Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Изгелек ҡылыу – шауҡыммы?
24 февралдә Гватемалалағы Чуинахтахуюб тигән бер ауылда фәҡирҙәр өсөн махсус медицина клиникаһы асылды. “Майя ҡәбиләһе кешеләренең беҙгә ниндәй ҡыҫылышы бар?” – тиһегеҙме? Былтыр Башҡортостан табиптарының береһе Виктория Валикова башлап ебәргән “Ер сигендәге клиника” исемле проекттың һөҙөмтәһе бит был дауахана. Ҡаланан йыраҡ урынлашҡан ауылдарҙа халыҡтың медицина ярҙамына ныҡ мохтаж булыуы, шуға ҡарамаҫтан, һаулыҡ һаҡлау ойошмаларының етешмәүе этәргән яҡташыбыҙҙы ҡыйыу аҙымға. Башҡортостан табибының башланғысын төрлө илдәр вәкилдәре дәррәү хуплап сыҡҡан.
Әйткәндәй, Виктория Валикова былтыр үҙенең изге ниәте тураһында республика Башлығы Рөстәм Хәмитов менән осрашыу барышында ла һөйләгәйне. Проектҡа фатиха бирелде, хатта төбәк етәксеһе шәхсән ярҙамлашырға теләген белдерҙе. Дауахананы төҙөп, ҡорамалдар һатып алыуға, дарыуҙар, башҡа кәрәк-яраҡ хәстәрләүгә 3,5 миллион һум талап ителгән булһа, хәҙер инде барыһы ла әҙер. Халыҡтан йыйылған аҡса иҫәбенә бинаны ете ай эсендә һалып өлгөрткәндәр. Урындағыларға тәүлек әйләнәһенә медицина ярҙамы күрһәтеү өсөн һаулыҡ һаҡлау өлкәһе белгестәре араһынан ирекмәндәр туплау бара...
Һуңғы арала изге эштәр, хәйриә саралары тураһында йыш ишетәбеҙ, шуға әлеге проект күптәрҙе ғәжәп­ләндермәйҙер ҙә. “Мәрхәмәтлелек хәҙер модаға инеп китте бит ул”, – тиеүселәр осрай. Моғайын, дөрөҫлөк барҙыр. Кеше бер-береһенән күреп дәртләнә, сәмләнә инде. Бәғзеләр бүтәндәрҙән ҡалышмайым, кемделер уҙҙырайым тип кенә тырышалыр, бәлки. Әммә, нисек кенә булмаһын, йәмғиәт өсөн ысынлап та файҙалы эштәр башҡарыла, бығаса төңөлөп йәшәгән мохтаждарҙың да күңелендә яҡшы кешеләрҙең ярҙамына өмөт уяна.
Хәйриә эшмәкәрлегенең киң ҡолас алыуы бөгөнгө йәмғиәттең үҫеш кимәлен асыҡ сағылдыра. Ил иҡтисады ҙур ауырлыҡтар кисергән мәлдә лә был йәһәттән әүҙемлектең кәмеүе күҙәтелмәй. Йыл һайын республикала хәйриә маҡсатында йөҙҙәрсә миллион һум аҡса йыйыла, меңдән ашыу сара үткәрелә. Халыҡты социаль яҡлау өлкәһе белгестәре әйтеүенсә, күпселек ойошмалар хәҙер ярҙамды башҡасараҡ күрһәтә башлаған: элек балалар йорттарына тәм-том, уйынсыҡтар алып килеү менән сикләнһәләр, хәҙер сабыйҙарҙы төрлө яҡлап үҫтереүсе саралар үткәрергә тырышалар икән.
Башҡортостанда ойошмаларҙың ғына түгел, ябай кешеләрҙең дә изге эштәргә дәррәү ҡушылыуын билдә­ләргә кәрәктер. Бер нисә йыл элек, Ҡырымдың Белогорск районына ярҙам талап ителгәс, республика халҡы илдә иң тәүгеләрҙән булып был йәһәттән әүҙемлек, берҙәмлек өлгөһөн күрһәтте. Ябай граждандар ҙа, дәүләт органдары, ижтимағи ойошмалар вәкилдәре лә, предприятиелар ҙа үҙ өлөшөн индерергә тырышты. Шулай уҡ Яңауыл ҡалаһында шартлаған йортта йәшәгән ғаиләләрҙең күбеһе фатирһыҙ һәм әйберһеҙ ҡалғайны, яҡташтарыбыҙ ярҙамдан өҙмәне. Белорет районының Ғәбдөк ауылын һыу баҫҡан мәлдә лә арабыҙҙа изге күңеллеләрҙең күплегенә инандыҡ.
Хәйриә аҡсаһына иман йорттары төҙөлә, күперҙәр һалына, сирлеләр дауалана, китаптар сығарыла... Кемгәлер ҡапыл ярҙам кәрәк булып китһә, тиҙ арала аҡса йыйыу ойоштороп ебәрәләр, күп тә үтмәҫтән мәсьәлә ыңғай хәл ителеп тә ҡуя. Шул тиклем ҡыуаныслы күренеш, әлбиттә. Тимәк, йәмғиәттә битарафлыҡ кәмей, тарҡаулыҡ бөтә бара, тип һығымта яһағы килә.
Ләкин һалҡын ҡышта ҡала урамдарында өшөй-туңа хәйер һорашып ултырған ҡарт-ҡороно, юл сатында ҡултыҡ таяғына таянған килеш ниндәйҙер өмөт менән баҫып торған аяҡһыҙ ирҙәрҙе күргән һайын күңелде ҡапма-ҡаршылыҡлы уйҙар биләп ала. “Алдаҡсылар! Көндөҙ мутлашып аҡса йыялар ҙа кис такси менән генә үҙ йорттарына юлланалар”, – тип, күптәр ышанмай, вайымһыҙ ҡала ундайҙарға. Бер бысраҡ һыйыр бөтөн көтөүҙе буяй, тигән һымаҡ, хәйер һорашыусылар араһында күҙ буяусылар булғандыр-булыуын, әммә барыһы ла мохтажлыҡ кисермәгән көйө ундай аҙымға бармайҙыр бит. Их, Гватемалалағы кеүек фәҡирҙәрҙе ҡурсалаусы үҙәктәр беҙҙә лә асылһа! Ул саҡта берәҙәкмен, ғәрипмен тип халыҡтан аҡса йыйып йөрөү күренеше тарихта ғына ҡалыр, хәйерселек менән кәсеп итеү мөмкинлеге лә бөтөр ине, бәлки.


Автор: Ә. САФИН.


Беҙҙе Яндекс Дзен лентаһында уҡығыҙ
Комментарий өҫтәргә






Осрашайыҡ, күрешәйек

Осрашайыҡ, күрешәйек 26.09.2018 // Йәмғиәт

Үрге Йәркәйҙәге 1-се мәктәп (хәҙерге 1-се гимназия) үҙенең 100 йыллыҡ юбилейын билдәләргә йыйына....

Тотош уҡырға 14

Һаҡмар буйын һаҡлар ҡеүәт бар

Һаҡмар буйын һаҡлар ҡеүәт бар 26.09.2018 // Йәмғиәт

Өлкән быуындың матур йәшәү серҙәре. Республикабыҙҙа Ғаилә йылы иғлан ителгәс, йәмғиәтебеҙҙә изге...

Тотош уҡырға 21

Абҙаҡтар булдырыр!

Абҙаҡтар булдырыр! 26.09.2018 // Йәмғиәт

Төйәктең яҡты киләсәге – берҙәмлектә. Республикала урындағы башланғыстарға булышлыҡ итеү...

Тотош уҡырға 22

Матурлыҡ үҙебеҙ өсөн кәрәк

Матурлыҡ үҙебеҙ өсөн кәрәк 26.09.2018 // Йәмғиәт

Республикала уңайлы ҡала мөхитен булдырыу программаһы уңышлы тормошҡа ашырыла. Уның һөҙөмтәһендә...

Тотош уҡырға 16

Саф шишмә кеүек

Саф шишмә кеүек 25.09.2018 // Йәмғиәт

Шундай кешеләр осрай: ҡарашы ла, һүҙе лә тынысландырып ебәргәндәй була. Һәр кемгә ихлас күңелдән...

Тотош уҡырға 43

Динебеҙҙә – сәс хаҡында

Динебеҙҙә – сәс хаҡында 25.09.2018 // Йәмғиәт

Һаулыҡта матурлыҡтың сағылышы бар, тиҙәр. Ысынлап та, тән сәләмәтлеге, күңел бөтөнлөгө һәм таҙалыҡ...

Тотош уҡырға 40

Ауылдаштарымдың ҡаһарманлығы

Ауылдаштарымдың ҡаһарманлығы 25.09.2018 // Йәмғиәт

Илебеҙҙе һаҡлаған, кешелек донъяһын фашизмдан ҡотҡарған кешеләргә рәхмәтебеҙ сикһеҙ булырға тейеш....

Тотош уҡырға 28

Булдыҡлының эше уң

Булдыҡлының эше уң 25.09.2018 // Йәмғиәт

Байым ауылында өлгөлө ғаиләләр күп. Улар тырышып донъя көтә, балалар үҫтерә. Ауыл ерендә эш юҡ тип,...

Тотош уҡырға 34

Артабан да бергә ҡалайыҡ

Артабан да бергә ҡалайыҡ 25.09.2018 // Йәмғиәт

Һәр ваҡыттағыса, редакцияға хөрмәтле гәзит уҡыусыларыбыҙҙан хаттар ағымы туҡтамай. Уларҙың һәр юлы...

Тотош уҡырға 33

Таш хәтерен яңыртыусы

Таш хәтерен яңыртыусы 25.09.2018 // Йәмғиәт

Геолог тормошона арналған саралар үтте. Күренекле геолог һәм дәүләт эшмәкәре, СССР Дәүләт премияһы...

Тотош уҡырға 48

Юл түләүле буласаҡ

Юл түләүле буласаҡ 25.09.2018 // Йәмғиәт

М-5 һәм М-7 федераль трассаларын тоташтырасаҡ Өфө ҡалаһынан Көнсығыш сығыу юлы автомобиль...

Тотош уҡырға 43

Әбейҙәр сыуағы хушлаша

Әбейҙәр сыуағы хушлаша 25.09.2018 // Йәмғиәт

Башҡортостан биләмәһендә һауа торошо үҙгәрә: сыуаҡ көндәргә алмашҡа көҙгө ямғырҙар башланыуы һәм...

Тотош уҡырға 47