Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Өлкән быуындың ҡул эштәре күҙҙең яуын алырлыҡ
Өлкән быуындың ҡул эштәре күҙҙең яуын алырлыҡМәжит Ғафуриҙың Өфөләге мемориаль йорт-музейында Башҡортостан Республикаһының төбәк йәмәғәт ойошмаһы — “Өсөнсө быуын халыҡ университеты” социаль үҙәге тыңлаусыларының ҡул эштәренән торған күргәҙмә ойошторолдо. Унда музей хеҙмәткәрҙәре, ҡунаҡтар, Коммунистик урамдың 39-сы йортонда урынлашҡан Халыҡ университеты директоры Рафиҡ Ғилмийәр улы Хәйҙәров, уҡытыусылар, төрлө клуб етәкселәре һәм уларҙа шөғөлләнгән пенсионерҙар ҡатнашты.


— Йәмәғәт башланғысында эшләгән Халыҡ университеты 2010 йылда ул ваҡыттағы Дәүләт Йыйылышы – Ҡоролтай депутаты Р. Әхмәҙинуровтың башланғысы менән булдырылды. Тәүҙә беҙ, нигеҙҙә, тыңлаусылар өсөн медицина, баҡса­сылыҡ, психология, инглиз теле һәм башҡа йүнәлештәр буйынса лекциялар уҡыуҙы ойоштора инек. Ә Өфөнөң Коммунистик урамында урынлашҡан йортта майҙаны 750 квадрат метрлы үҙебеҙҙең “ҡыйыҡ” барлыҡҡа килгәс, эште төрлө йүнәлештә киңәйтеү мөмкинлеге тыуҙы, – тине Халыҡ университеты етәксеһе Рафиҡ Хәйҙәров.
Хәҙер бында пенсионерҙар өсөн ҡул эштәре буйынса “Алтын ҡулдар”, әҙәбиәт һөйөүселәргә “Шиғриәт”, шулай уҡ йыр, бейеү сәнғәте, сәләмәт тормош рәүеше менән ҡыҙыҡһыныусылар, инглиз, ғәрәп телдәрен өйрәнеүселәр өсөн тиҫтәнән ашыу клуб эшләй. Хаҡлы ялдағылар был түңәрәктәргә ҙур теләк менән йөрөй. Ойоштороусылары ла ниндәйҙер бер кәсеп-шөғөлдө үҙ иткән, иң мөһиме, барыһын да йәмәғәт башланғысында башҡарған хөрмәтле пенсионерҙар. Әйтәйек, “Алтын ҡулдар” түңәрәге етәксеһе Г. Велижанина хаҡлы ялға сыҡҡансы “Желдорпроект”та инженер-конструктор булып эшләгән. Ә уның сигеүгә әүәҫлеге бала сағынан килә. Мәжит Ғафури музейында асылған күргәҙмәгә Генриетта Велижанинаның тиҫтәнән ашыу сигеү өлгөһө ҡуйылған. Ул, нигеҙҙә, билдәле рәссамдарҙың картиналарын сатрашлап сигеүҙе үҙ итә.
Ошо уҡ клубта шөғөлләнгән 70 йәшлек Р. Вахитова иһә элек финанс өлкәһендә эшләгән. Ғөмүмән, бик үҙенсәлекле һәм ҡатмарлы тормош юлы үткән был милләттәшебеҙҙең ҡыҙыҡһыныу даирәһе бик киң: ул бәйләй ҙә, сигә лә, мәрйен менән биҙәп, төрлө паннолар, макрамэлар эшләй, сәскә үҫтереү менән мауыға. Күргәҙмәгә уның күҙ яуын алырлыҡ “Раузалар”, “Көҙгө букет” тигән сигеү өлгөләре, ырғаҡ менән бәйләнгән селтәр япмалары, йөндән бәйләнгән әйберҙәре ҡуйылған.
Әйткәндәй, Халыҡ университетында шөғөлләнгәндәрҙең эштәренән торған бындай күргәҙмәләр беренсе тапҡыр ғына ойошторолмай. “Беҙҙең эштәребеҙ “Урал” галереяһында даими күрһәтелеп тора. 2015 йылда Бөтә Рәсәй грантына лайыҡ булдыҡ. Грант аҡсаһына миллион ярымлыҡ “ГАЗель-Next” автомобиле һатып алдыҡ. Күптән түгел “ЖКА” уйыны буйынса III республика конкурсында ҡатнашып, пенсионерҙар араһында өсөнсө урынды яуланыҡ, – тип һөйләй Халыҡ университеты директоры Рафиҡ Ғилмияр улы. – Үҙ автомобилебеҙ булғас, күнекмәләрҙе үҙебеҙҙең бинала ғына ойоштороу менән сикләнмәйбеҙ, ә Өфө ҡалаһының төрлө райондарына, биҫтә­ләренә, шулай уҡ республиканың башҡа район-ҡалаларына барып та төрлө саралар үткәреп ҡайтабыҙ. Шулай итеп, былтыр ғына ла алты меңгә яҡын пенсионер үҙәк үткәргән төрлө сараларҙа ҡатнашҡан. Шулай уҡ беҙҙең университет етәкселеге, уҡытыусылар, тыңлаусыларыбыҙ төбәк, республика, Бөтә Рәсәй, хатта халыҡ-ара кимәлдә үткәрелгән форумдарҙа, конфе­ренцияларҙа даими ҡатнашып, ойошма­быҙҙың данын арттыра. Әле күптән түгел генә федераль “Беренсе канал”дан беҙҙең социаль үҙәк тураһында бик матур тапшырыу күрһәтелеүе тап ошо хаҡта һөйләй”.
Бына шулай, Өфөләге “Өсөнсө быуын халыҡ университеты”нда шөғөлләнгән хаҡлы ялдағы оло быуын вәкилдәре буш ваҡыттарын файҙалы үткәреп кенә ҡалмай, ә йәш быуынды үҙҙәренең йәшәү өлгөһөндә тәрбиәләүгә лә ҙур өлөш индерә. Беҙ, үҙ сиратыбыҙҙа, М. Ғафуриҙың йорт-музейында ошо Халыҡ университетында шөғөлләнгәндәрҙең ҡул эштәренән торған күргәҙмәләрҙе ҡарарға саҡырабыҙ. Әйткәндәй, унда үҙеңә оҡшаған эште һатып алырға ла була.






Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 174

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 175

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 231

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 389

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 294

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 235

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 248

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 484

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 56

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 142

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 112

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 126