Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мин ни өсөн “Башҡортостан” гәзитен алдырам?
Дамир ШӘРӘФЕТДИНОВ, шағир, “Ағиҙел” журналының яуаплы секретары:
Мин ни өсөн “Башҡортостан” гәзитен алдырам?– “Башҡортостан” гәзите минең иң яҡын дуҫтарымдың береһе тиһәм, һис тә арттырыу булмаҫ. Уның йөҙө миңә бала саҡтан таныш. Өйөбөҙгә “Совет Башҡортостаны” килеүен түҙемһеҙлек менән көтөп ала торғайныҡ. Хәҙер инде “Башҡортостан” исемен йөрөткән дуҫымды әле лә һағынып ҡаршы­лайым.
Төрлө осорҙа “Башҡортостан”ды һәләтле мөхәррирҙәр етәкләне, унда һүҙ ҡәҙерен белгән хәбәрселәр ең һыҙғанып эшләй. Һуңғы йылдарҙа ғына баш мөхәррирҙәр Рәлиф Кинйәбаев, Нияз Сәлимов гәзиттең йөҙөн һәм эстәлеген яҡшыртыу йәһәтенән ҙур эш башҡарҙы, әле Азамат Юлдашбаев, үҙенсәлекле алымдар ҡулланып, уны тағы ла байытып ебәрҙе.
Ғөмүмән, яратҡан гәзитем һәр саҡ рухи байлыҡ тейәп килә. Үкенескә ҡаршы, заман еле матбуғат өлкәһендә лә “туҙан” туҙҙырып иҫә. Бөгөн гәзит-журналдар алдырыу­сыларҙың һаны, ҡырғын төшкәндәй, кәмегәндән-кәмей бара. Уйлап ҡара­һаң, аслыҡ заманында йәшәмәйбеҙ, өҫтәлдәрҙән ризыҡ өҙөлмәй. Һәр йортта тиерлек еңел машина, ә улар­ҙың хаҡы миллиондарса һум менән иҫәпләнә. Ике-өс ҡатлы йорттарҙа, иркен фатирҙарҙа йәшәү тураһындағы уй беҙҙең ата-бабаларыбыҙҙың башына ла инеп сыҡмаған. Улар, аслы-туҡлы булһалар ҙа, матбуғат баҫ­ма­ларын алдырмай ҡалмаған, сөнки матди байлыҡҡа ҡарағанда рухи байлыҡты өҫтөн ҡуйғандар.
Заман йәштәренең уйында хәҙер матбуғат баҫмаларын уҡыу түгел, нисек булһа ла ҡыйбатлыраҡ компьютерҙы, смартфонды ҡулға эләктереү хәстәре. Тураһын әйткәндә, рухи ярлылыҡ милли һәләкәткә килтерә. Илем, телем, халҡым тип йәшәмәгән кешенән нимә өмөт итәһең инде! Уның өсөн үгеҙ үлһә – ит, арба ватылһа – утын. Сер түгел, фажиғә юлынан алып бара торған ошондай фекерле тотош быуын үҫеп сыҡты. Әлбиттә, барыһын да бер ҡалыпҡа һалып булмай, ләкин, нимә генә тиһәк тә, күңелдәрен вайымһыҙлыҡ биләгән йәштәр артҡандан-арта бара. Был бәләнән ҡотолоу өсөн матбуғат баҫмаларын яҙҙырыуға дәүләт тарафынан да иғтибар артырға тейеш, минеңсә. Сығынлап юлдан сыҡҡан атты сыбыртҡы менән дә тура юлға төшөрәләр. “Көсләп матбуғатҡа яҙҙы­рып булмай” тип кенә тынысланырға ярамай, юғиһә аҙаҡ һуң булыуы ихтимал. Әгәр рухиәттән ҡолаҡ ҡағабыҙ икән, кешене һәләкәттән матди байлыҡ ҡотҡара алмаясаҡ. Нәфсенең сиге юҡ, миллион булһа, миллиард етмәйәсәк... Уға бары тик кешенең рухи ҡәлғәһе генә сик ҡуя ала.
Шуныһы йөрәкте телә: шау баш­ҡорттар ғына йәшәгән ауылдарҙа күп осраҡта бер-ике кеше генә матбуғат баҫмаһына яҙыла. Улары ла йә уҡытыусы, йә китапханасы... Хал­ҡыбыҙ был вайымһыҙлыҡтан ҡасан арыныр, ғәфләт йоҡоһонан ҡасан уяныр? Бының бер генә юлы бар: матбуғат баҫмаларын алдырыу.
Ҡыҫҡаһы, “Башҡортостан” гәзите һәр башҡорттоң рухи паспорты булырға тейеш!



Беҙҙе Яндекс Дзен лентаһында уҡығыҙ
Комментарий өҫтәргә






Юл – яҡшы тормош көҙгөһө

Юл – яҡшы тормош көҙгөһө 18.09.2018 // Йәмғиәт

Баш ҡалабыҙҙа юл селтәрен киңәйтеүгә биш миллиард һум аҡса йүнәлтеү күҙаллана. Өфө хакимиәтенең юл...

Тотош уҡырға 20

“Форум сәйәсмәндәр өсөн түгел, ә эшҡыуарҙар өсөн кәрәк”

“Форум сәйәсмәндәр өсөн түгел, ә эшҡыуарҙар өсөн кәрәк” 18.09.2018 // Йәмғиәт

18—19 октябрҙә Өфөлә ШОС һәм БРИКС илдәре төбәктәрендәге бәләкәй эшҡыуарлыҡтың IV форумы уҙғарыла....

Тотош уҡырға 27

Ауыл урамынан шатлыҡ үтә...

Ауыл урамынан шатлыҡ үтә... 18.09.2018 // Йәмғиәт

Ибрайҙа юл асылыуға халыҡтың сикһеҙ һөйөнгәне....

Тотош уҡырға 17

Бәрәкәт ҡасмаһын

Бәрәкәт ҡасмаһын 18.09.2018 // Йәмғиәт

Нигеҙ ҡороу Нигеҙ ҡоролаһы урынға тәүҙә ҙур аҡ таш һалалар. Уны тупһаға һалыу йолаһы ла бар. Кесе...

Тотош уҡырға 18

Изгелек хисе һүрелмәһен

Изгелек хисе һүрелмәһен 18.09.2018 // Йәмғиәт

Башҡорт дәүләт медицина университетында Федерация Советының фән, белем һәм мәҙәниәт буйынса комитет...

Тотош уҡырға 25

Ипотека алғандар арта

Ипотека алғандар арта 17.09.2018 // Йәмғиәт

Быйыл һигеҙ айҙа “Росреестр”ҙың Башҡортостан идаралығы күсемһеҙ милеккә хоҡуҡтар реестрына ипотека...

Тотош уҡырға 29

Янғын хәүефе тыуһа…

Янғын хәүефе тыуһа… 17.09.2018 // Йәмғиәт

Рәсәй Ғәҙәттән тыш хәлдәр министрлығының республика идаралығы рәсми сайттағы ашығыс белдереүендә...

Тотош уҡырға 30

“Төркиҙәр алтыны”нда – беҙҙекеләр

“Төркиҙәр алтыны”нда – беҙҙекеләр 17.09.2018 // Йәмғиәт

Калуга өлкәһендә III “Төркиҙәр алтыны” Бөтә Рәсәй төрки йәштәр форумы асылды. Ул Рәсәй халыҡтары...

Тотош уҡырға 31

Бер аҙнаға машинаңдан баш тарт…

Бер аҙнаға машинаңдан баш тарт… 17.09.2018 // Йәмғиәт

Өфөлә “Эшкә велосипедта” акцияһы башланды. Унда теләге булған һәр кем ҡатнаша ала. Бының өсөн ике...

Тотош уҡырға 28

Иғтибар: “Башҡортостан ҡоштары” конкурсы

Иғтибар: “Башҡортостан ҡоштары” конкурсы 17.09.2018 // Йәмғиәт

Уҡыусыларҙы VIII “Башҡортостан ҡоштары” республика балалар интернет-конкурсында (йәй/көҙ...

Тотош уҡырға 32

Башҡортостанда экотехнопаркта ҡалдыҡтарҙан пластик һәм альтернатив яғыулыҡ етештерәләр

Башҡортостанда экотехнопаркта ҡалдыҡтарҙан пластик һәм альтернатив яғыулыҡ етештерәләр 17.09.2018 // Йәмғиәт

Башҡортостанда беренсе экотехнопаркта ҡалдыҡтарҙан пластик һәм альтернатив яғыулыҡ етештерәләр....

Тотош уҡырға 37

Рөстәм Хәмитов: «Башҡортостан артабан да Рәсәйҙең баллы баш ҡалаһы итеп күрһәтелә»

Рөстәм Хәмитов: «Башҡортостан артабан да Рәсәйҙең баллы баш ҡалаһы итеп күрһәтелә» 17.09.2018 // Йәмғиәт

2021 йылда республикала XLVII «Апимондия» халыҡ-ара умартасылыҡ конгресын уҙғарыу Башҡортостанға...

Тотош уҡырға 33