башҡортомдоң ул-ҡыҙҙары, бына
Йыйылдығыҙ тағы Баш ҡорға.
Бал ҡорттары, гүйә, йыйылғандай
Сәскәләрҙән балдар ташырға.

Һеҙ шул балды илгә таратығыҙ,
Шифалары тейһен милләткә.
Бөгөн әгәр беҙ битараф булһаҡ,
Иртәгәһен төшөр ҡиммәткә!

Башҡорт улы, һиңә бер һүҙ әйттем,
Минең әйткән һүҙҙе тыңлаһаң,
Башҡорт халҡы бөтә, тигән һүҙгә
Ышанмаҫһың, алйот булмаһаң!
Ышанмаҫһың, ғәмһеҙ булмаһаң!
Ышанмаҫһың, маңҡорт булмаһаң!


————————
*Ҡәлб – йөрәк.



Беҙҙе Яндекс Дзен лентаһында уҡығыҙ
Комментарий өҫтәргә

  1. Ғәли
    Ғәли от 21.11.2015, 13:43
    Рәхмәт,Салауат ! Был шиғырҙы һәр ҡала, ауыл уртаһына ҙууур хәрефтәр менән яҙып ҡуйғанда ла шәп булыр ине. Һәр кем уҡып, уйланыр ине. Шулай ҙа бер нәмә әйтәм, ҡусты; шиғырҙың ҡыҫҡараҡ булғаны яҡшы.

  2. Рияз
    Рияз от 23.11.2015, 09:20
    Афарин, Салауат Әбүзәр!!! Бына был, исмаһам, Шәйехзадалар заманы рухына тап килә торған һүҙҙәр!
    ...
    Һүҙҙән эшкә күсер ваҡыт күптән,
    Тел сарлауҙар етте, туҡтаһын.
    Өмөт менән баҡҡан халҡыбыҙға
    Һуҙмайыҡ беҙ һүҙҙәр бутҡаһын.
    Ә үҙебеҙ нимә эшләнек һуң?
    Һүҙ һөйләйбеҙ ауыҙ тултырып.
    “Халҡым” тиеп тамаҡ яра-яра,
    Йомшаҡ креслола ултырып.
    ...
    Буш һүҙҙәргә беҙ ышанмайбыҙ, маңҡорт булмағас!

  3. Айгуль
    Айгуль от 23.11.2015, 16:55
    афарин, Салауат!!!!

  4. Ғәҙел Күҙәтбаев
    Ғәҙел Күҙәтбаев от 23.11.2015, 19:34
    Маладис! Беҙҙең башҡорт баҫмаларында ҡоролтайға уңайына сыҡҡан шиғырҙар араһында иң шәбе. Так держать!!!!

  5. салимьян
    салимьян от 24.11.2015, 21:01
    Шул тиклем алтын hуздар! Кайхы бер башкорт газиттарендаге старческий марзм менан детский лепетка караганда 1000 артык.






Айгиз кемдең ерен үҙләштергән?

Айгиз кемдең ерен үҙләштергән? 10.12.2018 // Йәмғиәт

Белорет районының Абҙаҡ ауылында йәшәгән Мәшүровтар донъяһын хосусилаштырырға була....

Тотош уҡырға 48

Туймазы районында шишмә төҙөкләндерелә

Туймазы районында шишмә төҙөкләндерелә 10.12.2018 // Йәмғиәт

Дәүләт Йыйылышы – Ҡоролтай депутаты Рушан Сәйетовтың һорауы буйынса Туймазы районының Егетәк ауылы...

Тотош уҡырға 14

Подъездар матурланыр

Подъездар матурланыр 10.12.2018 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров социаль селтәрҙәге сәхифәләренә –...

Тотош уҡырға 22

Сүпте ҡайҙа ташларға?

Сүпте ҡайҙа ташларға? 10.12.2018 // Йәмғиәт

Ауыл биләмәләренә ҡаты коммуналь ҡалдыҡтарға ҡарамаған сүп-сарҙы һаҡлау урындарын ойоштороу буйынса...

Тотош уҡырға 29

Яңы юл айырсаһы төҙөлә

Яңы юл айырсаһы төҙөлә 10.12.2018 // Йәмғиәт

Зинин ауылындағы тимер юл өҫтөнән яңы юл айырсаһы төҙөлөшө 2020 йылда башлана....

Тотош уҡырға 23

Яңы йылға бурысһыҙ

Яңы йылға бурысһыҙ 10.12.2018 // Йәмғиәт

Радий Хәбиров эш хаҡы буйынса бурысты яңы йылға тиклем түләүҙе талап итте....

Тотош уҡырға 33

Яңы йыл ҡаласыҡтары асыла

Яңы йыл ҡаласыҡтары асыла 10.12.2018 // Йәмғиәт

Бөгөн Башҡортостандың барлыҡ район, ҡалаларында яңы йыл ҡаласыҡтары асыла....

Тотош уҡырға 33

Амран Моратшин арабыҙҙан китте...

Амран Моратшин арабыҙҙан китте... 10.12.2018 // Йәмғиәт

43 йыл дауамында Росстандарттың Төбәк бүлексәһен етәкләгән, Рәсәйҙең атҡаҙанған метрологы Амран...

Тотош уҡырға 29

Хәтер, ҡаһарманлыҡ һәм ҡайғы ла...

Хәтер, ҡаһарманлыҡ һәм ҡайғы ла... 10.12.2018 // Йәмғиәт

2014 йылдан алып илдә Билдәһеҙ һалдат көнө үткәрелә. Фронттан тыуған яғына ҡайтырға яҙмаған...

Тотош уҡырға 32

Хас та кинолағы кеүек!

Хас та кинолағы кеүек! 10.12.2018 // Йәмғиәт

Көйөргәҙе районының Пионерҙар һәм уҡыусылар йортонда “Хәүефһеҙлек мәктәбе” уҡыусыларының ярыштары...

Тотош уҡырға 24

Йомаштарға — Яңы йыл бүләге

Йомаштарға — Яңы йыл бүләге 10.12.2018 // Йәмғиәт

Саҡмағош районының Йомаш ауылы халҡы Яңы йыл алдынан клублы булды. “Түҙгәнгә түш тейә”, тигәндәй,...

Тотош уҡырға 26

“Йомарт шишәмбе” йомғаҡ яһай

“Йомарт шишәмбе” йомғаҡ яһай 10.12.2018 // Йәмғиәт

Башҡортостандың “Йомарт шишәмбе” Бөтә Рәсәй акцияһына өсөнсө тапҡыр ҡушылыуы хаҡында яҙғайныҡ инде....

Тотош уҡырға 28